* Front & back cover images are for illustration purposes only and the price of book is sold separately.
  • Original Book Title: THE FULL CUPBOARD OF LIFE
  • Availability : Available
  • Translators : NEELA CHANDORKAR
  • ISBN : 9789353172589
  • Edition : 1
  • Weight : 0.00 gms
  • Pages : 220
  • Language : Translated From ENGLISH to MARATHI
  • Category : FICTION
  • Sub Category : CRIME & MYSTERY, THRILLER / SUSPENSE
  • Available in Combos :ALEXANDER MCCALL SMITH COMBO OFFER – 4 BOOKS
Quantity
MMA RAMOTSWE, WHO BECAME ENGAGED TO MR J.L.B. MATEKONI AT THE END OF THE FIRST BOOK, IS STILL ENGAGED. SHE WONDERS WHEN A DAY FOR THE WEDDING WILL BE NAMED, BUT SHE IS ANXIOUS TO AVOID PUTTING TOO MUCH PRESSURE ON HER FIANCE. FOR INDEED HE HAS OTHER THINGS ON HIS MIND - NOTABLY A FRIGHTENING REQUEST MADE OF HIM BY MMA POTOKWANI, PUSHY MATRON OF THE ORPHAN FARM.MMA RAMOTSWE HERSELF HAS WEIGHTY MATTERS ON HER MIND. SHE HAS BEEN APPROACHED BY A WEALTHY LADY - WHOSE FORTUNE COMES FROM SUCCESSFUL HAIR-BRAIDING SALONS - AND HAS BEEN ASKED TO CHECK UP ON SEVERAL SUITORS. ARE THESE MEN JUST INTERESTED IN HER MONEY? THIS MAY BE DIFFICULT TO FIND OUT, BUT MMA RAMOTSWE IS, OF COURSE, A VERY INTUITIVE LADY . . .
डिटेक्टिव्ह एजन्सी चालवणारी प्रौढ स्त्री मॅडम रामोत्स्वे... गॅरेज मालक असलेले प्रेमळ पण भिडस्त सद्गृहस्थ मातेकोनी... रामोत्स्वेचा आणि त्यांचा वाङ्निश्चय झालाय... पण लग्न मात्र मातेकोनी लांबणीवर टाकताहेत... आनाथालयाची चालक-मालक मॅडम पातोक्वानी या कंजूष पण सुस्वभावी आणि धाडसी स्त्रीने मातेकोनींसमोर ठेवलंय विमानातून पॅराशूटच्या साह्याने उडी मारण्याचं आव्हान... मातेकोनी ते आव्हान पूर्ण करतात का? रामोत्स्वेचं आणि त्यांचं लग्न होतं का? या प्रश्नांची सुंदर गुंफण ‘द फुल कबर्ड ऑफ लाइफ’ या कादंबरीत पाहायला मिळते. द नंबर वन डिटेक्टिव्ह एजन्सी या गाजलेल्या मालिकेवर चित्रपटही प्रदर्शित झाला आहे.
Video not available
Keywords
#फुलकबर्डऑफलाइफ #अलेक्झांडरमॅक्कॉलस्मिथ #नीलाचांदोरकर #बोट्स्वाना #मॅडमरामोत्स्वे #मातेकोना #मॅडममाकुत्सी #मॅडमपातोक्वानी #जीवजिथेगुंतला #हाऊस्टारबक्ससेव्ह्डमायलाइफ #टीअर्सऑफदजिराफ # मोरॅलिटीफॉरब्यूटिफुलगल्स #THEFULLCUPBOARDOFLIFE #ALEXANDERMCCALLSMITH #BOTSWANAMADAMRAMOTSWE #MATEKONI #MADAMPOTOKWANI #MAKUTSI #MADAMMOCHUDI #JEEV JITHE GUNTALA # MORALITYFORBEAUTIFUL GIRLS #UNCONDITIONALLOVE #TEARSOFTHEGIRAFFE #HOWSTARBUCKSSAVEDMYLIFE
Customer Reviews
  • Rating StarDAINIK LOKMAT 25-08-2019

    स्त्री गुप्तहेराचा रंजक शोध... आपल्या देशाबाहेर पाऊलही न ठेवलेल्या आणि फारसं शिक्षण नसलं तरी त्याची उणीव निसर्गनिर्मित हुशारीने भरून काढणाऱ्या आफ्रिका खंडातील बोटस्वाना या एका समृद्ध देशातील एकमेव खासगी स्त्री गुप्तहेराची कथा म्हणजे ‘द फुल कबर्ड ऑफ ाइफ’ ही अलेक्झांडर मॅक्काल स्मिथ लिखित कादंबरी होय. या कादंबरीचा मराठी अनुवाद नीला चांदोरकर यांनी केला आहे. बोटस्वानात घडणाऱ्या घटनांवर आधारित काही पुस्तके लेखक अलेक्झांडर स्मिथ यांनी यापूर्वी वाचकांच्या हाती सोपवली आहेत. सार्थकी लागणारं आयुष्य माणूस निश्चितपणे जगू शकतो, असा साधासोपा जीवनाचा मथितार्थ ही पुस्तके सांगून जातात. मॅडम रामोत्सवे या महिला गुप्तहेराची ही उत्कंठावर्धक व संवेदनशील मनाचा भावस्पर्श उलगडणारी ही कादंबरी... – दीपक कुलकर्णी ...Read more

