* Front & back cover images are for illustration purposes only and the price of book is sold separately.
  • Original Book Title: THE TRANSLATOR
  • Availability : Available
  • Translators : AJIT KULKARNI
  • ISBN : 9788184983449
  • Edition : 1
  • Weight : 0.00 gms
  • Pages : 184
  • Language : Translated From ENGLISH to MARATHI
  • Category : MEMOIR
Quantity
"I am the translator who has taken journalists into dangerous Darfur. It is my intention now to take you there in this book, if you have the courage to come with me." The young life of Daoud Hari-his friends call him David-has been one of bravery and mesmerizing adventure. He is a living witness to the brutal genocide under way in Darfur. "The Translator" is a suspenseful, harrowing, and deeply moving memoir of how one person has made a difference in the world-an on-the-ground account of one of the biggest stories of our time. Using his high school knowledge of languages as his weapon-while others around him were taking up arms-Daoud Hari has helped inform the world about Darfur. Hari, a Zaghawa tribesman, grew up in a village in the Darfur region of Sudan. As a child he saw colorful weddings, raced his camels across the desert, and played games in the moonlight after his work was done. In 2003, this traditional life was shattered when helicopter gunships appeared over Darfur`s villages, followed by Sudanese-government-backed militia groups attacking on horseback, raping and murdering citizens and burning villages. Ancient hatreds and greed for natural resources had collided, and the conflagration spread. Though Hari`s village was attacked and destroyedhis family decimated and dispersed, he himself escaped. Roaming the battlefield deserts on camels, he and a group of his friends helped survivors find food, water, and the way to safety. When international aid groups and reporters arrived, Hari offered his services as a translator and guide. In doing so, he risked his life again and again, for the government of Sudan had outlawed journalists in the region, and death wasthe punishment for those who aided the "foreign spies." And then, inevitably, his luck ran out and he was captured. . . . "The Translator" tells the remarkable story of a man who came face-to-face with genocide- time and again risking his own life to fight injustice and save his people.
पुस्तकाचा लेखक सुदान देशातील डारफर प्रांताचा रहिवासी आहे. वंशाने तो ‘झॅघावा’ आहे. ‘झॅघावा’ ही डारफर मधील भटकी जमात. अरब आणि आफ्रिकन या दोन्ही वंशाचे लोक डारफर मध्ये गेली हजारो वर्षे गुण्यागोविंदाने राहत आहेत. पण गेली काही वर्षे डारफर प्रांतात भयंकर वंशविच्छेद सुरू आहे. वंशाने स्वत:ला ‘उच्च’ समजणाऱ्या अरब वंशीयांना त्यांचे मूळ आफ्रिकन बांधव नकोसे झाले आहेत. सत्ताधारी अरब आणि त्यांना पाठिंबा देणारे माथेफिरू; हे मूळ आफ्रिकन वंशीयांना त्यांच्याच भूमीतून हाकलून देत आहेत. मूळ रहिवाश्यांच्या गावांवर आणि वस्त्यांवर हल्ले करून त्यांना जिवे मारण्यात येत आहे. स्त्रियांवर आणि कोवळ्या मुलींवर अत्याचार होत आहेत. लाखो विस्थापितांचे लोंढेच्या लोंढे शेजारील चॅड या राष्ट्रात आश्रय घेत आहेत. दुर्देवाने तथाकथित आधुनिक जगाला या घडामोडींचा मागमूसही नाही. पुस्तकाचा लेखक स्वत: या सर्व परिस्थितीचा बळी ठरला आहे. त्याचे कुटुंबही या अत्याचारातून सुटलेले नाही. आपल्या इंग्रजीच्या ज्ञानामुळे त्याला ‘बीबीसी’, ‘एनबीसी’ या वृत्त वाहिन्या आणि संयुक्त राष्ट्र संघटनेने पाठविलेल्या चौकशी दलांसाठी ‘दुभाष्या’ म्हणून काम करण्याची संधी मिळली. त्या संधीचा उपयोग करून डारफरमधील परिस्थिती या पुस्तकाच्या माध्यमातून लेखकाने जगासमोर मांडली.
Video not available
Keywords
Customer Reviews
  • Rating Starशुचिता फडके

