* Front & back cover images are for illustration purposes only and the price of book is sold separately.
  • Original Book Title: INFERNO
  • Availability : Available
  • Translators : Ashok Padhye
  • ISBN : 9789386175205
  • Edition : 1
  • Weight : 0.00 gms
  • Pages : 616
  • Language : Translated From BENGALI to MARATHI
  • Category : FICTION
  • e-Book Amazon
  • e-Book GOOGLE PLAY
Quantity
In the heart of Italy, Harvard professor of symbology Robert Langdon is drawn into a harrowing world centered on one of history’s most enduring and mysterious literary masterpieces . . . Dante’s Inferno. Against this backdrop, Langdon battles a chilling adversary and grapples with an ingenious riddle that pulls him into a landscape of classic art, secret passageways, and futuristic science. Drawing from Dante’s dark epic poem, Langdon races to find answers and decide whom to trust . . . before the world is irrevocably altered.
‘शोधा म्हणजे तुम्हाला ते सापडेल’ हे शब्द चिन्हशास्त्रज्ञ रॉबर्ट लँग्डन याच्या डोक्यात घोळत असताना तो रुग्णालयात जागा झाला. आपण कुठे आहोत, येथे कसे आलोत, हे त्याला आठवेना. जी एक गूढ वस्तू त्याच्याजवळ होती, त्याबद्दलही त्याला सांगता येईना. त्याला ठार मारण्याची धमकी मिळाल्याने सिएना ब्रुक्स या तरुण डॉक्टरणीसोबत त्याने पलायन केले. मग इटलीच्या फ्लॉरेन्स शहरात त्याचा पाठलाग सुरू झाला. प्राचीन व ऐतिहासिक वास्तूंच्या खाचाखोचा माहीत असल्यामुळे आपला पाठलाग करणाNयांना तो गुंगारा देऊ शकत होता. डान्टेचे महाकाव्य ‘इन्फर्नो’मधील काही काव्यपंक्तींच्या साहाय्याने तो रहस्याचा मागोवा घेत चालला होता. ते रहस्य प्राचीन शिल्पे, चित्रे, इत्यादींमध्ये सांकेतिक स्वरूपात लपलेले होते. ते उलगडले तर जगाला एका भयानक संकटातून वाचवता येणार होते... युरोपातील पाश्र्वभूमीवर लिहिलेली डॅन ब्राउनची रहस्यमय व थरारक कादंबरी! चोवीस तासात घडणाNया या घटना वाचताना वाचकाला अक्षरश: भोवळ येऊ लागते; ही कादंबरी पहिल्या पानापासून ते शेवटच्या पानापर्यंत वाचकाला खिळवून ठेवते!
Keywords
ROBERT LANGDON, SIENNA, VAYENTHA, A MASK, KNOWLTON, ELIZABETH, MEDICI, PITTI PALACE, VASARI CORRIDOR, MATRA, DANTE, SINSKEY, MIRSAT, ZOBRIST, WHO
Customer Reviews
  • Rating StarKiran Borkar

    डोक्याला गोळी चाटून गेल्याने चिन्हशास्त्रज्ञ प्रोफेसर रॉबर्ट लँडन हॉस्पिटलमध्ये आहे . काल रात्री काय झाले ते त्याला आठवत नाही . एक चंदेरी केसांची बाई त्याला शोधा म्हणजे सापडेल हे सांगतेय आणि फक्त तेच त्याला आठवतेय .आपण कुठे आहोत ...? इथे कसे..? हे काी आठवत नाही.त्याच्यावर अजून हल्ले होणार हे नक्की .त्याला मदत करतेय एक तरुण स्त्रीडॉक्टर सिएना ब्रूक्स आणि सुरू झाला एक भयानक पाठलाग.... . डान्टे या महाकवीच्या प्रसिद्ध इन्फर्नो महाकाव्याचा आधार घेऊन एका विकृत माणसाने जगाची लोकसंख्या कमी करण्यासाठी महाभयंकर योजना आखली आहे .आता त्याच महाकाव्याचा आधार घेऊन रॉबर्टला त्याची योजना शोधायची आहे . त्यासाठी इटालीतील प्राचीन शिल्पे ,चिन्हे ,चित्रे यांचा आधार घ्यायचा आहे .आणि ते उलगडले तरच जग विनाशपासून वाचणार होते .डॅन ब्राऊनच्या इतर कादंबऱ्याप्रमाणे ही पण चोवीस तासात घडणारी थरारक वेगवान कथा आहे .अगदी पहिल्या पानापासून ते शेवटच्या पानापर्यंत खिळवून ठेवणारी . ...Read more

