* Front & back cover images are for illustration purposes only and the price of book is sold separately.
  • Original Book Title: THE MAGIC OF THINKING BIG
  • Availability : Available
  • Translators : PRASHANT TALNIKAR
  • ISBN : 9788177666069
  • Edition : 15
  • Weight : 0.00 gms
  • Pages : 284
  • Language : Translated From ENGLISH to MARATHI
  • Category : SELF HELP, HEALTH & PERSONAL DEVELOPMENT
Quantity
Buying Options:
  • Ebooks:
  • Print Books:
ALWAYS AIM FOR HIGH THINGS AND TRY TO ACHIEVE MORE THAN THAT. MILLIONS OF PEOPLE HAVE IMPROVED THEIR LIVES AFTER READING THIS BOOK, `THE MAGIC OF THINKING BIG`. DR. SCHWARTZ WHO IS A LEADING EXPERT IN THE FIELD OF `MOTIVATION`; WILL HELP YOU TO INCREASE YOUR SELL, IMPROVE YOUR ADMINISTRATION, EARN MORE MONEY AND BEST OF ALL, GAIN MORE SATISFACTION AND PEACE OF MIND THROUGH YOUR WORK. THIS BOOK `THE MAGIC OF THINKING BIG` IS NOT FULL WITH FOUL PROMISES; ON THE CONTRARY IT EXPLORES THE PRACTICAL APPROACHES WHICH ARE EASY TO TRY AND WHICH GIVE 100% RESULT. ONE OF THE BEST PARTS OF THE BOOK IS EACH AND EVERY IDEA AND TECHNIQUE IS NEW AND INDEPENDENT. THE AUTHOR HAS CREATED A WHOLE SET OF NEW WORDS RELATED TO THIS BOOK. DR. SCHWARTZ PRESENTS BEFORE US A WELL-PLANNED PROGRAMME TO MANAGE OUR SERVICE, BUSINESS, MARRIED LIFE, FAMILY LIFE, SOCIAL LIFE AND CULTURAL LIFE. FOR ACHIEVING THIS, YOU NEED NOT HAVE EXTRAORDINARY INTELLIGENCE OR A VERY INNOVATIVE MIND. WHAT YOU REALLY NEED IS THE WAY TO THINK ABOUT HOW TO ACHIEVE SUCCESS AND LATER PRACTICE IT. HE HAS ALREADY PROVED IT AND THROUGH THIS BOOK HE HAS REVEALED THE SECRETS OF THIS SUCCESS FOR YOU TO PRACTICE.
उच्चीची ध्येयं आपल्यासमोर ठेवा... आणि मग त्याहीपेक्षा अधिक साध्य करा! ‘द मॅजिक ऑफ थिंकींग बिग’ हे पुस्तक वाचून जगभरातल्या लक्षावधी लोकांनी आपल्या जीवनात सुधारणा घडवून आणलेली आहे. प्रेरणा (स्दूग्न्Aूग्दह) या विषयावरचे एक आघाडीचे तज्ज्ञ म्हणून मान्यता असलेले डॉ. श्वात्र्झ, तुम्हाला अधिक चांगली विक्री करण्यासाठी, अधिक चांगलं व्यवस्थापन करण्यात, अधिक पैसा मिळवण्यात आणि सर्वांत महत्त्वाचं म्हणजे अधिक समाधान आणि मन:शांती मिळवण्यामध्ये, या पुस्तकाद्वारे मदत करतात. ‘द मॅजिक ऑफ थिंकींग बिग’ या पुस्तकात तुम्हाला निव्वळ पोकळ आश्वासनं नाही, तर व्यवहार्य, प्रत्यक्ष करून पाहण्याजोग्या पद्धती सापडतात. यातल्या कल्पना आणि तंत्रं इतकी स्वतंत्र प्रज्ञेची आहेत, की त्या समजावून सांगण्याकरता लेखकाला एक संपूर्णपणे नवा शब्दसंग्रहच निर्माण करण्याची गरज पडलेली आहे. नोकरी वा उद्योग, वैवाहिक आणि कौटुंबिक जीवन आणि सामाजिक तसेच सांस्कृतिक कार्यक्रम या सर्वच बाबतीत भव्य प्रमाणात जगण्याचा एक सुनियोजित कार्यक्रमच डॉ. श्वात्र्झ आपल्यासमोर सादर करतात. आपल्या आसपासच्या इतर लोकांपेक्षा श्रेष्ठ ठरण्यासाठी तुमच्याजवळ अफाट बुद्धिमत्ता विंÂवा महान प्रतिभा असण्याची गरज नाही. गरज आहे ती यश मिळवून देणाऱ्या पद्धतीनं विचार आणि आचार करण्याची, हे ते सिद्ध करून दाखवतात. आणि हे कसं साध्य करायचं, याची गुपितं हे पुस्तक तुम्हाला पुरवतं!
Video not available
No Records Found
No Records Found
Keywords
#मराठीपुस्तके#मराठीप्रकाशक #MARATHIBOOKS#ONLIN EMARATHIBOOKS#TRANSLATEDMARATHIBOOKS#TBC#TRANSLATEDBOOKS@50% #THE MAGIC OF THINKINGBIG #PRASHANTTALANIKAR#DAVID.SCHWARTZ
Customer Reviews
  • Rating StarAtul Pahurkar

