JOHN GRAY

About Author

Birth Date : 28/12/1951


JOHN GRAY WAS BORN IN 1951 IN HOUSTON, TEXAS. IN 1982, HE RECEIVED HIS DOCTORATE IN PSYCHOLOGY AND HUMAN SEXUALITY FROM COLUMBIA PACIFIC UNIVERSITY. HE WORKED AS A CERTIFIED FAMILY THERAPIST FOR ALMOST FIFTEEN YEARS. HE HAS BEEN CONDUCTING WORKSHOPS ON PERSONALITY DEVELOPMENT FOR OVER THIRTY YEARS.

जॉन ग्रे यांचा जन्म १९५१ साली टेक्सासमधील ह्यूस्टन या गावी झाला. १९८२ साली त्यांनी कोलंबिया पॅसिफिक युनिव्हर्सिटीतून मानसशास्त्र आणि मानवी लैंगिकता या विषयातील डॉक्टरेट मिळवली. एक प्रमाणित कौटुंबिक उपचारक म्हणून ते जवळजवळ पंधरा वर्षे काम करत होते. तीस वर्षांहून अधिक काळ ते व्यक्तिमत्त्व विकसनावर कार्यशाळा घेत आहेत. ते फँमिली जर्नल चे संपादकीय सल्लागार आहेत. संभाषण कौशल्य आणि नातेसंबंध या विषयातील ते आंतरराष्ट्रीय ख्यातकीर्त तज्ज्ञ मानले जातात. त्यांच्या कार्यशाळा, पुस्तके, सीडीज आणि डीव्हीडीज यांतून ते लोकांचे मनोरंजन तर करतातच; पण आपले संभाषण कौशल्य आणि नातेसंबंध वृद्धिंगत करण्यास प्रेरितही करतात. जॉन ग्रे हे राष्ट्रीय-आंतरराष्ट्रीय स्तरावरील लोकप्रिय वक्ते आहेत. टीव्हीवरील अनेक कार्यक्रमांमध्ये ते सहभागी झाले आहेत. अनेक नियतकालिकांमध्ये त्यांची माहिती प्रसिद्ध झाली आहे. इंग्लंड, कॅनडा, मेक्सिको, कोरिया यांसारख्या अनेक देशांतील वर्तमानपत्रांत त्यांचे स्तंभलेख छापून येत असतात. त्यांनी आत्तापर्यंत सोळा पुस्तकांचे लेखन केले आहे. त्यातील मार्स-व्हीनस मालिकेतील पुस्तकांच्या, जगभरातील पंचेचाळीस भाषांमध्ये मिळून चाळीस दशलक्ष प्रती वाचकांपर्यंत पोचल्या आहेत.
Sort by
Show per page
Items 1 to 4 of 4 total
24 %
OFF
JOHN GRAY COMBO SET - 3 BOOKS Rating Star
Add To Cart INR 890 INR 679
S SUKHACHA Rating Star
Add To Cart INR 295
TO ANI TEE Rating Star
Add To Cart INR 295
TULA ATHAVTANA Rating Star
Add To Cart INR 300

Latest Reviews

MARATHI DAULATICHE NARI SHILP
MARATHI DAULATICHE NARI SHILP by GOPAL DESHMUKH Rating Star
लोकसत्ता २२ जानेवारी २०२३.