  • Rating StarDAINIK AIKYA 27-11-2016

    ज्याच्या पुस्तकाच्या कित्येक कोटी प्रती दरवर्षी खपतात, त्या डॅन ब्राऊनचे ‘इन्फर्नो’ (अग्निप्रलय) हे अगदी अलीकडचे पुस्तक. हे पुस्तक मराठी वाचकांसाठी अनुवादित करून प्रकाशित होत आहे. जुन्या काळात प्रेमकथा, रहस्यकथा, साहसकथा अशा कप्प्यांमध्ये कादंबऱ्यांच लिखाण होई. परंतु पाश्चात्य लेखकांना कोणतेही बंधन आवडत नसल्याने त्यांच्या कादंबऱ्यात विज्ञान, रहस्य, पुराणे, प्रेमकथा इत्यादी विषयांची गर्दी झालेली असते, पण सरमिसळ नसते. मुळात पाश्चात्यांच्या पुराणकथात अथवा विज्ञान त्या कथेचा उगम असल्यास आणि त्यापासून त्यांना एखादी कल्पना स्फुरली असल्यास ते त्या विषयाचा सखोल अभ्यास करतात आणि मगच लेखनास प्रारंभ करतात. माहिती मिळवण्यासाठी आता इंटरनेटसारखी साधने जरी उपलब्ध असली, तरीही त्या, त्या क्षेत्रातील तज्ज्ञ व्यक्तीचे मार्गदर्शनही लागते. अशा तज्ज्ञांचा एक फौजफाटा तयार करून डॅन ब्राऊन त्यांची मदत घेतो. याचा पुस्तकासाठी त्याने ज्या, ज्या व्यक्तींची मदत घेतली आहे त्यांचे आभार पुस्तकाच्या शेवटी नावे घेऊन मानलेले आहेत. सुमारे ७५ जणांची नावे त्यात आढळतील. एवढा खटाटोप करण्याचे कारण पाश्चात्य लेखकांना आपल्या पुस्तकात अचूकता हवी असते. त्यामुळे त्यांची पुस्तके माहितीपूर्ण ठरतात. त्यावर नंतर वादंग होत नाहीत. या पार्श्वभूमीवर आपल्याकडच्या लेखकांचा माहिती मिळवण्यात, त्या, त्या विषयांचा अभ्यास करण्यात किती आळस असतो, हे दिसून येईल. इतकेच काय, पण जिथे फक्त ज्ञान व माहिती एवढेच पुस्तकात द्यायचे आहे, अशा शालेय पाठ्यपुस्तकांत लेखकांनी किती घोडचुका केलेल्या असतात याची सुरस व चमत्कारिक माहिती आपण वृत्तपत्रांत वाचतो. परिणामी अचूक ज्ञानाचा, शुद्धतेचा संस्कार आपल्या नव्या पिढीवर कसा होणार? ‘डिजिटल फॉर्टेस’ या कादंबरीत महासंगणकाचे क्षेत्र उलगडून दाखवलेले आहे तर डिसेप्शन पॉइंट या कादंबरीत सर्व आधुनिक विज्ञानाचा आधार घेतला आहे. ‘लॉस्ट सिम्बॉल’ कादंबरीत ऐतिहासिक काळातील घडामोडी, त्या वेळची चित्रकला, प्राचीन तंत्रविद्या वगैरेंचे सहाय्य घेतले आहे. ‘द दा विंची कोड’ व ‘एन्जल्स अँड डेमन्स’ या दोन कादंबऱ्यात तर सरळ सरळ खिश्चन धर्माच्या गाभ्यालाच हात घातला आहे. अन् हे सारे एवढे अभ्यासपूर्ण आहे, की वाचकांची नुसतीच करमणूक होत नाही, तर त्यांना अनेक गोष्टींचे ज्ञानही होते. आपल्याकडे तर एवढे विविध विषय आहेत, की आपली प्राचीन पुराणे, धर्मग्रंथ, इतिहास या विषयी पुस्तकांच्या मालिका निघू शकतील. पण त्यासाठी अचूकता व शुद्धता यांची आवड लेखकाला असायला हवी. त्याच्याकडे कल्पकता व अभ्यासू वृत्ती असायला हवी, असे लेखक भारतात व महाराष्ट्रात क्वचित आढळतात. आपले लेखक प्रेम कहाण्यांसारखे मनोरंजनात्मक लिखाण करतील किंवा करूण कहाण्या लिहितील, अशी ही दारूण अवस्था आहे. डॅन ब्राऊनच्या कादंबऱ्या वाचल्यामुळे वाचकाला आनंद मिळतो. तसेच तो बहुश्रुत आणि ज्ञानीही बनतो. या तरुण लेखकाने एका पाठोपाठ एकेक अशा कादंबऱ्या लिहिल्या आहेत, की त्यांचा एक जागतिक विक्रम झाला आहे. त्यांचा खप कित्येक कोटी प्रतींचा झाला आहे आणि अब्जावधी संपत्तीची उलाढाल झाली आहे. त्यांच्या आगामी कादंबरीची जाहिरात आली, की लगेच आगाऊ नोंदणीला सुरुवात होऊन आधीच कित्येक लाख प्रती नोंदल्या जातात. शिवाय डॅन ब्राऊनचे यश केवळ एका कादंबरीपुरते सीमित नाही. त्याच्या प्रत्येक कादंबरीला तेवढाच प्रतिसाद मिळतो. या कादंबरीत गूढ गोष्टींचा पाठलाग, मृत्यूनंतरचे जीवन, आत्मे किंवा पिशाच्च, नरक, परमेश्वर वगैरे सर्व गोष्टी आहेत. नरकातील अग्निप्रलय, नीती-अनीती वगैरे गोष्टी आपल्या प्राचीन ग्रंथांतही आहेत. रौरव, कुंभीपाक वगैरे नरकातील विविध प्रकारांची वर्णनेही आहेत. पिशाच्च, पुनर्जन्म, शाप, तळतळाट वगैरेबद्दल तर एवढी माहिती भरलेली आहे, की तेवढी पाश्चात्यांच्या प्राचीन ग्रंथांतही नसेल, तसेच आपला इतिहास तर विविध प्रकारचा आहे. मानवी संघर्ष तर रामायण-महाभारत काळापासून घडत आलेले आहेत. नीती-अनीती, पाप-पुण्य या कल्पनांचा ऊहापोह कृष्णाने गीतेत अर्जुनाला उपदेश करताना केला आहे. एवढा सारा खजिना आयता आपल्याकडे असताना त्यावर आधारित कादंबऱ्या लिहिणारा भारतीय डॅन ब्राऊन आपल्याकडे का निर्माण होत नाही? या प्रश्नाचे उत्तर वाचकांनी ही कादंबरी वाचल्यावर विचार करून ठरवावे. ...Read more