    What i learn from this book लोकांची नावं लक्षात ठेवण्यास शिका. या बाबतीत चुकारपणा केल्यास, तुम्हाला लोकांमध्ये फारसा रस नाही असे इतरांना वाटू शकेल. २. तुमच्या सहवासात कुणावर ताण येणार नाही अशी सुखद व्यक्ती बना. लोकांना आपल्या नित्य परिचयाचा वाटणारा ाणूस बना. ३. शांतपणा आणि गडबडून न जाणं, हे गुण आत्मसात करा म्हणजे काहीही झालं तरी तुम्ही विचलित होणार नाही. ४. अहंभाव सोडून द्या. तुम्हाला सगळं काही कळतं, अशी तुमची प्रतिमा तयार होण्यापासून सावध राहा. ५. तुमच्या संगतीत लोकांना काहीतरी चांगलं मिळेल, अशी गुणसंपन्न व्यक्ती बना. ६. तुमच्या व्यक्तिमत्त्वामध्ये असलेल्या ज्ञात-अज्ञात कंगोऱ्यांचा अभ्यास करा. ७. तुमच्यात पूर्वी वा आता असलेला एकूणएक गैरसमज दूर करण्याचा प्रामाणिक प्रयत्न करा. ज्या गोष्टी तुम्हाला खुपत असतील वा जखमांसारख्या ठसठसत असतील, त्यांचं निराकरण करा. ८. लोकांची खरी आवड निर्माण होईपर्यंत, त्यांना आवडून घेण्याचा सराव करा. ९. कुणीही काहीही साध्य केलं किंवा त्याला वा तिला कुठल्याही प्रकारचं यश मिळालं, तर त्यांचं अभिनंदन करण्याची संधी सोडू नका. तसेच, कुणाच्याही दुःखाच्या वा निराशेच्या प्रसंगी त्याचं सांत्वन करायला, त्याच्याप्रती सहानुभूती व्यक्त करायला विसरू नका. १०. लोकांना आत्मिक बळ द्या म्हणजे त्यांचं सच्चं प्रेम तुम्हाला मिळेल. ...Read more

