* Front & back cover images are for illustration purposes only and the price of book is sold separately.
Quantity
HOW MANY NAMES DOES ARJUNA HAVE? WHY WAS YAMA CURSED? WHAT LESSON DID A LITTLE MONGOOSE TEACH YUDHISTHIRA? THE KURUKSHETRA WAR, FOUGHT BETWEEN THE KAURAVAS AND THE PANDAVAS AND WHICH FORCED EVEN THE GODS TO TAKE SIDES, MAY BE WELL KNOWN, BUT THERE ARE INNUMERABLE STORIES SET BEFORE, AFTER AND DURING THE WAR THAT LEND THE MAHABHARATA ITS MANY VARIED SHADES AND ARE LARGELY UNHEARD OF. AWARD-WINNING AUTHOR SUDHA MURTY REINTRODUCES THE FASCINATING WORLD OF INDIA’S GREATEST EPIC THROUGH THE EXTRAORDINARY TALES IN THIS COLLECTION, EACH OF WHICH IS SURE TO FILL YOU WITH A SENSE OF WONDER AND BEWILDERMENT.
"अर्जुनाची एकूण नावे किती? यमाला शाप का मिळाला? लहानशा मुंगसाने युधिष्ठिराला कोणता धडा शिकविला? महाभारतामध्ये कुरुक्षेत्री जे घनघोर युद्ध झालं, त्यात अखेर देवदेवतांनासुद्धा कोणत्या ना कोणत्या पक्षाची बाजू घेणं भाग पडलं. युद्धाविषयी तर पुष्कळ माहिती सर्वत्र उपलब्ध आहे; परंतु या युद्धाच्या आधी, युद्धाच्या दरम्यान किंवा युद्धाच्या नंतर असंख्य कथा घडल्या आहेत. या कथांमुळेच महाभारताला रंग भरतो. या कथासंग्रहांमधून अनेक पुरस्कार प्राप्त केलेल्या लेखिका सुधा मूर्ती भारताच्या या महाकाव्याचं विस्मयकारी जग वाचकांपुढे खुलं करतात. या संग्रहाद्वारे त्यांनी सांगितलेल्या गोष्टी सर्वश्रुत नसल्यामुळेच त्यांचं हे वेगळेपण वाचकाला मंत्रमुग्ध करतं.

Keywords
#SUDHA MURTY #N.R.NARAYANA MURTY #LEENA SOHONI #UMA KULKARNI #WISE & OTHERWISE #GOSHTI MANSANCHYA #PUNYABHUMI BHARAT #THAILIBHAR GOSHTI #SUKESHINI AANI ITAR KATHA #BAKULA #AYUSHYACHE DHADE GIRAVTANA #AAJICHYA POTADITALYA GOSHTI #MAHASHWETA #DOLLAR BAHU #SAMANYATALE ASAMANYA #PARIGH #PITRURHUN #ASTITVA #HARAVALELYA MANDIRACHE RAHASYA #TEEN HAJAR TAKE #SARPACHA SOOD #GARUDJANMACHI KATHA #TRISHANKU #A BETTER INDIA A BETTER WORLD #NARAYAN MURTY : MULYA JAPNARA EK ADWITIYA AAYUSHYA #सुधा मूर्ती #एन.आर.नारायण मूर्ती #लीना सोहोनी #उमा कुलकर्णी #वाइज अँड अदरवाइज #गोष्टी माणसांच्या #पुण्यभूमी भारत #थैलीभर गोष्टी #सुकेशिनी #बकुळा #आयुष्याचे धडे गिरवताना #आजीच्या पोतडीतल्या गोष्टी #महाश्वेता #डॉलर बहू सामान्यांतले असामान्य #परीघ पितृऋण #अस्तित्व #हरवलेल्या मंदिराचे रहस्य #तीन हजार टाके #सर्पाचा सूड #गरुडजन्माची कथा #त्रिशंकू #अ बेटर इंडिया अ बेटर वर्ल्ड : नारायण मूर्ती #नारायण मूर्ती : मूल्यं जपणारं एक अद्वितीय आयुष्य
Customer Reviews
  • Rating StarDAINIK SAMANA 22-12-2019

