* Front & back cover images are for illustration purposes only and the price of book is sold separately.
  • Original Book Title: ADOLF HITLER
  • Availability : Available
  • ISBN : 9789386888556
  • Edition : 1
  • Weight : 0.00 gms
  • Pages : 368
  • Language : MARATHI
  • Category : BIOGRAPHY
  • Available in Combos :ATUL KAHATE COMBO OF 7 BOOKS
Quantity
AS THE MOST POPULAR PERSON OF THE TWENTIETH CENTURY, WE CAN NAME ADOLF HITLER. HITLER, WHO HAD BEEN SUBJECTED TO ACHIEVING THE ULTIMATE GLORY OF THE DEGRADED GERMANY IN WORLD WAR I, UNEXPECTEDLY PULLED DOWN THE POWER OF GERMANY AND TRIED TO DO SOMETHING THAT WOULD NOT WORK FOR THE WELFARE. AFTER SUCCESSIVELY ESTABLISHING A DOMINION OVER ONE COUNTRY, HITLER LOST ALL THE WORLD`S SLEEP. HIS DEVOTIONAL DREAM WAS BROKEN BUT LATER IN HIS GOVERNMENT CAREER FOR ONLY A DOZEN YEARS, HITLER ACTUALLY SHRUGGED OFF. IT IS IMPORTANT TO DEAL WITH THE LOSS OF THE JEWISH PEOPLE, BEHAVE VERY VICIOUSLY WITH OUR ENEMIES, SHOW GREAT UNBELIEF ON THEIR OWN COLLEAGUES, AND NOT TO SHOW PARTIALITY OF HUMANITY BY SPEAKING TO THEM. THE DICTATORSHIP AND MONARCHY FOUND THEIR STATUS IN HIS CAREER. MANY PEOPLE SEEM TO BE DORMANT ABOUT THE BADGE LEADING TO THE WORLD`S SECOND FASTEST WAR. IN FACT, HOW HITLER BECAME SO POPULAR AND WHAT IS SAID ABOUT IT EVEN TODAY, THIS DEEPLY DEBATED ISSUE OF THIS VERY IMPORTANT ISSUE IS DONE IN VERY SIMPLE LANGUAGE FOR MARATHI READERS OF ALL AGES. THE READERS OF THIS VIEW WILL ALSO BE ABLE TO SEE WHAT SHOULD BE DONE TO PREVENT THE CREATION OF HITLER IN THE NEW WORLD.
विसाव्या शतकामधला सगळ्यात गाजलेला माणूस म्हणून आपण अ‍ॅडॉल्फ हिटलरचं नाव घेऊ शकतो. पहिल्या महायुद्धात मानहानी झालेल्या जर्मनीला गतवैभव प्राप्त करून देण्याच्या ध्येयानं भारून गेलेल्या हिटलरनं अत्यंत अनपेक्षितरीत्या जर्मनीची सत्ता आपल्याकडे खेचून घेतली आणि भल्याभल्यांना जमणार नाही अशी कामगिरी करण्याचा चंग बांधला. एकामागून एका देशांवर आपलं वर्चस्व प्रस्थापित करत हिटलरनं सगळ्या जगाची झोप उडवली. त्याचं आसुरी स्वप्न मात्र नंतर भंगत गेलं. केवळ डझनभर वर्षांच्या आपल्या राजकीय कारकिर्दीत हिटलरनं अक्षरशः धुमाकूळ घातला. ज्यू लोकांचा संहार, आपल्या शत्रूंशी अत्यंत क्रूरपणे वागणं, आपल्याच सहकाऱ्यांवर विलक्षण अविश्वास दाखवणं, माणुसकीचा अंशही वागण्याबोलण्यातून न दाखवणं, अशा त्याच्या अनेक अवगुणांचं त्याच्या गुणांबरोबरच विश्लेषण करणं म्हणूनच महत्त्वाचं ठरतं. हुकूमशाही आणि एकाधिकारशाही यांचं थैमान त्याच्या कारकिर्दीत बघायला मिळालं. जगाला वेगानं दुसNया महायुद्धाकडे नेणाऱ्या या खलनायकाविषयी अनेक जणांना सुप्त आकर्षण वाटत असतं. मुळात हिटलर इतका लोकप्रिय कसा झाला आणि त्याच्याविषयी आजसुद्धा इतकं का बोललं जातं, या अत्यंत महत्त्वाच्या मुद्द्याचा सखोल ऊहापोह अत्यंत सोप्या भाषेत सगळ्या वयोगटामधल्या मराठी वाचकांसाठी या पुस्तकात केला आहे. नव्यानं या जगात हिटलर निर्माण होऊ नये म्हणून काय केलं पाहिजे, यासाठीची दृष्टीही वाचकांना या निमित्तानं मिळेल!