  • Rating Starजयंत कोल्हटकर, बंगलोर

    आपण बऱ्याच गोष्टी, आपल्या स्वत:च्या नैसर्गिकतेनुसार आचरणांत आणत असतो. व्यक्ती म्हणून मोठ्ठं होण्याचा सकारात्मक प्रयत्न करत असतो. उच्च ठिकाणी आत्मविश्वासाने प्रयत्न करून पोहोचतो, असे घडले आहे. पण या दीर्घ प्रयत्नांचे योग्य शब्दांकन, आपण अनुवादित केलेलया `द मॅजिक ऑफ थिंकिंग बिग` या अभ्यासपूर्ण पुस्तकात आहे. वाचलेली पाने पुन:पुन्हा वाचून, अनेक मुद्द्यांचं कोंदण केले. दहा दिवस अनेक उदाहरण व्यक्तींच्या जीवनांत डोकावल्याने अवर्णनीय आनंद झाला. पुन:प्रत्यय आला. एकूणच, `चिकटला (नोकरीत) आणि लटकला` ह्या मराठी बाण्याला आपण मार्ग दाखविला आहे. माझ्या अमूल्य ग्रंथांमध्ये एक असाधारण ग्रंथ सामील झाला. २५ ते ४० वयोगटातील व्यक्तींना मी हे पुस्तक अवश्य वाचावयास देईन. ...Read more

