* Front & back cover images are for illustration purposes only and the price of book is sold separately.
  • Original Book Title: TAKE ME HOME
  • Availability : Available
  • Translators : SUNITI KANE
  • ISBN : 9788184986303
  • Edition : 3
  • Weight : 0.00 gms
  • Pages : 380
  • Language : Translated From ENGLISH to MARATHI
  • Category : BIOGRAPHY & TRUE STORIES
  • Sub Category : MEMOIRS, DIARIES, LETTERS & JOURNALS
  • Available in Combos :RASHMI BANSAL COMBO SET
Quantity
Buying Options:
  • Ebooks:
  • Print Books:
TAKE ME HOME: THE INSPIRING STORIES OF 20 ENTREPRENEURS FROM SMALL-TOWN INDIA WITH BIG-TIME DREAMS IS THE STORY OF INSPIRING ENTREPRENEURS WHO NEVER LEFT THEIR HOMETOWNS TO GET FOREIGN EDUCATION OR DECIDED TO WORK A FEW YEARS ABROAD. THEY ARE YOUNG AND INNOVATIVE AND HAVE BUILT EMPIRES FROM THEIR HOMELAND. RASHMI BANSAL DESCRIBES THE LIVES OF SUCH ENTERPRISING TALENT WITH HER BOOK, TITLED TAKE ME HOME: THE INSPIRING STORIES OF 20 ENTREPRENEURS FROM SMALL-TOWN INDIA WITH BIG-TIME DREAMS. SHE BELIEVES THAT THESE SONS OF THE SOIL HAVE NEVER ABANDONED THEIR OWN HOMES FOR THE GREENER PASTURES AND HAVE RUN GLOBAL TRIUMPHS THROUGH THEIR OWN WORLD. TAKE ME HOME: THE INSPIRING STORIES OF 20 ENTREPRENEURS FROM SMALL-TOWN INDIA WITH BIG-TIME DREAMS IS THE STORY OF A NEW GENERATION OF MOGULS WHO BRING HOPE TO THEIR COMMUNITIES, WRITTEN IN SIMPLE AND RELATABLE VERSE. THEIR STORIES INSPIRE PEOPLE TO DREAM BIGGER WITHOUT LAMENTING THEIR LOCATION OR BACKGROUND.
किरीट देशपांडे यांनी नागपुरात राहून आपलं व्यवसायाचं स्वप्न पूर्ण केलं... चंदूभाई विराणी यांनी राजकोटमधून सुरुवात करून ‘ग्लोबल’ उद्योग साकारला... दीपक दाधोटी यांनी बेळगावमधून घेतलेली ‘उद्योग-भरारी’ देश-विदेशांत पोहोचली... या सगळ्यांना हे जमलं; तर मग तुम्हाला का नाही जमणार? या पुस्तकात आहेत आपल्या मातीशी इमान राखत उद्योगांची उभारणी करणाऱ्या २० उद्योजकांच्या विलक्षण प्रेरक कहाण्या. भारतातल्या लहानशा खेड्यांमधून या उद्योजकांनी आपल्या उद्योगाची सुरुवात केली, आणि ते जागतिक स्तरावर नेले. विशेष म्हणजे त्यासाठी त्यांनी स्थानिक पातळीवरील गुणवान मंडळींच्या गुणांचाच कौशल्याने उपयोग करून घेतला, आणि नवीन रोजगारही निर्माण केला. त्यांनी सिद्ध केलं की, एक चांगला उद्योग उभारण्यासाठी तुम्ही मोठ्या शहरांमध्येच असलं पाहिजे असं काही नाही. त्यांनी दाखवून दिलं की, तुमच्याकडे योग्य दृष्टिकोन, ध्येयवेड आणि जिद्द असेल तर तुम्हीही यशस्वी उद्योजक होऊ शकता; तुम्हीही तुम्हाला हवं ते करू शकता; काहीतरी नवीन घडवू शकता; तुमचा स्वत:चा असा यशोमार्ग निर्माण करू शकता — हा मार्ग ‘मायमाती’तून सुरू होणारा... ‘ग्लोबल’ आकाशाला गवसणी घालणारा...!
Video not available
No Records Found
No Records Found
Keywords
#मराठीपुस्तके#मराठीप्रकाशक #MARATHIBOOKS#ONLIN EMARATHIBOOKS#TRANSLATEDMARATHIBOOKS#TBC#TRANSLATEDBOOKS@50% #TRANSLATEDFROMENGLISHTOMARATHI #BIOGRAPHY #SWAPNANCHEINDRADHANU #TAKE ME HOME #सुनीति काणे #SUNITI KANE #RASHMIBANSAL #स्वप्नांचे इंद्रधनू #FOLLOW EVERY RAINBOW #रश्मी बन्सल
Customer Reviews
  • Rating StarMAHARASHTRA TIMES 13-04-2015