Keywords
#ATULKAHATE#HITLER#
Customer Reviews
  • Rating StarDAINIK SAMANA 08-04-2018

    पुन्हा एकदा हिटलर... जगात जसे रावण, कंस आणि दुर्योधनाचे अवतार जेवढे क्रूर तेवढे लोकप्रिय का असतात? आधुनिक काळातील हिटलर काय किंवा सद्दाम, लादेन, इदी अमीन यांच्यासारखे राक्षस वर्षानुवर्षे सत्तेवर राहतात आणि इतिहास रक्ताने भरून टाकतात. अशा सत्तांध, नरधमांची चरित्रे किंवा आत्मचरित्रे प्रचंड प्रमाणात वाचली जातात, असे का? फ्रॉइडने म्हटले आहे, ‘प्रत्येक माणसात एक पशू लपलेला असतो.’ या विधानाचा प्रत्यय रोज छोट्या पडद्यावर बघायला मिळतो. ‘हिटलर’ हा असाच एक दानव होता, जो मानवाच्या जिवावर उठला होता. दरवर्षी हिटरलविषयक नवनवी पुस्तके येत असतात. जग जिंकण्याच्या लालसेने पिसाटलेला हा दैत्य अखेर ‘दो गज जमीन के नीचे’ गेला. पहिल्या महायुद्धात जर्मनी हरला होता, परंतु दुसऱ्या महायुद्धात त्या देशाने प्रचंड विजय मिळविला. या यशामागे होता हिटलर. अर्थात त्याचे चाहते त्याचे भक्तिभावाने समर्थन करतात, हा भाग वेगळा. ऑस्ट्रियाची राजधानी व्हिएन्नाच्या कला अकादमीत ते चित्रकला शिकत होते, पण नापास झाल्याने तिथे आणि म्युनिक (जर्मनी)मध्ये वयाची १८ ते २५ वर्षे वाया घालवली. वयाच्या तिसाव्या वर्षी तो एका राजकीय प्रवासाकडे निघाला आणि पुढे तब्बल २६ वर्षे तो सतत यश मिळवत गेला. त्याच्या आयुष्यात अनेक लावण्यवती आल्या. त्याला ठरावीक वेळी त्या हव्याशा वाटत. इतर वेळी तो अन् त्याचे राजकारण हेच महत्त्वाचे वाटत असे. या बारीकसारीक तपशिलांसह लेखकाने सखोल अभ्यास करून या चरित्रग्रंथाची वेगळी मांडणी केली आहे. हिटलरच्या अनेक उत्तम गुणांपैकी एका होता त्याचा अफाट वाचनाचा छंद. बेकारीच्या काळात त्याने जे असंख्य ग्रंथ वाचले होते त्यांचा उपयोग पुढे फार झाला. अर्थात वाचन कधीच वाया जात नाही? (हिंदुस्थानातले किती राजकारणी वाचन करतात याचा शोध घ्यायची गरजच नाही. अनेक घरांचे मालक असणारे मंत्री शाही घरात एक पुस्तक ठेवतील तर शपथ!) असो, हिटलरची जडणघडण त्याने स्वत:च केली. निग्रही वागणे, धाडसी स्वभाव, धैर्याबरोबर शौर्य आणि पराजय मान्य न करण्याची चिकाटी हे सद्गुण होते तर दुराग्रही वागणे, बदला घेण्याची क्रूर वृत्ती, कुणावरही विश्वास न ठेवण्याची सवय हे त्याचे दुर्गुण. या गुणदोषांचे बरे-वाईट परिणाम त्याला आणि त्याच्या सहवासात आलेल्या/असलेल्या अनेक निष्ठावंतांना भोगावे लागले. प्रस्तुत चरित्रग्रंथात कहाते यांनी हिटलरच्या गुणावगुणांचे समर्थपणे दर्शन घडवले असून त्याचे यश, त्याच्या चुका आणि यासंबंधी अनेक मुद्दे अधोरेखित केले असून त्याच्या शोकांतिकेनंतर काय काय घडले, हेही सविस्तर संदर्भासहित सांगितले आहे. ३० एप्रिल १९४५ या शुभविशी ईव्हा ब्राऊनसह त्याने दुपारी ३.३० वाजता आत्महत्या केली. पुढे त्याच्या साथीदारांनी काय केले. ते कुठे लपले व पळाले हेही चित्तथरारक प्रकरण आहे. रशियन सेनेने जर्मनी ताब्यात घेऊन युरोपात शांती प्रस्थापित कशी केली. जर्मन लोकांना हेही समले की, एका क्रूरकर्मा व्यक्तीच्या भूलथापांना भुलून आपण कंगाल झालो; पण तेव्हा उशीर कसा झाला होता, हा सारा इतिहास वाचायलाच हवा. – अरविंद दोडे ...Read more