  • Rating StarDAINIK AIKYA 12-02-2006

    यशस्वितेचा राजमार्ग... दि मॅजिक ऑफ द थिंकिंग बिग (भव्य विचार करण्याची जादू) हे डेव्हिड जोसेफ श्वार्त्झ यांचे बेस्ट सेलर पुस्तक. त्याचा मराठी अनुवाद प्रशांत तळणीकर यांनी केला आहे. पुस्तकाच्या शीर्षकातच आपले विचार, आपल्या कल्पना भव्य हव्या हे सूचित ेले आहे. अशा विशाल, भव्य, व्यापक, विचार कल्पनांमुळे मोठी किमया घडून येते. त्यामध्ये अद्भूत, विलक्षण शक्ती किंवा जादू असते. त्यामुळे मोठे परिवर्तन घडून येऊ शकते, याकडे हे शीर्षक लक्ष वेधते. हा भव्य विचार आपण प्रत्येक बाबतीत करू शकतो. करावा. आपली आत्मप्रतिमा आपण उन्नत स्तरावर न्यावी; आपले ध्येय व उद्दिष्ट भव्य असावे, आपला आत्मविश्वास वाढावा, आपली कार्यप्रवणता वाढावी, उत्तम कृती घडून यावी आणि इतरांपेक्षा अधिक काहीतरी आपण करून दाखवावे, यशस्वी व्हावे... याला प्रेरक ठरणारे एकूण वातावरण आपण निर्माण करावे, हे या पुस्तकाद्वारे अधोरेखित केले जाते. नो फेल्युअर बट लो एम इज क्राईम - अपयश हा गुन्हा नव्हे, अल्प वा क्षुल्लक आकांक्षा हा गुन्हा नव्हे, ध्येय नेहमी उच्च आणि उदात्त हवे. जगात चांगलं किंवा वाईट असं काहीही नसतं. आपण ज्या प्रकारे विचार करतो. त्यावरून एखाद्या गोष्टीवर आपण चांगल्या वाईटपणाचा शिक्का मारत असतो. असे शेक्सपिअर म्हणतो, तेव्हा आपणास आश्चर्य वाटते. आपल्या अवतीभोवती वावरणाऱ्या, यशस्वी ठरलेल्या व्यक्तींच्या आयुष्यावर दृष्टिक्षेप टाकला, त्या यशाला पायाभूत ठरलेल्या गोष्टींचा मागोवा घेण्याचा प्रयत्न केला तर काय लक्षात येते? डेव्हीड श्वार्त्झ यांनी या प्रश्नाचे उत्तर देताना भव्य विचार करण्याची क्षमता, मोठं यश मिळवण्याची जिद्द ते भव्य उद्दिष्ट साध्य करण्यासाठी योग्य त्या साधनांचा किंवा मार्गाचा अवलंब करण्याची क्षमता याकडे अंगुलीनिर्देश केला आहे. हे संपूर्ण पुस्तक या सूत्रांचा पाठपुरावा करण्यासाठी आवश्यक ती सामग्री पुरवते. त्यासाठी सोप्या पद्धती सुचवते. या सोप्या पद्धती जगात कुठेही आणि केव्हाही काम करतात. जादूसारख्या चमत्कार करून दाखवतात, असा लेखकाचा आत्मविश्वास आहे. ‘भव्य विचार कराल तर भव्य जीवन जगाल. अधिक आनंद मिळवाल. पैसा, मित्र, मान-सन्मान, यश यादृष्टीने समृद्ध जीवन जगाल, अशी धारणा लेखक व्यक्त करतो. या पुस्तकातील प्रकरणांच्या मांडणीतून या सर्व सोप्या पद्धती स्पष्ट होत जातात. एकापुढे एक तर्कसंगत असा युक्तिवाद त्यातून समोर येतो. १. आपण यशस्वी होणार, असा आत्मविश्वास बाळगा. २. कारणेरिया (अपयशाबद्दल इतरांना दोष देत बसणे, कारणे सांगत बसणे) या रोगापासून सोडवणूक करून घ्या. ३. आत्मविश्वास वाढवा. भयाला हद्दपार करा. ४. भव्य विचार करा. तो करण्यासाठी पाळावयाची पथ्ये कोणती? ५. सृजनात्मक विचार करा. सर्जनशील स्वप्ने बघा. ६. तुमची आत्मप्रतिमा जी असेल, ती प्रत्येक बाबतीत निर्णायक ठरते. तुम्ही स्वत:ला जे समजता, तेच तुम्ही असता; तेच तुम्ही बनता. ७. तुमच्या भोवतालच्या वातावरणाचं योग्य व्यवस्थापन करा. ते करताना उच्च दर्जाची कास धरा. ८. तुमच्या मनोभूमिकेचा विधायक उपयोग करून