* Front & back cover images are for illustration purposes only and the price of book is sold separately.
  • Original Book Title: MICRO
  • Availability : Available
  • Translators : PRAMOD JOGLEKAR
  • ISBN : 9789353172633
  • Edition : 1
  • Weight : 0.00 gms
  • Pages : 372
  • Language : Translated From ENGLISH to MARATHI
  • Category : FICTION
  • Sub Category : CRIME & MYSTERY, THRILLER / SUSPENSE
Quantity
Buying Options:
  • Print Books:
IN THE VEIN OF JURASSIC PARK, THIS HIGH-CONCEPT THRILLER FOLLOWS A GROUP OF GRADUATE STUDENTS LURED TO HAWAII TO WORK FOR A MYSTERIOUS BIOTECH COMPANY—ONLY TO FIND THEMSELVES CAST OUT INTO THE RAIN FOREST, WITH NOTHING BUT THEIR SCIENTIFIC EXPERTISE AND WITS TO PROTECT THEM. AN INSTANT CLASSIC, MICRO PITS NATURE AGAINST TECHNOLOGY IN VINTAGE MICHAEL CRICHTON FASHION. COMPLETED BY VISIONARY SCIENCE WRITER RICHARD PRESTON, THIS BOUNDARY-PUSHING THRILLER MELDS SCIENTIFIC FACT WITH PULSE-POUNDING FICTION TO CREATE YET ANOTHER MASTERPIECE OF SOPHISTICATED, CUTTING-EDGE ENTERTAINMENT.
एका ऑफिसमध्ये तीन व्यक्तींचा रहस्यमयरीत्या मृत्यू होतो... केंब्रिज येथील एका जीवशास्त्र प्रयोगशाळेत संशोधन करणाऱ्या सात जणांपैकी पीटरच्या भावाचा एरिकचा खून होतो...नॅनीजेनचा उपाध्यक्ष असलेल्या एरिकचा खून नॅनीजेनचा अध्यक्ष व्हीन ड्रेक आणि तेथीलच एक कर्मचारी अ‍ॅलिसन यांनी केल्याचा पीटरला संशय... हे सातजण नॅनीजेनमध्ये नोकरीसाठी दाखल झाल्यावर पीटरकडून उघड उघड संशय व्यक्त...त्यामुळे व्हीन ड्रेकचा संताप आणि त्या सात जणांचं ड्रेककडून अतिसूक्ष्म (एखादा ग्रॅम वजन भरेल एवढ्या लहान) आकारात रूपांतर... त्यांना ठार मारण्याचा ड्रेकचा उद्देश... पण त्या सात जणांचं तिथून नाट्यमय रीतीने पलायन... त्या सूक्ष्मावस्थेत ते फक्त दोन दिवस जिवंत राहू शकतात... मग मूळ आकारात परत येण्यासाठी सुरू होतो त्यांचा संघर्ष... ते त्यांच्या मूळ आकारात परत येतात का? जीवन-मृत्यूच्या या लढाईत ते यशस्वी होतात का? पोलीस व्हीन ड्रेकपर्यंत पोहोचतात का? त्या तीन व्यक्तींच्या रहस्यमय मृत्यूचा आणि या सातजणांच्या सूक्ष्मावस्थेचा काय संबंध असतो? एरिक खरंच मरण पावलेला असतो की जिवंत असतो, या सगळ्या गुंतागुंतीचं थरारक, उत्कंठावर्धक चित्रण केलंय ‘मायक्रो’ या कादंबरीत.

