KHALED HOSSEINI

About Author

Birth Date : 04/03/1965

खालिद हुसैनी यांचा जन्म अफगाणिस्तानातील काबूल येथे ४ मार्च, १९६५ साली झाला. त्यांचे वडील परराष्ट्र मंत्रालयात राजनैतिक अधिकारी होते आणि आई काबूल येथील एका शाळेत फारसी व इतिहास शिकवत असे. १९७६ साली त्यांची बदली पॅरिसमधे झाली. १९८० मधे हुसैनी कुटुंबीयांना अफगाणिस्तानात परतायचे होते, पण तोपर्यंत कम्युनिस्ट कारवाया आणि सोव्हिएत सैन्याने केलेले आक्रमण, यामुळे त्यांना अमेरिकेत आश्रय घ्यावा लागला. खालिद यांनी तेथेच आपले शालेय व मेडिकलचे शिक्षण पूर्ण केले. मेडिकलची प्रॅक्टिस करत असताना त्यांनी लिखाण सुरू केले. २००३ साली आलेली द काइट रनर ही त्यांची पहिली कादंबरी. ४८ देशांमधे प्रकाशित झालेली ही कादंबरी अल्पावधीतच बेस्टसेलर ठरली. २००६ साली त्यांना युनायटेड नेशन्स रिफ्युजी एजन्सीतर्फे सदिच्छा-दूत म्हणून गौरवण्यात आले. आपल्या खालिद हुसैनी फाउंडेशन च्या माध्यमातून ते मानवहितकारी बाबींसाठी झटतात.
Sort by
Show per page
Items 1 to 1 of 1 total
THE KITE RUNNER Rating Star
Add To Cart INR 320

Latest Reviews

FOUR SEASONS
FOUR SEASONS by SHARMILA PHADKE Rating Star
Shruti Tambe

फोरसीझन्स वाचली. आवडली. पुरवून वाचली. बरेच दिवस ती संपूच नये असं वाटत होतं. अभयारण्यं पाहिलेली आहेत. पण ग्रासलॅन्डचं नैसर्गिक, वरवर अनाकर्षक वाटणारं सौंदर्य, अभयारण्यामुळे उखडून टाकले गेलेले साधेभोळे लोक, निसर्गासोबत जगणारे आदिवासी-राक्षसी विकासाचया कल्पना आणि अतिशय संवेदनशीलतेनं हे पाहून बदलणारी एमराल्ड!-हे सुरेख बांधलं गेलंय. सगळ्यात मनाला भिडली उभ्याआडव्या पसरलेल्या माळरानांची वर्णनं-टोचऱ्या, खुरट्या गवतापासून ते मोठ्ठ्या वृक्षांपर्यंतची सगळी दुनिया सांभाळणारं माळरान. भारत हा खरं तर निम्मापाऊण माळरानच आहे. या माळरानाची शान असणारे तरस, कोल्हे, लांडगे, हरणं, ससे-सगळंच मनोहारी. तुम्ही हे सगळंच रेखाटलंयत. पण सगळ्यात महत्त्वाचं म्हणजे सुंदरबन, मुंबई, माळरान आणि इटली ही जगं वेगळीही आहेत आणि एकात्मही. हे तुम्ही मनाला भिडेल आणि पोहचवेल असं सांगितलंय. कादंबरीचे तुकडे वाचतावाचता मुंबईकर विकासवादी मुलगी ते मानवी जीवन, स्थलांतरं, शोषण, अगतिकता, नैसर्गिकता, प्रयत्नवाद हे समजून घेणारी एक प्रगल्भ शहाणिव हळूहळू तिच्यात कशी येते ते तुम्ही उलगडून दाखवलंय. कामासाठी सध्या पश्चिम महाराष्ट्रातल्या अभयारण्यात फिरत्येय. ओसाड होत चाललेली माळरानं, बेमुर्वत फोफावणारी ऊसशेती, जंगलात माणसं घुसत गेल्यानं धुपणारा निसर्ग, "मोठ्ठ्या" विकासाच्या स्वप्नात आंधळी झालेली मध्यमवर्गीय लक्षावधीची झुंड यात तुमची फोर सीझन्स एक समजुतदार, प्रगल्भ असा सूर लावते. इतकं सुरेख प्रवाही गद्य बऱ्याच दिवसांनी वाचायला मिळालं ते तुमच्या या कादंबरीमुळे. त्याबद्दल थॅंक्यू. आणि तुम्ही यापुढेही असंच सकस आणि सरस लिहित राहाल अशी शुभेच्छा. आपली, श्रुती तांबे ...Read more

FOUR SEASONS
FOUR SEASONS by SHARMILA PHADKE Rating Star
Veena Gavankar

ब-याच दिवसांनी एक खूप छान कादंबरी वाचायला मिळाली.शर्मिला फडकेंची फोर सीझन्स.लेखिकेची भाषा अतिशय समृद्ध. ओघवती शैली.वर्तमान आणि भूतकाळाच्या अनुभवांचा सुंदर गोफ.भविष्याचं सकारात्मक सूचन.लेखिकेचा पर्यावरणाचा अभ्यास,`निसर्गाचं शहरीकरण `होण्यातील धोक्यांच इशारा..सारं काही वाचताना खिळवून ठेवतं.खूप तयारीनं अभ्यासून लिहिलेली ही कादंबरी मला अतिशय आवडली.अभिनंदन शर्मिला फडके. खूप लिहा.शुभेच्छा. ...Read more