Write Your Own Review
  • Default typing language is Marathi. To type in English press Ctrl+G key combination
Submit Review

Related Books

People Who Bought This Item Also Bought

Latest Reviews

RIKTA
RIKTA by JOGLEKAR MOHANA Rating Star
- संजय वैशंपायन, 21/1/2020

आशयाने परिपूर्ण रिक्त कथासंग्रह भारतातून अमेरिकेत स्थायिक होऊन पुढची पिढी हाताशी आणि तरी भारतीयत्वाची नाळ तुटत नाही हेच खरं आणि अशाच प्रकारच्या भावना व विचार मूळच्या रत्नागिरीकर मोहना प्रभुदेसाई-जोगळेकर, यांनी त्यांच्या स्वतंत्रपणे प्रकाशित झालेल्या‘रिक्त` या कथासंग्रहामधील कथांमधून मांडल्या आहेत. लेखिकेचा ‘मेल्टिंग पॉ` हा पहिला कथासंग्रह. त्याची फार मोठी चर्चा झाली होती. कोमसापचा लेखिकेचा पुरस्कारही या पुस्तकाच्या मध्यमातील सृजनासाठी लेखिकेला प्राप्त झाला आहे. यामुळे ‘रिक्त` या संग्रहातून मोठ्या अपेक्षा होत्याच आणि त्या पूर्ण होतात, असंच म्हणावं लागेल. मुखपृष्ठ पाहताच यामधील कथा नव्या युगाच्या, नव्या धाटणीच्या असणार असंच वाटतं. ‘रिक्त` कथासंग्रहातील कथाविषय, पात्र, घटना, काळ यांचे निराळे संदर्भ घेऊन येतात आणि त्यामुळेच दीर्घ काळ मनात रेंगाळत राहतात. पात्रांचा कथेतील घटनांबद्दल स्वत:चा दृष्टीकोन हेही कथांचं वैशिष्ट्य. वाटेत घडलेल्या घटनेने बदललेलं आयुष्य, आईच्या निधनानंतर परदेशातून आलेली ती, स्वत:ची ओळख पटलेल्या दोन मुलींमुळे त्यांच्या घरात उठलेलं वादळ, मुलीवर आपल्या हातून अन्याय झाला हे अखेर तिच्यासमोर कबूल करणारे वडील, शाळकरी मुलाला त्याच्या पालकांनीच शाळेत प्रवेश घ्यावा असं वाटायला लागणारं वास्तव, जातिभेद करायचा नाही, या निश्चयाने वेगळं पाऊल उचलणारी तरुणी, आई-वडिलांच्या घटस्फोटाचं सावट मनावर असताना लग्न केलेली युवती, समाजसेवेच्या अनुभवातून झालेली द्विधा मन:स्थिती, अनाथ मुलासाठी एका तरुणीने उचललेलं अनोखं पाऊल, घरातील ‘फूकट` गेलेला मुलगा, अशा असंख्य विषयांमधून व्यक्तिरेखांचं बारीक निरीक्षण कथेतील पात्रापात्रांतून डोकावत राहतं. सारीच पात्रं वाचकाला अलगद त्या त्या काळात नेऊन सोडतात, कथेतील काळाशी, वातावरणाशी वाचक नकळत एकरूप होऊन जातो. ‘रिक्त` कथासंग्रहातील प्रत्येक कथा ‘पुढे काय’ ही उत्कंठा वाढवणारी आणि पुढील कथेबद्दल उत्सुकता ताणणारी आहे; पण पहिल्याच ‘पाश’ या कथेमध्ये निखळ कोकणातील धोपेश्वरमधील कुटुंबाची घरातील सदस्यांमुळे झालेली परवड आणि नंतर ते रक्ताच्या नात्यांचे पाश तुटताना व तोडताना झालेली तडफड फार उत्कटपणे मांडली आहे. हा कथासंग्रह १३ भरगच्च कथांचा आहे. यामुळे सर्वच कथांबद्दल स्वतंत्रपणे लिहिणे शक्य होणार नाही; परंतु त्यातील उल्लेखनीय ‘अमरचा दिवस’ टिपिकल झोपडपट्टीतील वातावरणात वाढणार्या मुलांची घुसमट, प्रगतीची आस अन् परीस्थितीचा तणाव ही संपूर्ण मध्यमवर्गीय वाचकाला अनभिज्ञ परिस्थिती मांडण्यात व त्यातील काळीज पिळवटून टाकणारी वस्तुस्थिती अत्यंत प्रखर