ग्रंथ दिंडीतील आजचे परिचयाचे पुस्तक आहे" फिश !" मेहता पब्लिशिंग हाऊसने प्रकाशित केलेल्या या पुस्तकाच्या सीरिज चे लेखक आहेत, स्टीफन सी लँडिंग, जॉन क्रिस्टेनसेन आणि हॅरी पॉल. त्यापैकी स्टीफन हे लेखक ,वक्ते, समुपदेशक .तर जॉनच्या नेतृत्वाखाली फिश या शॉर् फिल्म ला भरभरून यश मिळाले. हॅरी हेदेखील लेखक, वक्ते ,सल्लागार आहेत. फिश एक अप्रतिम कथा आहे. कुठल्याही परिस्थितीत चपखलपणे लागू होणारी, गुंतवून ठेवणारी! व्यवसाय कसा चालवावा? कर्मचाऱ्यांना प्रोत्साहित कसं करावं ?इथपासून तर दैनंदिन जीवन कसे जगावे, सगळ्यांशी चांगले संबंध कसे राखावे ,पर्यंत व्यक्तीला एका परिपूर्णते पर्यंत नेणारी ही पुस्तकांची सिरीज. प्रस्तुत कथेत सिएटलची एक काल्पनिक मॅनेजर आपल्याला भेटते. म्हणजे आपल्या कथेची नायिका, मेरी जेन. दोघं मुलं, संसार ,नोकरी उत्तम चालू असतानाच डॅनचा ,नवऱ्याचा अकाली मृत्यू होतो. त्याच्या हॉस्पिटल साठी लागलेले कर्ज फिटेपर्यंत, असेल ती नोकरी व प्रमोशन तिला घ्यावे लागते . ती काम करत असलेल्या फर्स्ट गॅरेंटी फायनान्शिअल या कंपनीतील तिसऱ्या मजल्यावरील डिपार्टमेंट मध्ये तिला प्रमोशन मिळते. एकूणच डिपार्टमेंटचं नाव अतिशय बदनाम झालेले. "विषारी ऊर्जेचा कचरा डेपो "म्हणून ते ओळखले जाते .अशा मरगळलेल्या वातावरणात डिपार्टमेंट हेड म्हणून तिला प्रमोशन मिळते. तिच्यासमोर एक अशक्य वाटणारे आव्हान असते ते तिच्या हाताखाली काम करणारी माणसं आणि पर्यायाने संपूर्ण चैतन्यहीन विभाग याला नवचैतन्य देण्याचे. तेथीलच जगप्रसिद्ध पाईक प्लेस फिश मार्केटला एक दिवस ती सहज भेट देते. तेथे तिची भेट लोनी या मासे विक्रेत्याशी ओळख होते . तो तिला "फिश फिलोसोफी "सांगतो. पुढे वारंवार त्यांच्या होणाऱ्या भेटीच्या रूपाने कथा फुलत जाते आणि त्याच बरोबर तिसऱ्या मजल्यावरील डिपार्टमेंट चे रुप बदलणे तिला शक्य होते. ती फिलॉसॉफी कुठली ? ती मात्र तुम्हीच प्रत्यक्षात वाचायला हवी ! या रूपाने फक्त अलीबाबाच्या गुहेची किल्ली तुमच्या स्वाधीन करते आहे. सीरिज मधील फिश फोर लाइफ ,यात पुढे लोनी व मेरी जेन हे विवाहा नंतर आयुष्यातील ताण दूर करण्यासाठी याच फिलॉसॉफी चा वापर करताना दिसतात .तर फिश टेल आणि फिश स्टिक यात हीच तत्वे वापरून दैनंदिन आयुष्य सुकर करणाऱ्यांच्या कथा आहेत. एकूणच सर्वांगीण जीवनामध्ये यशस्वी ठरणारी , फिश फिलोसोफी सांगणारी ही सिरीज आहे. वाचकाला खिळवून ठेवण्याची ताकद असणारी ही सिरीज सगळ्यांनी एकदातरी वाचायलाच हवी. ...Read more