घ्या. ९. इतर लोकांबद्दल विचार करताना तो सकारात्मक राहील, अशी काळजी घ्या. १०. कृतिशील रहा. ११. पराजयाचे रूपांतर विजयात करणे शक्य असते. ते कसे होऊ शकते? १२. स्वत:ची प्रगती साधण्यासाठी ध्येयांचा उपयोग करा. १३. नेत्यासारखा विचार करा. नेतृत्वगुणांचा वापर करा. भव्य विचार, भव्य उद्दिष्ट, भव्य प्रयत्न आणि भव्य यश यांचा ध्यास घेतला तर त्यात तुम्ही सफल होऊ शकता. यश म्हणजे सुंदर, चांगल्या गोष्टी. यश म्हणजे व्यक्तिगत भरभराट. यश म्हणजे सुंदर घर, भरपूर सुखसोयी, भरपूर प्रवाह, नवनव्या वस्तू. यश म्हणजे मुलाबाळांना विकासासाठी उत्तम वातावरण. यश म्हणजे नेतृत्व. व्यावसायिक आणि सामाजिक क्षेत्रात मान-सन्मान. यश म्हणजे स्वातंत्र्य, आत्मसन्मान, आनंद, समाधान. यश म्हणजे सिद्धी, विजय, पराक्रम. तुमचं मन म्हणजे विचारांचा कारखाना. भव्य विचार करा. संकुचित विचार टाका असे लेखक सुचवतो. तेव्हा आपण त्यादृष्टीने आरंभ कसा करावा, असा प्रश्न पडला तर तो स्वाभाविकच होय. त्यासाठी काही सोपे मार्ग चोखाळता येतात. आपण विचार करताना सकारात्मक असतो की नकारात्मक हे प्रथम जाणवून घ्या. म्हणजेच स्वत:ला जाणून घ्या. स्वत:चीच अशी चाचपणी करण्याचा एक मार्ग म्हणजे आपल्यातील पाच मुख्य चांगल्या गोष्टी शोधून काढा. चांगल्या गोष्टी म्हणजे शैक्षणिक पात्रता, कार्यानुभव, तांत्रिक कौशल्य, व्यक्तिमत्त्व, सुखी कौटुंबिक जीवन, नेतृत्वगुण, विधायक मानसिकता, मित्रमंडळी, आत्मविश्वास इत्यादी आणि त्या प्रत्येक चांगल्या गोष्टीखाली ज्याची अंगी तुमच्याएवढ्या प्रमाणात त्या नाहीत, पण तरं ज्यांनी सश मिळवलेलं आहे अशा तुमच्या माहितीतल्या किमान तीन-तीन अत्यंत सशस्वी म्हणता येईल अशा व्यक्तींची नावे लिहा. या प्रक्रियेतून तुमच्या लक्षात एक गोष्ट नक्की येईल की अनेक यशस्वी लोकापेक्षा किमान एखाद्या बाबतीत तरी वरचढ आहात तुम्हाला वाटते त्यापेक्षा तुम्ही कितीतरी मोठे आहात. तेव्हा तुमचे विचार तुमच्या मोठेपण जुळवून घ्या. तुम्ही जितके मोठे आहात, तेव्हा भव्य विचार करा. आपली स्वत:ची आत्मप्रतिमा विशाल, सकारात्मक करणे; समोर उच्च, भव्य ध्येय ठेवणे, आपली प्रतिमा लोकांना आवडेल अशा प्रकारे तयार करणे, मित्र व सहकारी यांच्या सकारात्मक दृष्टीने बघणे आणि आपल्या भव्य विचारांना कृतीत आणण्यासाठी आत या क्षणापासून आरंभ करणे असा हा मार्ग या पुस्तकाद्वारे आपल्यासाठी खुला होत आहे लेखकाने विवेचन करताना अनेक उदाहरणे दिली आहेत. त्यातून मानवी स्वभावाचे, वृत्ती वेगवेगळे नमुने पेश केले आहेत. निरनिराळ्या संस्थांच्या अडचणींचे व त्यातून त्यांनी काढलेल्या उत्तराचे विश्लेषण केले आहे. त्यामुळे हे पुस्तक तुमच्या आयुष्याला एक वेगळे वळण देऊ शकेल. आसपासच्या लोकांपेक्षा श्रेष्ठ ठरण्यासाठी तुम्ही फार प्रतिभावंत, बुद्धिमान आणि उपजत हुशार असायला हवे, असे नाही. यश मिळवून देणे, भव्य विचारांना कृतीची जोड देऊन, त्याचा सुनियोजित कार्यक्रमच या पुस्तकाद्वारे तुम्हा आत्मसात करता येईल. त्यायोगे आपल्या भावी आयुष्याला एक यशस्वी, सकारात्मक सुंदर आकृतिबंध देता येईल. -संदीप अडनाईक ...Read more