  • Rating StarRanga Joshi

    हिटलर नसता तर ज्यु शास्त्रज्ञाना देश सोडावा लागला नसता आणि अजूनही चांगले चांगले शोध लागून मनुष्य सृष्टी आनंदी झाली असती

  • Rating Star‎Amruta Chougule

    विसाव्या शतकामधला सगळ्यात गाजलेला माणूस म्हणून आपण अ‍ॅडॉल्फ हिटलरचं नाव घेऊ शकतो. पहिल्या महायुद्धात मानहानी झालेल्या जर्मनीला गतवैभव प्राप्त करून देण्याच्या ध्येयानं भारून गेलेल्या हिटलरनं अत्यंत अनपेक्षितरीत्या जर्मनीची सत्ता आपल्याकडे खेचून घेतली णि भल्याभल्यांना जमणार नाही अशी कामगिरी करण्याचा चंग बांधला. एकामागून एका देशांवर आपलं वर्चस्व प्रस्थापित करत हिटलरनं सगळ्या जगाची झोप उडवली. त्याचं आसुरी स्वप्न मात्र नंतर भंगत गेलं. केवळ डझनभर वर्षांच्या आपल्या राजकीय कारकिर्दीत हिटलरनं अक्षरशः धुमाकूळ घातला. ज्यू लोकांचा संहार, आपल्या शत्रूंशी अत्यंत क्रूरपणे वागणं, आपल्याच सहकाऱ्यांवर विलक्षण अविश्वास दाखवणं, माणुसकीचा अंशही वागण्याबोलण्यातून न दाखवणं, अशा त्याच्या अनेक अवगुणांचं त्याच्या गुणांबरोबरच विश्लेषण करणं म्हणूनच महत्त्वाचं ठरतं. हुकूमशाही आणि एकाधिकारशाही यांचं थैमान त्याच्या कारकिर्दीत बघायला मिळालं. जगाला वेगानं दुसNया महायुद्धाकडे नेणाऱ्या या खलनायकाविषयी अनेक जणांना सुप्त आकर्षण वाटत असतं. मुळात हिटलर इतका लोकप्रिय कसा झाला आणि त्याच्याविषयी आजसुद्धा इतकं का बोललं जातं, या अत्यंत महत्त्वाच्या मुद्द्याचा सखोल ऊहापोह अत्यंत सोप्या भाषेत सगळ्या वयोगटामधल्या मराठी वाचकांसाठी या पुस्तकात केला आहे. नव्यानं या जगात हिटलर निर्माण होऊ नये म्हणून काय केलं पाहिजे, यासाठीची दृष्टीही वाचकांना या निमित्तानं मिळेल! ...Read more

  • Rating StarYogesh Jadhav

    Good book By again my Favorite Author... Atul Kahate...

