* Front & back cover images are for illustration purposes only and the price of book is sold separately.
  • Original Book Title: WINNING IN TROUBLED TIMES
  • Availability : Available
  • Translators : GAURI GADEKAR
  • ISBN : 9788184989229
  • Edition : 1
  • Publishing Year : NOVEMBER 2015
  • Weight : 0.00 gms
  • Pages : 232
  • Language : Translated From ENGLISH to MARATHI
  • Category : SELF HELP, HEALTH & PERSONAL DEVELOPMENT
Quantity
Buying Options:
  • Print Books:
CREFLO A. DOLLAR SHARES TRANSFORMING WAYS TO DEAL WITH THE CHALLENGES, HARDSHIPS, AND OPPORTUNITIES EVERYONE FACES TODAY. HE EQUIPS READERS TO MOVE BEYOND TRIALS IN AREAS SUCH AS MARRIAGE, FAMILY, FINANCES, RELATIONSHIPS, PARENTING, CAREER, AND HEALTH. EVEN THOSE SUFFERING FROM PERSONAL STRUGGLES AND ADDICTIONS CAN CLAIM VICTORY AND HEALING THROUGH FAITH IN GOD`S WORD. WITH THE RIGHT ATTITUDE AND MIND-SET, ANYONE CAN OVERCOME LIFE`S OBSTACLES AND MOVE ON TO MAXIMUM LIVING. READERS WILL DISCOVER THE KEYS TO ACQUIRING CHARACTER, HOPE, AND ANSWERS NECESSARY FOR GROWTH AND EXCELLENCE. DR. DOLLAR EQUIPS READERS WITH THE TOOLS NEEDED TO TRANSFORM THEIR THINKING, BRING THIS MESSAGE OF HOPE INTO EVERYDAY PRACTICE, AND PRODUCE REAL RESULTS IN THEIR LIVES.
जीवनमार्गातल्या कठीण प्रसंगांवर मात करून निर्भयपणे जीवनपथावर चालण्याचं मार्गदर्शन ‘बायबल’चा आधार घेऊन या पुस्तकात करण्यात आलं आहे. जीवनातील आव्हानांचं रूपांतर यशात कसं करावं, विचारांचं रूपांतर आचरणात करून त्यातून उत्तम फळ कसं मिळवावं, मनातले संघर्ष, सत्त्वपरीक्षा, एवढंच नव्हे; तर व्यसनांवर श्रद्धेने मात कशी करावी, हे यात सहजसोप्या भाषेत समजावले आहे. महत्त्वाचे म्हणजे, यात सध्या सर्वांनाच भेडसावणाऱ्या नकारात्मक भावनांवर विजय कसा मिळवावा, हे तपशीलवारपणे सांगितलं आहे. पुस्तकातले भूतकाळाच्या ओझ्यातून मुक्ती, न्यूनत्वावर विजय, संदेह-निर्भत्र्सना; तसंच नैराश्यावर मात आदी विषयांवरचे चिंतन आणि उपाय उपयुक्त व उद्बोधक आहेत.

No Records Found
No Records Found
Keywords
"#MARATHIBOOKS#ONLINEMARATHIBOOKS#TRANSLATEDMARATHIBOOKS#TBC#TRANSLATEDBOOKS@50% #VADALATILDEEPSTAMBH #WINNINGINTROUBLEDTIMES #वादळातीलदीपस्तंभ #SELFHELPHEALTH&PERSONALDEVELOPMENT #TRANSLATEDFROMENGLISHTOMARATHI #GAURIGADEKAR CREFLO DOLLAR "
Customer Reviews
  • Rating StarDAINIK SAMANA 28-02-2016

