* Front & back cover images are for illustration purposes only and the price of book is sold separately.
  • Original Book Title: THE KITE RUNNER
  • Availability : Available
  • Translators : Vaijyanti Pendse
  • ISBN : 9788177668919
  • Edition : 4
  • Weight : 0.00 gms
  • Pages : 352
  • Language : Translated From ENGLISH to MARATHI
  • Category : FICTION
  • Available in Combos :KHALED HOSSEINI COMBO 3 BOOKS
Quantity
AMIR, A TWELVE YEAR OLD BOY DECIDES TO PARTICIPATE AND WIN THE LOCAL KITE RACE JUST TO GET PRAISED FROM HIS FATHER. HIS LOYAL FRIEND HASAN PROMISES TO HELP HIM. BUT SOMETHING HAPPENS ON THE EVENING OF THE KITE RACE CHANGING THE LIVES OF BOTH FRIENDS. IN 1970, WHEN THE RUSSIAN ARMY INVADED AFGHANISTAN, AMIR`S FAMILY HAD TO FLEE FROM THEIR COUNTRY. WHILE IN AMERICA, AMIR ALWAYS FELT THAT ONE DAY HE HAS TO GO BACK TO HIS HOMETOWN, THE PLACE FROM WHERE HE HAS HAD TO FLEE AWAY. HE KNEW THAT THE RICH LIFE IN THIS NEW WORLD WOULD NEVER GIVE HIM PUNISHMENT FOR THE DEEDS HE DID IN HIS PAST, THE UNPARDONABLE SIN.
’द काइट रनर’ ही कथा आहे आमिर आणि हसन या दोन मुलांची. आमिर हा उच्चभ्रू श्रीमंत घराण्यात जन्मलेला मुलगा. ज्याला स्वत:मध्ये असणाऱ्या उणिवांवर मात करायची आहे. हसन आमिरचा चाकर आहे. या दोघांची मैत्री जगावेगळी आहे. त्यांचं स्वत:चं असं भावविश् व आहे. आपल्या मालकावर प्रामाणिकपणे प्रेम करणारा हसन सदैव त्याच्यासाठी काहीही करायला तयार आहे. मात्र एका संध्याकाळी घडलेल्या भयानक घटनेमुळे या दोघांचे भावविश् व उद्ध्वस्त होऊन जाते. खालिद हुसैनी यांची खिळवून ठेवणारी प्रेरणादायक कथा.
Video not available
Keywords
#KHALEDHOSSEINI #VAIJAYANTIPENDSE #AAMIR #RAHIMKHAN #PAKISTAN #PATANG
Customer Reviews
  • Rating StarSuhas Birhade

    १९७० च्या दशकातील अफगाणिस्तानमधील आमिर आणि हसन या दोन मित्रांची ही कथा. त्यावेळी आफगाणिस्तान सुंदर, सुजलाम होतं. सोव्हिएत रशियनच्या अतिक्रमणाला नुकतीच सुरवात झाली तो हा काळ होता. आमिर हा सुन्नी जातीतला आणि श्रीमंत. तर हसन शियापंथातला म्हणजे दुय्यम समल्या जाणाऱ्या हजारा जातीतला. हसन हा आमिरच्या नोकराचा मुलगा. पण दोघांची अतूट मैत्री. एकत्र बागडणं, खेळणं.. दोघांचे रम्य बालपण सुरू असताना एक घटना घडते जी हसन आणि आमीरचं आयुष्य बदलवून टाकते. नात्यात दूरावा निर्माण होतो. हसन आमिरपासून दूर जातो. मग आमिरही वडिलांसह अमेरिकेत स्थायिक होतो. काळ बदलतो. आमिर अमेरिकेत स्थिरावून लग्न करतो. पण बालपणीच्या रम्य दिवसांनी, हसनच्या आठवणींने व्याकूळ होतो. या काळात तालीबान्यांची राक्षसी राजवट अफगाणिस्तानात थैमान घालत असते. हसनचा शोध घेताना भूतकाळात डोकावताना आमिरला अनेक कटू सत्याला सामोरं जावं लागतं. आजवरच्या हतबलपणाच्या प्राय़श्चितासाठी आणि हसनबरोबरच्या मैत्रीला जागण्याचा, मैत्रीला न्याय देण्याचा निर्णय़ आमिर घेतो. जीव धोक्यात घालून काबूलला येतो आणि आपलं ध्येय पुर्ण करायचा प्रयत्न करतो. अनेक नाट्यमय घडामोडी घडतात. ``काईट रनर`` ही खालीद हुसेनी यांची बेस्ट सेलर कांदबरी. याच नावाने आलेल्या सिनेमाने अनेक पुरस्कार आणि नामांकने (Nominations) पटकावले. अनेक भाषांमध्ये ही कांदबरी अनुवादीत झालीय. कादंबरीत तालिबानी राजवट, विषारी वंशवाद आणि उध्दवस्त अफगाणिस्तान उलगडतो. उत्तम आणि वास्वदर्शी कथानक असले तरी कांदबरी अतिशय पाल्हाळ लावणारी आहे. विनाकारण अनेकदा रटाळ झाली आहे. पण नंतर ती वेग घेते. कादंबरी मानवी भाव भावनांना हात घालते. ...Read more

