मी स्वत: अत्यंत घाबरट आहे. अंधार, एकटं राहणे, भुताच्या गोष्टी याच्या पासून मी लाहनपणापासूनच चार हात लांब राहिले. आजही मित्र-मंडळी आणि भावंडांच्या गेट टूगेजर मध्ये ज्या क्षणी हाॅरर गप्पा चालू होतात त्या क्षणी मी गाढ झोपून जाते. माझं मला सुद्धा माझ्या िचित्र सवयीचं अनेकदा हसायला येतं पण शेवटी स्वभावधर्म. या सगळ्या पार्श्वभुमिवर प्रचंड बळ आणि हीम्मत एकवटून मतकरींचे पुस्तक वाचायचे एकदा ठरविले आणि ठाण्याच्या पुस्तक प्रदर्शनातून विकतही घेतले! या लेखनाचं किंबहुना लेखकांचं वैशिष्ट्य म्हणजे, एक प्रकारचं वलय सभोवताली निर्माण होतं आणि आपल्याही नकळत आपण त्या कथानकातलं पात्र होऊन जातो. ती गोष्ट आपलीच आहे किंवा आपल्याच भोवती घडते असं जाणवून देणारा अदृश्य घटक आपल्याच कल्पनाशक्तितून निर्माण होतो. माणसाचे अंतर्मन फार चमत्कारीक असते. त्याचे गुढ आजतागायत कोणाला उलगडलेले नाही. तिथेच तर भिती, रहस्य या सगळ्याचे मुळ दडलेले असते. या पद्धतीच्या साहित्यात मतकरींनी अनन्य साधारण कार्य करून ठेवले आहे. `निजधाम` हा त्यांच्या काही विलक्षण गुढकथांचा संग्रह. सगळ्याच कथा थरकाप उडविणार्या आहेत. विशेष नमुद करावीशी वाटते ती `जेवणावळ` कथा! असं लिखाणं सुचणं हे केवळ महान आहे. प्रत्येक कथा वाचताना शरिरातले सारे इंद्रिय त्या शब्दांच्या ताब्यात असतात. सभोवेतलाच्या खर्या परिस्थितीचा विसर पडतो आणि या कथानकांची भुरळ पडते. भिती हा शब्द या कथांसाठी अतिशय शुल्लक वाटतो. एक महत्त्वाची गोष्ट जी मला आवडली ती म्हणजे, आजच्या काळात भुत-प्रेत, पिशाच्छ इत्यादी गोष्टींवरून अनेक लोकांमध्ये असणारे समज, गैरसमज, विचार, मते.... ती ज्याने त्याने ठरवावी पण चांगल्या साहित्याला, साहित्य म्हणूनच पाहावे. मानवी जीवन आणि मन ह्यांच्यात अनेक गोष्टी तर्काच्या पलिकडे आहेत. त्याचा गाभा अजूनही शास्त्रज्ञ पूर्णपणे शोधू शकले नाहीत. या पुस्तकातले एक आवडते वाक्य- `भितीच्या विविध स्वरूपातून मानवी मनाच्या अथांग सागराचा शोध घेणे हेच गुढकथेचे ध्येय असते, मानवी मनाचा शोध हाच साहित्याचा परम उद्देश असतो!` ...Read more

श्री रत्नाकर मतकरी हे उत्तम नाट्यलेखक, कथा लेखक म्हणून प्रसिद्ध होते. त्यांच्या कथामध्ये गूढ, भीतीदायक असे खास काही असायचेच. १९७७ मध्ये आमच्या शालेय शिक्षकांनी वर्गात सांगितलेली जेवणावळ हि कथा कायमची लक्षात आहे. नंतर २०१७ मध्ये आमच्या ऑफिस लायब्ररी निजधाम या पुस्तकात हि कथा वाचायला मिळाली आणि प्रचंड आनंद झाला. त्यांच्या सर्व कथांमध्ये शेवटी एक जबरदस्त twist असायचा, ज्याची आधी पुसटशी कल्पनाही यायची नाही. वाचकांना खिळवून ठेवणारे हे असले विचार त्यांनाकुठून सुचायचे काय माहित. असा चतुरस्त्र लेखक पुन्हा होणे नाही. त्यांच्या स्मृतीस भावपूर्ण आदरांजली. ...Read more

रत्नाकर मतकरी हे माझे आवडते गूढकथा लेखक। कितीतरी दिवसांपासून जेवणावळ ही कथा असलेले त्यांचे पुस्तक शोधत होते, ते मिळाले। शाळेत असताना हे पुस्तक वाचले होते। माझी शेजारीच राहणारी मैत्रीण शलाका आणि राजश्री आम्ही या भयकथांवर चर्चा करत असू। सुदैवाने मला लहनपणी मैत्रिणीहि उत्तम वाचक मिळाल्या। त्यामुळं आम्ही भरपूर वाचलं, शालेय वयात पुस्तकांवर चर्चा केल्या। त्यावेळी आमच्यामध्ये जेवणावळ या कथेविषयी चर्चा झाली होती। वाचताना अंगावर सरसरून काटा येणारी कथा। आमची रात्री 12 वाजता ही कथा वाचण्याची तेव्हा पैजही लागली होती। नुकत्याच परत त्या कथा नव्यानं वाचल्या। नव्यानं त्यातले भय अनुभवलं। आणि एका बैठकीत हे पुस्तक वाचून संपवाल्याने आपली वाचनाची आवड तसूभरही कमी झाली नाही, हे जाणवलं। ...Read more