* Front & back cover images are for illustration purposes only and the price of book is sold separately.
  • Original Book Title: MAKING THE CUT
  • Availability : Available
  • Translators : DEODATT KETKAR
  • ISBN : 9788184982381
  • Edition : 1
  • Weight : 0.00 gms
  • Pages : 192
  • Language : Translated From ENGLISH to MARATHI
  • Category : BIOGRAPHY
Quantity
TO BE A SURGEON IS TO STAND, WITHOUT FLINCHING, IN THE SEA OF HUMAN SUFFERING AND USE ONES ENTIRE RESOURCE OF KNOWLEDGE, SKILL AND INTELLIGENCE TO BATTLE IT.AN INTERN MAKES HIS FIRST CUT AND IS RIDICULED BY HIS TUTOR. AN OLD WOMAN IS BROUGHT BACK TO LIFE AGAINST HER WILL, ONLY FOR THE UNEXPECTED TO STRIKE A WEEK LATER. A NOTORIOUS SURGEON IS DRIVEN CRAZY BY A MASSIVE BRAIN TUMOUR. THE MOTHER OF A LEUKEMIARIDDEN CHILD IS DRIVEN TO DESPERATION IN THIS COMPELLING AND BEAUTIFULLY WRITTEN IMPRESSIONISTIC MEMOIR, MOHAMED KHADRA RECOUNTS STORIES FROM HIS LIFE AS A SURGEON, FROM THE GRUELLING YEARS OF TRAINING TO THE DEBILITATING SLEEPLESS NIGHTS ON CALL. HE LOOKS BACK AT THE DOCTORS AND PATIENTS WHO SHAPED HIS CAREER; AT THE ENDLESS STREAM OF HUMANITY COURAGEOUS, PITIFUL, ADMIRABLE AND DISLIKABLE WHO PASSED UNDER HIS KNIFE, AS HE RECALLS SHOCKING TALES OF MISTAKES IN THEATRE AND THE SHATTERED LIVES OF DOCTORS DEFEATED BY THE STRESSES OF THE JOB.DOCUMENTING THE DAMAGING POLITICS IN OUR HEALTHCARE SYSTEM, THE SOULDESTROYING CHOICES MADE FOR PATIENTS AND THE MISPLACED HOPE SO COMMON IN THE FACE OF DEATH, HIS DRAMATIC ACCOUNT OF A SURGICAL LIFE SHOWS WHAT HAPPENS WHEN EXTRAORDINARY EVENTS OVERTAKE EVERYDAY LIVES INCLUDING, EVEN, HIS OWN.
सर्जन असण्याचा अर्थ असतो, मानवी यातनांच्या सागरात अविचल उभं राहणं. आपलं ज्ञान, कौशल्य आणि बुद्धिमत्ता पणाला लावून त्याच्याशी झुंज देणं. एक इंटर्न, त्याचा पहिला छेद घेतो आणि शिक्षक त्याची खिल्ली उडवतात. आठवड्यानंतर, एका वृद्धेच्या इच्छेविरुद्ध तिचा जीव वाचवण्याची अनपेक्षित घटना घडते. मेंदूच्या कर्करोगामुळे एका कुप्रसिद्ध सर्जनला वेड लागतं. ल्युकेमिया झालेल्या मुलाची आई अगतिक होऊन जाते. या खिळवून ठेवणाऱ्या अप्रतिम स्मृतिचित्रांमधून, मोहम्मद खाद्रा सर्जन म्हणून त्यांचं आयुष्य उलगडून दाखवतात. खडतर प्रशिक्षणापासून ते निद्रानाश करणाऱ्या अविरत कामापर्यंत. त्यांचं आयुष्य घडवणाऱ्या डॉक्टर आणि रुग्णांच्या स्मृती ते जागवतात. मानवतेचा अखंड ओघ – धैर्यवान, केविलवाणी, कौतुकास्पद, तिरस्कार उत्पन्न करणारी अशा अनेक माणसांच्या या कहाण्या आहेत. ऑपरेशन थिएटरमध्ये घडणाऱ्या धक्कादायक चुकांच्या आणि तणावामुळे उद्ध्वस्त झालेल्या डॉक्टरांचे हे कथानक आहे. राजकारणामुळे आरोग्यसेवेची झालेली दैना आपल्याला इथे दिसते. मृत्यु समोर दिसत असताना; रुग्णांनी घेतलेले आत्मनाशी निर्णय, बाळगलेल्या वेड्या आशा दिसतात. त्यांच्या स्वत:च्याही दैनंदिन आयुष्यात घडलेल्या असाधारण घटनांमुळे निर्माण होणारं नाट्य इथे दिसतं.
Video not available
No Records Found
No Records Found
Keywords
"#MARATHIBOOKS#ONLINEMARATHIBOOKS#TRANSLATEDMARATHIBOOKS#TBC#TRANSLATEDBOOKS@50% #MAKINGTHECUT #MAKINGTHECUT #मेकिंगदकट #BIOGRAPHY #TRANSLATEDFROMENGLISHTOMARATHI #DEODATTKETKAR DR. MOHAMED KHADRA "
Customer Reviews
  • Rating StarShrinivas Ranjanikar