    ज्ञात-अज्ञात महाभारत... महाभारत! जगभरात ज्याची अजूनही पारायणं केली जातात अशी एक महागाथा. महाभारत जेव्हा जेव्हा वाचू तेव्हा तेव्हा नवं काहीतरी गवसतं आणि महाभारत जेव्हा वाचून पूर्ण होतं तेव्हा काहीतरी राहून गेल्याची जाणीव मनात निर्माण होते हीच महाभारतची खरी गंमत आहे. महाभारतात इतक्या व्यक्तिरेखा आहेत, की प्रत्येक व्यक्तिरेखेवर स्वतंत्र पुस्तक लिहावं. लेखिका सुधा मूर्तींनी याच महाभारतातल्या निवडक आणि रंजक गोष्टी निवडून त्याचा संग्रह असणारं ‘सर्पाचा सूड’ हे पुस्तक वाचकांच्या भेटीला आणलं आहे. इतर पुस्तकांप्रमाणेच याही पुस्तकात सुधा मूर्तींची लेखणी वाचकांना खिळवून ठेवते. व्यक्तिचित्र, प्रवासवर्णनपर, ललित साहित्यात सुधा मूर्तींचा हातखंडा आहेच. ‘सर्पाचा सूड’ वाचल्यानंतर पौराणिक विषयातसुद्धा सुधा मूर्तींची सहज वावरणारी लेखणी प्रत्ययास येते. महाभारतातील काहीशा ज्ञात-अज्ञात गोष्टी ‘सर्पाचा सूड वाचून कळून येतात. काही जुन्या गोष्टी नव्याने कळतात, तर काही अनोख्या गोष्टींचा उलगडा लागतो. या पुस्तकाची खासियत अशी, की महाभारताचं विशेष असं पर्व न निवडता महाभारताआधी आणि महाभारतानंतर घडलेले काही प्रसंग वाचून आपल्याला थक्क व्हायला होतं. ‘स्त्री झालेला पुरुष’, ‘शापित देवता’, ‘परमेश्वराचा चेहरा’, ‘अर्जुनाची विविध नावे’, ‘शेवटचा पुत्र’, ‘अंतिम प्रवास’ यांसारखी महाभारताशी संबंधित अनेक छोटी मोठी प्रकरणे वाचक म्हणून आपल्याला खिळवून ठेवतात. प्रत्येक प्रकरणामध्ये असलेली समर्पक रेखाचित्रेसुद्धा काहीशी वेगळी आहेत. सुधा मूर्तींचं प्रत्येक पुस्तक हे त्यांच्या साध्या सोप्या आणि दर्जेदार लेखणीमुळे नेहमीच मनात घर करतं. म्हणूनच वैयक्तिक आयुष्यात आलेले अनुभव ‘वाईज अ‍ॅण्ड अदरवाईज’मधून त्या वाचकांसाठी जिवंत करतात तर ‘सर्पाचा सूड’सारख्या पौराणिक कथासंग्रहातून त्या महाभारतातील वाचकांना माहीत असलेल्या गोष्टी नव्याने वाचकांसमोर घेऊन येतात. सुधा मूर्तींची अनेक पुस्तकं लीना सोहोनी यांनी मराठी वाचकांसाठी अनुवादित केली आहेत. ‘सर्पाचा सूड’सुद्धा लीना सोहोनी यांनी नेहमीच्या दर्जेदार मराठी शब्दसंपदेतून वाचकांच्या भेटीला आणलं आहे. जीवनाच्या प्रत्येक गोष्टीची ओळख करून देणारं महाकाव्य म्हणजे ‘महाभारत’. ‘सर्पाचा सूड’चा अनुभव घेऊन महाभारतामधील काहीशा सर्वश्रृत नसलेल्या विस्मयकारी गोष्टी वाचकांना मंत्रमुग्ध करतील यात शंका नाही. -देवेंद्र जाधव ...Read more

  • Rating StarVaibhav Mahajan June 14

    महाभारत म्हणले की आपल्या डोऴयासमोर कौरव व पांडव वा त्यांचे युध्द आपल्या मना समोर येते. `सर्पाचा सुड` या पुस्तकात `सुधा मुर्ती `ह्यांनी महाभारतातील अनेक न वाचलेल्या कथा सांगितल्या आहेत. जसे की परिशिती राजाची कथा . अश्या अनेक कथा या पुस्तकात आहेत.

  • Rating Starसकाळ १८ मार्च २०१८

    सुधा मूर्ती या गोष्टी वेल्हाळ लेखिका. अनेक लोकांशी बोलण्यातून, कुठल्या प्रसंगातून त्यांना कथांचं बीज दिसतं आणि मूर्ती ते बीज छान फुलवतात. या पुस्तकात त्यांनी महाभारतातल्या अनेक न ऐकलेल्या प्रसंगांना, व्यक्तिरेखांना कथारूप दिलं आहे. प्राचीन कथांच्या सगरातून त्यांनी काही संदर्भ घेऊन थोडा तर्क लावून, न पटणाऱ्या गोष्टी बाजूला ठेवून या कथांचं लेखन केलं आहे. अनेक माहीत नसलेल्या गोष्टी, वेगळी बाजू सांगणाऱ्या या कथा खिळवून ठेवतात. लीना सोहोनी यांनी अनुवाद केला आहे. ...Read more

  • Rating Starमहाराष्ट्र टाइम्स १८/२/२०१८.