    मुलांना स्वातंत्र्य द्या!... मुलांनी ठराविक क्षेत्रातच करिअर करावे, अमक्या क्षेत्रात करू नये, असे सांगून आपल्या मुलातील नावीन्यता आणि उत्साह कमी करू नका. याउलट मुलांना स्वातंत्र्य देऊन त्यांच्या पाठीशी उभे राहा, असा सल्ला प्रसिद्ध लेखक रश्मी बन्सल यंनी दिला. ही मुलाखत प्रसिद्ध लेखिका अपर्णा वेलणकर यांनी घेतली. त्यावेळी त्या बोलत होत्या. मेहता पब्लिकेशनच्यावतीने बन्सल यांच्या मुलाखतीचा कार्यक्रम गंगापूररोडवरील कुसुमाग्रज स्मारकाच्या विशाखा हॉलमध्ये आयोजित करण्यात आला. यावेळी बन्सल म्हणाल्या की, प्रत्येक व्यक्तीत मोठी शक्ती आहे, वेगळेपण आहे. पण, ते जाणायला हवे आणि ती शक्ती योग्य पद्धतीने वापरली गेली पाहिजे. फ्लिपकार्ट, स्नॅपडील आणि मिंत्रासारख्या कंपन्या या बन्सल ग्रुपच्या आहेत. मी सुद्धा बन्सल असली तरी मीही वेगळा व्यवसाय करण्याच्या हेतूनेच कार्यरत झाले. नोकरीचा पर्याय मी स्वीकारला नाही आणि लिखाणाच्या आवडीतून साहित्याच्या क्षेत्रात आले, असे त्या म्हणाल्या. इंडियन इन्स्टिट्यूट ऑफ मॅनेजमेंटमध्ये मी एमबीए करत असतानाच तेथे एक पुस्तक लिहिण्याची संधी मिळाली. आयआयएमचे विद्यार्थी भल्या मोठ्या पगाराची नोकरी मिळवतात. असे नाही तर २० ते २५ टक्के विद्यार्थी स्वतःचा उद्योग, व्यवसाय करीत आहेत. या सर्वांवर प्रकाश टाकणारे ते पुस्तक होते. त्याला मिळालेले यश मला लिखाणाकडे अधिक ओढ लावणारे ठरले. माझे पुस्तक वाचून अनेक प्रतिक्रिया मला येतात. मी पुस्तक वाचले आणि नोकरीचा राजीनामा दिला, असा मेल करणारेही माझे वाचक आहेत. आपल्यातील क्षमता आणि कौशल्य ओळखून आपण निर्णय घ्यायला हवा. पालकांनी आपल्या पाल्यांच्या पाठीशी उभे राहायला हवे. जबरदस्ती किंवा इमोशनल ब्लॅकमेल करणे हिताचे नाही. पालकांनी त्यांचे करिअर केले तो काळ आणि आताचा काळ यात कमालीचा फरक आहे. आता करिअरचे मार्ग, विविध प्रकारच्या संधी हे लक्षणीयरित्या बदलले आहे. त्याचा विचार करून मुलांना प्रोत्साहन द्या, तो नक्की काय करू इच्छित आहे. ते जाणून घ्या, असे बन्सल म्हणाल्या. मी निवडलेले करिअर आई-वडिलांना मनापासून आवडले नाही. पण, २० वर्षांनी वडिलांना जाणीव झाली की मी जो मार्ग निवडला तो योग्य होता. त्यांनी विस्तृत मेलद्वारे त्यांच्या भावना मला कळविल्या. पण, त्याला फार उशीर झाला, असे मला वाटते, असे त्यांनी सांगितले. ...Read more