    नुकतंच दुभाषा हे पुस्तक वाचण्यात आलं. सुदान राष्ट्रातील सत्य अशा घटनेवर आधारित हे पुस्तक आहे. ती घटना अजुनही भूतकाळ न होता वर्तमान काळातच आहे. हा विशेष दखल घेण्याजोगा मुद्दा. शिवाय मूळ पुस्तकाच्या आशयाला कुठेही धक्का न लागू देता केलेला चपखल अनुवाद हाअनुभवण्याजोगा आहे. अनुभवण्याजोगा कारण पुस्तक केवळ वाचलं जात नाहीत तर ते अनुभवलं जातं. मूळ प्रतिभासंपन्न सत्यकथेला मराठीत उतरवताना भाषेचं अवडंबर न माजवता चपखलरित्या संपूर्ण कथा आपल्यासमोर उलगडत जाते. अनेकदा असं वाटतं, की आपण तिथेच आहोत सारं काही प्रत्यक्ष अनुभवतो आहोत. सत्यकथेची ताकद इतकी जबरदस्त आहे, की आपला दृष्टिकोन बदलायला त्यामुळे नक्कीच मदत होते. हे पुस्तक वाचून मला तरी स्वत:ची वैचारिक भूमिका अधिक प्रगल्भ व सजग झाली आहे. हे जाणवतंय. मेहता प्रकाशनामुळे घरबसल्या इतर कुठलीही भाषा न शिकतादेखील देश-विदेशीची सुख-दु:ख, संस्कृती, आचार-विचार हे सारं आपल्यापर्यंत पोहोचतंय ही एक विशेष उल्लेखनीय बाब आहे. माणसाला माणूस म्हणून स्वीकारण्याचा संस्कार होईल तो याच पुस्तकातून. एक अतिशय सुंदर कलाकृती. वास्तवात आणणाऱ्या ‘दुभाष्याचे’ शतश: आभार. ...Read more

