शिक्षण : एम.ए.बी.एड. निवृत्त वरिष्ठ लेखाधिकारी, भारत संचार निगम लिमिटेड, मुंबई लहानपणापासूनच लेखनाची आणि वाचनाची आवड. १९७७-७८ पासून लेखनास प्रारंभ. अनेक मासिकांमधून कथालेखन. औरंगाबाद आकाशवाणी केंद्रावरून नभोनाट्य आणि ऐतिहासिक लेखन प्रसारित. कथाश्री, आवाज, मोहिनी, कालनिर्णय, स्नेहप्रभा इ. दिवाळी अंकांमधून कथा प्रसिद्ध. इ-साहित्य.कॉमवर पुस्तके प्रसिद्ध. ‘सकाळ’ कथा विशेषांक २००९ मध्ये ‘प्रमोशन’ या कथेला प्रथम पारितोषिक. ‘लोकसत्ता’, ‘सकाळ’मधून लेखन. दैनिक प्रजावाणी नांदेड, दैनिक उद्याचा मराठवाडा, नांदेड या वर्तमानपत्रांमधून सदर लेखन. महाराष्ट्र राज्य नाट्य परिषद, नांदेड शाखे तर्फे ‘अनुवंश’ आणि ‘मी रचना देसाई’ या नाटकांचे प्रयोग. कामगार कल्याण मंडळ स्पर्धेत ‘तुमच्यासारख्या तुम्हीच’ या एकांकिकेला प्रथम पारितोषिक. २००४ मध्ये ‘औट घटकेची राणी’ ही कादंबरी आणि निरनिराळ्या मासिकांमधून प्रसिद्ध झालेल्या कथांचा ‘कुंपणाच्या पलीकडे’ हा कथासंग्रह २०१० मध्ये प्रकाशित.