बाईचे विश्व हे चूल आणि मूल एवढय़ापुरतेच मर्यादित नसते याची उदाहरणे आपल्याला इतिहासातसुद्धा पाहायला मिळतात. इतिहासात डोकावून पाहिले तर स्त्रियांचे आयुष्य हजार बंधनांनी जखडलेले होते. लहान वयातच मुलींची लग्नं केली जात असत. सतीची चाल, विधवांना केशपनाची सक्ती, सती जाणाऱ्या स्त्रियांच्या मरणाइतकेच सती न जाणाऱ्या विधवांचे जगणे भयंकर होते. अशा समाजातच काही स्त्रिया अशासुद्धा होऊन गेल्या ज्यांनी आपल्या कार्याने, आपल्या धाडसाने, शौर्याने महाराष्ट्राच्या जडणघडणीत मोलाची भर टाकली. समाजाचा स्त्रीकडे बघण्याचा दृष्टिकोन बदलण्यात ज्यांचा मोलाचा वाटा आहे अशाच काही निवडक स्त्रियांचे चरित्र रेखाटन गोपाळ देशमुख यांनी ‘मराठी दौलतीचे नारी शिल्प’ या पुस्तकात केले आहे. जिजाऊमातेने बालशिवाजींची जडणघडण केली. अशा कर्तृत्ववान जिजाबाईंचे व्यक्तिचरित्र ‘राजमाता जिजाऊ’ या प्रकरणामध्ये सारांशरूपाने रेखाटण्याचा प्रयत्न लेखकाने केला आहे. तसेच शिवरायांच्या जीवनात ज्या आठ राण्या आल्या त्यांच्या जीवनकार्याचे वर्णन ‘राणीवसा’ या प्रकरणात येते. ‘महाराणी येसूबाई’ या प्रकरणात त्यांची स्वराज्यनिष्ठा व दूरदृष्टी कशी दिसून येते याचे वर्णन केले आहे. संकटसमयी संभाजी राजांना दिलेल्या सल्ल्यामुळे त्यांच्या कार्यात मदत कशी झाली याचेही वर्णन आले आहे. ताराबाई, उमाबाई दाभाडे, झाशीची राणी लक्ष्मीबाई यांनी युद्धभूमीवर शत्रूला तोंड कसे दिले. दर्याबाई निंबाळकर, पेशवा पत्नी गोपिकाबाई, रमाबाई, गंगाबाई यांनाही व्यक्तिगत सुखदु:खाबरोबरच मराठी दौलतीच्या वाटचालीत आपली भूमिका कशी पार पाडावी लागली याचीही माहिती पुस्तकात देण्यात आली आहे. दौलतीचा कारभार करताना अहिल्याबाईंना तीस वर्षे वैयक्तिक दु:खांना सामोरे जावे लागले. या साऱ्या दु:खांना बाजूला सारून उत्कृष्ट कार्य करून त्या ‘साध्वी पुण्यश्लोक अहिल्या’ कशा झाल्या याचा थोडक्यात आढावा घेतला आहे ‘अहिल्याबाई होळकर’ या प्रकरणात. तसेच पुतळाबाई आणि रमाबाई यांचे पतिनिष्ठेचे वर्णनही वाचायला मिळते. या सर्व व्यक्तिचरित्रांपैकी ‘राणी लक्ष्मीबाई’ यांचे चरित्र वाचताना त्यांची धाडसी वृत्ती, चिकाटी, येईल त्या प्रसंगाला न घाबरता शौर्याने सामोरे जाण्याची वृत्ती व शेवटी त्यांचा झालेला शोकात्मक शेवट आपल्या मनाला चटका लावून गेल्याशिवाय राहात नाही. वयाच्या चौदाव्या वर्षी गंगाधरराव यांच्याशी विवाह झाल्यानंतर आपल्या मुलाच्या आणि पतीच्या निधनानंतर शोक करत न बसता ही वीरांगना आपला दत्तक मुलगा दामोदर याला घेऊन ब्रिटिशांच्या कटू कारस्थानांना तोंड देण्यास सज्ज झाली होती. यातच तिला वीरमरण आले. हे वीरमरण येतानासुद्धा ती मोठय़ा शौर्याने अखेरच्या क्षणापर्यंत लढली आणि जेव्हा आपला देह आपल्याला साथ देत नाही हे लक्षात आले तेव्हा तिने आपल्या अनुयायांना आपला देह शत्रूच्या हातात पडता कामा नये, त्याला अग्नी द्या, असे सांगितले. अशा या वीरांगनेची गर्जना ‘मै मेरी झांसी नही दूंगी’ ही आजही अनेक स्त्रियांना आपल्या कामात प्रेरणा देणारी अशी आहे. राणी लक्ष्मीबाईच्या मरणाविषयी अनेक हकीकती उपलब्ध आहेत. त्यांचा उल्लेखही या पुस्तकात आला आहे. या पुस्तकातील स्त्रिया इतिहासकालीन असल्याने काही ठिकाणी ऐतिहासिक संदर्भाची पुनरावृत्ती झाल्यासारखे वाटते; पण ते येणेसुद्धा गरजेचे आहे. साध्या सोप्या भाषेत ही स्त्री चरित्रे आपल्याला वाचायला मिळतात. थोडक्यात असे म्हणता येईल की, इतिहासकाळातील थोर महिला विभूतींच्या जीवनकार्याचा अल्पांशाने सार वाचकांपुढे मांडण्याचा प्रयत्न लेखक गोपाळ देशमुख यांनी केला आहे, तो कौतुकास्पद आहे. ...Read more