    सुधा मूर्ती यांचे आणखी एक असे रोचक पुस्तक म्हणजे `सर्पाचा सूड`. महाभारतात कुरुक्षेत्री जे घनघोर युद्ध झाले. त्याविषयी तशी बरीच माहिती सर्वत्र मिळते किंवा लहानपणापासून ते आपण ऐकत, बघत आलेलो आहोत. परंतु युद्धाच्या आधी, युद्धादरम्यान असे अनेक प्रसंग घडल, ज्यामुळे महाभारत रंगत गेले. या कथा विस्मयकारक आहेत. एकमेकांमध्ये गुंतलेली नाती, आपापसातील वैर, चांगुलपणा या कथांमधून समोर येतो. अगदी लहान लहान अशा सुमारे ३३ कथा यामध्ये गुंफल्या गेल्या आहेत. यामध्ये अर्जुनाची नानाविध नावे कोणती, यमाला शाप का मिळाला, मुंगुसाने युधिष्ठिराला कसा धडा शिकवला, युद्धाचा शेवट नेमका कसा झाला, या अशा लहान पण कुतूहल जागृत करणाऱ्या प्रश्नांची उत्तरे यातून मिळतात. अर्जुनाला आपल्याच मुलाकडून मृत्यूला कसे सामोरे जावे लागले, याचेही वर्णन यामध्ये आहे. कृष्णाच्या मुत्सद्दीपणाची चर्चा नेहमीच होते. पण लहान लहान प्रसंगातून त्याचा हा मुत्सद्दीपणा अधोरेखित होतो. प्रत्यक्ष युद्धकाळादरम्यान सुरू असलेली रणनीती अक्षरशः खिळवून ठेवते. कृष्णाचे धोरण पांडवांच्या यशास कारणीभूत कसे ठरले, हे टप्प्याटप्प्याने उलगडते. कौरव, पांडव यांच्या पलीकडे घटोत्कच, हिडिंबा, बार्बारिक, सुभद्रा, अभिमन्यू, बलरामाची मुलगी शशिरेखा यांच्या जीवनातील प्रसंगही यातून समोर येतात. पांडवांसमोर वनवासातील काळात अनेक आव्हाने समोर आली. परंतु त्यांनी ती समर्थपणे पेलली, यात काही जण दुखावलेही. या एकूणच कथा वरदान, शाप, उ:शाप या भोवती फिरताना आढळतात. सद्सद्विवेकबुद्धीने विचार केला तर आजच्या पिढीला यातून अनेक प्रश्न निर्माण होतील, परंतु समाजातील दुष्टप्रवृत्तीला आळा घालण्यासाठी लोकांना शिक्षेचे, शापाचे भय दाखवणे गरजेचे आहे, असे आपल्या पूर्वजांना वाटत असेल, असे लेखिकेने म्हटले आहे. या कथा फारशा लोकप्रिय नाहीत. परंतु अत्यंत रोचक आहेत. या पुस्तकात जागोजागी सध्याच्या भारतातील घटनांचा उल्लेख करून वर्तमानाशी सांगड घालण्याचा प्रयत्न लेखिकेने केला आहे. महाभारतात आढळून येणारी स्थळे, गावे आणि सध्याच्या भारतातील ठिकाणे यांचा परस्परसंबंधसुद्धा सूचित केलेला आहे. कुंकरू येथील महामाया मंदिर किंवा राजस्थानातील खाटू श्यामची मंदिर, अशी उदाहरणे यात आहेत. दुष्यंत-शकुंतला यांची पुनर्भेट, भीष्माची ब्रह्मचर्यपालनाची शपथ, आणि त्यातून त्यांचा उद्भवलेला मृत्यू या नाट्यमय घडामोडी यातून उलगडतात. ऋषींनी घेतलेला सूड या कथेतून द्रोणाचार्यांची वेगळी बाजू समोर येते. एकूणच सूडाचं राजकारण यापैकी बहुतांश कथांच्या मुळाशी आहे. या राजकारणातून अनेक नाती विलग झाली. अपरिमित हानी झाली. पांडवांचा वंशज जनमेजयाने हे सूडाचे राजकारण थांबवण्याचा निर्णय घेतला. या कथेने पुस्तकाचा शेवट होतो आणि महाभारतातील प्रत्येक प्रवृत्ती आजही कुठल्या ना कुठल्या रूपात आपल्या भोवतालीच आहे, असे क्षणभर वाटून जाते. या दोन्ही पुस्तकांचा अनुवाद लीना सोहोनी यांनी केला आहे. ...Read more

