* Front & back cover images are for illustration purposes only and the price of book is sold separately.
  • Original Book Title: DESIGN YOUR CAREER
  • Availability : Available
  • Translators : SUPRIYA VAKIL
  • ISBN : 9788177668353
  • Edition : 3
  • Weight : 0.00 gms
  • Pages : 140
  • Language : Translated From ENGLISH to MARATHI
  • Category : SELF HELP, HEALTH & PERSONAL DEVELOPMENT
Quantity
Buying Options:
  • Ebooks:
  • Print Books:
IN TODAY`S WORLD, THE WORST PROBLEM IS UNEMPLOYMENT. THIS PHASE IS NOT A TEMPORARY ONE; ON THE CONTRARY IT IS GOING TO END THE ERA OF `SERVICE`. TODAY`S WORLD IS THE MOST SPEEDY ONE, ON THE TOP OF IT, WE HAVE TO PROVE OUR ABILITIES CONSTANTLY, WE ARE CONTINUOUSLY EXPECTED TO BE THE BEST. ON THE OTHER HAND, THOSE WHO HAVE BEEN FREED FROM THE `SERVICE` HAVE JOINED A NEW PATH, THEY ARE WORKING FREELY. THIS HAS GIVEN RISE TO VARIOUS MODES OF CAREER. THIS BOOK WILL PROVE TO BE AN EXCELLENT GUIDE; IT WILL HELP EACH ONE CONSIDERING THE PERSONAL ABILITIES, APTITUDES, ATTITUDES, AND THE NEW RISING NEEDS OF FINANCE. IT IS FULL OF PRACTICAL GUIDE LINES, EXAMPLES, AND EASY TECHNIQUES. THE BEST PART OF IT IS BASED ON THE VAST EXPERIENCE OF THE AUTHOR IN THIS FIELD. YOU WILL ALSO COME ACROSS THE GRAPH OF PEOPLE WHO HAVE BEEN THE BEST IN THEIR RESPECTIVE CAREER FIELDS. LIKE OTHER BOOKS IN THE MARKET, THIS ONE ALSO GUIDES ABOUT HOW TO FIND A JOB IN A TRADITIONAL MARKET BASED UPON SERVICES, BUT THE PECULIARITY OF THIS BOOK IS IT ALSO GUIDES ABOUT HOW TO STAND FIRMLY IN A `SERVICE-LESS` FINANCE SYSTEM.
आपल्यासमोर ‘नोकरीविरहित’ जगाचे भीषण वास्तव उभे ठाकले आहे. ही काही तात्पुरत्या स्वरूपाच्या मंदीची अवस्था नाही, तर ही ‘नोकरी’ नामक अस्तित्वाचीच अखेर आहे. शिवाय आजच्या वेगवान युगात परिवर्तनाला सामोरे जातानाच उच्च दर्जाची कामगिरी घडवून दाखवण्याचाही प्रचंड दबाव आहे. नोकरीच्या जोखडातून मुक्त झालेल्यांसाठी ‘कामा’चा मुक्त प्रवाह सुरू झाला आहे. त्यातून करिअरचे असंख्य नवे झगझगीत मार्ग उजळत आहेत. या टप्प्यावर वैयक्तिक स्वाभाविक कल, क्षमता व अर्थव्यवस्थेच्या नव्या गरजा यांना अनुरूप असे समृद्ध करिअर घडवण्यासाठी हे पुस्तक मोलाचे मार्गदर्शन करते. उपयुक्त व्यवहार्य सूचना, उदाहरणे, सोपी तंत्रे सांगणारे हे पुस्तक लेखकाच्या व्यवस्थापन क्षेत्रातील प्रदीर्घ अनुभवावर आधारित आहे. आपापल्या क्षेत्रात यशस्वीतेची शिखरे गाठणाNया सामन्यांतून असामान्य व्यक्तिमत्त्वांचा प्रेरणादायी करिअर-आलेखही या पुस्तकात पाहायला मिळतो. नोकरीवर आधारलेल्या पारंपरिक बाजारपेठेत नोकरी कशी शोधावी, याबाबत मार्गदर्शक पुस्तके उपलब्ध आहेत, पण नोकरीविरहित अर्थव्यवस्थेत टिकाव धरून राहण्यासाठी मार्गदर्शन करणारे साहित्य फारसे उपलब्ध नाही. हे पुस्तक ही उणीव भरून काढते.
Video not available
No Records Found
No Records Found
Keywords
"#MARATHIBOOKS#ONLINEMARATHIBOOKS#TRANSLATEDMARATHIBOOKS#TBC#TRANSLATEDBOOKS@50% #DESIGNYOURCAREER #DESIGNYOURCAREER #डिझाईनयुअरकरिअर #SELFHELPHEALTH&PERSONALDEVELOPMENT #TRANSLATEDFROMENGLISHTOMARATHI #SUPRIYAVAKIL #सुप्रियावकील #SHRINIVASPANDIT "
Customer Reviews
  • Rating StarMAHARASHTRA TIMES 24-06-2007