No Records Found
No Records Found
Keywords
#मायक्रो #मायकेलक्रायटेन #रिचर्डप्रेस्टन #डॉप्रमोदजोगळेकर #रिकहटर #कॅरेनकिंग #पीटरजान्सेन #एरिकामॉल #अमरसिंग #जेनीलिन #डॅनीमिनोट #नॅनीजेन #व्हिनड्रेक #अ‍ॅलीसन #प्रे #स्टेटऑफफिअर #नेक्स्ट #पायरेटलॅटिट्यूडस #टॉक्सिन #कन्टेजन #सीजर #क्रायसिस #क्रिटिकल #इंटरव्हेन्शन #दडेमनइनदफ्रीझर #पॉपी #सर्चिंगफॉरडॅडी #मीफुलनदेवी #माझेतालिबानीदिवस #वीरप्पन #असेघडलेसहस्रक #मेंदूआणिवर्तन #जॉर्जेसकॉस्मिकट्रेझरहंट #जॉर्जेससिक्रेटकीटूदयुनिव्हर्स #जॉर्जअँडदबिगबँग #MICRO #MICHAELCRICHTON #RICHARDPRESTON #PETERJANSEN #RICKHUTTER #AMARSINGH #KARENKING #DANNYMINOT #TANTALUS #JENNYLINN #NANIJEN #ALYSON #VINDREK #MIPHULANDEVI #GEORGESANDTHEBIGBANG #GEORGESCOSMICTREASUREHUNT #GEORGESSECRETKEYTOTHEUNIVERSE #SEARCHINGFORDADDY #PREY #NEXT #POPPY #CRISIS #CRITICAL #INTERVENTION #SEIZURE #TOXIN #STATEOFFEAR #THEDEMONINTHEFREEZER #ASEGHADALESAHASTRAK #CONTEGEN
Customer Reviews
  • Rating StarKIRAN BORKAR

    होनोलुलूमधल्या एका बंदिस्त ऑफिसमध्ये तीन माणसे मृत्युमुखी पडलेले सापडतात. तिघांच्याही अंगावर धारदार शस्त्रांनी वार केल्याच्या खुणा होत्या.त्यातील एकजण नुकताच नॅनीजेन कंपनीच्या ऑफिसची गुप्त पाहणी करून आला होता. नॅनीजेन ही सूक्ष्मजीवशास्त्रावर संशोधन रणारी आघाडीची कंपनी आहे.हवाई बेटावर त्यांची अत्याधुनिक प्रयोगशाळा आहे.हवाईच्या घनदाट वर्षारण्यात त्यांचे संशोधन चालू आहे. नॅनीजेन केंब्रिजमधील सात विद्यार्थ्यांना हवाई येथे संशोधनासाठी आमंत्रित करते.त्यात पीटर ही आहे ...ज्याचा भाऊ नॅनीजेनचा उपाध्यक्ष होता आणि अचानक बोटीवरून नाहीसा झालाय. पीटर हा विषारी द्रवे आणि विषबाधा या विषयात तज्ञ आहे . रिक वनस्पतीशास्त्राचा अभ्यास करतोय .कॅरेन ही तरुणी कोळी विंचूसारख्या प्रजातीचा अभ्यास करतेय .एरिका किटकशास्त्र तज्ञ आहे.अमरसिंग हा वनस्पतींमधील हार्मोन्सवर अभ्यास करणारा तरुण आहे .जेनी ही तरुणी वनस्पती आणि प्राण्यांमधील रासायनिक संदेशवहन गंधाचा अभ्यास करतेय .तर डॅनी आकृतिबंधातील रचनात्मक बदल या विषयावर पीएचडी करतोय . असे हे सात विद्यार्थी एकत्र येतात आणि त्यांना नॅनीजनने केलेल्या अविश्वसनीय प्रयोगाची माहिती मिळते.त्याचबरोबर पीटरच्या भावाचा खून ड्रेक या नॅनीजेनच्या अध्यक्षांनी केलाय हे ही कळते . ड्रेक त्यांच्यावर आपला हुकमी प्रयोग करतो आणि त्यांना हवाईच्या घनदाट वर्षारण्यात सोडून देतो. आता ते सातजण आणि त्यांच्यासोबत प्रयोगात ओढला गेलेला नॅनीजेनचा एक कर्मचारी अश्या वातावरणात आहेत जिथे पावलोपावली मृत्यू आहे . त्यांची शारीरिक ताकद ही काही उपयोगाची नाही . त्यांना आपल्या बुद्धीचा आणि ज्ञानाचाच वापर करून आपल्या मूळ स्वरूपात परतायचे आहे. मायकेल क्रायटन हे प्रसिद्ध विज्ञानकथा लेखक . त्यांची ज्यूरासिक पार्क कादंबरी खूप गाजली . ही कादंबरी पूर्ण होत असताना मृत्यूने त्यांना गाठले तेव्हा रिचर्ड प्रेस्टन यांनी ही कादंबरी पूर्ण केली . ...Read more