  • Rating StarDAINIK SAKAL 14-04-2015

    गोष्टीरूपातील विचार अधिक परिणामकारक : ज्या व्यक्तींनी व्यवसायात उत्तुंग यश मिळविले त्यांच्याकडे बघून गोष्टी लिहिल्या. त्यासाठी विविध भागातील वेगवेगळ्या वयोगटातील व्यक्तींची निवड केली. फक्त विचार देण्यापेक्षा ते विचार गोष्टीच्या रूपातून दिले तर ते अिक परिणामकारक ठरतात, असे प्रतिपादन प्रसिद्ध लेखिका व उद्योजिका रश्मी बन्सल यांनी केले. मेहता पब्लिशिंग हाऊसतर्फे कुसुमाग्रज स्मारक येथे त्यांच्या मुलाखतीचा कार्यक्रम नुकताच झाला. त्यांनी लिहिलेल्या ‘टेक मी होम’ या पुस्तकाच्या संदर्भात ज्येष्ठ पत्रकार अपर्णा वेलणकर यांनी त्यांची मुलाखत घेतली. रश्मी बन्सल म्हणाल्या, ‘‘उच्च शिक्षणातून मिळालेल्या ज्ञानाचा उपयोग व्यवसायात नक्कीच होतो. प्रत्येक माणसात एक शक्ती आहे. ती त्याला ओळखता आली पाहिजे. अनेकांना नोकरी करण्याची इच्छा असते. मात्र त्यातील काही विद्यार्थ्यांना स्वत:चा व्यवसाय सुरू करायचा असतो. अशा तरुणांसाठी व्यवसायाला प्रेरणा देणारे पुस्तक लिहिले.’’ मेहता पब्लिशिंग हाऊसच्या मनीषा देवकर यांनी प्रस्ताविक केले. ...Read more

  • Rating Starpramodgokhale

    This is book nicely translated, i appreciate author, bringing this book in Marathi. Book is inspiring and translation is thrilling. I am retired blue collar worker technician worked in India and abroad. I feel it is to my heart.

Write Your Own Review
  • Default typing language is Marathi. To type in English press Ctrl+G key combination
Submit Review
PLEASE SEND YOUR AUDIO REVIEW ON editorial@mehtapublishinghouse.com

Related Books

People Who Bought This Item Also Bought

Latest Reviews

KULAMAMACHYA DESHAT
KULAMAMACHYA DESHAT by G.B. DESHMUKH Rating Star
डॉ. शरद जाधव एम.डी.(मेडिसीन) ठाणे

