अभिनव प्रयोगाचा प्रवास... स्वत:च्या आयुष्याची वाट निवडायची संधी खूप कमी लोकांना मिळते. त्यानंतर स्वीकारलेल्या संधीला न्याय देण्याची जबाबदारी मात्र पूर्णत: तुमची होऊन जाते. मुंबईच्या आयटी क्षेत्रात धावपळीचे, ताणतणावयुक्त आयुष्य जगत असताना आर्थिकदृष्टा सक्षम झालेल्या पण कुठेतरी शांतता, आनंद, शरीरस्वास्थ्यापासून दुरावत चाललेल्या एका माणसाची जीवनाला कलाटणी आणि प्रफुल्लित करणारी गोष्ट म्हणजे कॉर्पोरेट क्षेत्राला रामराम,शेतीला सलाम हे पुस्तक आहे. वेंकट अय्यरलिखित या पुस्तकात आयटीक्षेत्रातील नोकरी ते मुंबईजवळील एका खेडयात जात तिथे सेंद्रिय शेती प्रवास शब्दबद्ध करण्यात आला आहे. लहरी हवामान आणि अनेक अडथळ्यांचा सामना करीत अय्यर यांनी निर्मिती केलेल्या एका विश्वाशी आपण पुस्तकाच्या रूपाने जोडले जातो. - दीपक कुलकर्णी ...Read more

कॉर्पोरेटमधील अधिकारी ते शेतकरी ! ग्रामीण सांस्कृतिक जीवन, खेडय़ातील स्वयंपूर्ण अर्थव्यवस्था याबद्दलचं अनुभवपर भाष्य या पुस्तकात केलेलं आहे... मोठय़ा कॉर्पोरेट कंपनीतली तगडय़ा पगाराची नोकरी सोडून शेतीकडे वळलेल्या आणि पुढे ग्रामीण जीवनपद्धतीतच रममाण झाेल्या वेंकट अय्यर यांची ही कहाणी दीपक कुळकर्णी यांनी अनुवादित केली आहे. आयबीएमसारख्या कंपनीत उच्चपदस्थ अधिकारी असलेले अय्यर शहरातली वाढती गर्दी, कॉर्पोरेटमधली स्पर्धा, धकाधकीचं जीवन यामुळे चिंतित झाले होते. अशा वातावरणापासून दूर जाण्यासाठी त्यांनी नोकरी सोडून शेती करण्याचा निर्णय घेतला. त्यामुळे अनेकांच्या भुवया उंचावल्या, मात्र आपल्या निर्णयावर ठाम असलेले अय्यर नव्या आव्हानांसाठी सज्ज होते. नोकरी सोडल्यानंतर त्यांनी शेतजमीन विकत घेतली. त्या जमिनीची मशागत, संपूर्णपणे रसायनविरहित शेती करताना येणाऱ्या अडचणी, बदलत्या हवामानाचा पिकावर होणारा परिणाम अशा कित्येक गोष्टी या पुस्तकात सविस्तरपणे सांगितल्या आहेत. तसेच ग्रामीण सांस्कृतिक जीवन, खेडय़ातील स्वयंपूर्ण अर्थव्यवस्था याबद्दलचं अनुभवपर भाष्य या पुस्तकात केलेलं आहे. ...Read more