    मार्गदर्शक मात्र, क्लिष्ट… कोणतीतरी डिग्री घ्यायची आणि चांगला जॉब करायचा, असं स्वप्न आपल्यातील जवळजवळ प्रत्येक जण पाहत असतो. पण आजच्या ग्लोबलायझेशनच्या युगामुळे नोकऱ्यांचं प्रमाण कमी होत आहे. त्यामुळे आहेत त्या नोकऱ्यांमध्ये आपली कामगिरी जास्तीत जासत प्रभावी व्हावी, यासाठी जो तो प्रयत्न करतो. अर्थातच यामुळे प्रचंड दबाव येतो. म्हणूनच अशा परिस्थितीत आवश्यक आहे ते करिअरच्या नवनवीन पर्यायांचा विचार करणं. त्याचबरोबर आपल्या क्षमता आणि कौशल्य, व्यक्तिमत्त्व, एखाद्या विषयातील रस आणि महत्त्वाचं म्हणजे अर्थव्यवस्थेची गरज व मागणी. या सर्व बाबी लक्षात घेऊनच आपलं करिअर कसं डिझाइन करता येईल. हेच सांगणारं हे पुस्तक आहे. आज गिरण्या किंवा कंपनीतील नोकऱ्या जाऊन आयटी, रिटेल, कॉल सेंटर्स यासारखी सेक्टर्स अस्तित्वात आली आहेत. यामुळे अर्थव्यवस्थेचा चेहरामोहरा पूर्णपणे बदलला आहे. आज सर्व्हिस इंडस्ट्रीचा जमाना सेट होत आहे. अशा वातावरणात टिकून राहण्यासाठी नोकरी करण्यापेक्षा स्वत:चा रोजगार स्वत:च निर्माण करायला हवा. बाजारपेठ, आंतरराष्ट्रीय कंपन्यांचं आगमन आणि अत्त्याधुनिक टेक्नॉलॉजीच्या वापरामुळे यंत्रांचा वापर अधिक होणार आणि मनुष्यबळाची गरज कमी होत जाणार. ही परिस्थिती आताच लक्षात घेऊन त्यानुसार आपलं करिअर डिझाइन करायला हवं. सर्व्हिस सेक्टरच्या उदयामुळे आज आऊटसोर्सिंगच प्रमाण वाढत आहे. मात्र, अशा वेळेस अर्थव्यवस्था किंवा इतरांना दोष न देता ही परिस्थिती आपल्यावर का आली आहे. याचा विचार करायला हवा. त्यासाठी प्रस्थापित चौकटीबाहेर जाऊन विचार करा. स्वत:च्या सवयी, क्षमता, कौशल्यं तसंच दोष समजून घ्या. आपलं व्यक्तिमत्त्व जाणून घेतल्यावर स्वत:ला काय करायचं आहे, करिअरचं उद्दिष्ट काय, कोणत्या क्षेत्रात करिअर करणार, करिअर प्लान, आपलं वय, अनुभव आदी सर्व बाबींचा विचार करूनच स्वत:चं बस्तान कसं बसवायचं याचं मार्गदर्शन यात करण्यात आलं आहे. स्वत:च नेटवर्क ऑपरेट करून आपल्या कामाचं मार्केटिंग करत करिअर डिझाइन करण्याचा सल्ला लेखकाने यात दिला आहे. करिअर करताना या सर्व बाबी किती महत्त्वाच्या आहेत यांचं समुपदेशन यात करण्यात आलं असलं तरी पुस्तकाची भाषा क्लिष्ट आहे. पुस्तकाच्या शीर्षकावरून हे पुस्तक आजच्या युवा पिढीसाठी उपयुक्त असल्याचं जाणवतं, पण आजच्या युवकाला ही भाषा चटकन समजून घेणं कठीण ठरू शकतं. करिअर करण्यासाठी उपयुक्त क्षेत्र आणि त्यात कशा प्रकारे प्रवेश करायचा हे पुस्तकातून लगेच उमगत नाही. पुस्तकाची भाषा बोजड असणं, हे याचं कारण ठरेल. आज मार्गदर्शन, समुपदेशन करणारे सर्रास उपलब्ध असतात अशा जड भाषेत, समजण्यास कठीण अशा साच्यात पुस्तक लिहिणं टाळायला हवं होतं. स्वत:च्या सवयी, क्षमता, कौशल्यं तसंच दोष समजून घ्या. आपलं व्यक्तिमत्त्व जाणून घेतल्यावर स्वत:ला काय करायचं आहे, करिअरचं उद्दिष्ट काय, कोणत्या क्षेत्रात करिअर करणार, करिअर प्लान, आपलं वय, अनुभव आदी सर्व बाबींचा विचार करूनच स्वत:चं बस्तान कसं बसवायचं याचं मार्गदर्शन यात करण्यात आलं आहे. स्वत:च नेटवर्क ऑपरेट करून आपल्या कामाचं मार्केटिंग करत करिअर डिझाइन करण्याचा सल्ला लेखकाने यात दिला आहे. -मिताली तवसाळकर ...Read more