    सर्जन असण्याचा अर्थ असतो,मानवी यातनांच्या सागरात अविचल उभं राहणं,आपलं ज्ञान,कौशल्य, आणि बुद्धिमत्ता पणाला लावून त्याच्याशी झुंज देणं.... एका बुद्धिमान डॉक्टर ची संघर्ष कथा, एका डॉक्टर च्या आयुष्यात फक्त दुसऱ्याच्या वेदनांच असतात.....नक्की वाचाच

  • Rating Starप्रशांत पाटील

    एका सर्जनाच्या आयुष्यातील थरार डॉं मोहम्मद खाद्रा एक इंटर्न म्हणून त्याचा पहिला छेद घेताना डॉं मोहम्मद खाद्रा याला त्याच्या पुढील व्यावसायिक वाटचालीची पहिली झलक मिळते. दीर्घ व खडतर प्रशिक्षण, निद्रानाश करणारे अविरत काम, डॉक्टरी पेशात घडणाऱ्या क्कादायक मानवी चुका, तणावामुळे उध्वस्त झालेले डॉक्टर, कठोर नियतीशी झुंजून मिळवलेले विजय, त्या विजयाची नशा उतरवणारे पराजय अशी खिळवून ठेवणारी स्मृतिचित्रे डॉं खाद्रा या पुस्तकात मांडतात. आशा, प्रेम, अगतिकता, तिरस्कार, भीती अशा मानवी भावनांच्या कल्लोळापासून स्वत:ला अलिप्त ठेवून, आपले निर्णयकौशल्य व बुद्धिमत्ता पणाला लावून डॉक्टरांनी केलेल्या ऑपेरेशंसच्या गंभीर कथा एखाद्या साहसी खेळाप्रमाणे वाचकाला मंत्रमुग्ध करतात. आयुष्याच्या एका वळणावर डॉं खाद्रा हे स्वत:च एका टर्मिनल आजाराचे रुग्ण बनून ऑपरेशन थिएटरमध्ये येतात. यावेळेस त्यांचा रोल हा डॉक्टरचा नसून रुग्णाचा असतो. "डॉं हॅरिसन आता पेटलाच होता. त्याने सिरींज घेतली आणि दोन बरगड्यांच्या मधून थेट हृदयात इंजेक्शन दिले. त्याची नजर मॉंनिटर वर होती. देवाचा धावा चालू होता..." ...Read more

