रोजच्या कामातून आनंदाची जाणीव… कामातून वेळ होत नाही, श्वास घ्यायलाही फुरसत नाही, अशी वाक्यं नेहमीच ऐकायला येतात. काळ-काम-वेग यांचे गणित प्रत्यक्ष व्यवहारात चुकतच जाते, असा सर्वसाधारण अनुभव असतो. ‘शांततेनं काम करा’ हे सुनंदा अमरापूरकर यांचे अनुवादित ुस्तक सर्वांनाच उपयोगी होते. पॉल विल्सन हे या पुस्तकाचे मूळ लेखक, त्यांनी कारकून, कंपनीचा मुख्य अधिकारी, सल्लागार मालक, तसेच ट्रक ड्रायव्हर म्हणून काम करताना घेतलेल्या अनुभवांमधून हे पुस्तक लिहिले आहे. त्याचा ओघवता अनुवाद करण्याचे काम लेखिकेने केले आहे. रोजच्या कामांचा, व्यवसायाचा, तिथल्या घडामोडी, सहकारी यांचा परिणाम व्यक्तीच्या मनावर हात असतो. या साऱ्यातूनच प्रत्येकाचे व्यक्तिमत्त्व घडत-बिघडत असते. हे लक्षात घेऊन मनाचे आरोग्य सांभाळणारी चतु:सूत्री, कामाच्या ठिकाणी ताण देणारे सप्तरंग, स्वत:च्या आवडीनिवडी, सवयी, ताणमागची शारीरिक कारणं, ताणाला आमंत्रण देणारी जीवनपद्धती यांचा सोप्या भाषेतील परिचय पुस्तकात आला आहे. ‘शांततेच्या दिशेने पाहिले पाऊल’, ‘तुमची शांतता उपयांची फाईल’ आणि दीर्घकालीन शांततेसाठी अशा तीन विभागातील छोट्या-छोट्या प्रकरणांमधून पुस्तकाची मांडणी झाली आहे. प्रत्येक प्रकरणामध्ये सर्वसामान्य वाचकाला मोलाच्या सूचना देणाऱ्या मार्मिक, नेटक्या चौकटी हे या पुस्तकाचे खास वैशिष्ट्य म्हणता येईल्र कामातील कंटाळवाणा भाग, सहकाऱ्यांशी होणारा वाद-संवाद, स्वत:बद्दलच्या तुमच्याइतरांच्या अपेक्षा, स्पर्धा यांचा येणारा ताण या सर्वांकडे सकारात्मक नजरेने पाहिले पाहिजे. तसे करणे शक्य आहे, असा विश्वास आणि दिलासा या पुस्तकामुळे मिळतो. काम करताना येणारा ताण, होणारा मनस्ताप या साऱ्यांनाच आपण स्वत:च जबाबदार असतो. आणि या सर्व गोष्टींना ओलांडून, कामकाज, व्यवसाय आणि दैनंदिन कामातून आनंद मिळविण्याची जबाबदारीही आपल्यावरच असते, याची जाणीव हे पुस्तक करून देते. ...Read more