  • Rating StarSangeeta Deshmukh-Deshpande

    मी कालच `द काइट रनर` हे पुस्तक वाचून संपवलं.लेखक खालिद हुसैनी , अनुवाद वैजयंती पेंडसे.अफगाणिस्तानची पार्श्र्वभूमी, तालिबानी राजवटीपूर्वीची व नंतरची.एका १२ वर्षाच्या मुलाची भावनिक, मानसिक घालमेल, दोन लहानग्यांच्या मैत्रीची ही कादंबरी गुंतवून ठेवते अखेपर्यंत... ...Read more

  • Rating StarDAINIK SAKAL, SAPTARANG 02-12-2007

    ‘द काइट रनर’ थक्क करणारी कथा... काहीतरी करण्यासाठी आसुसलेला बारा वर्षांचा आमिर. पतंगांची स्थानिक दंगल (स्पर्धा) जिंकण्याचा निश्चय करतो. त्याचा इमानी दोस्त हसन त्याला मदत करण्याचं वचन देतो आणि पाळतोही! त्या दंगलीच्या दिवशी संध्याकाळी घडलेल्या एका घटनमुळे या दोन लहानग्या मित्रांचं भावविश्व पार उद्ध्वस्त होऊन जातं... या उद्ध्वस्त विश्वाचा मागोवा घेणारी ही कथा. रशियन फौजांनी १९७० च्या दशकात अफगाणिस्तानवर कब्जा केला. त्यानंतर बऱ्याच अफगाणी लोकांना परागंदा व्हावं लागलं. कथानायक आमिरच्या कुटुंबालाही देश सोडून अमेरिकेच्या आश्रयाला जाणं भाग पडलं. अमेरिकेत जाऊनही ना आमिर त्याची पाळंमुळं रोवू शकला ना त्याचे वडील. त्यांची तगमग, अस्वस्थता सांगणारी ही कथा. आपल्या वडिलांच्या नजरेत भरण्याजोगं, त्यांचं कौतुक मिळवण्याजोगं काहीतरी करण्यासाठी आसुसलेला बारा वर्षांचा आमिर, पतंगांची स्थानिक दंगल (स्पर्धा) जिंकण्याचा निश्चय करतो. त्यांचा इमानी दोस्त हसन त्याला मदत करण्याचं वचन देतो आणि पाळतोही! त्या दंगलीच्या दिवशी संध्याकाळी घडलेल्या एका घटनेमुळे या दोन लहानग्या मित्रांचं भावविश्व पार उद्ध्वस्त होऊन जातं... या उद्ध्वस्त विश्वाचा मागोवा घेणारी ही कथा. अमेरिकेत गेल्यानंतरही आमिरच्या मनात एक जाणिव सतत जागृत असते, ती म्हणजे एक ना एक दिवस, कधीतरी त्याला जरूर परतावं लागणार आहे. नव्या जगातलं त्याचं समृद्ध-सुखवस्तू आयुष्यही त्याला कधीच देऊ शकणार नाही अशा गोष्टीसाठी ती म्हणजे ‘प्रायश्चित’! या प्रायश्चिताची ही कथा. कादंबरीच्या भाषेत एक कोवळेपणा, सच्चेपणा अहो. स्वत:मधल्या उणिवांवर, कमतरतेवर मात करण्यासाठी धडपडणारा आमिर हा या कथेचा नायक असला, तरी हसनचं अबोल-निष्कपट, सदैव बलिदानाला तयार असलेलं प्रेम आपल्या मनात घर केल्यावाचून राहात नाही. मित्रासाठी काहीही करायला तयार असलेल्या हसनचं वाक्य आपल्या मनात रुंजी घालत राहतं... ‘तुमच्यासाठी हजारो वेळा, आमिरआगा’! दरशब्दांगणिक नवा अनुभव देणारी, थक्क करून टाकणारी ही कादंबरी ‘द काईट रनर’. खालिद हुसैनी या लेखकाच्या इंग्रजी कादंबरीचा अनुवाद केलाय वैजयंती पेंडसे यांनी. जगभरातल्या उत्तमोत्तम साहित्याचा मराठीत तितकाच समर्थपणे अनुवाद करण्याची परंपरा ‘मेहता प्रकाशन’ने राखली आहे. चंद्रमोहन कुलकर्णी यांनी साकारलेलं मुखपृष्ठही साजेसं. एकूणच, एकीकडे मन समृद्ध करणारी आणि तेव्हाच हादरवून टाकणारी ही कादंबरी आवर्जून ‘वाचलीच पाहिजे’ अशी आहे. ...Read more