  • Read more reviews
Write Your Own Review
  • Default typing language is Marathi. To type in English press Ctrl+G key combination
Submit Review

Related Books

People Who Bought This Item Also Bought

Latest Reviews

TRISHANKU
TRISHANKU by SUDHA MURTY Rating Star
Divya Marathi 14.12.19

मिथक कथांचा तपशीलवार वर्णनात्मक आढावा असणाऱ्या कथा... श्रीराम आणि श्रीकृष्ण ही भारतीयांची आराध्य दैवतं. या दोघांच्या कथा सगळ्यांना माहीत असल्या तरी त्यातील काही उपकथानकं किंवा आख्यायिका सगळ्यांना माहीत नसतात किंवा त्यातील बारीकसारीक तपशील माहीत नसता. तर या दोन्ही दैवतांच्या कथा त्या कथांमधील उपकथानकांसह, आख्यायिकांसह सुधा मूर्ती यांनी त्यांच्या `द अपसाइड डाउन किंग` या पुस्तकातून समोर आणल्या आहेत. राम ज्या वंशात जन्मला त्या सूर्यवंशातील दिलीप राजाची कथा यात अंतर्भूत आहे. दिलीप राजाने कामधेनूकडे दुर्लक्ष केलं म्हणून देवांनी त्याला शाप दिला, की जोपर्यंत तुला गायीचं महत्त्व कळणार नाही, तोपर्यंत तू निपुत्रिक राहशील. त्यानंतर वसिष्ठ मुनींनी त्याला नंदिनी नावाची गाय भेट म्हणून दिली. दिलीप राजाने आपल्या राज्याचा त्याग करून पत्नीसह नंदिनीची खूप सेवा केली आणि त्यांना पुत्रप्राप्ती झाली. मुलाचं नाव ठेवलं रघू. रघू पराक्रमी होता. त्याने वडिलांचं राज्य परत मिळवलं. रघूने सूर्यवंशाचं नाव इतकं उज्ज्वल केलं, की सूर्यवंश रघुवंश म्हणून ओळखला जाऊ लागला. अज हा रघूचा मुलगा, त्याच्याबाबतीतलं छोटंसं कथानक, अजाचा मुलगा दशरथ याचा उल्लेख, अशा रीतीने सूर्यवंशाची वंशावळ कथाभागासह समजते. मनोहर या वाटमाऱ्याची कथा यात आहे. वाटमाऱ्याचा वाल्मीकी कसा झाला, हा कथाभाग त्यात येतो. ईक्ष्वाकु वंशाचा बहू राजा, त्याला राज्य गमावून आपल्या दोन राण्यांसह भार्गव ऋषींच्या आश्रमात घ्यावा लागलेला आश्रय. तिथे त्याच्या मुलाचा सगराचा झालेला जन्म, सगराने वडिलांचं राज्य परत मिळविणे, सगराच्या दोन राण्या, त्यातील एकीला साठ हजार पुत्रांची झालेली प्राप्ती, त्यांनी सुमद्राची केलेली निर्मिती इ. कथाभाग बहू राजाच्या कथेत येतो. वसिष्ठ मुनींचा निमी राजावर झालेला रोष आणि त्याने त्यांच्याकडे मागितलेला वर याची कथा, भगिरथाने गंगेला पृथ्वीवर का आणि कसं आणलं ही कथा, सत्यव्रत त्रिशंकू का झाला, हरिश्चंद्राला किती दिव्यांमधून जावं लागलं, कौशेट्याच्या कथेचा विजयादशमीच्या सोनं लुटण्याशी असलेला संबंध, रावणाच्या जन्माची, त्याच्या विवाहाची, त्याला मिळालेल्या चार शापांची, त्याला शंकराकडून मिळालेल्या आत्मलिंगाची, रावणाच्या भावांची इ. रावणाशी संबंधित कथा या पुस्तकात समाविष्ट आहेत. हनुमानाशी संबंधित कथा, सीतेने दशरथासाठी केलेलं वाळूचं पिंडदान, राम-लक्ष्मण भरत-शत्रुघ्न यांचं महानिर्वाण इ. रामायणातील अनेक कथांचा समावेश या पुस्तकात केला गेला आहे. महाभारतातील कथांची