Write Your Own Review
  • Default typing language is Marathi. To type in English press Ctrl+G key combination
Submit Review

Latest Reviews

EKA SAINIKACHA MRUTYU
EKA SAINIKACHA MRUTYU by Margaret Evison Rating Star
Dr.Pramod Bankhele

हे पुस्तक मार्गारेट एव्हीसन च एकटीच नव्हे ,त्या युद्धात वीरगती प्राप्त झालेल्या मुलांच्या मातांच्या भावनांचं सर्वसमावेशक प्रतिनिधित्व करणार आहे.या पुस्तकामुळे एक प्रश्न मात्र मनात येतोच युद्धात किंवा लष्करी कारवाई मध्ये वीरगती प्राप्त झालेल्या सैनिकाचा सर्व स्तरातून दुखवटा व्यक्त केला जातो कुटुंबाला मदत ही केली जाते.आणि ते योग्य ही आहे पण लष्कराला कमीदर्जाच्या किंवा अपुऱ्या साधनसामुग्रीमुळे अपुऱ्या वैद्यकीय सेवेमुळे जर सैनिक गमवावे लागत असतील त्यांचं काय? फार उत्तम म्हणून गौरवलेला "रंग दे बसंती" या चित्रपटात ही हाच प्रश्न उपस्थित केलाय,खर तर बुलेटप्रूफ जॅकेट्स,बर्फाळ प्रदेशात वापरण्याची साधन इत्यादी दर्जाहीन असल्यानं आपण किती सैनिक गमावले?चांगलं अन्न योग्य पुरेश्या आणि तात्काळ उपलब्ध असणारी आरोग्य व्यवस्था जर सैनिकांना मिळत नसतील तर वीर गती प्राप्त झालेल्या सैनिकांना पुष्पचक्र वाहताना यांचे हात कसे थरथरत नाहीत?संरक्षणासारख्या गोष्टीतील त्रुटी दाखवणं म्हणजे देशद्रोही ठरवलं जाण असली भिकार मानसिकता जिथे असेल तिथं बोलायचं तरी कुणी? सामान्यांच्या करावर संरक्षणाच्या नावाखाली देश लुटणार्यांना शाहिद झालेल्या सैनिकांच्या नाव घेताना लाज ही वाटत नाही.म्हणून म्हणतो हे पुस्तक फक्त मार्गारेट च नाही ते जगातील सर्व सैनिकांच्या मातांच ,कुटुंबीयांच आणि राजकीय पोळी भाजण्यासाठी युद्धखोरी करणाऱ्या मुळे त्रासलेल्या सगळ्या बाधितांच आहे. ...Read more

NOT WITHOUT MY DAUGHTER
NOT WITHOUT MY DAUGHTER by Betty Mahmoody Rating Star
Atul Pahurkar‎

अनेक दिवसा पासून हे पुस्तक वाचायचे होते . शेवटी एकदाचे वाचून काढले काही तासातच . लव जिहाद किती घातक आहे याचे वर्णन करणारे एकमेव मराठी पुस्तक आहे . सर्व तरुण महिलांनी नक्की वाचायला पाहिजेत. या कादंबरीतील लेखिका अश्या माणसावर प्रेम करते जो हुशार , देखा , आणि चांगला कमावता आहे . त्यालाच ती सर्व समजते . पण पुढे ती खूप मोठ्या संकटात सापडते . तिचा प्रियकर हा जरी शरीराने अमिरीकेत राहत असला तरी मनाने तो इराणी होता.प्रेम आंधळं असते , ती त्याच्या सोबत लग्न करते. तो तिला पुढे गळ घालतो , " इराणला मायदेशी चल काही दिवसासाठी आपण परत येऊयात, इराण खूप सुंदर जागा आहे , तुला नवीन देश पाहायला नक्की आवडेल". पण ही तशी एक चाल असते तो तिला फसवतो आणि तिला इराणला आणतो. तिकडचे गरम वातावरण आणि रूढी आणि परंपरा तिला आवडत नाही . ती परत जायचं बोलते पण तिचा पती तिला कानाखाली मारतो आणि बोलतो "तू कुठे जाणार नाही इकडेच या देशात आयुष्यभर राहणार". इराण हा पुरुषप्रधान देश आहे . स्त्रियांच या देशात कोणी ऐकत नाही . ती कश्या प्रकारे इराण मधून पळ काढते . तिला काही चांगले लोक भेटत जे तिला आणि तिच्या मुलीला या नारकातून बाहेर पडण्यास मदत करतात . खूप रोमांचित आणि अंगावर काटा आणणारी की कादंबरी आहे . ही कादंबरी वाचून जिद्द असली की आपण काय नाही ते करू शकतो याचे जिवंत उदाहरण समजते . हे पुस्तक वाचून, आपला देश हा इतर देशा पेक्षा किती चांगला आहे याची जाणीव झाली. तसेच लव जिहाद किती घातक आहे याची कल्पना आली. पुस्तक वाचून जेवढं motivation भेटले तेवढे कधी भेटले नाही. भारताला जे लोक असुरक्षित देश बोलतात त्यांनी ही कादंबरी वाचायला हवी . ...Read more