* Front & back cover images are for illustration purposes only and the price of book is sold separately.
  • Original Book Title: MAINE RAM RATAN DHAN PAYO
  • Availability : Available
  • Translators : SWATI CHANDORKAR
  • ISBN : 9788184981292
  • Edition : 2
  • Weight : 0.00 gms
  • Pages : 188
  • Language : Translated From HINDI to MARATHI
  • Category : RELIGIOUS & SPIRITUALS
  • Available in Combos :OSHO COMBO 30 BOOKS
Quantity
MEERA IS HEARD, PREACHED AND SANG BY MANY; BUT A VERY FEW CAN REACH HER SOUL. IN THIS MODERN WORLD, OSHO SEEMS TO BE THE ONLY ONE WHO HAS REACHED HER SOUL, WHO HAS FELT HER TEARS, WHO HAS UNDERSTOOD THE INTENSITY OF EACH OF HER BREATH. OSHO HIMSELF HAS LEAD A LIFE FULL OF POETRY, HE HAS FOUND RHYTHM IN HIS LIVING, HE HAS COMPOSED LYRICS BASED ON THE EXPERIENCES. JUST LIKE MEERA, OSHO SEES LOVE EVERYWHERE. FOR HIM IT IS LOVE WHICH KEEPS THIS WORLD GOING ON, FOR HIM IT IS LOVE WHICH PROTECTS HIM, COMFORTS HIM, OFFERS HIM WARMTH. HIS WHOLE BEING IS ‘LOVE’. AND MEERA??? MEERA HERSELF IS SUPREME DEVOTION, SHE IS UNIQUE THOUGH MANY DEVOTEES HAVE ACHIEVED THE ULTIMATE SALVATION. WHAT MAKES HER SO UNIQUE? OSHO HAS TRIED TO PUT HER UNIQUENESS IN WORDS. HE STATES THAT THE CRYSTAL CLEAR DEVOTION PRACTICED BY MEERA IS WORTHY ENOUGH TO PROVE HER DIVINITY. WE ALL KNOW THAT MEERA IS KRISHA, SHE SEES HIM EVERYWHERE, BUT AS WE GO ON UNDERSTANDING HER WE FIND OURSELVES BLENDING WITH HER, WE START BECOMING MEERA IN A WAY. THE PATH TO DEVOTION IS NOT SIMPLE OR EASY. IT IS MARKED WITH UNSEEN HURDLES. IT OFTEN CHECKS ON THE INTENSE DESIRES OF THE DEVOTEE. DEVOTION IS INTRICATE AS THE CAUSE IS UNSEEN. IT NEEDS EXTREME FAITH TO SURRENDER TO SOMETHING WHICH WE BELIEVE TO BE THERE BUT CANNOT SEE WITH NAKED EYES. MEERA DID IT WITHOUT ANY SECOND THOUGHTS IN HER MIND. SHE SACRIFICED HERSELF FOR THE UNSEEN CAUSE OF HER LIFE. THIS IS WHAT MAKES HER UNIQUE FROM OTHERS. A TRUE POEM TAKES BIRTH FROM THE DEPTH OF THE MIND, IT DOES NOT LINGER OVER ATTEMPTING RHYTHM, IT MAY NOT BE WELLVERSED. EVEN AFTER CENTURIES AND ERAS PASS, SUCH TRUE POEM HOLDS THE POWER TO CAPTIVATE MINDS. MEERA HAD ACCEPTED THE FACT THAT SHE IS MERGED IN LOVE. HER FAITH, HER RELIANCE AND HER DEVOTION TAKES US WITH HER.
मीरा म्हणजे भक्ती. भक्तीने परमात्मा साध्य करणारे अनेक आहेत आणि तरीही मीरा वेगळी आहे. का? ओशो सांगतात की भक्तिसाराची इतकी पारदर्शकता मीरामध्ये आहे, की ही पारदर्शकताच तिचं वेगळेपण सिद्ध करते. मीरा कृष्णमय आहे हे कुणी नव्याने सांगायला नको. पण आपण तिची भक्ती बघून मीरामय होऊन जातो हे निश्चित. भक्तिमार्ग हा सर्वांत कठीण मार्ग. न दिसणाया परमात्म्यावर तन, मन, भान विसरून प्रेम करणं, स्वत:ला त्याच्यावर सोपवून देणं हे कठीणच आणि म्हणूनच मीराचं कृष्णासाठी केलेलं समर्पण अनमोल आहे. यमक जुळतंय की नाही याची विवंचना न करता जे हृदयातून उमटत गेलं असं ते काव्य, गीत, भजन आजही आपल्या हृदयाला भिडतात आणि मीरा म्हणते ‘मैं तो प्रेम दीवानी’. हा तिचा भाव, ही तिची भावदशा आपल्यालाही भारावून टाकते.
Video not available
Keywords
Customer Reviews
  • Rating StarSHRAMEEK EKJOOT 26-9-2010

