* Front & back cover images are for illustration purposes only and the price of book is sold separately.
  • Original Book Title: BARBALA
  • Availability : Available
  • ISBN : 9788177669626
  • Edition : 3
  • Weight : 0.00 gms
  • Pages : 252
  • Language : MARATHI
  • Category : AUTOBIOGRAPHY
Quantity
Buying Options:
  • Ebooks:
  • Print Books:
I NEVER THOUGHT OF MYSELF AS A PROSTITUTE. THERE WAS A CORNER IN MY MIND, WHERE I HAD INSTALLED MY OWN IMAGE, WHICH WAS VERY PURE, UNTOUCHED. IT WAS THE IMAGE OF AN ARTIST. I ALWAYS WANTED TO CHERISH IT, TAKE CARE OF IT. WAS IT POSSIBLE? OUTWARDLY, EVERYONE WAS TRYING TO TAKE ADVANTAGE OF MY SITUATION. THE MALE MEMBERS ALWAYS SEEM TO GET THE SIGNAL THAT I AM AN EASY TARGET AND CAN BE CRUSHED BY ANYBODY, ANYHOW. WHAT WORST WAS YET GOING TO HAPPEN TO ME NOW? NOTHING HAD GONE RIGHT. EVERYTHING HAD GONE WRONG. ALL WRONG DEEDS HAVE ALREADY BEEN DONE. THE WORST HAD ALREADY HAPPENED IN MY CASE. BUT I WAS PREPARED FOR EVERYTHING. I DID NOT WANT TO COMPROMISE WITH THE HUNGER MY CHILDREN WOULD SUFFER FROM. I WANTED IT NOWHERE IN MY SIGHT. I WANTED A GOOD LIFE FOR MY CHILDREN. NO, I WAS NOT PLANNING VERY BIG EVENTS OR CAREERS FOR THEM. MY EXPECTATIONS WERE VERY MEAGER, STILL HOW MUCH WOULD I LIVE? AND, HOW WOULD I LIVE?
मी स्वत:ला वेश्या समजत नव्हते. माझ्या मनाच्या कोप-यात मी स्वत:ची एक प्रतिमा हळुवार जपली होती. बाहेरून मला कोणीही ओरबाडलं, रक्तबंबाळ केलं तरी त्या प्रतिमेला मी प्राणपणाने जपणार होते. ती प्रतिमा एका कलाकाराची होती. मनस्वी कलाकाराची. पण मला हे जमणार होतं का? पुरुषांना जणू माझा वास यायचा, की ही अशी बाई आहे, जिला आपण चिरडू शकतो, वापरू शकतो. माझ्याबाबत घडूनघडून काय घडणार होतं? काय घडायचं राहिलं होतं? जे काय घडायचं ते घडो; पण मला दोन वेळच्या जेवणाची भ्रांत नको होती. मुलांच्या आयुष्याची नासाडी नको होती. अपेक्षा खूप मोठ्या नव्हत्या पण जे आयुष्य होतं तसंच सुरू राहिलं असतं तर मी किती काळ जिवंत राहू शकले असते? कशा अवस्थेत जिवंत राहू शकले असते?
Video not available
No Records Found
No Records Found
Keywords
"#मराठीपुस्तके#मराठीप्रकाशक #MARATHIBOOKS#ONLINEMARATHIBOOKS#TRANSLATEDMARATHIBOOKS#TBC#TRANSLATEDBOOKS@50% #TRANSLATEDFROMENGLISHTOMARATHI #VAISHALIHALDANKAR #वैशालीहळदणकर #BARBALA #बारबाला #AUTOBIOGRAPHY"
Customer Reviews
  • Rating StarAvinash Pandit

    हे पुस्तक २००६ साली मी संपादित केले. १४०० पानांचे हस्तलिखित होते. त्यातील त्यावेळी न्यायप्रविष्ट असलेला भाग, अशिष्ट भाषा, व्यक्तींची नांवे, भडक प्रसंग वगळून मी ते २५० पानांपर्यंत आणले. मला ज्या ठिकाणी शंका होत्या त्याचे निरसन वर्षाने योग्य ठिकाणी चौकी करून केले. वर्षाने उत्तम प्रास्ताविक लिहिले. टाईम्स हाऊसमध्ये झालेल्या प्रकाशन समारंभात या पुस्तकाचे चूक कोणाची इ. न सांगता वक्त्यांनी योग्य मूल्यमापन केले. माझ्याकरता सांगायचे तर एक दाहक सामाजिक समस्या सांंगणारा दस्तऐवज प्रकाशित करण्यात माझा खारीचा वाटा होता. मी हस्तलिखित वाचायला सुरुवात केली तेव्हा तो शिव्यांचा शब्दकोश आहे, कामसूत्र आहे की बारबालेची गोष्ट आहे तेच कळेना. पत्नीच्या सूचनेवरून काळा मार्कर आणून बरबटलेला मजकूर काळा केला जेणे करून तो वाचता येणार नाही. सुनील मेहतांनी मला संपादन करायला पूर्ण स्वातंत्र्य दिले होते. पुस्तक वाचल्यावर वैशालीने आपण चुकलो हे कबूल केले. जवळजवळ ३० बारबालांनी आमचे पुस्तक तुम्ही करा असा आग्रह धरला. संवेदनशील विषय कसा हाताळायचा हे मी शिकलो. माझ्या या प्लस पॉईंट्समध्ये भर पडली म्हणजे या विषयावरील वर्षाच्या व्याख्यानावेळी वहिनी, भावजी आणि पैठणी यात रमणारे कार्यक्रम सोडून व्याख्यानाला मोठ्या संख्येने आले. ...Read more