    जीवनपथ दर्शक... डॉ. क्रेफ्ली डॉलर लिखित ‘विंनिंग इन ट्रबल्ड टाइम्स’ या पुस्तकाचा वादळातील दीपस्तंभ या नावाने गौरी गाडेकर यांनी अनुवाद केला आहे. माणसाला जगताना आयुष्यात अनेकदा कठीण प्रसंगांना सामोर जावं लागतं. त्यामुळे माणूस कधी कधी खचून जातो. हतबल हतो. नैराश्याने घेरला जातो. मनात नकळत नकारात्मक भावना प्रबळ होऊ लागतात. अशा वेळी संकटांवर मात करण्यासाठी संघर्ष करण्याचे बळ मिळवण्यासाठी व सकारात्मक विचार करण्यासाठी मानसिक आधाराची गरज असते. लेखक डॉ. डॉलर हे धर्मोपदेशक व माजी उपचारक म्हणून कार्यरत असल्याने त्यांनी बायबलचा आधार घेऊन माणसाला मार्गदर्शन करण्याचा स्तुत्य प्रयत्न केला. माणसाच्या आयुष्यात अनेक समस्या उभ्या राहत असतात. आर्थिक, कौटुंबिक, सामाजिक, वैचारिक अशा सर्व स्तरावर समस्या, संघर्ष यास त्याला तोंड द्यावे लागते. त्यासाठी सश्रद्धतेमुळे त्याला मानसिक बळ मिळते. माणसाला समृद्धीची ओढ असते. लेखकाच्या मते पैसा हा समृद्धीचा फक्त एक भाग आहे. आरोग्य, नातेसंबंध, संसार, कुटुंब याबाबतही समृद्धी आवश्यक असते. आयुष्यात प्रत्येक क्षेत्रात यशस्वी होणं ही खरी समृद्धी. येशू खिस्ताशी जवळचं नातं जुळते तेव्हा आत्मा समृद्ध होतो. तेव्हा माझे विचार, निर्णय भावना निकोप व दृढ होतात. लेखकाने बायबलमधील सात पायऱ्यांच्या उदाहरणातून हे पटवून देण्याचा प्रयत्न केला आहे. त्याचबरोबर श्रमाचे महत्त्व, कामावरील निष्ठा याचे महत्त्व सांगितले आहे. तिसऱ्या विभागात नकारात्मक भावनांवर विजय मिळण्यासंदर्भात मार्गदर्शन आहे. आयुष्यात सामोर जावं लागणाऱ्या मानसिक द्वेष, भावनिक आघात, दुखावलं जाणं अशा अनेक गोष्टींवर मात करण्यासाठी देवानेच तरतूद करून ठेवली आहे. ‘देवाच्या शब्दाच्या आधारे अंत:करणचं रक्षण करा’ हा मंत्र लेखक सांगतात. संदेह व न्यूनगंड हे प्रगतीतील अडथळे ठरू शकतात. त्यामुळे आपण श्रद्धेवर ठाम राहू शकत नाही. देवाच्या प्रेमाने मन व्यापून टाकणे. स्वत:च्या भावनांशी संवाद साधणे असे उपाय लेखक सुचवतात. लोक चुकतात. पथभ्रष्ट होतात तेव्हा येशू आपल्याला क्षमा करतो. जवळ बोलावतो. लेखक म्हणतात, पापांची कबुली दिल्याने आपण त्यातून मुक्त होतो. देवाची आपल्यावरील प्रेमाची जाणीव व विश्वास यामुळे भीतीवर मात करता येते. स्वत:ला बदलता येते. ...Read more

Write Your Own Review
  • Default typing language is Marathi. To type in English press Ctrl+G key combination
Submit Review
PLEASE SEND YOUR AUDIO REVIEW ON editorial@mehtapublishinghouse.com

Related Books

People Who Bought This Item Also Bought

Latest Reviews

RADHEYA
RADHEYA by RANJEET DESAI Rating Star
विश्वजीत श्रीपती शिंत्रे.