    ओशो करतात मीरेची उकल सामान्य माणसाला निराकारावर लक्ष केंद्रित करणे अवघड जाते. पूर्ण लक्ष एकवटल्याखेरीज लक्ष्य नेमके समजल्याखेरीज त्याविषयी आवड किंवा नावड या मनाच्या भावना कशा जोखता येणार? मीरा तर य निराकारावरच प्रेम करते हे अगम्य समजून घेण्यासाठी मीेची प्रेमातील उत्कटता समजून घेणे महत्त्वाचे ठरते. ओशोंच्या प्रवचानातून आधी प्रेमाची ताकद उलगत जाते. नंतर स्वत:चा विसर पडल्यानंतरच जीव खऱ्या अर्थाने निराकारावर जडवता येतो याची जाणीव होते. मीरेचे स्वत:ला विसरणे ओशो भक्तांना समजावून सांगतात आणि मीरा आपोआप उलगडत जाते. शब्दांना अगम्य असणारी मीरा तिच्या प्रेमाभावनेची उकल होताच अधिक मोकळेपणाने सादकांसमोर उभी ठाकते. अधात्म मार्गावरील कोणताही विचार ओशोंकडून ऐकणे ही अनुनूभूत अशी पर्वणी ठरते. ओशोंच्या प्रवचनांची ध्वनिमुद्रिते उपलब्ध आहेत. मीरेच्या पदांवर ओशोंच्या केलेल्या विश्लेषणाच्याही कॅसेट, सीडी उपलब्ध आहेतच. मात्र मुळात अरुपावर प्रेम करणारी, हजारो वर्षांचे अंतर तोडणारी आणि कृष्णाला प्रियकर मानणारी मीरा सामान्य माणसाच्या जाणीवेच्या आवाक्यात सहजासहजी येत नाही. भगवंत-भक्त, भगवंत माऊली-मी तान्हा किंवा भगवंत माझा सखा अशा पातळीवरची भगवद् - भक्ती निदान मनाला पटते. म्हणूनच बाकी संत, त्यांचे तत्वज्ञान त्यांची भक्तीची पातळी माध्यमखेरीज समजून घेणे कदाचित शक्य होते. मात्र स्त्री भूमिकेतून कृष्णचरणी सर्वस्व समर्पित करणारी, लोकलज्जेचे भय न मानणारी मीरा गाभ्यातून समजून घ्यायला समर्थ माध्यमाची गरज भासते. ओशो आपल्या प्रवचनातून मीरेची फार सुंदर उकल करतात. नव्याने या प्रातांत शिरणाऱ्यासाठी मुळात ओशोंची शैली समजून घेणेही कठीण ठरते.याच मुद्यावर ओशोंच्या मीरेच्या पदावरील प्रवचनांची पुस्तक रुपातील उपलब्धी महत्त्वाची ठरते. स्वाती चांदोरकर यांनी या प्रवचानांचा मराठीत अनुवाद केला आहे. ध्वनिमुद्रितांमधील प्रवचानांचा शब्दनशब्द पुस्तकात वेचला आहे. मेहता प्रकाशनाने आणलेली ‘मीरेची प्रेमतीर्थावर’ आणि ‘मीरा एक वसंत आहे’ ही दोन्ही पुस्तके मीरा समजून घेताना भक्तांना फार मदत करतात. जाणिवेचा आवाका वाढवण्यासाठी ध्वनिमुद्रितांपेक्षा पुस्तक अधिक साह्यभूत ठरते. गरज पडली तर प्रत्येक विचारापाशी अधिक काळ थांबून आधी ओशोंच्या आणि नंतर मीरेच्या अंत:करणात डोकावणे पुस्तकामुळे अधिक सोपे ठरते. पाच पाच प्रवचनांच्या या पुस्तकरूपात मीरेची भक्ती, मीरेचे साधन- साध्य , मीरेचे संपूर्ण समर्पण ओशोंच्या शब्दात त्यांच्या वाक्यरचनेच्या विशिष्ट शैलीत स्वाती चांदोरकरांनी उघडे केले आहे. मीरेच्या भक्तीबद्दल बोलताना ओशो सांगतात, मीरेची भक्ती कशी होती हा प्रश्नच चुकीचा ठरतो. मीरा ‘मीरा’ नव्हतीच. साक्षात भक्तीच मीरेचे रूप घेऊन पृथ्वीतलावर अवतरली होती. मीरेचे बोटे धरून श्रोत्यांना श्रद्धेच्या पहिल्या पायरीवर नेऊन उभे करताना ओशोंनी श्रद्धेचे स्वरूप वर्णन केले आहे. मरणाच्या दारातही तर्काचा आधार न घेता अढळ राहते. तीच खरी श्रद्धा. जन्म घेतेवेळीच श्रद्धा माणसाच्या बरोबर असते. मनुष्य जन्मानंतर श्रद्धेत अडथळा निर्माण करणारे तर्क हळूहळू शिकत असतो. मनुष्य तर्क इतक्या प्रमाणात शिकतो की त्याची श्रद्धा झाकोळली जाते. पुन्हा श्रद्धा ही लौकीक अर्थाने प्रमाणित न होऊ शकणारी आहे. मग श्रद्धेचे स्वरूप कसे पारखून घ्यायचे? आपली श्रद्धा आहे हाच मुद्दा महत्त्वाचा. श्रद्धा खरी की खोटी असा सवाल मुमुक्षूच्या मनात उमटूच नये. जसे जगात पाणी कुठे ना कुठे म्हणूनच मनुष्याला आर्त तृष्णेची भावना जाणवते. जगात पाणी अस्तित्वात नसतेच तर पाण्यानेच केवळ शांत होऊ शकेल, अशी तृष्णेची भावना माणसाच्या मनात निसर्गत:च निर्माण झाली नसती हे जेवढे निर्विवाद सत्य आहे तेवढीच श्रद्धाही खरी असते. जगात परमात्म्याचे अस्तित्वच नसते तर ते असण्याची भावना मनात निर्माणच झाली नसती. परमात्मा जगात आहेच आहे आणि तो असल्याची ठाम ग्वाही आपले मन देते, हेच श्रद्धेचे निखळ रूप आहे. श्रद्धेच्या पायरीवरून वर गेलात तर अनुभूती निश्चित आहे, असे ओशो ठामपणे सांगतात. अशी अनुभूती मिळायला जाणिवा जाग्या असायला हव्यात असे मात्र नाही. जीवनात अंतिम अनुभूतीचा साक्षात्कार जाणिवेने करून घेतल्यावर माणसाला जाणवते की पूर्वी जीवनात अनेकदा अशा अनुभूतीचा साक्षात्कार करून घेतल्यावर माणसाला जाणवते की पूर्वी जीवनात अनेकदा अशा अनुभूतींचे संकेत विनासायास मिळाले होते. मात्र, तेव्हा ही अनुभूती आहे हे कळण्यासाठी आवश्यक असलेले ज्ञान आपल्याकडे नसल्याने या अलौकीक अनुभवाचे अस्तित्व तेव्हा आपल्याला जाणवले नाही. बुद्धी तर्कात अडकल्याने खूपदा या अनुभवाची तुलना एखाद्या क्षुद्र गोष्टीशी करते आणि त्याच क्षणी अनुभवाचे अस्तित्व थांबते. सामान्य माणसाच्या बाबतीत अलौकीक अनुभवांच्या बाबतीत गल्लत होण्याची आणखी एक शक्यता असते. जेव्हा असा अनुभव येतो तेव्हा हा अनुभव आपल्याला खरेच आला की हा भास आहे. अशी शंका माणसाच्या मनात येते. साशंक मनाने सत्याला भिडता येत नाही. त्यामुळेच साशंक मन हाच अनुभवातील अडथळा ठरतो. अलौकीक अनुभव येतातच आणि ते सत्यच असतात हे सांगण्यासाठी ओशोंनी सामान्य जीवनातील एक सामान्य उदाहरण दिले आहे. प्रकृती बिघडते तेव्हा आपण डॉक्टरकडे त्याचे कारण जाणून घेण्यासाठी जातो. प्रकृती स्वस्थ असताना ती तशी का आहे याची पृच्छा आपण करत नाही. कारण स्वस्थ प्रकृती ही नैसर्गिक अवस्था आहे. तद्वत जीवाला मिळणारी आनंददायी अनुभूती हीच शाश्वत आहे आणि त्याचे कारण शोधण्याची गरज नाही. अशा प्रकारे प्रेमदिवान्या मीरेची भक्ती समजावून देताना ओशो सामान्यजनांच्या जाणिवा जाग्या करण्याचा प्रयत्न करतात, ओशोंची ही भावना समजून घेण्यासाठी ही पुस्तके आपल्याला मदत करतात. ‘मीरेच्या प्रेमतीर्थावर’ हे १७६पानांचे तर ‘मीरा एक वसंत आहे’ हे १८८ पानांचे पुस्तक प्रत्येकी १५० रूपयांना उपलब्ध आहे. ओशोंच्या तत्त्वज्ञानांचा आदर करणाऱ्यांसाठी हे पुस्तक जणू वरदानच ठरते. ...Read more