  • Rating StarMaharashtra Times 20.11.11

    सर्वसामान्यांच्या दृष्टीने डॉक्टर्सचं आयुष्य म्हणजे सुरुवातीला कष्ट आणि नंतर खोऱ्याने पैसा ओढून मस्त. पण डॉक्टर होण्यासाठी त्यांनी केलेली धडपड आणि डॉक्टर झाल्यानंतरही वरिष्ठपदावर पोहोचण्यासाठी करावा लागणारा संघर्ष, मेहनत या सर्व गोष्टी मात्र सर्वसामा्य माणसापर्यंत थेट पोहोचत नाहीत. या सर्वांसाठी `मेकिंग द कट’ हे पुस्तक माहितीपूर्ण ठरावं. डॉ. मोहम्मद खाद्रा या स्थलांतरित लेबनिज मुस्लिम डॉक्टरची ही `व्यावसायिक’ आत्मकथा आहे. इंटर्नशिपपासून निवृत्तीपर्यंतचा कार्यकाळ त्यांनी यात रेखाटला आहे. नवीनच ग्रॅज्युएट झालेल्या प्रत्येकाला स्वत:ची हुशारी दाखवण्याची खुमखुमी असते. अशावेळी अतिउत्साहात अनुभवी व्यक्तीसमोर हुशारी दाखवताना झालेला विचका पहिल्याच प्रकरणात हुबेहूब व्यक्त करुन खाद्रा यांनी सुरुवात छान केली आहे. इच्छामरणासंबंधीही आपलं मत खाद्रा यांनी अतिशय स्पष्टपणे मांडलं आहे. एखादी व्यक्ती मरण्याच्या दाढेत पोहोचली असल्याचं माहिती असतानाही त्याला वाचविण्याचा प्रयत्न करण्याला त्यांचा ठाम विरोध आहे. स्वत:ची आई या अवस्थेत असतानाही त्यांच्यातील `मुलगा’ यामध्ये आलेला नाही. अतिशय धीरगंभीरपणे त्यांनी आईचं मरणही स्वीकारलं आहे. किंबहुना तिच्या पुढच्या यात्रेविषयी त्यांनी स्थितप्रज्ञतेने व्यक्त केलेलं समाधान खरंच कौतुकास्पद आहे. नव्या डॉक्टरला खाजगी प्रॅक्टीस सुरु करण्यासाठी करावी लागणारी धडपड, शिक्षण पूर्ण झाल्यावरही पूर्णपणे नव्याने करावा लागणारा संघर्ष रेखाटताना डॉ. खाद्रा अतिशय नैतिकतेने रुग्णसेवा करतात. केवळ पैसा मिळवायचा म्हणून रुग्णांना विविध टेस्ट करायला लावण्याची त्यांची सवय नाही. त्यामुळेच रुग्ण त्यांच्या हुशारीवर शंका घेतात व त्यांच्या सहकार्याकडे जाऊन उपचार घेतात. हा प्रसंगही तटस्थपणे व्यक्त करण्याची त्यांची हातोटी लाजवाब. पैशाच्या मागे धावणारे