Write Your Own Review
  • Default typing language is Marathi. To type in English press Ctrl+G key combination
Submit Review

Related Books

People Who Bought This Item Also Bought

Latest Reviews

TRISHANKU
TRISHANKU by SUDHA MURTY Rating Star
Divya Marathi 14.12.19

मिथक कथांचा तपशीलवार वर्णनात्मक आढावा असणाऱ्या कथा... श्रीराम आणि श्रीकृष्ण ही भारतीयांची आराध्य दैवतं. या दोघांच्या कथा सगळ्यांना माहीत असल्या तरी त्यातील काही उपकथानकं किंवा आख्यायिका सगळ्यांना माहीत नसतात किंवा त्यातील बारीकसारीक तपशील माहीत नसता. तर या दोन्ही दैवतांच्या कथा त्या कथांमधील उपकथानकांसह, आख्यायिकांसह सुधा मूर्ती यांनी त्यांच्या `द अपसाइड डाउन किंग` या पुस्तकातून समोर आणल्या आहेत. राम ज्या वंशात जन्मला त्या सूर्यवंशातील दिलीप राजाची कथा यात अंतर्भूत आहे. दिलीप राजाने कामधेनूकडे दुर्लक्ष केलं म्हणून देवांनी त्याला शाप दिला, की जोपर्यंत तुला गायीचं महत्त्व कळणार नाही, तोपर्यंत तू निपुत्रिक राहशील. त्यानंतर वसिष्ठ मुनींनी त्याला नंदिनी नावाची गाय भेट म्हणून दिली. दिलीप राजाने आपल्या राज्याचा त्याग करून पत्नीसह नंदिनीची खूप सेवा केली आणि त्यांना पुत्रप्राप्ती झाली. मुलाचं नाव ठेवलं रघू. रघू पराक्रमी होता. त्याने वडिलांचं राज्य परत मिळवलं. रघूने सूर्यवंशाचं नाव इतकं उज्ज्वल केलं, की सूर्यवंश रघुवंश म्हणून ओळखला जाऊ लागला. अज हा रघूचा मुलगा, त्याच्याबाबतीतलं छोटंसं कथानक, अजाचा मुलगा दशरथ याचा उल्लेख, अशा रीतीने सूर्यवंशाची वंशावळ कथाभागासह समजते. मनोहर या वाटमाऱ्याची कथा यात आहे. वाटमाऱ्याचा वाल्मीकी कसा झाला, हा कथाभाग त्यात येतो. ईक्ष्वाकु वंशाचा बहू राजा, त्याला राज्य गमावून आपल्या दोन राण्यांसह भार्गव ऋषींच्या आश्रमात घ्यावा लागलेला आश्रय. तिथे त्याच्या मुलाचा सगराचा झालेला जन्म, सगराने वडिलांचं राज्य परत मिळविणे, सगराच्या दोन राण्या, त्यातील एकीला साठ हजार पुत्रांची झालेली प्राप्ती, त्यांनी सुमद्राची केलेली निर्मिती इ. कथाभाग बहू राजाच्या कथेत येतो. वसिष्ठ मुनींचा निमी राजावर झालेला रोष आणि त्याने त्यांच्याकडे मागितलेला वर याची कथा, भगिरथाने गंगेला पृथ्वीवर का आणि कसं आणलं ही कथा, सत्यव्रत त्रिशंकू का झाला, हरिश्चंद्राला किती दिव्यांमधून जावं लागलं, कौशेट्याच्या कथेचा विजयादशमीच्या सोनं लुटण्याशी असलेला संबंध, रावणाच्या जन्माची, त्याच्या विवाहाची, त्याला मिळालेल्या चार शापांची, त्याला शंकराकडून मिळालेल्या आत्मलिंगाची, रावणाच्या भावांची इ. रावणाशी संबंधित कथा या पुस्तकात समाविष्ट आहेत. हनुमानाशी संबंधित कथा, सीतेने दशरथासाठी केलेलं वाळूचं पिंडदान, राम-लक्ष्मण भरत-शत्रुघ्न यांचं महानिर्वाण इ. रामायणातील अनेक कथांचा समावेश या पुस्तकात केला गेला आहे. महाभारतातील कथांची सुरुवात होते