  • Rating StarLOKPRABHA 2-10-2015

    मानवी परिस्थिती आणि जीवन यांच्याकडे पाहण्याची एक शैली अस्तित्ववादाशी निगडित आहे. माणसाच्या परिस्थितिविषयी, मानवी अस्तित्वाच्या स्वरुपाविषयी आणि माणसानं कसं जगावं याविषयी काही मूलभूत प्रश्न अस्तित्ववादी उपस्थित करतात. हे वाचा-बोलायला ठीक वाटतं, पण मुळत आपल्या अस्तित्वावर घाला पडतो, भवताल बेचिराख होऊ लागतो, तेव्हा मग फार फार आतून गलबलून येतं... कासावीस वाटतं नि आपण जिवंत का आहोत, असा प्रश्न पडतो. हाच प्रश्न दाऊद हॅरीला पडला नि त्यानं अनुभवकथन केलं ते ‘द ट्रान्सलेटर’ या पुस्तकाच्या माध्यमातून. त्याचा हा अनुवाद केलाय अजित कुलकर्णी यांनी. ज्येष्ठ चित्रकार चंद्रमोहन कुलकर्णी यांच्या लक्षवेधी मुखपृष्ठापासून हे अनुभव कथन लक्षवेधी ठरतं. दाऊद हॅरीच्या कथनाचं सारं सारच जणू या रेखटनातून प्रतिबिंबित होतं. पाठोपाठ येतो तो दाऊदचा फोटो नि त्याची संक्षिप्त ओळख. मग वाचता येतात ते या पुस्तकाविषयीचे अभिप्राय. खुद्द दाऊदची प्रस्तावना नि अनुवादकाच्या दोन शब्दांनी मूळच्या अरब कथनाविषयी आपल्याला कोणत्या क्लेशदायी अनुभवांना सामोरं जावं लागणार याची उत्सुकता वाढते. जेमतेम चारेक पानांचं एक एक प्रकरण असलं तरीही त्यातल्या मजकुरामुळं नि त्यातल्या अर्थवाही शब्दांनी हलून जायला होतं. हॅरी हा सुदान देशातील डारफर प्रांताचा रहिवासी. वंशानं तो तिथल्या झेंघवा या भटक्या जमातीचा प्रतिनिधी. अरब नि आफ्रिकन वंशाचे लोक डारफरमध्ये गेली हजारो वर्षे गुण्यागोविंदाने एकत्र राहत होते, पण गेली काही वर्ष डारफरमध्ये भयंकर असा वंशविच्छेद सुरु आहे. वंशानं स्वत:ला उच्च समजणाऱ्या अरब वंशियांना मूळ आफ्रिकन बांधव नकोसे झालेत. आफ्रिकनांना त्यांच्याच भूमीतून हाकलले जातेय. गाव-वस्त्यांवर हल्ले करुन त्यांना क्रूरपणं मारण्यात येतंय. अशा वेळी प्रथम बळी पडतो तो स्त्रिया नि लहान मुलींचा. दाऊदला भेटणाऱ्या-दिसणाऱ्या प्रत्येकीची हकिगत वेगळी आहे. वृद्धांचा गाव न सोडण्याचा निर्धार नि त्यापायी त्यांचा हकनाक मृत्यु वाचून हळहळ वाटते. निर्वासितांच्या छावण्यांतली, सीमाभागांतील अनेकांच्या कहाण्या वाचून सुन्न व्हायला होतं. स्वत: दाऊद नि त्याचं कुटुंबही या साऱ्या अत्याचारांचा बळी ठरलेय. मात्र आपलं दु:खं मागं सारुन त्यानं आपल्याला येणाऱ्या इंग्रजीच्या बळावर इतरांसाठी शक्य तो मदतीचा हात पुढं केलाय. वृत्त्तपत्र, दूरचित्रवाहिनी आणि स्वयंसेवी संस्थांच्या माध्यमातून दुभाष्याची भूमिका बजावत त्यानं आपलं काम सुरु ठेवलंय. इतक्या भयानक दु:खाच्या प्रवाहातून जाताना नि इतकी भयाण परिस्थिती अनुभवूनही दाऊदची भाषा सौम्य आणि संयम आहे. ना कुठं दु:खाचं प्रदर्शन ना शोकाचं अवडंबर. तथाकथित आधुनिक जगाला या साऱ्या उलथापालथींचा फारसा मागमूस नाही, हे जाणवल्यावर तो सल जणू दुभाष्याच्याच भूमिकेतून दाऊद हे कथन करतो. ही क्लेशकारक कहाणी असली तरीही दाऊदची दुर्दम्य आशा नि इच्छाशक्ती आपल्यालाही नकळत बळकटीच देऊन जाते. ...Read more

Write Your Own Review
  • Default typing language is Marathi. To type in English press Ctrl+G key combination
Submit Review

Related Books

People Who Bought This Item Also Bought

Latest Reviews

BENJAMIN FRANKLIN
BENJAMIN FRANKLIN by BENJAMIN FRANKLIN Rating Star
दैनिक सामना १७-११-१९