  • Rating StarDAINIK LOKMAT 21-07-2019

    विद्यार्थ्यांची चित्तथरारक कहाणी... आपल्याकडे एखाद्या विशिष्ट वर्गाला गृहीत धरून पुस्तके लिहिण्याचे प्रमाण तसे विरळच आहे. पण इतर देशात अशा प्रकारचे साहित्य विपुल प्रमाणात लिहिले जाते आणि विशेष म्हणजे या लिखाणाला जगभरात प्रसिद्धी मिळते. जास्तीत जास्तभाषांमध्ये या पुस्तकाचे अनुवाद होतात. अशाच प्रकारचे मायक्रो नावाची मायकेल क्रायटन आणि रिचर्ड प्रेस्टन या इंग्रजी लेखकांनी लिहिलेली मायक्रो कादंबरी. त्याचा मराठीत अनुवाद डॉ. प्रमोद जोगळेकर यांनी केला आहे. या कादंबरीचे कथानक हे केम्ब्रिज, मॅसॅच्युसेट्स येथील सात पदवीधारक विद्यार्थ्यांच्या भोवती फिरणारे आहे, या विद्यार्थ्यांना वैज्ञानिक जगातली विलक्षण भरारी पाहायला मिळते. पण त्याचसोबत या मुलांचा साक्षात मृत्यूच्या कक्षेत प्रवेश होताना त्यांच्या हवाईच्या घनदाट अरण्याशी संबंध येतो आणि तिथे त्यांना आक्रमक मानवी हितसंबंधावर मात करून जगण्यासाठी निसर्गाच्याच विघातक शक्तीचा वापर करावा लागतो त्यचे वास्तववादी वित्रण, अंगावर शहारा आणणारी ही कादंबरी. ...Read more

  • Rating StarAnil Udgirkar

    सुक्ष्म जीवां वर संशोधन करणा-या नँनोजेन संस्थेतील एका अधिका-याच्या दुष्ट विचाराने नवू माणसांचे प्राण जातात त्यानेच निर्मित केलेल्या सुक्ष्म यंत्रा मुळे ह्या वर आधारीत कादंबरी,अतिशय रोचक!

Write Your Own Review
  • Default typing language is Marathi. To type in English press Ctrl+G key combination
Submit Review

Related Books

People Who Bought This Item Also Bought

Latest Reviews

SHRIMAN YOGI
SHRIMAN YOGI by RANJEET DESAI Rating Star
Sacchit Erande

श्रीमान योगी.... हे नक्की चरित्रलेखन आहे की आत्मकथन असा पानोपानी प्रश्र्न पडावा इतक्या मधूर आणि आत्मीय शब्दसंपन्नतेत सखोल मांडणी तेही भावनीक ओल कुठेही हलू न देता. एखाद्याच्या डोक्यावरची सगळी कर्जे फिटली तरी महाराजांनी हिंदू म्हणून जगण्याचे सौभा्य मिळवून दिले त्याचे ऋण फेडणं कोणांसही केवळ अशक्य! आणि ते कदाचित फिटूही नये... नपेक्षा ते फेडण्याची अवकात असलेला या भुमंडलावर अवतारित होऊच शकत नाही! 🚩🚩🚩🚩🚩 ...Read more