Write Your Own Review
  • Default typing language is Marathi. To type in English press Ctrl+G key combination
Submit Review

Related Books

People Who Bought This Item Also Bought

Latest Reviews

THINK YOURSELF GORGEOUS
THINK YOURSELF GORGEOUS by ANITA NAIK Rating Star
LOKPRABHA 30-08-2019

सुंदर मी होणार!... आपण सुंदर दिसावे असे पौगंडावस्थेतल्या प्रत्येकाला वाटते. या वयामध्ये झपाट्याने होणाऱ्या बदलांनी मुला-मुलींनी गांगरून जाणे स्वाभाविकच आहे, अशा वेळी पालकांची आणि भावंडांची भावनिक मदत प्रत्येकाला मिळतेच असे नाही. पौगंडावस्थेतल्या धड ा लहान, धड ना मोठ्या अशा अवस्थेमधल्या मुलींच्या भावनिक आणि शारीरिक वाढीचा वेग झपाट्याने वाढलेला असतो. पण त्याविषयी खुलेपणाने बोलणे अनेकदा टाळले जाते. बऱ्याचदा पालकांना देखील पूर्ण माहिती नसते. मुलींमध्ये होणाऱ्या या बदलांच्या दरम्यान भावनिक आधार आणि मार्गदर्शनाची गरज असताना पालकांनी त्याच्याकडे दुर्लक्ष करणे हे मुलींचा आत्मविश्वास आणि एकदंर व्यक्तिमत्त्वासाठी देखील धोक्याचे ठरते आणि यातूनच नकारात्मक विचार वाढू शकतात. लहान वयात अर्धवट ज्ञानामुळे चुकीच्या गोष्टी खऱ्या वाटू शकतात. त्यामुळे अशा वयात मार्गदर्शन करणारे एखादे पुस्तक म्हणजे ‘थिंक युवरसेल्फ गॉर्जियस’! पुस्तकाच्या नावाप्रमाणेच पुस्तक स्वत:बद्दलच्या विचारांमध्ये सकारात्मकता आणणारे आहे. पुस्तकाच्या सुरुवातीलाच वयात येताना होणाऱ्या शारीरिक बदलांसारख्या महत्त्वाच्या विषयावर चर्चात्मक पद्धतीने भाष्य केले आहे. सामान्यत: माहिती असलेल्या गोष्टींचा फापटपसारा टाळत नेमकी माहिती दिली गेली आहे. मुलींच्या अंतर्वस्त्राविषयीच्या योग्य माहितीपासून, ते अगदी मासिक पाळीपर्यंतची सगळी वैद्यकीय माहिती या पुस्तकात योग्य पद्धतीने, अगदी सोप्या भाषेत दिली आहे. रुक्षपणाने केवळ माहिती न देता अगदी मूलभूत प्रश्नांचा आधार घेत विषयाला सहजगत्या हात घातला आहे. या दरम्यान अधूनमधून उदाहरणे देत विषय रंजक केला गेला आहे. शरीर आणि आपल्या दिसण्याविषयीची मनातली प्रतिमा यावर सांगोपांग चर्चा केली आहे. वय वाढत चालले की शरीराचा आकार स्वाभाविकपणे बदलतो, या बदलांबाबत योग्य मार्गदर्शन, आपण जाड आहोत यासारख्या भेडसावणाऱ्या प्रश्नांना कसे हाताळायचे, याचे चांगले मार्गदर्शन केले आहे. हल्ली समाजामाध्यमे तसंच टीव्ही वाहिन्यांमुळे जगात सौंदर्यांविषयीच्या कल्पना बदलल्या आहेत. फोनमधील फिल्टरच्या साहाय्याने एडिट केलेल्या