तीव्रतेने शब्दबद्ध करण्यात लेखिका यशस्वी झाली आहे. मोगरेबार्इंच्या रूपाने सुशेगात मध्यमवर्गीय स्थिती आणि सुटू न शकणार्या परिस्थितीच्या प्रश्नांची उकल शोधणार्या मंगलातार्इंच्या भांबावलेपणाची मांडणी सुरेखच साधली आहे. ‘संभ्रम’चा कथाविषय, खरंतर लेखिकेचं प्रोफाईल पाहिलं तर अनवट वाटणारा. सामाजिक संस्थांच्या माध्यमातून मानवी गिनीपिग्ज उपलब्ध करून देण्याचा वेगळा व्यापार, त्यातील प्रश्न आणि सज्जन मनाला पडणारे प्रश्न फार धाडसाने मांडण्यात आले आहेत. कथा जरी मीना- चेतनची असली तरी बहुराष्ट्रीय कंपन्यांच्या आक्रमणात माणसांचा प्रयोग म्हणून वापर करण्याच्या प्रवृत्तीचा फायदा घेणाNयांचा उद्योग कथापटावर मांडण्यात आला आहे. ‘समाधान’ ही कथा ५५ ते ७० या कालखंडातील असल्याचे निश्चितपणे वाटते. अशा पाश्र्वभूमीवर कमू, गीताई, आबा या व्यक्तिरेखा थोडक्या लेखनात अतिशय समर्थपणे लेखिका उभ्या करते. वर्षाला बावन्न चित्रपट सावत्र मुलीला दाखवणारी गीताई आणि सावत्र मुलीची आत्या सुधा यांचे नातेसंबंध, त्यांची अपरिहार्यता उभी करण्याचे शिवधनुष्य लेखिकेने समर्थपणे पेलले आहे. भरगच्च आशयमूल्य असणार्या १३ कथा समाविष्ट असणार्या या कथासंग्रहाचं नाव ‘रिक्त’ का, याचं उत्तर या संग्रहातील शेवटची कथा ‘रिक्त’ हे आहे. वयात येणार्या अमिताकडे सगळ कुटुंब लक्ष देत असूनही शाळेतील मुलांचं चिडवणं मनाला लागतं आणि मनोरुग्ण व्हावं अशा परिसीमेने अमिता अन्न उलटून टाकणं, अवाजवी एरोबिक्स करते. युरोपात राहण्याचे भारतीयांवर होणारे मानसिक परिणाम बारीक बारीक कंगोर्यासह समर्थपणे मांडणारी कथा म्हणजे ‘रिक्त.’ खरंतर संग्रहातील सर्वच कथा परिपूर्ण आहेत; परंतु लेखिकेच्या मते यातील परमोच्च कथा ‘रिक्त’ असावी आणि त्यामुळेच संग्रहाला ‘रिक्त’ नाव दिलं असावं. मेहता पब्लिशिंग हाऊसने हे पुस्तक अतिशय व्यावसायिक पद्धतीने प्रकाशित केलं आहे. सुरेख मुखपृष्ठ, छान टाईप व कागद देखील आंतरराष्ट्रीय दर्जाचा वापरल्याने वाचताना बरं वाटतं. लेखिकेच्या निरीक्षणाचा, स्मरणाचा आणि सगळा एकत्रित परिणाम देणारं लिखाण फार आश्वासक आणि साहित्य जगात उज्ज्वल भवितव्य निश्चित करणारं आहे. खरंतर संग्रहातीलच एखाद्या कथेचं नाव संपूर्ण कथासंग्रहाला देण्याऐवजी स्वतंत्र ओळख ठरावी, असं नाव देणं गरजेचं वाटतं आणि बर्याच कथा या छोटी कादंबरी होण्याच्या जवळपास असल्याने भविष्यात लेखिकेने आपल्या शैलीमधील कादंबरी लेखनाचा टप्पा गाठावा, असं वाटणं साहजिकच! एकंदरीत काय, तर भरगच्च आशयाचा ‘रिक्त’ कथासंग्रह आपल्या संग्रहात हवाच. आणि हो, पुन: वाचताना देखील कंटाळा नाही येत! ...Read more

PARKHA
PARKHA by DR. BHYRAPPA S. L. Rating Star
Swapnil kakade

सध्या एस. एल. भैरप्पा ह्यांचे "पारखा" वाचतोय. एकच प्रकरण पूर्ण झालंय पण पुस्तकाने गारूड घालायला सुरुवात केलीय. मला वाटतं ह्याच श्रेय जितकं भैरप्पा ह्यांच आहे तितकच मराठीत अनुवाद करणाऱ्या उमा कुलकर्णी ह्यांच पण आहे.