डॉक्टर, दिवसरात्र एक करण्याचा त्यांचा आटापिटा, त्यासाठी अंमली पदार्थाचा वापर या गोष्टी डॉक्टरी व्यवसायातील काहीशी अज्ञात बाजू उघड करतात. रुग्णसेवेचा व्यवसाय करणं तत्त्वात बसत नसल्याने पुढे जाऊन ते खाजगी प्रॅक्टिसला रामराम ठोकून पुन्हा प्रोफेसर म्हणून कामाला सुरुवात करतात. यावेळी त्यांच्या प्राध्यापकांबरोबर सहकारी म्हणून काम करण्याचा अनुभव, ग्लोबलायझेशनच्या नावाखाली बदलत चाललेल्या वातावरणावर वरिष्ठांशी झालेल्या गप्पा वास्तववादी आहेत. स्वत: डॉक्टर असतानाही प्रकृतीकडे केलेलं दुर्लक्ष, त्यावरुन जीवावर उठलेला आजार, पेशंट म्हणून असहायता, कॅन्सरची भीती, रुग्णालयातील परिचारिकांची वागणूक, अस्वच्छता आणि या सर्व गोष्टीचा झालेला पश्चाताप व्यक्त करण्यात खाद्रा कुठेही हात आखडता घेत नाहीत. सर्वात शेवटी आजारपणामुळे एका तज्ज्ञ सर्जनला सेवेतून घ्यावा लागणारा विराम, शेवटच्या दिवशी विद्यार्थ्यांशी साधलेला त्रोटक संवादही अर्थपूर्ण वाटून जातो. विविध प्रसंग, पेशंट, घटना, सहकारी यांच्यासोबतच्या प्रसंगातून पुस्तक पुढे सरकत जातं, त्यामुळे कंटाळा येत नाही. मात्र या पुस्तकात त्यांच्या व्यक्तिगत आयुष्यातील घडामोडींचा फारसा उल्लेख केलेला नाही, त्यामुळे काहीसा रुक्षपणा येतो. या पुस्तकाचे अनुवादक डॉ. देवदत्त केतकर स्वत: व्यवसायाने डॉक्टर असल्याने वैद्यकीय क्षेत्रातील संज्ञांचा अर्थ सोप्या भाषेत, चांगल्या पध्दतीने समजावून सांगण्याचा त्यांनी प्रयत्न केला आहे. प्रत्येक प्रसंग, घटना अगदी डोळ्यासमोर उभी राहते. त्यामुळे सर्वसामान्यांसह वैद्यकीय विश्वातील व्यक्तींना त्यांच्या आयुष्यातील घटनांचा पुनःप्रत्यय येईल. मात्र प्रत्येक प्रकरणाच्या सुरुवातीला डॉ. खाद्रा यांनी काही महान कवींच्या कविता दिल्या आहेत. त्यांचे बऱ्याच अंशी शब्दश: भाषांतर करण्याचा प्रयत्न अनुवादकांनी केल्यामुळे या कविता समजण्यास थोड्या कठीण जातात. ...Read more

