JIM MACGREGOR

About Author


JIM MCGREGOR WAS BORN IN GLASGOW IN 1947. HE GREW UP IN A COTTAGE ON THE GROUNDS OF THE ERSKINE HOSPITAL FOR THE INVALIDS. HE SAW THE DISASTER THAT WAS HAPPENING IN THE LATER YEARS DUE TO THE WAR THERE EVERY DAY. HE WAS DEEPLY DISTURBED BY WHAT HE SAW. IT WAS FROM THAT EXPERIENCE THAT HE GOT A TASTE FOR FINDING THE ORIGIN OR ROOT CAUSES OF WARS AND WORLD CONFLICTS, WHICH HE HAD FOR THE REST OF HIS LIFE.

जिम मॅकग्रेगरचा जन्म ग्लासगो इथे १९४७ साली झाला. अपंगांसाठी असलेल्या अर्सकिन हॉस्पिटलच्या आवारातील कॉटेजमध्ये तो लहानाचा मोठा झाला. युद्धामुळे नंतरच्या काळात घडत असलेला अनर्थ तो तिथे रोजच बघत होता. जे पाहिले त्यामुळे त्याचे मन फार खोलवर व्यथित झाले. त्या अनुभवातूनच युद्धे आणि जागतिक संघर्ष यांचे उगम वा मूळ कारणे शोधण्याची त्याला जी गोडी लागली, ती आयुष्यभरासाठीच. पंधराव्या वर्षी शाळा संपल्यावर त्याने भिन्नभिन्न प्रकारच्या नोकऱ्या केल्या. जसे की शेतमजुरी, पशुरेतन आणि औषधसंशोधन इत्यादी. त्यानंतर १९७८मध्ये त्याने डॉक्टर ही पदवी घेतली. ‘युद्धे टाळण्यात येणारे राजकीय अपयश’ याबाबत त्याला संशोधन करावयाचे होते. या संशोधनात स्वत:ला पूर्णवेळ झोकून देण्यासाठी त्याने २००१ साली वैद्यकीय व्यवसाय सोडला. त्याचे ‘कायद्याचे गर्भपात’, इराक युद्ध, जागतिक गरिबी आणि युनायटेड स्टेट्समध्ये फॅसिझमचा उदय अशा विविध विषयांवरचे असंख्य लेख प्रसिद्ध झाले आहेत. त्याने लिहिलेली ‘द इबोगा व्हिजन्स’ ही युद्धविरोधी जबरदस्त कादंबरी २००९ मध्ये प्रकाशित झाली व तिचे समीक्षकांकडून दणदणीत स्वागत/कौतुक झाले.
Sort by
Show per page
Items 1 to 1 of 1 total
DADLELA ITIHAS Rating Star
Add To Cart INR 650

Latest Reviews

SWAMI
SWAMI by RANJEET DESAI Rating Star
प्र. सु. येतावडेकर

नाबाद ६०--- स्वामी -मराठी साहित्यातील एक अजरामर असं अक्षरलेणं. कादंबरीचा भाषेचा बाज हा अभिजात मराठीची महत्ता अधोरेखित करणारा आहे. माधवराव पेशवा या मध्ययुगीन ऐतिहासिक व्यक्तीमत्वाच्या मध्यवर्ती भूमिकेवर बेतलेली कादंबरी, उण्यापुऱ्या चारशे सोळा पाना एक मोठा असा कालपट चित्रित करते. मराठेशाहीच्या राजकीय इतिहासातील मोठा काळ पेशवाईच्या राजकारणाने व्यापलेला आपल्याला पाहायला मिळतो. थोरले बाजीराव पेशवा ते अगदी सवाई माधवराव पेशवा यातील प्रत्येक व्यक्तीने पेशवा म्हणून पद भूषवत असताना मराठ्यांचे राज्य विस्तार कसे पावेल यासाठीच योगदान दिलेले पाहायला मिळेल. त्याच पेशवाईच्या कोंदणातील एक अस्सल रत्न म्हणजे माधवराव पेशवा हे होय. माधवराव पेशवा यांनी पेशवाईची वस्त्रे स्विकारल्यापासून ते थेऊर मुक्कामी अंतकाळ होईपर्यंतचा काळ यामध्ये चित्रित होताना आपल्याला पाहायला मिळतो. पेशवाईतील राजकारण, मोहिमा, राजकीय डावपेच याबरोबरच गृहकलह अशा विविध घटना यात येत राहतात. अल्पवयीन असताना पेशवाईची वस्त्रे प्राप्त झाल्यामुळे वाढलेली जबाबदारी, राज्यशकट हाकताना लागणारी सरदारमंडळी व त्यांची कुमक, शहरसुधारणा त्याच प्रकारे प्रजाहित लक्षात घेऊन राबवावे लागणारे प्रकल्प यात लागणारा कस यावर काम करत असताना एक प्रजाहित दक्ष राज्यकर्ता म्हणून माधवराव मनाला भावून जातात. निजामासोबतचा लढा, कर्नाटक स्वारीत हैदराचा केलेला बंदोबस्त याबरोबरीनेच अंतर्गत गृहकलह यात लागलेला माधवरावांचा कस याचे सम्यक वर्णन आपल्याला कादंबरीत पानोपानी दिसून येते. खुशमस्कऱ्या हुजऱ्यांच्या गर्दीत हरवलेले राघोबादादा, महत्वाकांक्षी आनंदीबाई, राजकीय सल्लागार सखारामबापू बोकील, नाना फडणीस,न्यायाधीश रामशास्त्री,माधवरावांचा सेवक श्रीपती त्याचबरोबरीने पेशवाईला साथ लाभलेली मराठा सरदार मंडळी ग्वाल्हेरकर शिंदे, इंदोरचे होळकर यांची राजनिष्ठा, करारी गोपिकाबाई, अल्लड नारायणराव, पतीबद्दल आपली निष्ठा ठेवून त्याला हरप्रसंगात साथ देणाऱ्या रमाबाई इ.या व्यक्तीरेखा आपल्याला भेटत असतात. पेशवाई राजकारणातील पेचप्रसंग, डावपेच, लढाया, पेशवाई थाट म्हणून आज वापरात असलेला शब्द त्या थाटाला साजेसं दरबारी वर्णन ही आपल्याला यात वाचायला मिळते. या वर्षी, २०२२ साली कादंबरीला प्रकाशित होऊन ६० वर्षे झाली आहेत.आजही वाचकांच्या पहिल्या पसंतीच्या अग्रक्रमात `स्वामी` आपलं अढळपद राखून आहे. ...Read more

THE DAY OF THE JACKAL
THE DAY OF THE JACKAL by FREDERICK FORSYTH Rating Star
मुकुंद येवलेकर

मराठीत अनुवाद करण्याचा उपक्रम खूपच् प्रशंसनीय आहे.