Write Your Own Review
  • Default typing language is Marathi. To type in English press Ctrl+G key combination
Submit Review

Related Books

People Who Bought This Item Also Bought

Latest Reviews

THE PARTNER
THE PARTNER by JOHN GRISHAM Rating Star
Eknath Marathe

कायदेशीर सल्लागार कंपनीत भागीदार असलेला एक सरळमार्गी, बुद्धीमान वकील. त्याचे बाकी 3 भागीदार त्याला हाकलून देवून एका अशीलाकडून, एका खटल्यात तडजोड करून मिळणाऱ्या कमिशन पोटी मिळणारी 9 कोटी डॉलर्स इतकी प्रचंड रक्कम परस्परात वाटून घेणार असतात. नायकाला ाचा सुगावा लागताच तो हा डाव उलटवायचा चंग बांधतो. चोरावर मोर बनण्यासाठी तो अनेक युक्त्या लढवतो. अगदी स्वतःच्या मरणाची सुद्धा ! वकील असलेल्या बुद्धीमान मैत्रिणीला विश्वासात घेवून तो ही रक्कम इतर बँकात रातोरात वळती करतो. पैसे हवेत गायब झाले हे त्याने मेल्याचे नाटक वठवल्यावर चार दिवसांनी बाकी भागीदार मित्रांना समजते पण तो पर्यंत नायक देशाबाहेर परागंदा झालेला असतो ! ते त्याला पकडून, आपले पैसे वसूल करण्यासाठी, प्रचंड पैसे मोजून एका निवृत्त फेडरल अधिकाऱ्याला नेमतात. एवढी मोठी रक्कम सरकारला फसवून आलेली असल्याने एफ बी आय सुद्धा त्याच्या मागावर लागते. 4 वर्षे या सर्व यंत्रणांना यशस्वी गुंगारा देणारा नायक मग स्वतःच प्रगट होण्याचा एक भन्नाट प्लान आखतो ! आपल्या कुशाग्र मैत्रिणीची मदत घेवून तो आपल्या मागावर असणाऱ्या खाजगी हेराला 10 लाख डॉलर्स च्या बदल्यात आपलाच गुप्त जागेचा पत्ता देतो ! पुढे अनेक नाट्यमय प्रसंग घडून एफ बी आय त्याचा ताबा घेते. आता नायकावर अनेक सरकारी व खाजगी यंत्रणा तुटून पडतात. आपल्या ऐवजी त्याने ज्याला मेला म्हणून दाखवले असते त्याच्या खुनाची केस, त्या मृदेहाची विटंबना केली अशी एक केस, त्याच्या अप्रामाणिक बायकोचा घटस्फोटाचा दावा, मरणाचे नाटक करून विम्याची रक्कम उकळली म्हणून विमा संस्था दाखल करतात ती अजून एक केस. पैसे वसूल करण्याची संधी गेल्याने बाकी भागीदार त्याच्या जीवावर उठलेले असतातच ! या सगळ्याचा शेवट कसा होतो हे प्रचंड रोमांचक आहे ! एकेक खटल्यातून, जीवाला असलेल्या धोक्यातून तो कसा सुटतो ? त्याला कोण मदत करत ? त्याची मैत्रीण त्याला कशी साथ देते ? मी नाही सांगणार .. पुस्तक वाचा ! तब्बल 375 पानांची ही रहस्य कथा एकदा वाचायला घेतली की खाली ठेवावी असे वाटतच नाही ! अनुवादक विभाकर शेंडे यांचा अनुवाद सुद्धा अगदी ओघवता आहे ! जरूर वाचावी अशी रहस्यकथा ! ...Read more

ON THE WINGS OF EAGLES
ON THE WINGS OF EAGLES by Ken Follett Rating Star
Suvarna Dalvi

Dec, 1978, two of EDS (One of the global IT major company) senior executives get jailed in Iran on false allegation. EDS Head tries all legal ways to get them out but failed. Finally he hires one retired colonel of US army for this work. He trains 7 mployees and then this team successfully get their colleges out of jail, out of burning Iran to US in mid Feb, 79. This is a real story. What touched me is how determined this great leader and the head of the organization...to bring back his employees safely to their home and country. ...Read more