प्रेरणादायी चरित्र... काही माणसं अशी असतात की, जीवनाची निश्चित अशी रूपरेषा त्यांनी आखलेली नसते. जीवन जसं समोर येईल त्या पद्धतीने ती वागत जातात; पण जीवनाशी अशी टक्कर देताना ती बहुआयामी होतात. बेंजामिन फ्रँकलिन हे अशा लोकांपैकीच एक. ‘बेंजामिन फ्रँकलन’ हे त्यांचं आत्मचरित्र त्यांच्या बहुआयामित्वाचं दर्शन घडवतं. लेविस लिअरी यांनी हे आत्मचरित्र वाचकांसमोर आणलं आहे. मराठीत अनुवाद सई साने यांनी केला आहे. बेंजामिन फ्रँकलिन यांचा जन्म १७०६ मध्ये बोस्टन येथे झाला. त्यांचे वडील साबण, मेणबत्त्या इत्यादी तयार करत असत. बेंजामिन हे जोशुआ फ्रँकलिन यांच्या १७ अपत्यांपैकी १५ वे अपत्य होते. अगदी लहान वयातच त्यांना त्यांच्या भावाच्या- जेम्स यांच्या- मुद्रणालयात शिकाऊ उमेदवार म्हणून काम करावे लागले; परंतु भावाशी न पटल्यामुळे त्यांनी ती नोकरी सोडून दिली आणि ते फिलाडेल्फियाला निघून गेले. भावाच्या वृत्तपत्रात त्यांनी थोडे लेखन केले. ती त्यांची वृत्तपत्रलेखनाची सुरुवात होय. फिलाडेल्फियाला गेल्यावर त्यांनी सॅम्युएल किमर नावाच्या माणसाकडे नोकरी धरली. तिथे त्यांच्या अनेक ओळखी झाल्या. तरुण फ्रँकलिनच्या वृत्तीची धडाडी आणि चमक गव्हर्नरच्या नजरेत भरली आणि त्यांनी लहान वयातच फ्रँकलिनला स्वत:चा छापखाना काढण्याची कल्पना सुचवली. त्यासाठी लागेल ती मदत आपण करू असेही सुचवले. फ्रँकलिनच्या वडिलांचा त्यांच्या लहान वयामुळे या गोष्टीला विरोध होता. तरीही फ्रँकलिन इंग्लंडला गेले आणि तिथे गेल्यावर त्यांच्या लक्षात आले की, गव्हर्नर साहेबांनी त्यांना फसवले. तिथे त्यांनी एका मुद्रकाकडे नोकरी केली. १७२६ मध्ये डनहॅम नावाच्या आपल्या ज्येष्ठ मित्राबरोबर त्यांचा व्यापार सांभाळावा या कल्पनेने ते परत आले; परंतु लवकरच डनहॅमचे निधन झाल्यावर त्यांनी परत किमरकडे नोकरी धरली. दोन वर्षांनी किमरचे पॅनसिल्व्हानिया गॅझेट ताब्यात घेऊन त्यांनी ते वृत्तपत्र यशस्वीरीत्या चालवले. त्यांची जुनी प्रेयसी डेबोरा रीड हिच्याशी त्यांनी विवाह केला. त्यांना दोन मुले होती. पहिला मुलगा विल्यम यालाच उद्देशून या आत्मचरित्राचा पहिला भाग लिहिला आहे. १७३० च्या दशकात फ्रँकलिन यांनी अनेक छोटी-मोठी पदं भूषवली. सरकारचे छपाईचे काम त्यांच्याकडे होते. त्याच वेळी त्यांनी आपल्या ‘पुअर रिचर्ड्स अ‍ॅलमनॅक’ लिहायला सुरुवात केली. ते फिलाडेल्फियाचे पोस्टमास्तर बनले. या दशकाच्या शेवटी त्यांनी फ्रँकलिन स्टोव्हची निर्मिती केली. १७४० च्या दशकात त्यांनी अनेक कामं हातात घेतली, ज्यात अग्निशमन दल, पोलीस खातं, पॅनसिल्व्हानिया विश्वविद्यालय, रस्तेसफाई अभियान आणि इतर छोट्या सार्वजनिक कामांचा समावेश आहे. १७४८ मध्ये ते मुद्रणाच्या व्यवसायातून निवृत्त झाले आणि त्यांनी विद्युतशक्तीच्या वैज्ञानिक प्रयोगांवर आपले लक्ष केंद्रित केले. १७५३ मध्ये त्यांना हार्वर्ड आणि येल विद्यापीठांकडून मानद पदव्या मिळाल्या. ते अमेरिकेचे पोस्टमास्तर जनरल बनले. पुढल्या वर्षी जेव्हा इंग्लंड आणि फ्रांस यांच्यातील युद्ध सुरू झाले. (फ्रेंच आणि इंडियन युद्ध), तेव्हा वसाहतींच्या संरक्षणाकरता लागणारा निधी कसा गोळा करता येईल, त्याची योजना फ्रँकलिन यांनी आखायला सुरुवात केली. प्रत्यक्ष युद्धातही त्यांचा सहभाग मोठा आहे. सैन्य जमवणे, प्रशिक्षित करणे, तोफखाना, किल्ले बांधणी इत्यादी अनेक गोष्टींत त्यांचा सक्रिय सहभाग होता. त्यांच्या काळातील ते एक उत्तम राजनैतिक मुत्सद्दी होते. हे आत्मचरित्र १७५७ च्या घटनांपाशी येऊन अचानकच थांबतं. ते अपूर्णच राहिलं. हे आत्मचरित्र तीन वेगवेगळ्या काळात फ्रँकलिननी लिहिलं– १७७१ मध्ये इंग्लंड येथे, १७८३ मध्ये फ्रांस मध्ये आणि १७८८ मध्ये अमेरिकेत. ते पूर्ण करण्यापूर्वीच फ्रँकलिन यांचा १७९० मध्ये मृत्यू झाला. एक माणूस किती प्रकारची कामं करू शकतो, त्याचा प्रत्यय हे आत्मचरित्र वाचल्यावर येतो. अर्थातच हे आत्मचरित्र प्रेरणादायक आहे. - अंजली पटवर्धन ...Read more