BARI
BARI by RANJEET DESAI Rating Star
Prasad Natu

मला आठवते आहे, 2011-14 या काळांत आम्ही कोल्हापूरला होतो,तेव्हाची गोष्ट. मी बँक ऑफ इंडियाच्या कोल्हापूर मुख्य शाखेला वरिष्ठ प्रबंधक (कर्ज विभाग) होतो. “हॉटेल कृष्णा” चे प्रपोजल आमच्या कडे आले होते. त्या निमित्ताने स्वामीकार रणजीत देसाई ह्यांचे मेव्हण श्री.उदयसिंह शिंदे आणि त्यांचे सुपुत्र श्री. सिद्धार्थ शिंदे ह्यांचा परिचय झाला.आपले समूहाचे कर्ताधर्ता श्री. कृष्णा दिवटे सर ह्यांचा कोल्हापूर मधे कुणाशी परिचय नसेल अशी व्यक्ति भिंग घेऊन शोधावी लागेल.एक दिवस ते मला म्हणाले, स्वामीकार रणजीत देसाई यांचे गांव कोवाडला चलता का.शनिवारी,संध्याकाळी कार्यक्रम आहे.रणजीत देसाई यांची पुण्यतिथि होती. प्रसिद्ध गायक राहुल देशपांडे देखिल येणार आहेत.त्यांचा कार्यक्रम देखील होईल.साहित्य आणि संगीत असा दुर्मिळ योग एकत्र येणं हे मोठ्या भाग्याचे.मी लगेच जाऊया म्हटले.त्या प्रमाणे साधारणतः संध्याकाळी 4.00 कडे मी,माझी पत्नी सौ भावना आणि श्री दिवटे सर आणि सौ. वहिनी असे चौघे आम्ही गेलो.तिथे बऱ्याच नवीन गोष्टी समजल्या.जसे रणजीत देसाई आणि प्रसिद्ध गायक वसंतराव देशपांडे ह्यांची घट्ट मैत्री होती.दरवर्षी कोवाड येथे त्यांचे येऊन रहाणे हे कळले.रणजीत देसाई ह्यांचे घर बघायले मिळाले,ज्याचे स्मारकांत रूपांतर झाले,त्यांचे साहित्य,त्यांचे हस्त-लिखित,राहुल देशपांडे यांच्याशी झालेली वैयक्तिक ओळख.हे सारे कधी विसरता येणार नाही.श्री.शिंदे ह्यांनी मला साहित्याची आवड म्हणून स्वामीकारांची 2-3 पुस्तके मला भेट म्हणून दिली.त्यातले एक पुस्तक म्हणजेच “बारी”.रणजीत देसाई ह्यांची पहिली कादंबरी.कथाकार म्हणून सुरुवात केलेल्या देसाई यांची ही पहिली कादंबरी. ह्या कादंबरीस प्रसिद्ध साहित्यिक श्री.वि.स.खांडेकर ह्यांची प्रस्तावना लाभली आहे. रणजीत देसाई ह्यांनी कादंबरीचा विषय त्यांच्या दृढ परिचयात असलेला भूभाग निवडला.कोल्हापूर ते बेळगाव रस्त्यावर सुतगट्टी नावाचे गांव लागते.तिथून 15-20 किमी आंत काकती नावाचे गावं लागते.ह्या गावापर्यंत अगदी गहिऱ्या जंगलाने वेढलेली वाट ही सुतगट्टीची बारी म्हणून ओळखली जाते.त्या जंगलात गुजराण करणाऱ्या बेरड जमातीची ही कथा आहे.ही कादंबरी लिहिण्यासाठी त्यांनी ह्या भागात राहणाऱ्या बेरड जमातीचे जीवन अगदी जवळून पूर्ण सहानुभूतीने पाहिले.ही कादंबरी वाचतांना हे पदोपदी लक्षात येतं की शहरातल्या आलीशान बंगल्यात बसून चितारलेले हे ग्रामीण जीवन नाही.त्यातील प्रत्येक प्रसंगात जिवंतपणा आढळतो. कारण रणजीत देसाईनी जवळपास 3-4 वर्ष ह्या भागात राहून त्या जीवनाचा जवळून अभ्यास केला. आपल्या समोरच सारे घडते आहे असे वाटू लागते.मला आठवते आहे की ही कादंबरी मी जेंव्हा पहिल्यांदा वाचली.त्यातील पात्रांची निवड,त्यांचे स्वभाव दर्शन, निसर्ग चित्रण, तेथील समस्या आणि स्वातंत्र्यानंतर बदलत चाललेले जीवनमान.हयात कुठेही काल्पनिकपणा वाटत नाही. वि.स.