फोटोसारखेच आपण कायम दिसावे अशी मुलींची अपेक्षा असते. पण सौंदर्याविषयीच्या या संकल्पनांचा पोकळपणा या पुस्तकातील प्रकरणांमध्ये दाखवला आहे. १३ ते २० या वयात मुलींच्या आयुष्यातदेखील बदल होतात. त्यामुळे बाह्य सौंदर्याच्या या कल्पनांच्या पोकळपणाबरोबरच खरे आंतरिक सौंदर्य काय आहे याविषयी या पुस्तकामध्ये अत्यंत सुंदर पद्धतीने भाष्य केले आहे. कॉलेज जीवनात नवनवीन मैत्रिणी मिळतात, अशा वेळी पालकदेखील खुल्या वातावरणात वाढणाऱ्या आपल्या मुलीच्या सुरक्षेबद्दल आणि तिच्या योग्य संगतीबद्दल चिंतेत असतात, मुलींना काही निर्बंध घातल्यास तणाव येणे साहजिकच आहे, त्यामुळे या पुस्तकात मैत्रिणींची निवड, कॉलेज जीवनातील गट-तट, हेवेदावे याविषयीही चर्चा केली गेली आहे. आई-वडिलांशी मुलीच्या असणाऱ्या नात्यावरदेखील या पुस्तकाच्या माध्यमातून प्रकाश टाकला गेला आहे. या सर्व विषयांची ओघवती रचना ‘थिंक युवरसेल्फ गॉर्जियस’ या पुस्तकात दिसते. वयात येणाऱ्या मुलींनी एखाद्या मैत्रिणीशी बोलावं अशा पद्धतीने पुस्तकातील कथन आहे. यामुळे ते अजिबात कंटाळवाणे वाटत नाही. पुस्तकात अधूनमधून दिलेल्या चौकटींमध्ये अनेक मुलींचे वैयक्तिक आयुष्यातले संदेश दिले आहेत. ज्याच्याशी नुकत्याच वयात आलेल्या मुली जोडून घेऊ शकतात. यात वयात आल्यानंतर मुलींना ज्या विषयांची पहिल्यांदा ओळख होते, त्याची फक्त माहितीच दिलेली नाही तर काय योग्य, काय अयोग्य याचेही मार्गदर्शन केले आहे. पुस्तकात अधूनमधून असणाऱ्या वेगवेगळ्या चाचण्या आणि त्यातून मिळालेल्या गुणसंख्येमुळे स्वत:च्या वागण्या-बोलण्याविषयीची नेमकी माहिती आपल्यालाच मिळते आणि आपल्या व्यक्तिमत्त्वात असलेल्या कमी-जास्त गोष्टींना कसे हाताळावे याचेही मार्गदर्शन होते. त्यामुळे या चाचण्या अधिकच उपयोगी ठरतात. पुस्तकात अधूनमधून काही चौकटींमधून दिलेली वेगवेगळी रंजक माहिती वाचनीय आहे. वेगवेगळ्या व्यक्तिमत्त्वाच्या मुलींच्या समस्या, अडचणी वेगवेगळ्या असू शकतात, पण वयात येताना वाटणारा न्यूनगंड हा वयात येण्याचाच एक भाग आहे, त्यात खचून जाण्यासारखे काहीही नाही. ‘थिंक युवरसेल्फ गॉर्जियस’सारख्या पुस्तकांचा त्यासाठी मुलींना आधार नक्कीच वाटू शकतो. –विशाखा कुलकर्णी ...Read more

HEROINE OF THE DESERT
HEROINE OF THE DESERT by DONYA AL NAHI Rating Star
Anil Udgirkar

मुलं परदेशी पळवून न्यायची व त्यांची आई पासून ताटातून करायची हा उद्योग कांही पुरूषांचा आणि ती परत आणण्यासाठी मातांनी दिलेला लढा.वाचनीय!