स्टीव्ह जॉब्ज या व्यक्तिमत्वावर अनेक पुस्तक बाजारात उपलब्ध आहेत पण अच्युत गोडबोले आणि अतुल कहाते लिखित स्टीव्ह जॉब्ज एक झपाटलेला तंत्रज्ञ हे पुस्तक अनेक अर्थांनी वेगळं आहे. एकतर मराठी भाषेत स्टीव्ह जॉब्जवर लिहिलेलं हे पाहिलं पुस्तक आहे. अच्युत गोडबोल आणि अतुल कहाते यांनी हे पुस्तक विक्रमी वेळात लिहून पूर्ण केलं आहे. हे पुस्तक स्टीव्ह जॉब्जचा जीवनप्रवास अगदी थोडक्यात आणि सोप्या भाषेत वाचकांपर्यंत पोचवतं . अँपल या कंपनीचा गॅरेज ते जगप्रसिद्ध होण्याचा प्रवास आणि स्टीव्ह जॉब्जचा जीवनप्रवास या दोन गोष्टी एकमेकांत इतक्या गुंतलेल्या आहेत कि त्या वेगळ्या करणे जवळ जवळ अशक्य. लेखकांनी पुस्तकात हा गुंता योग्यरित्या हाताळलेला आहे. ज्यांना स्टीव्ह जॉब्ज अधिकृत चरित्र वाचण्यासाठी वेळ नाहीये त्यांच्यासाठी हे पुस्तक एक पर्वणीच आहे. पुस्तकाचं मुखपृष्ठ अप्रतिम आहे. ते आपल्याला स्टीव्हची अँपल कंपनीवर असलेली छाप दाखवून देत. पुस्तकात स्टीव्हची काही कृष्णधवल छायाचित्रंही आहेत जे वाचकांना पुस्तकाच्या नायकाशी कनेक्ट करायला मदत करतात. नक्की स्टीव्ह जॉब्ज कोण होता?? त्याला इतकी प्रसिद्धी कशी मिळाली?? त्याने कोणती उत्पादन बाजारात आणली?? त्याची व्यवस्थापन पद्धत कशी होती?? या सर्व प्रश्नांची उत्तरे तुम्हाला या पुस्तकात मिळतील. हे पुस्तक विशेषतः कॉम्पुटर / सॉफ्टवेअर / इलेक्ट्रॉनिक्स या क्षेत्रातील लोकांना प्रोत्साहित करेल. ...Read more

स्टीव्ह जाॅब्ज.....हे नाव परिचीत नसलेली व्यक्ती आजच्या या तंत्रज्ञानाच्या युगात तुम्हाला कुठेही आढळणार नाही. त्याचं बालपण जितकं खडतर अन रोमांचकारी आहे तितकचं किंबहुना त्याहुनही अधिक त्याच तरूण आयुष्य. अतिशय उंच झेप घेतल्यानंतर तितक्याचं वेगात खाली मिनीवर कोसळणं.....अन पुन्हा झेप घेण्यासाठी पंख पसरले असतांना कॅन्सरसारख्या आजाराने अक्राळविक्राळ रूप धारण करत त्याच्या ध्येयप्राप्तीत अडसर आणणं.... पण त्याचा हट्टी स्वभाव, त्याची जिद्द त्याला त्याचं ध्येय प्राप्त करुन देते.पण हा दुर्धर आजार काही त्याचा पिच्छा सोडत नाही...त्याला आपल्यासोबत घेऊनचं जाॅब्ज या जगाचा निरोप घेतो....आपल्यासाठी खुप काही मागे ठेवुन. स्टीव्ह जाॅब्जच्या रंजक, संघर्षमय अन जिद्दी आयुष्याची ही कहाणी आपल्याला नक्कीचं आवडेल. ...Read more

तंत्रज्ञानाच्या जगातील सर्वात प्रसिध्द जादूगार नुकतेच हे जग सोडून गेला. त्याने आपल्या अदभुत अशा कल्पनाशक्तीच्या जोरावर तयार केलेले संगणक, मोबाईल फोन्स, म्युझिक प्लेअर्स. टॅब्लेट पीसी हे सारे जगाला त्याची आठवण करुन देत राहणार आहेत. जगातील लोकांच्य कल्पनाशक्तीपलिकडची उत्पादने त्याने प्रत्यक्षात आणून दाखवली. पण एका वेगळ्याच विश्वात तो जगला. राजाचा रंक आणि परत रंकाचा राजा असं सनसनाटी आयुष्य जॉब्जच्या वाट्याला आले. सगळ्यांहून वेगळे आणि अगदी सर्वोत्तम करण्यासाठी त्याने सातत्याने धडपड केली. कर्करोगाने शरीर पोखरले तरीही त्याने कल्पनांच्या भराऱ्या अखेरपर्यंत थांबवल्या नाहीत. त्याच्या जगण्याची हीच सफर या पुस्तकातून उलगडते. ...Read more