  • Rating StarDAINIK SAMANA 18-12-2005

    अधिकस्य अधिकं फलम्... प्रेरणा या विषयावरचे प्रथितयश तज्ज्ञ डॉ. श्वार्त्झ वाचकांना ‘द मॅजिक ऑफ थिंकिंग बिग’द्वारे चांगलं व्यवस्थापन करण्यास, अधिक पैसा मिळविण्यास आणि महत्त्वाचं म्हणजे अधिक समाधान, मन:शांती मिळविण्यासाठी टिप्स देतात. मेंदूच्या नव्हे र विचारांच्या आकारावर यश ठरतं हा कुतूहल चाळवणारा विचार ऐकल्यानंतर डॉ. श्वार्त्झ यांनी त्यासंबंधी अधिक निरीक्षण केलं. लोकांशी चर्चा केली आणि असा निष्कर्ष काढला, की तुमचा बँक बॅलन्स, आनंद, समाधान हे सारं तुमचे विचार किती मोठे आहेत यावर अवलंबून असतं. यश मिळवावंसं वाटणं, त्यामध्ये रस असणं हा एक उत्तम गुण आहे. यशस्वी होण्याची तीव्र इच्छा पूर्ण करण्यासाठी डॉ. श्वार्त्झ यांचे ‘द मॅजिक ऑफ थिंकिंग बिग’ हे पुस्तक निश्चितच उपयुक्त ठरेल. ‘आत्मविश्वास वाढविण्यासाठी नेहमी पुढच्या रांगेत बसा, नजरेला नजर देण्याचा सराव करा, चालण्याची गती वाढवा, संभाषणात भाग घेण्याचा सराव करा, स्मितहास्य करायला शिका, लोकप्रियता मिळविण्यासाठी लोकांची नावे लक्षात ठेवा, परिचितांचे अभिनंदन, सांत्वन करायला विसरू नका, स्वत:बद्दल चांगलंच बोला, तुमच्याजवळ किती बुद्धी आहे यापेक्षा तुम्ही ती कशी वापरता हे जास्त महत्त्वाचं आहे. कुठल्याही व्यवसायाला सुरुवात करताना त्याबद्दल तुम्हाला किती माहिती आहे हे तेवढंसं महत्त्वाचं नाही, तर सुरुवात केल्यानंतर तुम्ही काय शिकता आणि अमलात आणता हे खूप महत्त्वाचं आहे. अधिक काम करण्याची संधी दोन्ही हातांनी स्वीकारा. मोठी जबाबदारी स्वीकारल्यामुळे तुम्ही वरिष्ठ अधिकाऱ्यांच्या नजरेत भरता. प्रगतीचा विचार करा. प्रगतीवर श्रद्धा ठेवा. प्रगतीचा आग्रह धरा. अशा अनेक व्यवहार्य, बुद्धिवादी कल्पना, तंत्र आणि तत्त्वं ‘द मॅजिक ऑफ थिंकिंग बिग’मधील प्रत्येक प्रकरणात वाचायला मिळतात. आपले दैनंदिन जीवन व त्यातील घडामोडींशी थोरामोठ्यांच्या विचारांची सांगड घालून डॉ. श्वार्त्झनी लिहिलेल्या युक्त्या वाचकांनी प्रत्यक्षात आचरणात आणाव्यात इतक्या सहज सोप्या आहेत. या पुस्तकाचा विषय मानसशास्त्र आणि तत्त्वज्ञानाशी निगडीत असल्याने अनुवादात काही ठिकाणी क्लिष्टता आली आहे. तरीही हे विद्यार्थ्यांपासून पालकांपर्यंत साऱ्यांसाठी व्यवहारोपयोगी आहे. -सुजाता तावडे ...Read more

Write Your Own Review
  • Default typing language is Marathi. To type in English press Ctrl+G key combination
Submit Review

Related Books

People Who Bought This Item Also Bought

Latest Reviews

NAGKESHAR
NAGKESHAR by VISHWAS PATIL Rating Star
Rahul Patwardhan

विश्वास पाटील याचे लेखणीतून उतरलेली सत्तासंघर्ष कुटुंबातही कसे थैमान घालतो या ज्वलंत व जळजळीत विषयावरील कादंबरी. काल्पनिक पात्रे सत्ताधीश,जेते,योद्धे आदींच्या लढाया, डावपेच, मोहिमा करत नाहीत.ती सत्ता, प्रतिष्ठा, पैसा, प्रभाव कसही करून काबी करण्याच्या जीवघेण्या स्पर्धेतील प्यादी आहेत. भले वजीर,हत्ती,घोडे,उंट नसतीलही; पण तोच झगडा करतात.तसेच वागतात.तसाच खुनशीपणा करतात.तशीच लालसा बाळगतात.तसेच छुपे डावपेच आखतात. तशीच उघड ईर्षा करत मत्सराचे फुत्कार सोडत एकत्र रहातात.तशीच बेपर्वाई दाखवत जीवन जगतात.आणि तितक्याच कोडगेपणे परिणामांना सामोरे जातात. मानवी जीवनातील खेळते प्रवाह व सुप्त अंतःप्रेरणा शेवटी एकच आहेत हे सूत्र मनावर बिंबवतात. काम,क्रोध,मद,मोह इत्यादि षड्रिपू यांनी प्रत्येकाचा भावनिक पिंड बनलेला आहे. कोणी बाह्यजगाने बहाल केलेली पद व सत्ता ही कवचकुंडलांचे आड या तमोगुणांना झाकतो. कोणी यांची ढाल वापरून आपली लालसा व कामना पूर्ण करतो.कुणी या कवचांनी लादलेली जबाबदारी गुंडाळतो व लोक,नोकरवर्ग, कामगार,शेतकरी,मतदार यांना दारीही उभा करत नाही. आणि आपली स्वप्ने व हाव यांचे दावणीला बांधतो. माणस शहरी असोत वा खेडूत , सभ्यता व संस्कृती यांचा किमान सामाजिक बुरखा संपत्ती व ऐयाशी हा भुलभुलैया प्राप्त करणेकरता कसा टरटरा फाडतात याचे बिनधास्त वर्णन "नागकेशर"मध्ये आहे ...Read more