राधेय.... लेखक रणजित देसाई... मित्र कसा असावा...कर्णासारखा दातृत्व कसं असावं...कर्णासारखं असा हा कर्ण... त्याला अंगराज म्हणावं, दान देणारा दाता म्हणावं, राधेय म्हणावं कि कौतेय... काहीही म्हणा पण कर्णासारखा दाता कर्णानंतर कधी झाला नाही आणि कधी होणरही नाही... रणजित देसाई लिखीत कर्णचरीत्र राधेय आज हातावेगळं झालं ते अश्रुभरल्या नयनांनी...ज्याचा अंत करायला स्वतः देवाधिदेव कृष्णाला अर्जुनाचं सारथ्य करावं लागलं यातच अंगराज कर्णांचं विरत्व अधोरेखीत होत आहे. जन्मापासुन ज्याला केवळ सुतपुत्र म्हणुन वागणुक मिळाली असा तो कर्ण स्वतःच्या बळावर इतका महान लढवय्या बनला. पुस्तकाच्या प्रास्ताविकात देसाईंनी म्हटलं आहे की राधेय मधला कर्ण महाभारतात शोधायची गरज नाही. प्रत्येकाच्या मनातच तो दडलेला असतो, कदाचित आपल्या मनाची चार पाने उलटलीत, तर त्यात हा कर्ण दिसेल. त्याचं दु:खं, पोरकेपण आणि त्यातून पार होवून एक अनोखी ऊंची गाठणारं त्याचं दातृत्व, व्यक्तित्व याचं एक भव्य, शोकात्म चित्र राधेय मधून उभं राहतं. राधेय या कादंबरीत रणजित देसाईंच्या शब्दांनी कर्णाची अनेक रुपे अनुभवता आली. त्यामध्ये राधाई आणि वृषाली सोबतचा कर्ण, दुर्यौधनासोबतचा कर्ण, कृष्णासोबतचा कर्ण, रणांगणावरचा कर्ण आणि नदीकाठी पाठमोरा ऊभा राहत दान करत असलेला कर्ण अशा अनेक रुपांनी प्रत्येकवेळी वेगळा भासला. वृषसेन आणि चक्रधराच्या मृत्युने हळवा झालेला कर्णही वाचकाच्या डोळ्यातही पाणी आणवतो... समोर मृत्यु दिसत असताना सुध्दा केवळ दिलेल्या वचनामुळे हातातील धनुष्याचा त्याग करुन शस्त्रहिन हेणारा कर्ण रणजित देसाईंच्या शब्दांमुळे आजन्म लक्षात राहील. कर्णासारखं होणं कुणालाही कदापि शक्य नाही पण त्यातला एखादा जरी चांगला गुण अंगी बाळगण्याचा प्रयत्न प्रत्येकाने नक्कीच केला पाहीजे... प्रत्येकाच्या संग्रही असावं आणि एकदा तरी वाचावं असं पुस्तक रणजित देसाई लिखीत...राधेय... © विश्वजित शिंत्रे. ...Read more

BAJIND
BAJIND by PAHILWAN GANESH MANUGADE Rating Star
विश्वजीत श्रीपती शिंत्रे.

