* Front & back cover images are for illustration purposes only and the price of book is sold separately.
  • Original Book Title: RACING WITH DEATH : DOUGLAS MAWSON - ANTARCTIC EXPLORER
  • Availability : Available
  • Translators : PRASADDATTA GADGIL
  • ISBN : 9788184985146
  • Edition : 1
  • Publishing Year : NOVEMBER 2013
  • Weight : 0.00 gms
  • Pages : 204
  • Language : Translated From ENGLISH to MARATHI
  • Category : MEMOIR
Quantity
Buying Options:
  • Ebooks:
  • Print Books:
IN RACING WITH DEATH, BEAU RIFFENBURGH REDISOVERS THE ALMOST FORGOTTEN STORY OF MAWSON - WITH SHACKLETON AND SCOTT, ONE OF THE THREE `GREATS` OF ANTARCTIC EXPLORATION. IT IS A BREATHTAKING STORY OF RAW COURAGE AND ESCAPE FROM THE VERY JAWS OF DEATH
ही कथा आहे, सर डग्लस मॉसन यांच्या अन्टार्टिक खंडावरच्या साहसी मोहिमांची... त्यांनी आणि त्यांच्या सहकार्यांनी अनुभवलेल्या थरारांची... आणि मृत्यूच्या कराल दाढेतून जिवलगांची जिद्दीने केलेल्या सुटकेची... ही कथा आहे, मानवी स्वभावातील कंगो-यांची... राज्यविस्तारासाठीच्या संघर्षाची... आणि पृथ्वीवरचे जैववैविध्य राखण्यासाठी झटणा-यांची... ही कथा आहे, अथक मानवी प्रयत्नांची... ज्ञानलालसेची... आणि कल्पनेपलीकडे असलेल्या निसर्गाच्या विलोभनीय; पण अकराळ रूपाची; त्याच्या दर्शनाची; त्याच्या साक्षात्काराची!
Video not available
No Records Found
No Records Found
Keywords
"#MARATHIBOOKS#ONLINEMARATHIBOOKS#TRANSLATEDMARATHIBOOKS#TBC#TRANSLATEDBOOKS@50% #MRUTYUSHISHARYAT #RACINGWITHDEATH:DOUGLASMAWSON-ANTARCTICEXPLORER #मृत्यायुषी #MEMOIR #TRANSLATEDFROMENGLISHTOMARATHI #PRASADDATTAGADGIL #BEAU RIFFENBURGH "
Customer Reviews
  • Rating Starसर्वांचे आभार