सुरुवात होते चंद्रवंशापासून. या वंशातील राजा ययातीच्या कथेत चंद्रवंशाचे पुरुवंश आणि यदुवंश असे दोन भाग कसे झाले, हा कथाभाग येतो. कृष्णाशी संबंधित अनेक कथा यात आहेत. त्यात स्यमंतक मण्याची कथा आहे. त्या कथेतच सत्यभामा आणि जांबुवंतीशी कृष्णाच्या झालेल्या विवाहाचं उपकथानक आहे. कृष्णाचे शत्रू, त्याला झालेली अश्व आणि रथाची, शंखाची प्राप्ती, नरकासुर वध, कृष्णाचा पुत्र प्रद्युम्न आणि शबरासुराची कथा, प्रद्युम्नाचा पुत्र अनिरुद्ध आणि बाणासुराची कन्या उषा यांची प्रेमकथा, कृष्णाच्या राण्यांची कथा, वर्धन आणि सत्यवतीची कथा, साडेतीन रत्नांची कथा, गया राक्षसाची, उंदक ऋषींची कथा आणि कृष्णाच्या अंताची कथा इ. उपकथानकांसह, अाख्यायिकांसह या पुस्तकात अंतर्भूत केल्या अाहेत. या पुस्तकाचं वैशिष्ट्य म्हणजे या घटना अापल्या देशात काेणत्या भागात घडल्या अाणि अाता ताे प्रदेश काेणत्या नावानं अाेळखला जाताे, या विषयीही या पुस्तकातून माहिती मिळते. जसे गया राज्याच्या बलदंड व विस्तृृत छातीवरच युद्ध झाल्याने त्याला मरण पत्करावे लागले; पण जेथे हे युद्ध घडले, ती जागा बिहार राज्यातील गया नावानेच प्रसिद्ध आहे. आजही तेथे मृत्यूनंतरचे संस्कार केल्याने मोक्ष मिळतो असे म्हणतात. कर्नाटकातील गोकर्ण येथे रावणाने आत्मलिंग जमिनीवर ठेवल्याचा प्रसंग घडला व ते रावणाने तेथून उचलण्याच्या प्रयत्नांत ओढले गेल्याने गाईच्या कानासारखा आकार प्राप्त झाल्याचे आजही पहायला मिळते. असे अनेक संदर्भ या कथांच्या अनुषंगाने आपल्यासमोर येतात. महत्त्वाच्या घटनांच्या अपरिहार्यतेला कारणीभूत ठरलेले प्रसंग उदा. रावणाला चार प्रसंगांत चार जणांकडून शाप मिळाला. त्या चार शापांचं फलित होतं, त्याचा रामाकडून झालेला वध. हनुमानाचं पाताळात जाणं, राम काळाशी बोलत असताना व्यत्यय न आणण्याची अगदी महत्त्वाची सूचना लक्ष्मणाला दिलेली असताना दुर्वासांचं तिथं येणं, लक्ष्मणाला राम आणि काळ यांच्या संभाषणात व्यत्यय आणणं भाग पाडणं, या प्रसंगांची परिणती राम आणि लक्ष्मणाच्या मृत्यूच्या अटळतेत होते. तेव्हा एकमेकींमध्ये गुंफलेल्या या कथारूपी कड्या वाचकाला गुंतवून ठेवतात आणि त्याचं रंजनही करतात. राम आणि कृष्ण हे देव असूनही मानव जन्मात त्यांना जे दुःख भोगावं लागलं, ते त्यांनी धीरोदात्तपणे भोगलं. त्यामुळे माणसाने दुःख भोगताना मनाचा तोल सांभाळला पाहिजे, असा संदेश या कथांमधून मिळतो; तसेच वाईट गोष्टीचे फळ वाईट मिळते आणि चांगल्या गोष्टीचे फळ चांगले मिळते, असाही एक संदेश या कथांमधून अधोरेखित होतो. सुधा मूर्तींच्या मूळ रसाळ कथनाचा ओघ लीना सोहोनींनी मराठीतही कायम ठेवल्याने वाचक पुस्तक वाचून पूर्ण केल्यावरच खाली ठेवतो. ...Read more

YAYATI
YAYATI by V. S. KHANDEKAR Rating Star
Vijay Andhere

वि . स खांडेकरांची गाजलेली ययाती... देवयानी आणि ययाती यांच्या निखळ प्रेमाची साक्ष देणारी ययाती...