SANCTUS
SANCTUS by SIMON TOYNE Rating Star
Kiran Borkar

टर्कीमधील रुईन शहरातील डोंगराळ भागात एक अतिशय पुरातन शक्तीपीठ आहे.हे शक्तीपीठ पूर्ण स्वायत्त असून कोणत्याही राष्ट्राची त्यावर सत्ता नाही .सॅम्युअल हा शक्तीपीठातील उच्च श्रेणीतला संन्यासी . त्याने नुकतीच एक अतिशय खडतर अशी अंतिम दीक्षा घेतली आहे . पण अानक तो शक्तीपीठाच्या डोंगरावर चढून गेला आणि टी आकाराचा क्रॉस करून स्वतःला झोकून दिले. त्याचे खाली पडणे ही एक विशिष्ट क्रिया होती . सर्व जगाने आपली ही कृती पहावी म्हणून तो चार तास त्या एकाच ठिकाणी टी आकार बनवून उभा होता . जगाला ही एक विचित्र आत्महत्या वाटली . पण तिथे असेही काही लोक होते त्यांना ती घटना म्हणजे एक संकेत होता ज्याची ते प्रदीर्घ काळ वाट पाहत होते . शक्तीपीठात राहून आपली ओळख लपवणाऱ्या विशिष्ट पोशाख घालणाऱ्या अतिशय गुप्तता बाळगत काम करणाऱ्या या महासत्तेचा अंत होण्याचे हे लक्षण होते . पण पोलिसांना अजूनही सॅम्युअलची ओळख पटलेली नाही . पोस्टमार्टेम करताना त्याच्या शरीरात एक चामड्याचा पट्टा सापडतो त्यावर एक फोन नंबर लिहिलेला असतो. तो फोन नंबर त्याच्या बहिणीचा आहे . गुन्हे पत्रकार असलेली त्याची बहीण लिव्ह भावाचे शव ताब्यात घ्यायला रुईन शहरात पोचते. पण विमानतळावरच तिच्यावर हल्ला होतो . शक्तीपीठ आपल्या पूर्ण ताकदीनिशी तिच्या आणि सॅम्युअलच्या शवामागे लागते .ते सॅम्युअलचे शव पळविण्यात यशस्वी होतात पण प्रत्येकवेळी लिव्ह वाचते . तिला वाचवणाऱ्या लोकांना शक्तीपीठाचा अंत होणार हे ठाऊक आहे .आणि त्याला कारणीभूत लिव्ह ठरणार हेही माहीत आहे . असे कोणते रहस्य शक्तीपीठाने लपवून ठेवले आहे ..?? कोणते भयानक विधी त्या ठिकाणी चालतात..?? ज्याच्यासाठी शक्तीपीठ आपल्या मार्गात येणाऱ्या प्रत्येकाचा नाश करते . एक रहस्य वाचविण्यासाठी भयानक असे खूनचक्र रुईन शहरात चालू झाले आहे . लिव्हशी संबंध येणाऱ्या प्रत्येक व्यक्तीचा यात बळी पडणार आहे .मग तो जगाच्या पाठीवर कुठेही असो . प्रत्येक पानावर उत्कंठा वाढविणारे एक थरारक रहस्य . ...Read more