    एका अद्वितीय माणसाने आयुष्याच्या वेगवेगळ्या टप्प्यांवर आखलेल्या साहसमोहिमा, त्यामधे आलेल्या अनंत अडचणी, अडथळे, संकटं यांचं वर्णन या पुस्तकात आहे. या साहसमोहिमा ध्रुवीय प्रदेशातल्या होत्या. मुळात तो एक भूगर्भशास्सत्रज्ञ होता , युनिव्हर्सिटीत कामकरत होता. पण त्याच्या आतला साहसी बाणा दुष्कर , दुर्गम स्थानांवर जाण्यास बाध्य करत होता. याचं नाव “डग्लस मॅासन”. धाडस, साहस, महत्त्वाकांक्षा, विजीगीषू वृत्ती, परििस्थतीला शरण न जाणे, परिस्थितीचे भान ठेवणे, भविष्याचा अंदाज घेणे, कोणत्याही परिस्थितीतून मार्ग काढणे या आणि अशा असंख्य गुणांचे प्रदर्शन त्याने मोहिमेच्या वेगवेगळ्या वेळी केले. तो जागतिक वैज्ञानिक समाजात, जनतेमधे आणि अॅास्ट्रेलियन वीरांमध्ये सर्वाधिक लोकप्रिय होता. “अन्टार्क्टिक विज्ञानातील सर्वश्रेष्ठ व्यक्ती “ म्हणून त्याची ओळख आहे. मॅासन ची पहिली मोहिम होती १९०७-०९ ची ब्रिटिश अॅन्टार्क्टिक एक्सपिडिशन. यामधे तो इतिहासातील सर्वांत मोठ्या आणि कठीण स्लेजिंग प्रवासाचा लीडर होता. या मोहिमेत शॅकलटन आणि वाईल्ड यांच्या भूमिका महत्त्वाच्या असल्या तरी मॅासनचे गुरू प्रो.डेव्हिस यांनी मॅासनच्या कामाबद्दल त्याचे जाहीर कौतुक केले. या मोहिमेत त्यांनी दक्षिण ध्रुव जवळजवळ सर केला आणि आपल्या खुणा मागे ठेवल्या. या मोहिमेतच दुसऱ्या मोहिमेच्या आखणीची पायाभरणी झाली होती. पहिल्या मोहिमेत “निमरॅाड” बोट वापरली गेली होती. ॲास्ट्रेलियाच्या दक्षिणेला असलेलली अन्टार्क्टिका किनारपट्टी त्याला खुणावत होती.खूप धडपडीनंतर १९११-१४ मधे “””अॅास्ट्रेलेशियन अन्टार्क्टिक एक्सपिडिशन “””या नावाची मोहिम आखली गेली. आता “ॲारोरा “नावाची बोट या मोहिमेसाठी मिळवण्यात आली. बर्फाळ प्रदेशातील मोहिमांसाठी प्रत्येक छोट्या , बारीक, लहानसहान गोष्टींचा विचार केला जातो. योग्य , सशक्त, धाडसी विविध टॅलेन्ट्स असलेल्या लोकांची टीम तयार करणे , पैशाची तजवीज करणे , परवानग्या मिळवणे , वैज्ञानिक साहित्य मिळवणे, शिधा जमवणे आणि असंच खूप काही यामधे त्याची दमछाक झाली तरी उत्साह कमी झाला नव्हता. तो त्याच्या विचारांमधे क्लीअर होता. त्याच्या सहकारयांशी त्याचे भावबंध चांगले होते. नाहीतर सर्वदूर बर्फ , वादळ वारे , जिवंत राहण्याची आव्हाने अशा कठीण परिस्थितीत ते मॅासनचं नेतेपण झुगारू शकले असते. ही मोहिम कठीण ,,खूप जणांना परलोकी पोहोचवणारी व राहिलेल्यांचा पुनर्जन्म करणारी हेाती. मोहिमेच्या मध्यावर निन्निस आणि मर्ट्झ या त्याच्या जीवाभावाच्या मित्रांना तो अंतरला. ज्या हिवाळी तळावर त्यांनी अतिशय शांत जागा समजून तळ ठोकला होता तीच जागा सर्वाधिक वेगाने वाहणारया वारयाची निघाली. त्याचा त्यांना पूर्ण मोहिमेभर त्रास झाला. चुकीला क्षमा च नाही आहे या वातावरणात . त्यांचा प्रवास, घळींचे प्रदेश, सामान किंवा अन्न मधेच सोडून देणे, केबिन बर्फात लपून जाणे ,कुत्र्यांच्या समस्या ,जगण्यासाठी त्यांना ही खावे लागणे , ते खाल्ल्यामुळे तब्येतीला झालेला त्रास हे सगळं आपला वाचताना पुतळा होतो आपला! तसंच कळतं की आंघोळ करायला मिळणे, दोन वेळचं खायला मिळणं , घराबाहेर पडता येणं या किती सुखाच्या क्रिया आहेत. या सर्वाला तोंड देताना त्यांनी मनोधैर्य कसं टिकवून ठेवलं असेल??? धन्य ते लोक. !!! युनियन जॅक फडकवत देशभक्ती ही दाखवत होते. त्याची तिसरी मोहिम होती,१९२९-३१ ची ब्रिटिश, अॅास्ट्रेलियन,न्यूझीलंड अन्टार्क्टिक रिसर्च एक्सपिडिशन . या मोहिमेसाठी डिस्कव्हरी नावाची बोट वापरण्यात आली. या मोहिमेच्या शेवटी “अॅास्ट्रेलियन अन्टार्क्टिक टेरिटेरी “ अस्तित्वात आली. अशा रीतीने अन्टार्क्टिकाच्या महाकाय भूप्रदेशावर अॅास्ट्रेलियाचे अधिपत्य स्थापित झाले; ज्याचे स्वप्न प्रथम पाहणारयांमधे होता मॅासन डग्लस. त्याच्या नावे एक स्टेशन उभारण्यात आले जे अजून कार्यरत आहे. कधीही त्याने हार मानली नाही ,अविरत प्रयत्न करत आशेला जिवंत ठेवले. शब्द थिटे आहेत त्याच्या खंबीर मानसिक शक्तीपुढे!!!!! मृत्यूशी शर्यत त्याची १४ अॅाक्टोबर १९५८ पर्यंत सुरू होती. अशा व्यक्तिमत्त्वाला अभिवादन!! ...Read more