*मेळघाटच्या अख्ख्या जीवनाचा ठसा मनावर उमटवणारे पुस्तक `कुलामामाच्या देशात`* वानखडे साहेबांचे अनुभव आणि देशमुखांचे कथन घेऊन निघालेले कुलामामा मेळघाटातून सह्याद्रीत पोहोचलेच. हा एक उत्तम ,अस्सल साहित्याचा ठेवा आहे.. वर्तमानपत्रात मेळघाटाील बातम्या म्हणजे भूकबळी, आदिवासी, वाघाने घेतलेले आणि वाघांचे बळी याबद्दल मनात एक पुसट चित्र तयार झाले होते. वेळोवेळी मेळघाटच्या सौंदर्याचे वाचलेले बहारदार वर्णन उत्सुकता वाढवत होतेच. खरे सांगायचे तर पश्चिम महाराष्ट्रात राहणाऱ्या आपल्यासारख्या मंडळींनी सह्याद्रीला ओलांडून कधी परशुरामाचा कोकण नीट पाहिलं नाही. ऊसशेती, भाज्या, फळे पिकविणाऱ्या देशावराच्या मंडळीना डोंगर, समुद्र, भातशेती, आंबा, काजू, पोफळी, मासेमारी करणारे कोळीबांधव यांच्या जीवनाविषयी फार जुजबी माहिती, तीही साहित्य आणि टीव्ही या माध्यमातून होते. खरे तर, कोकण बघण्यासाठी लहान गावात किंवा वाडीत राहायला पाहिजे. केवळ सहल करून खरा अनुभव येईल असे वाटत नाही. आदिम मानव आणि निसर्ग यांच्याजवळ जाण्याची ना वृत्ती ना संधी असे वाटत असताना हे पुस्तक हाती आले. भारत वाघसाठी ओळखला जातो. जंगल वाघ, शिकार, सफारी एवढ्यापुरतच मर्यादित आहे काय? दुर्बिणीतून वाघ बघणे आणि छायाचित्र टिपणे आणि त्यात कृतकृत्य होणे म्हणजे गुलहौशीपणा असे वाटायला लागले. भूगोलाच्या पुस्तकात पाहिलेली वाचलेली माणूस आणि निसर्गाची माहिती वाचतांना तिथली माणसे आणि जीवन कसे असेल याची केवळ कल्पना मनात होती. आज या पुस्तकाने ते बंद दार किलकीले केले आणि मेळघाट चा एक कवडसा आत आला आहे. कथनाच्या मध्यस्थानी असलेल्या कुलामामाचाच नव्हे तर मेळघाटच्या अख्ख्या जीवनाचा ठसा मनावर उमटला. आठवण झाली ती माडगूळकरांच्या माणदेशी माणसांची आणि मालगुडी डेज ची. व्यंकटेश माडगूळकरांनी त्यांच्या हलाखीच्या दिवसात मुंबई सकाळ मध्ये आठवड्याला एक माणदेशी माणूस उभा केला आणि पुढे त्याची पुस्तक झाली. त्यातील प्रत्येक माणूस अस्सल होता. देशमुख वानखेडे यांच्या बाबतीत असेच घडले असावे. मला तर वानखडे साहेबांच्या कारमध्ये आपण सुद्धा मागच्या सीटवर बसून ऐकतो आहोत असे पुस्तक वाचताना वाटले. मेळघाट म्हणजे केवळ आदिवासी, केवळ निसर्ग सौंदर्य केवळ वाघ आणि त्याच्या कथा नसून मनुष्य, निसर्ग, जीवन, माणसाच्या भावना, कल्पना, श्रद्धा, अंधश्रद्धा सर्वांचा एक रंगपट उभा राहिला. कधी मेळघाटात यायचे भाग्य लाभले तर या पुस्तकातील प्रत्येक माणूस, प्रत्येक जागा हुडकण्याचा माझे मन प्रयत्न करेल. फॉरेस्ट खात्याच्या खाकी वर्दीतील माणसाच्या आत एक एक संवेदनशील साहित्यिक, रसिक, जीवनाकडे तटस्थ पण हसऱ्या वृत्तीने बघणारा माणूस दिसतो. मी सोलापूरकर. वऱ्हाडात रमलेल्या चींत्तमपल्ली यांच्या गावचा, त्यांच्याच शाळेत आणि कॉलेज मध्ये शिक्षण घेतले हे बिरूद मिरविणारा. मारोतराव साहित्यात निसर्ग, जंगल घेऊन आले आणि अख्खा महाराष्ट्र विदर्भात जाण्याची स्वप्ने बघू लागला. असे वाटते की मारोतराव जर विदर्भाचे गदिमा असतील तर देशमुख-वानखडे व्यंकटेश असावेत. ...Read more