Write Your Own Review
  • Default typing language is Marathi. To type in English press Ctrl+G key combination
Submit Review

Related Books

People Who Bought This Item Also Bought

Latest Reviews

SPEEDPOST
SPEEDPOST by SHOBHAA DE Rating Star
Trupti Kulkarni

शोभा डे लिखित, अपर्णा वेलणकर अनुवादित ‘स्पीडपोस्ट’ या मेहता पब्लिशिंग हाऊस (पुणे) यांनी प्रकाशित केलेल्या या पुस्तकातल्या ‘पेज थ्री आई’ या पात्राला ‘प्रणव कुलकर्णी’ यांनी लिहिलेले पत्र. _________________ झगमगत्या दुनियेतून मुलांच्या भावविश्वात अगद उतरता येणाऱ्या पेज थ्री पण तितक्याच हळव्या आईस, तब्बल सहा मुलांचं नेटानं संगोपन करताना वेगवेगळ्या टप्प्यांवर पत्ररूपानं त्यांच्यासमोर तू अनुभवांची शिदोरी खुली केलीस. ही पत्रं तुला प्रकाशित का करावीशी वाटली माहीत नाही; पण ती केलीस हे उत्तम झालं. कसंय, अडनेडी वयातल्या प्रत्येकालाच कधीतरी वाटतं की `आई आपल्याला पुरेसा वेळच देत नाही आणि आपल्यावर तिचं मुळी थोडंफारही प्रेम नाहीये. इतरांच्या आया बघा.` तुलनेचं हे वादळ आई आणि मुलाच्या नात्यात आलं की जहाजावर कितीही रसद असली तरी आपल्याला सुखी ठेवण्यासाठी झटणाऱ्या फूटभर अंतरावरल्या चेहऱ्यावरच्या गाजदार लाटाही मग, मन ओळखेनासं होतं. नात्यांमधले अडथळे असो वा नातं सुशेगात वल्हवणारी वल्ही, दुनियेत सगळीकडे थोड्याफार प्रमाणात सारखीच असतात; पण बंडखोर वयात हे सांगणार तरी कोण आणि कसं? तू लिहिलेली पत्रं केवळ तुझ्या सहा मुलांपुरती मर्यादित न राहता कितीतरी टीनएजर्सच्या मनांचा अचूक ठाव घेतात ती तू हे सांगतेस म्हणूनच. सतत चेहऱ्यावर मेकअपची मागणी करणारं जग, लेखिका म्हणून सगळी व्यवधानं विसरून वाचकांना आवडणाऱ्याच साच्यात शाई ओतायला सांगणारा कागद, वैवाहिक आयुष्याच्या स्वतःच्या म्हणून असलेल्या स्वतंत्र अपेक्षा आणि या सगळ्याला पुरून उरत मुलांना पत्रांतून आयुष्य उत्फुल्लपणे जगायला शिकवणारी तू. आमच्या आया पेज थ्री कल्चरच्या नसतीलही, स्वतःच्या मनातलं कागदावर मुक्तपणे लिहिणं त्यांना कदाचित कॉलेजनंतर जबाबदाऱ्यांच्या धबडग्यात जमलंही नसेल, पण म्हणून त्यांनी आमच्यासाठी आयुष्यासोबत केलेल्या तडजोडीचं महत्त्व थोडीच कमी होतं? `स्पीडपोस्ट` वाचताना प्रत्येकजण आईसोबतच्या आपल्या नात्याचे अर्थ पानापानांवरच्या अवकाशात शोधत राहतो. प्रत्यक्ष ओळीं इतकंच बिटविन दि लाईन्स लिहिणाऱ्या तुझ्या लेखणीचं हे खरं यश. मुलांपाशी व्यक्त होताना तू इतका कमालीचा मोकळेपणा कसा राखू शकतेस याचं कॉलेजात हे पुस्तक वाचल्यावर प्रचंड आश्चर्य वाटलेलं (पुढं `स्पाउज`सारख्या पुस्तकांतून मात्र तुझ्या जगण्याची फिलॉसॉफी गवसली). जे विषय बोलताना आम्हीही संकोचतो तेसुद्धा तू किती सुंदरपणे हाताळले आहेत. जबाबदारीपूर्ण जगण्यासाठी मुलांची मानसिक बैठक घडवताना कुठलाच विषय तू गौण मानला नाहीस. जगण्याबद्दल तू आमच्या भाषेत बोललीस आणि कितीतरी गुंते झरझर सुटले. स्वतःच्याच विश्वात मुलं हरवलेली असताना आई म्हणून खंबीर स्टँड मांडलास आणि जाणवू देत नसली तरी आईचंही स्वतंत्र आयुष्य असतं हे मान्य करायला शिकवलंस तू आणि हेही शिकवलंस की स्वतंत्र आयुष्य असूनसुद्धा मुलंच तिच्या आयुष्याचा ड्रायव्हिंग फोर्स असतात. असंख्य टिनएजर्सच्या मनांतलं द्वंद्व शांत करत आयुष्याला स्थिरत्व आणि दिशा देणाऱ्या तुझ्या या दीपस्तंभरूपी `स्पीडपोस्ट`ला म्हणूनच हे प्रतिपत्र. आयांवर कितीही रुसलो तरी त्यांच्याशी असलेले अतूट बंध जाणणारी आम्ही मुलं ...Read more

FAR FAR VARSHAPURVI
FAR FAR VARSHAPURVI by NIRANJAN GHATE Rating Star
Shrikant Adhav