  • Rating StarMASIK LOKPRABHA 26-6-2015

    अ‍ॅन्टाक्र्टिक मोहिमांचा थरार अ‍ॅन्टाक्र्टिक मोहिमांची सुरुवात झाली ती मुख्यत: अज्ञाताचा शोध घेण्याच्या साहसी वृत्तीतून. पण त्याला वैज्ञानिक दृष्टिकोनाची जोड असल्यामुळे त्या केवळ साहसी मोहिम नव्हत्या. तेथील प्रतिकूल वातावरणामुळे तेथे जाणाऱ्या, राहणा्या सर्वांनाच साहसाचा थरार अनुभवायला लागत असे. अशाच थरारक वैज्ञानिक मोहिमांचा नेता असणारा डग्लस मॉसनचे नाव आजही अ‍ॅन्टाक्र्टिकाच्या संदर्भात आदराने घेतलं जातं. अ‍ॅन्टाक्र्टिक विज्ञानातील सर्वश्रेष्ठ व्यक्तींमध्ये त्याची गणना होते. १९०७ ते १९३१ या काळात त्याने तीन मोहिमा केल्या. दुसऱ्या मोहिमेचा कर्ताधर्ताकरविता मॉसनच होता. या मोहिमेत सर्वाधिक भूभागावर संशोधन करण्यात आलं. ही मोहिम साहसविरहित संशोधन मोहिम म्हणून अपेक्षित असली तरी या मोहिमेवर सर एडमंड हिलरी यांनी भाष्य करताना संशोधन प्रवासाच्या इतिहासातील सर्वश्रेष्ठ बचावकथा असा उल्लेख केला आहे. त्याच मोहिमेची ही चित्तरकथा. ...Read more

Write Your Own Review
  • Default typing language is Marathi. To type in English press Ctrl+G key combination
Submit Review
PLEASE SEND YOUR AUDIO REVIEW ON editorial@mehtapublishinghouse.com