खांडेकर ह्यांनी लिहिलेली प्रस्तावना त्यांच्या साहित्यिक विद्वतेचा परिचय करून देणारी आहे.सर्वसाधारणपणे आपण पुस्तक चाळतो तेंव्हा आपण प्रस्तावनेकडे दुर्लक्ष करतो.पण मित्रांनो, प्रस्तावना देखील अवश्य वाचा.ही कादंबरी तेग्या ह्या नायकाच्या अगदी तरुण वयापासून ते म्हातारपणा पर्यन्तची कहाणी आहे.पण ही कहाणी केवळ तेग्याची नसून त्याच्या भोवती फिरणाऱ्या आणि गुंफलेल्या बेरड जमातीची कथा आहे. रणजीत देसाई यांची ही पहिली कादंबरी आहे हे कुठेच जाणवत नाही. कादंबरी वाचतांना लक्षात येते की,कोल्हापूर ते बेळगाव रस्त्यावर येणाऱ्या जाणाऱ्या वाहतुकीवर रात्रीच्या वेळेस दरोडा घालून आणि जंगलातून लाकडे तोडून ती विकणारी,आणि त्यावर गुजराण करणारी ही बेरड जमात.स्वातंत्र्य मिळण्याच्या आधी पासून ते स्वातंत्रोत्तर काळात ह्या जमातीच्या सामाजिक आणि आर्थिक जीवनावर झालेल्या बदलांचे खूप सुरेख वर्णन ह्या कादंबरीत चितारले आहे.तेग्या हा गावचा नाईक असतो आणि ही वाटमारी किंवा दरोडे त्याच्या नेतृत्वाखाली घातले जातात.गावात ह्या तेग्याचा मोठा दरारा.कादंबरीच्या सुरुवातीलाच असे दाखविले आहे की,तेग्या जंगलातून वस्तीच्या रोखाने परतत असतांना,त्याला नदीच्या पाण्यात काही खळबळत असल्याची चाहूल लागते.त्याला वाटते कुणी तरी जंगली जनावर असावे.म्हणून तो शिकारीच्या उद्देश्याने तिकडे वळतो.तर नदीच्या काठाला एक व्यक्ति उभी असल्याचे त्याला दिसते.ती व्यक्ति त्याच्या भात्यातले मासे आपल्या स्वतःच्या घोंगडीच्या खोळीत टाकताना दिसते.तो त्या व्यक्तीस तसे करण्यापासून आडवायला जातो.तर त्याच्या लक्षात येत की,ती व्यक्ति म्हणजे एक स्त्री आहे.ती 15-16 वर्षाची एक तरुणी असते.ती सहजासहजी त्याचे मासे परत देत नाही.तिच्याशी झटापट करताना,त्या तरुणीच्या लक्षांत येते की,तेग्याची फरशी (हल्ला करण्यासाठीचे शस्त्र) ही झाडांत अडकली आहे.ती शिताफीने ती फरशी मिळविते आणि तेग्यावर उगारते.मी चेन्नटी गावच्या कल्लूची नात आहे अशी आपली ओळख देत, ती त्याची फरशी नदीत फेकून दिसेनाशी होते. तेग्या काही काळ तसाच उभा रहातो.तो बेरवाडीचा नायक असतो,म्होरक्या असतो.त्याला एका तरुणीने फसवावे आणि डोळ्या समोर त्याची फरशी घेऊन जावे.हे त्याला फारसं रुचत नाही.तो बेरडवाडीत येतो.तिथे तो त्याचा मामा मल्ला सोबत रहात असतो.घरी पोहोचल्यावर त्याचा मामा फरशी बद्धल विचारतो.(ती त्याच्या वडिलांकडून आलेली वारसाने फरशी असते) तो खोटच सांगतो की चंद्रोजीस दिली.ते मामाला पटत नाही. तेग्या विचार करीत असतो की,आई गेल्यावर गेल्या काही वर्षात घरात कुणी बाई माणूस नाही.तो मामाला म्हणतो त्याला लग्न करायचे आहे.तो घडलेली सगळी हकीकत त्याला सांगतो आणि चेन्नटी गावची कल्लूची नात आहे. तिच्या बाबत काही माहिती आहे का विचारतो.मामा त्याला तिच्याशी लग्न करण्यापासून परावृत्त करण्याचा प्रयत्न करतो.कारण तिच्या भांडकुदळ स्वभावाची मामाला कल्पना असते.पण तेग्या हट्ट धरून असतो की तरी त्याला तिच्याशीच लग्न करायचे आहे.