DALE CARNEGIE WAS AN AMERICAN WRITER AND LECTURER, AND THE DEVELOPER OF COURSES IN SELF-IMPROVEMENT, SALESMANSHIP, CORPORATE TRAINING, PUBLIC SPEAKING, AND INTERPERSONAL SKILLS

लोकप्रिय लेखक आणि प्रशिक्षक असलेल्या कार्नेगी यांचा जन्म मिसुरीतील एका गरीब शेतकरी कुटुंबात झाला. बालपण कष्टप्रद असूनही त्यांनी आपले शिक्षण पूर्ण केले, आणि नंतर त्यांनी आर्मर अ‍ॅन्ड कंपनी च्या विक्री विभागामध्ये यशस्वी कामगिरी बजावली. व्याख्याता होणे हे त्यांचे स्वप्न होते आणि म्हणून त्यांनी ती कंपनी सोडली होती. कार्नेगी खासकरून प्रसिद्ध आहेत, ते व्याख्याते व स्वसुधार समितीचे उद्गाते म्हणून. त्यांनी संवादकला व व्यक्तिमत्त्व सुधारणा या विषयांवर लिहिलेली पुस्तके विशेष गाजली असून सर्वाधिक विक्री झालेल्या पुस्तकांमध्ये त्यांचा समावेश होतो. त्यांच्या वैयक्तिक कौशल्य व व्यक्तिमत्त्व सुधारणा प्रशिक्षण कार्यक्रमांचा लाभ आजवर अनेक कॉर्पोरेट संस्थांनी व विविध क्षेत्रांतील अनेक लोकांनी घेतला आहे व त्याचा फायदा अनेकांना झालेला आहे. १९३२ साली त्यांनी लिंकन द अननोन हे पुस्तक लिहिले. त्यानंतर १९३६ साली त्यांनी लिहिलेले हाउ टू विन फ्रेड्स अ‍ॅन्ड इन्फ्लुएन्स पीपल हे पुस्तक प्रचंड गाजले आणि आजही ते तितकेच लोकप्रिय आहे. याशिवाय १९४८ साली लिहिलेले हाउ टू स्टॉप वरिंग अ‍ॅन्ड स्टार्ट लिव्हिंग हे पुस्तकही विशेष लोकप्रिय झाले. त्यांची इतरही पुस्तके लोकप्रिय व बेस्टसेलर आहेत.