KULAMAMACHYA DESHAT
KULAMAMACHYA DESHAT by G.B. DESHMUKH Rating Star
डॉ. तेजपाल अग्रवाल, कोल्हापूर

चन्या (म्हणजे अमरावतीचे सुप्रसिद्ध डॉ. चंद्रशेखर कुळकर्णी) कुलामामाच्या देशात या पुस्तकाबद्दल तू केलेलं सविस्तर परीक्षण त्या पुस्तकाची केलेली स्तुती मीना, शरद यांचे अभिप्राय व सर्वमान्य लेखिका डॉ. किरण पाटणकर, सोलापूर हिचे रसाळ रसग्रहण ह्यामुळे हे पु्तक घ्यायचं ठरवलं. कोल्हापुरातील मेहता पब्लिसिंग मध्ये जाऊन पुस्तक खरेदी केले. कींमत २०० रुपये, सवलतीची कींमत १७० रुपये. आल्या आल्या लेखक जी.बी.देशमुख यांचा परिचय, शेवटच्या आतील पानावर असलेला रविंद्र वानखडे वनाधिकारी यांची ओळख नि त्यानंतर शेवटचं पान वाचल्यावर लेखक जी.बी. देशमुखांचे हितगुज वाचून चन्याला व्हाट्सपवर कळवलं. त्यानंतर पहिली कथा झटक्यात वाचून काढली. एखाद्याला आवडीचं अन्न मिळावं , ते चवदार व्हावं, अशावेळी ते अन्न आधाशाप्रमाणे खाऊन संपवावं वाटत नाही ! तसंच काहीसं हे पुस्तक वाचताना झालं. मुळात मला जंगलाची आवड , त्यात हे अतिशय सुंदर पुस्तक. जे पहिली कथा वाचल्यावरच लक्षात आलं. त्यामुळे प्रत्येक कथेचा हळूहळू आनंद घेत आज हे पुस्तक वाचून झालं. एक नि एक कथा खूपच छान. एक कथा वाचली की लगेच दुसरी वाचावी असं वाटायचं पण मुद्धाम दम धरून दुसरी वाचायची. मी बरीच जंगल पालथी घातली. बऱ्याच वेळा अनेक ठिकाणी पहाटे उठून जंगल सफारी केल्या. पण वाघ काय दिसायचा नाही.किरकोळ जंगली पक्षी, प्राणी दिसायचे पण वाघ नाही. बऱ्याच वेळा इतर प्राणीसुद्धा इतरांना दिसायचे, ते मला दाखवायला बघायचे पण मला काहीच दिसायचं नाही ! शैला वैतागायची ! पण वाघ तर कुणलाच दिसला नाही ! वाघ बघितला ते पूर्वी सर्कशीत, किंवा प्राणिसंग्रहालयात पिंजऱ्यात, किंवा खुल्या प्राणिसंग्रहालयात एकतर सारखा फेऱ्या मारत असलेला किंवा सुस्तावून पडलेला ! पण ह्या कथा वाचताना मात्र प्रत्यक्ष वाघ बघत आहे, असं वाटायचं ! वनअधिकारी रवींद्र वानखडे यांचे निरिक्षण, जंगलावरील प्रेम, जंगलचे कायदे, वनांचे कायदे, जंगलातील प्राण्यांचे कायदे, येथील लोकांची गरिबी, जंगलावरील, तेथील प्राण्यांवरील प्रेम, प्राण्यांचे स्वभाव, हे सगळं प्रत्यक्ष दीर्घकाळ अनुभवलेलं. निस्पृहपणे, झोकुन देऊन, आनंदाने केलेली नोकरी आणि ह्या सर्वांच जी.बी.देशमुख यांनी कुठेही धक्का लागू देता केलेलं ओघवत वर्णन,फारच, फारच सुंदर. दोघांचंही कौतुक करावं तितकं थोडंच.प्रत्येकानं वाचावा असा हा जंगलातील गोष्टींचा खजिना. ...Read more