  • Rating StarSAKAL 22-11-2009

    जागतिकीकरणानंतर बदललेल्या आजच्या जगात नोकऱ्यांचे प्रमाण कमी होत चालले आहे. जगभर बोलबाला असलेल्या मंदीमुळे ही अवस्था आलेली नसून, आता नोकरी नावाची संकल्पनाच लोप पावत चाललेली आहे. या अवस्थेतही ज्यांच्याकडे काही करुन दाखवण्याची धमक आहे, अशांसाठी मात्र करअरचे मोठे महामार्ग उजळत आहे. या स्थितीत स्वाभाविक कल, क्षमता व अर्थव्यवस्थेच्या गरजा यांना अनुरुप असे करिअर घडविण्यासाठी ‘डिझाइन युअर करिअर’ हे श्रीनिवास पंडित यांचे पुस्तक मार्गदर्शन मिळते. लोकसंख्येचा आलेख भराभर वाढत चाललेल्या आजच्या जगात नोकरी लोप पावत चाललेली आहे. भारतासारख्या प्रचंड लोकसंख्येच्या देशात तर या परिस्थितीमुळे बेरोजगारांचे तांडे तयार झाले आहेत. रोजगारासाठी देशातंर्गत फिरणाऱ्या लोकांचा मुद्दा अग्रभागी आहे. अशा अवस्थेत बदलत्या जगाच्या परिप्रेक्षात नोकरीच्या संधी कमी होणार, हे आता जाणवायला हवे. नोकरीविरहित अर्थव्यवस्थेत टिकून राहण्यासाठी काय करावे लागेल. याचे मार्गदर्शन करणारे पुस्तक मेहता पब्लिशिंग हाऊसने गतवर्षी प्रकाशित केले आहे. या पुस्तकाचे मूळ इंग्लिश लेखक श्रीनिवास पंडित हे आहेत. तर मराठी अनुवाद सुप्रिया वकील यांनी केला आहे. पुस्तकाच्या सुरुवातीलाच असलेला स्वामी विवेकानंद यांचा विचार मनाला भावून जातो. तो विचार असा - ‘एखादी संकल्पना निवडा. त्या संकल्पनेला तुमचे जीवन बनवा. त्यावर विचार करा, तिचेच स्वप्न पाहा, ती संकल्पना पाहा, ती संकल्पना जगा. त्या संकल्पनेने अंतर्बाह्य भारून जा आणि इतर सगळ्या गोष्टी बाजूला ठेवा. हा यशाचा मार्ग आहे. ‘या सुंदर व क्रियाशील विचाराने सुरू झालेला वाचनाचा प्रवास वाचकांना अनेक धक्के देत बदलत्या जगाचे वास्तव दर्शन घडवीत निघतो. लेखक म्हणतो, ‘आपल्या जगासमोर नोकऱ्या संपण्याचे जे वास्तव उभे ठाकले आहे, ते एक महासंकट आहे. तरीही ज्या लोकांची या बदलत्या जगाशी जुळवून घेण्याची तयारी आहे, अशांसाठी विपुल संधी आहेत.’ पुस्तकातील पहिले प्रकरण ‘नोकऱ्या नष्ट होतात, काम टिकून राहते,’ हे आहे. यात नोकरी संकल्पनेचे अस्तित्व कसे लोप पावते आहे याचे वर्णन. तसेच भारतातील निर्दयपणे नोकऱ्या हिरावणाऱ्या पाच कंपन्याची आकडेवारी दिलेली आहे. आगामी काळात सॉफ्टवेअर, डॉटकॉम्स, मल्टिमीडिया, करमणूक, किरकोळ व्यापार, आरोग्यसुविधा, विमा, दूरसंचार या क्षेत्रात पाच लाख कार्यसंधी निर्माण होण्याची लेखकाला आशा आहे. अशा प्रकारे काम शोधण्याच्या व करिअर घडविण्याच्या संधी उपलब्ध होणार आहेत. मात्र त्या नऊ ते पाच या वेळेच्या साच्यात मिळणार नाहीत. पुस्तकातील दुसरे प्रकरण म्हणजे ‘यू अँड कंपनी’ या प्रकरणात तुम्ही स्वत:च एक कंपनी, संस्था आहात, अशा रितीने स्वत:कडे पाहा, असा सल्ला लेखक देतो. इथून पुढे तुम्ही नोकरी किती वर्षे केली, हा बढतीचा निकष असणार नाही, तर तुम्ही काय कर्तृत्व गाजविले ते पाहिले जाईल. ...Read more

Write Your Own Review
  • Default typing language is Marathi. To type in English press Ctrl+G key combination
Submit Review

Related Books

People Who Bought This Item Also Bought

Latest Reviews

NAGKESHAR
NAGKESHAR by VISHWAS PATIL Rating Star
Rahul Patwardhan

विश्वास पाटील याचे लेखणीतून उतरलेली सत्तासंघर्ष कुटुंबातही कसे थैमान घालतो या ज्वलंत व जळजळीत विषयावरील कादंबरी. काल्पनिक पात्रे सत्ताधीश,जेते,योद्धे आदींच्या लढाया, डावपेच, मोहिमा करत नाहीत.ती सत्ता, प्रतिष्ठा, पैसा, प्रभाव कसही करून काबी करण्याच्या जीवघेण्या स्पर्धेतील प्यादी आहेत. भले वजीर,हत्ती,घोडे,उंट नसतीलही; पण तोच झगडा करतात.तसेच वागतात.तसाच खुनशीपणा करतात.तशीच लालसा बाळगतात.तसेच छुपे डावपेच आखतात. तशीच उघड ईर्षा करत मत्सराचे फुत्कार सोडत एकत्र रहातात.तशीच बेपर्वाई दाखवत जीवन जगतात.आणि तितक्याच कोडगेपणे परिणामांना सामोरे जातात. मानवी जीवनातील खेळते प्रवाह व सुप्त अंतःप्रेरणा शेवटी एकच आहेत हे सूत्र मनावर बिंबवतात. काम,क्रोध,मद,मोह इत्यादि षड्रिपू यांनी प्रत्येकाचा भावनिक पिंड बनलेला आहे. कोणी बाह्यजगाने बहाल केलेली पद व सत्ता ही कवचकुंडलांचे आड या तमोगुणांना झाकतो. कोणी यांची ढाल वापरून आपली लालसा व कामना पूर्ण करतो.कुणी या कवचांनी लादलेली जबाबदारी गुंडाळतो व लोक,नोकरवर्ग, कामगार,शेतकरी,मतदार यांना दारीही उभा करत नाही. आणि आपली स्वप्ने व हाव यांचे दावणीला बांधतो. माणस शहरी असोत वा खेडूत , सभ्यता व संस्कृती यांचा किमान सामाजिक बुरखा संपत्ती व ऐयाशी हा भुलभुलैया प्राप्त करणेकरता कसा टरटरा फाडतात याचे बिनधास्त वर्णन "नागकेशर"मध्ये आहे ...Read more