चंद्रवंशापासून. या वंशातील राजा ययातीच्या कथेत चंद्रवंशाचे पुरुवंश आणि यदुवंश असे दोन भाग कसे झाले, हा कथाभाग येतो. कृष्णाशी संबंधित अनेक कथा यात आहेत. त्यात स्यमंतक मण्याची कथा आहे. त्या कथेतच सत्यभामा आणि जांबुवंतीशी कृष्णाच्या झालेल्या विवाहाचं उपकथानक आहे. कृष्णाचे शत्रू, त्याला झालेली अश्व आणि रथाची, शंखाची प्राप्ती, नरकासुर वध, कृष्णाचा पुत्र प्रद्युम्न आणि शबरासुराची कथा, प्रद्युम्नाचा पुत्र अनिरुद्ध आणि बाणासुराची कन्या उषा यांची प्रेमकथा, कृष्णाच्या राण्यांची कथा, वर्धन आणि सत्यवतीची कथा, साडेतीन रत्नांची कथा, गया राक्षसाची, उंदक ऋषींची कथा आणि कृष्णाच्या अंताची कथा इ. उपकथानकांसह, अाख्यायिकांसह या पुस्तकात अंतर्भूत केल्या अाहेत. या पुस्तकाचं वैशिष्ट्य म्हणजे या घटना अापल्या देशात काेणत्या भागात घडल्या अाणि अाता ताे प्रदेश काेणत्या नावानं अाेळखला जाताे, या विषयीही या पुस्तकातून माहिती मिळते. जसे गया राज्याच्या बलदंड व विस्तृृत छातीवरच युद्ध झाल्याने त्याला मरण पत्करावे लागले; पण जेथे हे युद्ध घडले, ती जागा बिहार राज्यातील गया नावानेच प्रसिद्ध आहे. आजही तेथे मृत्यूनंतरचे संस्कार केल्याने मोक्ष मिळतो असे म्हणतात. कर्नाटकातील गोकर्ण येथे रावणाने आत्मलिंग जमिनीवर ठेवल्याचा प्रसंग घडला व ते रावणाने तेथून उचलण्याच्या प्रयत्नांत ओढले गेल्याने गाईच्या कानासारखा आकार प्राप्त झाल्याचे आजही पहायला मिळते. असे अनेक संदर्भ या कथांच्या अनुषंगाने आपल्यासमोर येतात. महत्त्वाच्या घटनांच्या अपरिहार्यतेला कारणीभूत ठरलेले प्रसंग उदा. रावणाला चार प्रसंगांत चार जणांकडून शाप मिळाला. त्या चार शापांचं फलित होतं, त्याचा रामाकडून झालेला वध. हनुमानाचं पाताळात जाणं, राम काळाशी बोलत असताना व्यत्यय न आणण्याची अगदी महत्त्वाची सूचना लक्ष्मणाला दिलेली असताना दुर्वासांचं तिथं येणं, लक्ष्मणाला राम आणि काळ यांच्या संभाषणात व्यत्यय आणणं भाग पाडणं, या प्रसंगांची परिणती राम आणि लक्ष्मणाच्या मृत्यूच्या अटळतेत होते. तेव्हा एकमेकींमध्ये गुंफलेल्या या कथारूपी कड्या वाचकाला गुंतवून ठेवतात आणि त्याचं रंजनही करतात. राम आणि कृष्ण हे देव असूनही मानव जन्मात त्यांना जे दुःख भोगावं लागलं, ते त्यांनी धीरोदात्तपणे भोगलं. त्यामुळे माणसाने दुःख भोगताना मनाचा तोल सांभाळला पाहिजे, असा संदेश या कथांमधून मिळतो; तसेच वाईट गोष्टीचे फळ वाईट मिळते आणि चांगल्या गोष्टीचे फळ चांगले मिळते, असाही एक संदेश या कथांमधून अधोरेखित होतो. सुधा मूर्तींच्या मूळ रसाळ कथनाचा ओघ लीना सोहोनींनी मराठीतही कायम ठेवल्याने वाचक पुस्तक वाचून पूर्ण केल्यावरच खाली ठेवतो. ...Read more

YAYATI
YAYATI by V. S. KHANDEKAR Rating Star
Vijay Andhere

वि . स खांडेकरांची गाजलेली ययाती... देवयानी आणि ययाती यांच्या निखळ प्रेमाची साक्ष देणारी ययाती...