ते दोघे चेन्नटीला जातात.कल्लूला मागणी घालतात.कल्लू तेग्याच्या वडिलांचा खास मित्र असतो.कल्लू लग्नाला तयार देखिल होतो.पण त्याची नात,नागी तिचं नांव असते,ती त्याला विरोध करते.ते दोघेही कल्लूला खूप खूप बोलून निघून जातात.कल्लू त्यांचा गावाच्या वेशी पर्यन्त पाठलाग करतो आणि म्हणतो की तुम्ही तिला रात्री पळवून घेऊन जा.कारण ती तशी तयार होणार नाही.माझी काही तक्रार नाही.दोघांना ते पटते.ते दोघे आणि चंद्रोजी असे तिघेही तिला चेन्नटीला जाऊन पळवून घेऊन येतात.दुसऱ्या दिवशी सकाळी ती घरात दिसत नाही तेव्हा ती पळून गेली असे वाटते.कारण ती घरांत कुठेच नसते.तेग्या आणि मल्ला शोधाशोध करू लागतात.तेग्या आणि मल्ला चेन्नटीला जाऊन कल्लूला विचारतात की तिथे आली कां,पण ती तिथे नसते. तेग्या घरी येतो तर ती घरांत असते.ती त्याला स्वयंपाक करण्यासाठी लाकडे आणायला गेली होती असे सांगते.शेवटी ते दोघे एकमेकांना स्वीकारतात. काळू हा खबऱ्या असतो.तो वाटमारीसाठी सावज आल्याची खबर देत असतो.एकदा चुकीची खबर आणल्याने तेग्याच्या मालकाच्या,इनामदाराच्या बैलगाड्यावर दरोडा टाकला जातो.त्यात इनामदाराची पत्नी असते.तिला पाहून तेग्या त्यांचा लुटलेला ऐवज परत करतो. इनामदारास न सांगण्याचे वचन घेतो.पण त्यांचा गडी बाळू सावकारास सर्व सांगतो. दसऱ्याला,तेग्या नेहमी प्रमाणे इनामदारास बिदागी मागण्यास जातो.इनामदार त्याला हाकलून देतात.तो माफी मागतो पण इनामदार एका अटीवर तयार होतो.तो म्हणतो सरोळीचा पाटील माझा वैरी आहे,त्याचा काटा काढ.तो तयार नसतो. कारण त्याचा जिगरी मित्र चंद्रोजी,पाटलाकडे कामाला असतो.पण तेग्या शेवटी तयार होतो.तो पाटलाचा खून करतो.इनामदार शब्द फिरवितो.त्याला वाचवत नाही आणि रु.5000/- ही देत नाही.त्याला पोलिस पकडून नेतात.त्याचा मित्र काळू त्याच्या साठी वकील करून त्याची फाशी टाळतो.पण तरी जन्मठेप होतेच.त्याची बायको नागी गर्भार असते.तो तिकडे जेल मधे असतांना,इकडे नागी मुलाला जन्म देते.13 वर्षाने तेग्या सुटून येतो तो पर्यन्त मुलगा ईश्वरा मोठा झालेला असतो. तेग्या घरी येतो.तेव्हा बरेच काही बदललेले असते. तो परत आल्या नंतर काही महिन्यातच नागी जळून मरण पावते. देशाला स्वातंत्र मिळालेले असते.त्यामुळे वाटमारीला आळा बसतो.वन विभागाचे काम सुरू होते. वृक्षतोड ऐवजी वृक्षसंवर्धनावर जोर दिला जातो.तेग्याचा मुलगा गावात एक गुरुजी असतात.त्यांच्या संपर्कात येतो.त्यांचे शिष्यत्व पत्करून त्याचे परंपरागत व्यवसाय बंद करतो.हळूहळू त्या गावातील सर्व परंपरागत व्यवसाय बंद होत जातात.लोक उदरनिर्वाहासाठी गावं सोडून बाहेर गांवी जातात. ह्या कादंबरीचा शेवट हा विशेष असा twist and turn वगैरे असलेला नाही. पण माझी इच्छा आहे की ही कादंबरी तुम्ही जरूर जरूर वाचली पाहिजे ह्या साठी शेवट सांगत नाही. मला खरोखर आश्चर्य वाटते की, ह्या कादंबरीवर आधारित एखादा चित्रपट कसा आला नाही किंवा आला असेल तर मला माहित नाही.मित्रांनी प्रकाश टाकावा. ...Read more