काही पुस्तकं अशी असतात कि कितीही वेळा वाचली तरीही त्या पुस्तकाचा कंटाळा येत नाही. पुन्हा पुन्हा वाचावं असं वाटतं आणि त्याची पारायणं होतचं राहतात. असचं एक पुस्तक म्हणजे *पै.गणेश मानुगडे* लिखीत *बाजिंद.* *बाजिंद* हे एक असं रसायन आहे जे प्रत्ेकाला अक्षरशः वेड लावतं. साधारण चार पाच वर्षांपुर्वी पहील्यांदा वाचलं होतं, त्यानंतर बर्‍याचवेळा आणि आज पुन्हा एकदा. त्याबद्दलची एक सुंदर आठवण म्हणजे माझ्या बहिणीच्या गरोदरपणाच्या दिवसात ग्रहण लागलं होतं आणि त्या ग्रहणकाळात तिला मी *बाजिंद* वाचुन दाखवलं होतं, असं हे पुस्तक. कुस्ती, प्रेमकथा, हेरगिरी, गुढ रहस्यमय बाजिंदचं जंगल, पशु-पक्षी व हिंस्र जनावरांची भाषा, बहीर्जी नाईक आणि अवघ्या हिंदुस्थानाचे आणि मराठी मनाचे आराध्यदैवत *श्रीमंतयोगी छत्रपती शिवाजी महाराज* असा या पुस्तकाचा प्रवास. शेवटाला अंगावर काटा आला कि समजावं आपण या पुस्तकाच्या प्रेमात पडलोय. रायगडच्या डोंगरदरीत वसलेल्या धनगरवाडीचा सखाराम धनगर आणि त्याच्यासोबत मल्हारी, सर्जा आणि नारायण निघालेत छत्रपती शिवरायांना भेटायला. कारण टकमक टोकावरुन ज्या गद्दारांचा कडेलोट व्हायचा ती प्रेतं येऊन पडायची ती थेट धनगरवाडीच्या आसपासच्या जंगलात आणि त्यामुळे आसपासच्या परीसरात जंगली जनावरांचा सुळसुळाट खुप वाढला होता. त्यांची मेजवानी व्हायची पण जर कधी कडेलोट नसायचा तेव्हा ती हिंस्त्र जनावरं आसपासच्या लोकवस्तीत शिरायची. हिच कैफियत मांडायला सखाराम धनगर आणि इतर मंडळी रायगडी निघतात. त्यानंतरचा त्यांचा प्रवास आणि कथा वाचकाला इतकी गुरफटवुन टाकते कि शेवटच्या पानावरची शेवटची ओळ कधी वाचुन संपते, कळतही नाही. त्यांची स्वराज्यहेर खंडोजीची भेट मग सावित्री, वस्तादकाका, वाचतानाही भितीदायक दिसणारं जंगल, कधीही न पाहीलेलं महादेवाचं मंदीर, खंडोजीचा असणारा ट्विस्ट आणि मग बहिर्जी नाईक आणि मग थेट रायगड आणि महाराज, सगळं प्रत्यक्षात आपल्यासमोर घडतयं कि असा भास निर्माण करणारं असं हे पुस्तक. एखाद्या चित्रपटालाही लाजवेल अशी कथा, एकदा वाचली कि पुन्हा एकदा वाचण्याचा मोह आवरता येत नाही अशी कथा, ज्यामध्ये असं बरचं काही जे वाचल्याशिवाय कळणार नाही. अजुन एक असं कि सातासमुद्रापार जगातील अव्वल गणली जाणारी इस्त्राईलची गुप्तहेर संघटना मोसाद यांच्या अभ्यासक्रमात बहिर्जी नाईक आणि आपलं हेरखातं शिकवलं जातं अशी अभिमान वाटणारी घटना आपल्या राज्यात घडलीय त्याचीच हि गोष्ट...बाजिंद... ...इकडे खंडोजीने सावित्रीला उचलुन जंगलातुन बरेच बाहेर आणले होते. पुढे डोंगराची कडेतुट होती आणि हजारो हात खोल फेसाळणार्‍या नदीचे विशाल पात्र...खंडोजीने एकदा मागे पाहीले आणि ताडले कि शिर्क्यांची फौज पाठलाग करत आहे...त्याने कशाचाही विचार न करता सावित्रीसह स्वतःला त्या कडेतुट वरुन त्या विशाल नदीच्या पात्रात झोकुन दिले...आणि... त्यासाठी वाचा *पै.गणेश मानुगडे* लिखीत...*बाजिंद..!!!* © विश्वजीत श्रीपती शिंत्रे. मु.पो.इंचनाळ, ता.गडहिंग्लज,जि.कोल्हापुर ०९९२२३१३९१९ ...Read more