नुकतेच ‘द फकीर’ मराठीतून वाचले. उत्कृष्ट भाषांतराबद्दल मनस्वी अभिनंदन. अध्यात्मिक विषयाचे भाषिक रूपांतर करणे खूप कठिण असते, ते एक अध्यात्मिक कामच आहे. मी जरी मारवाडी असलो तरी, मराठी माझी मानसिक भाषा आहे. दीर्घ कालानंतर आवडीचा प्रसाद चवीचवीने हळूहळू खतो, तसे १९० पानाचे ‘द फकीर’ आठ दिवस निवांत पचेल त्या वेगात वाचत होतो. मी मागील ५५ वर्षापासून पुस्तक, स्टेशनरी वितरण व्यवसायात आहे. ...Read more

आपण अनुवाद केलेले ‘द फकीरा’ हे पूस्तक वाचण्यात आले. पुस्तक वाचताना खूप आनंद येत होता. परत परत पुस्तक वाचले. अजूनही त्या आनंदाचा आस्वाद घेत आहे. पुस्तकाच्या प्रथम पृष्ठावर श्री रुझबेह एन. भरुचा यांच्या इतर पुस्तकांविषयी माहिती मिळाली. सुंदर पुस्तक अुवाद केल्याबद्दल आपले मनपूर्वक अभिनंदन. ...Read more

तत्त्वज्ञान जगणारा आणि मानवता जागविणारा ‘फकिर’… द फकीर’ ही रुझबेह एन् भरूचा या तरुण लेखकाची तत्त्वज्ञान सांगणारी वाचनीय कादंबरी. विनोद बुद्धीचं दैवी वरदान लाभलेला एक फकीर. तो तत्त्वज्ञान जगता जगता मानवता जागविण्याचं महत्कार्य करतोय. जीवनाला कंटाळलेलया आणि जीव देऊ पाहणाऱ्या एका हिप्पी तरुणाशी त्याची अचानक गाठ पडते. उभयतांचा परस्परांच्या जोडीनं जीवनाचा प्रवास सुरू होतो. फकीराचं जगणं पाहताना आणि त्याचे विचार ऐकताना हिप्पी तरुणाचं जीवनच पार बदलून जातं. त्या बदललेल्या जीवनाचा साहित्यिक प्रवास या कादंबरीत तंतोतंत आणि आकर्षक पद्धतीनं रेखाटलेला आहे. पूर्वसंचित, कर्म, दैव, प्रार्थना, दया, पूजा, क्षमा, शांती, मरणोत्तर जीवन इत्यादी अनेक गहन प्रश्नांचा वेध इथं लेखकानं अत्यंत सहज सोप्या भाषेत आणि कथानकाच्या ओघात लीलया घेतलाय. जगावं कसं आणि मरावं कसं याचे पाठही कादंबरी प्रभावीपणानं देते. सुनीति काणे यांनी मराठी अनुवाद करताना मूळ कथानकाचा आत्मा जाणून घेऊन न्याय दिलाय. - अप्पा सलागरे ...Read more