"गृहभंग" ही कन्नड मधील सर्वात महत्त्वाच्या कादंबरीकारांपैकी एक श्री एस एल भैरप्पा यांची सुप्रसिद्ध कादंबरी आहे. हि कादंबरी जवळपास 14 भाषांमध्ये अनुवादित झाले आहे. सौ उमा कुलकर्णी मॅडम यांनी त्यांच्या जादुई शब्दांनी अतिशय ऊत्कृष्ट प्रकारे तिचा मराठी भषेत अनुवाद केला आहे. हि स्वातंत्र्य पुर्व काळातील ग्रामीण कर्नाटकी भारतातील रामसंद्र गावातली एका ब्राम्हण कुटुंबात घडलेली गोष्ट आहे. या कथेत एक स्त्री ननजम्मा ही प्रमुख केंद्रीय पात्र आहे. लग्न करुन सासरी आल्यावर तिला भेटते ती सतत शिव्या देणारी आणि नंतर प्रत्येक दुर्दैवासाठी तिलाच जबाबदार धरणारी दुष्ट व खाष्ट सासू गांगम्मा,ननजम्माचा आळशी मूर्ख नवरा चेनिंगराय जो त्यांच्या वडिलांची शानुभोगा (ग्रामीण लेखापाल) म्हणून वारसाहक्काने सरकारी कामाला असुनही शुन्य कमाई करणारा असतो.तिचा दिर अप्पन्नय्या हा पण मोठ्या भावाच्या वळणावर गेलेला आहे.अशा घरात आल्यावर तिला अत्याचार, विश्वासघात, दारिद्र्य, दुष्काळ यांच्याशी संघर्ष करावा लागतो..खंबीर ननजम्मा एकट्याने काही वरिष्ठांच्या मदतीने गुप्तपणे शनभोग म्हणून गुपचूप काम करून व नंतर पानाच्या ताट्या बनवुन विकुन घर चालवते.पण नेहमीच तिच्या घरच्यांकडून तिला अपमान व तिरस्कार मिळतो.भरीस भर अंधश्रद्धाळू शेजारी आणि गरिबीविरुद्धचा व भीषण साथीच्या प्लेगच्या सतत पुनरावृत्तीपासून घरच्यांचा संरक्षण करण्याचा तिचा संघर्ष चालुच राहतो. आपल्या तीन मुलांची - पार्वती, रामय्या, विश्व यांचे जीवन, राहण्यायोग्य बनविण्यासाठी ननजम्मा तिच्या बुद्धीने आणि कष्टाने घाम सांडत अविचल उभी राहते आणि तिच्या कुटुंबाला अनेक अपरिहार्य घटनांच्या भोवऱ्यातून वाचवते. संपूर्ण पुस्तकात, अशी आशा वाटते की ननजम्माचे जीवन आनंदी वळण घेईल, परंतु सर्व प्रयत्न करूनही देव तिला `सुख` देऊ शकत नाही.... आणि मग एक अनिश्चित शेवटा कडे नेणारा आशेचा एक मोठा किरण!!. वरील सारांश वाचायला अगदी सोपा वाटतो. पण, या पुस्तकात वर्णन केलेली ज्वलंत कथा ही कादंबरी वाचताना कोणालाही रडवेल. हे पुस्तक जीवनातील कठोर,न पचणारे वास्तव दाखणारे आहे.शब्दांची निवड खूप धाडसी वाटते. कारण, इतर कोणत्याही कादंबरीकाराला कोणत्याही कादंबरीत असे शब्द लिहिण्याची हिंमत नसेल. ही कादंबरी भारतीय क्लासिक. ...Read more