KALAY NAMAH
KALAY NAMAH by EVA HOFFMAN Rating Star
Shrikant Adhav

KALAY NAMAH by EVA HOFFMAN काळ ही संकल्पना सर्वसामान्य माणसाला फारच ढोबळमानानं ठाऊक असते. ‘काल-आज-उद्या’ एवढ्याच खंडित परिमाणांमध्ये काळाकडं पाहिलं जातं. मात्र, माणसाचं शरीर, मन-मेंदू, संस्कृती यांना काळ कसा घडवतो (आणि बिघडवतोही!) यासंबंधीचं वेगळय पद्धतीचं विवेचन या पुस्तकात ाचायला मिळतं. इव्हा हॉफमन यांच्या ‘टाइम’ या मूळ इंग्लिश पुस्तकाचा हा अनुवाद केला आहे प्रा. पुरुषोत्तम देशमुख यांनी.‘काळ’ ही मानवाला नेहमीसाठीच मिळालेली एक श्रेष्ठ देणगी आहे. अस्तित्वात असलेलं हे वास्तव नाकारताही येत नाही किंवा टाळताही येत नाही; पण जगलेल्या काळाचं स्वरूप नाट्यपूर्ण रीतीनं बदलत चाललं आहे. वैद्यकीय प्रगतीमुळे आपली आयुर्मर्यादा वाढते आहे, तर डिजिटल साधनं छोट्या छोट्या घटकांमध्ये काळ दाबून-दडपून बसवतायत. सध्या आपण एकाच वेळी अनेक काल प्रदेशात राहू शकतो; पण काळाच्या कमतरतेची लागण आपल्याला झाली आहे. सध्या आपण खूप वेळ काम करतो. इतकं की, काम आणि विश्रांती यांमधल्या सीमारेषा धूसर झाल्या आहेत. अनेक लोकांच्या आयुष्यात पैशापेक्षा वेळ ही अधिक मौल्यवान चीज झाली आहे. अशा सगळ्या परिस्थितीत आपल्या समजांवर आणि आपल्या स्वत:वर काय परिणाम होतोय? कॉम्प्युटर्स, व्हिडिओ गेम्स आणि तत्काळ संदेशवहन अशांसारख्या अतिवेगवान तंत्रज्ञानाचा आपल्या एकाग्रतेच्या आणि चिंतनाच्या क्षमतांवर काय परिणाम होतो? एकाच वेळी अनेक कामं आणि काळाची शकलं करणारी भावनिक अस्वस्थता गेल्या काही दशकांनी अनुभवली आहे. शरीरविज्ञानशास्त्र आणि बोधावस्थेचं निरीक्षण आपण अधिक सूक्ष्म पातळीवर करतो, तेव्हा आपल्या मनावर आणि शरीरावर होणाऱ्या काळाच्या प्रक्रियांपासून आपण काय शिकतो आहोत?नैसर्गिक मानवी कालिकता अशी काही चीज आहे का, जिच्या पलीकडे जाण्याचं साहस आपण केलं, तर आपला विनाश ओढवेल? जीवशास्त्र ते संस्कृती आणि मनोविश्लेषण ते चेतामानसशास्त्र अशा जीवनातल्या विस्तीर्ण आणि शब्दातीत असलेल्या तत्त्वांचं मूलगामी संशोधन करणारी इव्हा हॉफमन विचारते : आपल्याला जाणवतं तसं, आपण काळाच्या शेवटाकडे जातोय का? ...Read more