Related Books

People Who Bought This Item Also Bought

Latest Reviews

SARTH
SARTH by DR. S. L. BHYRAPPA Rating Star
हेमंत सांबरे

गेल्या तीन दिवसांत ही कादंबरी वाचून पूर्ण झाली .. ही कादंबरी वाचून होताच मन अगदी सुन्न होऊन गेले आहे . त्याचबरोबर अनेक संमिश्र भावना मनात दाटून आल्या आहेत . #आवरण ही जगप्रसिद्ध कादंबरी वाचल्यानंतर भैरप्पा यांच्या बद्दल मनात खूप आदरभाव निर्माण झाला होा . त्यानंतर त्यांचे हे दुसरे पुस्तक म्हणजे #सार्थ आज वाचून पूर्ण केले. या कादंबरीची कथा सातव्या शतकात घडत असते . *नागभट्ट* हा कादंबरीचा नायक आहे . हा नागभट्ट तुमच्या माझ्या सारखा एक सर्वसामान्य मनुष्य आहे . भैरप्पा यांनी त्याच्या नजरेतून त्या काळात घडत असलेल्या अनेक घटनांचा सूक्ष्म आढावा आपल्या समोर अतिशय समर्थपणे मांडला आहे . हे सातवे शतक म्हणजे असे होते की वैदिक धर्माचा प्रभाव जरी जनमानसात असला तरी , बौद्ध धर्माने ही आपली पाळेमुळे पूर्ण निदान उत्तर भारत , पूर्व भारत या भागात पसरवली होती . एक सामान्य मनुष्य म्हणून नागभट्टच्या मनात सुरू असलेली विविध द्वंद , त्याची वैदिक धर्म की बौद्ध धर्म याविषयी झालेली द्विधा मनस्थिती ही लेखकाने अचूक टिपली आहे . अनेक चर्चांमधून बौद्ध तत्त्वज्ञान , वैदिक तत्त्वज्ञान यांची ओळख अतिशय सोप्या भाषेत लेखक आपल्याला करून देतात , ते वाचताना आपल्या चित्ताला एक वेगळेच समाधान मिळत राहते .. या सर्व तत्त्वज्ञानाची प्रदीर्घ चर्चा , नायकाला येत असलेले वेगवेगळे अनुभव यातून आपणही समृध्द होत जातो . मधल्या काळात नायक मथुरेला येऊन राहतो . तेव्हा तिथल्या एका नाटक मंडळींबरोबर ओळख होऊन नायकाला त्यांच्या एका नाटकात प्रत्यक्ष *कृष्णाची* भूमिका करायला मिळते . तेव्हा त्याचे नाव *कृष्णानंद* असे होते . या भूमिकेमुळे नायकाला त्या भागात प्रचंड प्रसिध्दी मिळते . या नाटकातील असलेली त्याची नायिका चंद्रिका या सुंदर स्त्री बरोबर त्याचा विशेष स्नेह होऊन त्यांचे प्रेम ही जुळते . एखादी गोष्टीचा प्रचंड अभ्यास करून त्याला मांडणे यात भैरप्पा यांचा हात कदाचित फार कमी लेखक धरू शकतील . ही कादंबरी वाचतानाही प्रत्यही जाणवत राहते . याच काळात आद्य शंकराचार्य व मंडणमिश्र यांच्यातील झालेल्या जगप्रसिद्ध वादावर दोन ते तीन प्रकरणे या पुस्तकात आली आहे . या दोन दिग्गज वैदिक ऋषी बद्दल मी इतर अनेक ठिकाणी खूप ओझरते उल्लेख ऐकले होते , पण या कादंबरीत विस्तृत माहिती मिळाली , व एक वेगळेच समाधान मिळाले . कादंबरीचा शेवट आपल्याला पुस्तकातील आधीच्या अनेक कथावस्तू पासून एका वेगळ्याच दुनियेत घेऊन जातो .. याच सातव्या शतकात वायव्येकडून अरब लोकांची आक्रमणे सुरू झाली होती . तोपर्यंत भारतवर्षात लढली जाणारी युद्ध फक्त रणांगणावर लढली जात , त्याचा सामान्य जनतेला कुठलाही त्रास होत नसे . पण अरबांनी केलेल्या आक्रमण मुळे भारताचा सांस्कृतिक ढाचा कसा उद्ध्वस्त होऊ लागला याचे अचूक व सत्य वर्णन भैरप्पा यांनी केले आहे . ते वाचताना तेव्हाही हिंदूंची सद्गुण विकृती ( अनावश्यक असलेली अती सहिष्णुता ) कशा प्रकारे हिंदूंचा नाश करते हे ही त्यांनी सांगितले आहे . ती सर्व शेवटची प्रकरणे आपण सर्व हिंदूंनी मुळातच वाचण्यासारखी व अभ्यास करण्यासारखी आहे . एका प्रसंगात जेव्हा काही राजे एकत्र येऊन अरबांवर आक्रमण करण्याचे योजतात , तेव्हा धूर्त अरब त्या गावातील सूर्यमंदीर भ्रष्ट करायची धमकी देऊन त्या गावातील लोकांना युद्ध करण्यापासून व बाहेरून आलेल्या सैनिकांना सहाय्य न करण्याचे वचन घेतात . त्यामुळे जे नको तेच होते , व हळूहळू तो प्रदेश अरबांच्या ताब्यात जाऊन तेथला बौद्ध , वैदिक हिंदू धर्म नष्ट होऊ लागतो , याचे विदारक वर्णन आपल्यासमोर येते . हे वाचताना मला १७५१ साली नानासाहेब पेशव्यांनी काशी वर आक्रमण करून ते क्षेत्र मुक्त करण्याच्या प्रसंगाची आठवण झाली . तेव्हाही काशी मधील जनतेने नानासाहेब पेशव्यांना रोखले होते , नाहीतर तेव्हाचा ज्ञानवापी मंदीर मुक्त झाले असते ... तेव्हाही हिंदूंची सद्गुण विकृती आड आली जशी ती सातव्या शतकात ही आड आली होती .. असो --- अनेक अद्भुत प्रसंगातून आपल्याला ही कादंबरी घेऊन जात राहते ..सातव्या शतकातील भारताचे वर्णन वाचून आपण त्यावेळच्या राजांची वृत्ती , जनतेचा स्वभाव , साधू तसेच बौद्ध भिक्खू यांचे स्वभाव, त्यांचे विचार आपल्याला कळत जातात . लेखक आपल्याला नालंदा विद्यापीठ देखील दाखवून आणतो . त्याकाळात तेथील अध्ययन कसे चालत असे , हेदेखील आपल्याला वाचायला मिळते . पुस्तकाला कादंबरीची मोकळीक असली तरी आपल्याला ऐतिहासिक दृष्टिकोन ही मिळतो , हे नक्की ! ही कादंबरी वाचून होताच, भैरप्पा यांच्या इतर सर्व कादंबऱ्या व पुस्तके वाचण्याची उत्सुकता निर्माण झाली आहे , व ती इच्छा ही लवकरच पूर्ण होईल ही आशा! ...Read more