KALAY NAMAH
KALAY NAMAH by EVA HOFFMAN Rating Star
Shrikant Adhav

KALAY NAMAH by EVA HOFFMAN काळ ही संकल्पना सर्वसामान्य माणसाला फारच ढोबळमानानं ठाऊक असते. ‘काल-आज-उद्या’ एवढ्याच खंडित परिमाणांमध्ये काळाकडं पाहिलं जातं. मात्र, माणसाचं शरीर, मन-मेंदू, संस्कृती यांना काळ कसा घडवतो (आणि बिघडवतोही!) यासंबंधीचं वेगळय पद्धतीचं विवेचन या पुस्तकात ाचायला मिळतं. इव्हा हॉफमन यांच्या ‘टाइम’ या मूळ इंग्लिश पुस्तकाचा हा अनुवाद केला आहे प्रा. पुरुषोत्तम देशमुख यांनी.‘काळ’ ही मानवाला नेहमीसाठीच मिळालेली एक श्रेष्ठ देणगी आहे. अस्तित्वात असलेलं हे वास्तव नाकारताही येत नाही किंवा टाळताही येत नाही; पण जगलेल्या काळाचं स्वरूप नाट्यपूर्ण रीतीनं बदलत चाललं आहे. वैद्यकीय प्रगतीमुळे आपली आयुर्मर्यादा वाढते आहे, तर डिजिटल साधनं छोट्या छोट्या घटकांमध्ये काळ दाबून-दडपून बसवतायत. सध्या आपण एकाच वेळी अनेक काल प्रदेशात राहू शकतो; पण काळाच्या कमतरतेची लागण आपल्याला झाली आहे. सध्या आपण खूप वेळ काम करतो. इतकं की, काम आणि विश्रांती यांमधल्या सीमारेषा धूसर झाल्या आहेत. अनेक लोकांच्या आयुष्यात पैशापेक्षा वेळ ही अधिक मौल्यवान चीज झाली आहे. अशा सगळ्या परिस्थितीत आपल्या समजांवर आणि आपल्या स्वत:वर काय परिणाम होतोय? कॉम्प्युटर्स, व्हिडिओ गेम्स आणि तत्काळ संदेशवहन अशांसारख्या अतिवेगवान तंत्रज्ञानाचा आपल्या एकाग्रतेच्या आणि चिंतनाच्या क्षमतांवर काय परिणाम होतो? एकाच वेळी अनेक कामं आणि काळाची शकलं करणारी भावनिक अस्वस्थता गेल्या काही दशकांनी अनुभवली आहे. शरीरविज्ञानशास्त्र आणि बोधावस्थेचं निरीक्षण आपण अधिक सूक्ष्म पातळीवर करतो, तेव्हा आपल्या मनावर आणि शरीरावर होणाऱ्या काळाच्या प्रक्रियांपासून आपण काय शिकतो आहोत?नैसर्गिक मानवी कालिकता अशी काही चीज आहे का, जिच्या पलीकडे जाण्याचं साहस आपण केलं, तर आपला विनाश ओढवेल? जीवशास्त्र ते संस्कृती आणि मनोविश्लेषण ते चेतामानसशास्त्र अशा जीवनातल्या विस्तीर्ण आणि शब्दातीत असलेल्या तत्त्वांचं मूलगामी संशोधन करणारी इव्हा हॉफमन विचारते : आपल्याला जाणवतं तसं, आपण काळाच्या शेवटाकडे जातोय का? ...Read more