चैतन्यदायी ‘फिश’... स्टिफन सी लॅण्डेन, जॉन क्रिस्टेन्सेन आणि हॅरी पॉल यांच्या मूळ इंग्रजी ‘फिश’ या कथेचा डॉ. शूचिता नांदापूरकर-फडके यांनी ‘फिश’ हा मराठी अनुवाद केला आहे. ‘फिश’ ही संपूर्ण काल्पनिक कथा असून नोकरी, व्यवसायात व्यवस्थापन क्षेत्रात काम कराऱ्या अनेकांना मार्गदर्शक आणि प्रेरणादायी ठरली आहे. ही कथा सिअ‍ॅटलमध्ये घडते आणि या कथेची नायिका जेन रेमिरेझ. या कथानकातले घटनाचक्र अत्यंत प्रवाही असून त्यावर आधारित व्हिडिओ फिल्मही प्रसिद्ध आहे. जेनवर नवऱ्याच्या मृत्यूमुळे आकस्मिक आपत्ती कोसळते आणि आर्थिक तंगी असताना नोकरीतही अशक्य आव्हाने समोर उभी ठाकतात. या सगळ्याचा सामना जेन कसा करते त्याची कथा आहे ‘फिश’. आपले नशीब आपल्या हातात नसते. पुढे काय परिस्थिती येईल तेही कोणी सांगू शकत नाही, पण आलेल्या परिस्थितीला कसे तोंड द्यायचे हे आपण ठरवू शकतो. आपल्या आवडीचे काम निवडणे हे नेहमीच आपल्या हातात नसते, पण हातातले काम आवडीने करणे हे आपल्याच हातात असते. तिसNया मजल्यावरच्या विषारी ऊर्जेच्या कचरा डेपोचा निचरा कसा करावा ही जेनला भेडसावणारी समस्या तुम्हा आम्हालाही अनेकदा त्रस्त करते. कारण कोणतेही काम सतत करीत राहण्याचा आपल्याला कंटाळा येतो. जेन ऑफिसमधल्या सर्वांचे अजून फक्त निरीक्षण करून काही नोंदी करून घेते आणि मग एक दिवस जगप्रसिद्ध पाइक प्लेस फिश मार्केटला अपघाताने पोहोचते. या फिश मार्केटच्या भेटीनंतर तिसऱ्या मजल्यावर कोणती जादू घडते हे वाचणे आणि अनुभवणे फार आवश्यक आहे. कामाच्या ठिकाणी आनंदी आणि उत्साही वातावरण असेल, आपले काम जीव ओतून करण्याची तळमळ असेल, दुसऱ्याला सौख्य लाभू देण्याची वृत्ती असेल तर कशी मनोवृत्ती निवडावी हे ‘फिश’मधून आवश्य जाणून घ्यावे. -नमिता श्रीकांत दामले ...Read more

कार्यालयीन जीवनात ऊर्जा कशी वाढवायची, कर्मचाऱ्यांचा सहभाग कसा वाढवायचा याचं दर्शन घडवणारं ‘फिश!’ हे पुस्तक. सिअ‍ॅटलमधल्या एका मॅनेजरपुढे उदासवाण्या पद्धतीनं काम करणारे कर्मचारी अशी समस्या असते. तिच्या ऑफिसच्या जवळ असणाऱ्या पाइक प्लेस फिश मार्केटमधून ी उत्साह, आनंद आणि सर्वोत्तम सेवा यांचे धडे कसे घेते आणि कर्मचाऱ्यांपर्यंत कसे पोहोचवते याची कथा ‘फिश!’ या पुस्तकात मांडण्यात आली आहे. छोट्या छोट्या गोष्टी प्रत्येकालाच लागू होतील. हेच तत्त्वज्ञान पुढं घेऊन जाणाऱ्या कंपन्यामधल्या यशोकथा ‘फिश! टेल्स’ या पुस्तकात मांडण्यात आल्या आहेत. त्यातून वेगळी तत्त्वज्ञानंही मांडण्यात आली आहेत. ‘फिश! स्टिक्स’, ‘फिश! फॉर लाइफ’ या पुस्तकांतही कार्यालयीन प्रेरणादायी बोधकथांचा समावेश आहे. स्टिफन सी. लँडिन, जॉन क्रिस्टेन्सेन आणि हॅरी पॉल यांनी ही पुस्तकं लिहिली असून, डॉ. शुचिता नांदापूरकर-फडके यांनी अनुवाद केला आहे. ...Read more