फार वर्षांपूर्वी म्हणजे सुमारे लाखो व कोटी वर्षांपूर्वीची ही गोष्ट आहे. एका गोष्टीत रहस्य आहे, गुढ आहे, विज्ञान आहे, संशोधन आहे शिवाय उत्तरही आहेत. निरंजन घाटे यांचे हे पुस्तक अशाच लाखो-करोडो वर्षांपासून पडलेल्या विविध प्रश्नांची वैज्ञानिक उत्तरेपल्याला देतं. निरंजन घाटे हे हाडाचे विज्ञानलेखक. त्यामुळे विज्ञानाच्या दृष्टिकोनातून त्यांनी लिहीलेले सर्वच लेख आपल्याला मानववंशशास्त्र, पुराणवास्तुशास्त्र, हवामान शास्त्र व इतिहासाची माहिती करून देतात. पृथ्वीचा इतिहास हा करोडो वर्षांचा असला तरी बहुतांशी तो फक्त मागील दोन हजार वर्षांचाच पुस्तकात मांडलेला दिसतो. परंतु, तत्पूर्वी मनुष्य जीवन कसे होते? व त्यांनी प्रगतीची पावले कशी पुढे टाकली? याचे वर्णन निरंजन घाटे यांनी या पुस्तकात केले आहे. मानववंशशास्त्र व पुरातनवास्तूशास्त्र या विज्ञानशाखा किती सखोल आहे, त्याची प्रचिती हे पुस्तक देतं. संशोधन कसं करावं व त्याला किती विविध पैलू असू शकतात? या प्रश्नांची उत्तरेही आपल्याला विविध घटनांतून मिळतात. पुस्तकातील काही महत्त्वाच्या मुद्द्यांना याठिकाणी मांडत आहे. पुरातन काळी मनुष्य हा मांसाहारी, शाकाहारी होता की प्रेताहरी? याचं सप्रमा स्पष्टीकरण त्यांनी या पुस्तकात दिलं आहे. आदिमानवाचा शेती विषयक, पर्यावरण विषयक, आरोग्यविषयक प्रवास कशा प्रकारे झाला? समुद्रात शेकडो मैलांवर असणाऱ्या इस्टर आयलँड वरील पुतळ्यांचं गूढ काय? चंद्रावती नावाचं अतिसुंदर शहर भारतात होतं. परंतु परकीय आक्रमकांनी त्याची नासधूस करून विद्रूप करून टाकलं. उत्खननात सापडलेली हाडे ही मानवशास्त्रात अभ्यास करण्यासाठी सर्वात मोठा पुरावा मानले जातात. त्यांचे महत्त्व व रोमांचकारी इतिहास इथे मांडला आहे. चिली व दक्षिण अमेरिकेत अनेक प्राचीन कलाकृती आहेत. माया संस्कृतीत बनवलेल्या या कलाकृतींचे रहस्य काय? ऑस्ट्रेलियातील डायनासोर्स संशोधन. डायनासोर, ट्रायनोसॉर म्हणजे काय? चीनमधल्या ड्रॅगनच्या हाडांच्या शोधामागचा रोमांचकारी प्रवास. युरोपातल्या प्राचीन अटलांटिस शहराच्या समृद्धीतेची वर्णने आजही केली जातात. ते पाण्याच्या तळाशी स्थित आहे. वृक्षवर्तुळावरून वृक्षांचे वय व त्या काळची हवामान स्थिती ओळखण्याची अचूक शास्त्र. व्हिएतनाम, कंबोडिया मध्ये एकेकाळी हिंदू राजे राज्य करीत होते. परंतु परकीय आक्रमकांमुळे त्यांची संस्कृती लयास गेली. आजही त्यांच्या सांस्कृतिक पाऊलखुणा दोन्ही देशात सापडतात. मानवशास्त्रज्ञ डग्लस औसली यांनी आजवर सर्वाधिक अचूकतेने या विज्ञानाचा वापर करून दाखवला आहे. रेण्विक पुरानशास्त्र म्हणजे काय? त्याचा वापर कसा करता येतो? आदिमाता अर्थात आपल्या सर्वांच्या एकमेव मातेचा शोध कसा घेतला गेला याची कहाणी. आपण सारे होमोसेपियन एकाच आईची लेकरे आहोत. पण आज लाख वर्षानंतर आपापसात कितीतरी भेदभाव तयार झालेत. आफ्रिके पासून अलिप्त असणाऱ्या अमेरिका खंडात मानव पोहोचला कसा? याचे शास्त्रीय उत्तर. अशा विविध प्रकारची माहिती व त्याची उत्तरे निरंजन घाटे यांनी या पुस्तकात दिली आहेत. पारंपरिक इतिहास व विज्ञानापलीकडे जाऊन वाचण्यासारखे हे निश्चितच वेगळे पुस्तक आहे. ...Read more