आपलं ` सांगाती......स्मरणझुला एका जिप्सीचा ` हे नितांत सुंदर पुस्तक फारच आवडलं. आज या पुस्तकाची थोडक्यात माहिती माझ्या सात आठ मित्रांना देताच, दोघांनी हे पुस्तक घेणार असल्याचं सांगितलं. थोडक्यात हटके अशी माहिती या पुस्तकात आपण दिली आहे.एक चांगलं पुस्क दिल्याबद्दल आपले आभार आणि सुंदर पुस्तक लिहिल्याबद्दल अभिनंदन. ` कुबेर ` मास्टर अविनाश यांच्या बद्दल लिहिताना आपण पृष्ठ.क्रमांक ८८ वर असं म्हटलंय,की लोकमान्य टिळकांनी आपल्या बोटातील अंगठी काढून त्यांच्या बोटात चढवली. मी एके ठिकाणी वाचलं आहे,की पुण्यप्रभाव नाटकास टिळक हजर होते.मध्यंतरात लोकमान्यांनी गणूचे विशेष कौतुक करताना म्हटले, " युवराजाची सुंदर भूमिका करणाऱ्या या मुलाचे कौतुक करावेसे वाटते.याला काहीतरी द्यायला हवं.पण मी हा असा ! काय देऊ या मुलाला ? तेव्हा त्यांच्या शेजारच्या खुर्चीवर बसलेल्या गृहस्थांनी आपली सोन्याची अंगठी काढून टिळकांच्या हातात दिली." या सद्गृहस्थांनी दिलेली ही अंगठी मी या मुलाला बक्षीस देतो." असे म्हणून टिळकांनी ती अंगठी गणूच्या बोटात घातली. ...Read more