  • Rating StarSuhas Birhade

    बारबालेचं आत्मचरित्र- बारच्या झगमगाटीमागील धगधगीत वास्तव ``कुणी स्वखुशीने वेश्याव्यवसाय किंवा बारबाला बनत नाही`` हे आपण नेहमी ऐकतो. मग असं काय घडतं की मुली या अनैतिक व्यवसायाकडे वळतात. या प्रश्नाचे उत्तर खुद्द बारबाला असलेल्या वैशाली हळदणकरच्या आत्मरित्रातील मिळतं आणि बारच्या झगमगाटामागिल विदारक वास्तव उघड होतं. कलावंत वडील, अभिजन वर्गातील आई अशी पार्श्वभूमी असलेली मुलगी का बारबाला बनते, काय आय़ुष्यात घडतं ते पुस्तकात वाचायला मिळतं. अविश्वसनीय वाटावे असे प्रसंग एकामोगामाग एक उलगडत जातात. सिंगर पासून नबारबाला ते फ्री सर्व्हिस असा वैशालीचा प्रवास तिने प्रामाणिकपणे आणि उलगडला आहे. बारबालांवर अनेक सिनेमे, पुस्तकं आहेत. परंतु बारबालेचं आत्मचरित्र दुर्मिळच. बारबालांच जीवन कसं असतं, त्यांना कुठल्या कुठल्या प्रसंगांना सामोरं जावं लागतं ते आत्मचरित्रातून कळतं. बारसंस्कृतीची इत्यंभूत माहितीही वाचकांना होते. वैशाली हळदणकराचं आयुष्य शोकांतिकाच. आत्मचरित्रात अनेक गोष्टी दडवलेल्या असतात. परंतु वैशालीने अगदी बेधडक सर्व काही लिहिलंय. पुरूषी मानसिकता, ढोंगी समाज दिसून येतो. अनेकदा अंगावर काटा यावा असे हे प्रसंग वाचायला मिळतात. मुंबईसह परदेशातील डान्सबार मध्ये वैशालीने काम केलं. तिच्या आय़ुष्यात आलेले पुरूष, तिच्यावर झालेले लैंगिक अत्याचार याची तिने कसलीही भीडभाड न बाळगता माहिती दिलेली आहे. वैशालीचं आत्मचरित्र तिचं असलं तरी ते बारबालांच्या जीवनावचा पट प्रातिनिधिक स्वरूपात उलगडतो. बारबालांची संघटना बांधणाऱ्या वर्षा काळे यांनी वैशालीला आत्मचरित्र लिहिण्यास प्रवृत्त केलं आणि एक माहितीपुर्ण दस्तावेज पुस्तकाच्या रुपात वाचकांना उपलब्ध झाला आहे. ...Read more

  • Rating StarManisha Rohit Joshi

    Khup sundar pustak ahe.. Must read..

  • Rating StarAtmaram Godbole

    वेगळ्या विश्वाची ओळख ...

  • Read more reviews
Write Your Own Review
  • Default typing language is Marathi. To type in English press Ctrl+G key combination
Submit Review

Related Books

People Who Bought This Item Also Bought

Latest Reviews

GABHULALELYA CHANDRABANAT
GABHULALELYA CHANDRABANAT by VISHWAS PATIL Rating Star
K. G Bhalerao

गाभुळलेल्या चंद्रबनात --तमाशा कलेचा दस्ताऐवज -------------------------------------------------------- ढोलकी हलगीचा कडकडाट आणि न्रुत्यसम्राद्नीचा पदन्यास, नेत्रपल्लवी,सोंगाड्याच्या हजरजबाबी जुबानीने उडवलेले हास्याचे फवारे,सवाल जबाब,रंगबाजीने त्या भरलेला रंग आणि गण,गवळणी,लावण्या, पोवाड्याच्या सुरावटीने सजलेला,पौराणिक, ऐतिहासिक, सामाजिक वगनाट्यांनी गहरेपण आलेला तमाशाचा फड हा मराठमोळ्या, महाराष्टीय मनाला भुरळ घालणारा जीवंत लोककला प्रकार.म्हणूनच तर रसिक जनांचं वढाळ मन तमाशाच्या तंबू कड धावत असतं.अशी ही जीवंत लोककला जीती जागती ठेवली ती या कलारसिकांनी आणि गावकुसाबाहेरच्या प्रेक्षक, कलावंतांनी. तमाशा जसा रसिकांच्या मनाला भूरळ घालतो तसाच तो अभ्यासकांच्या मनालाही भूरळ घालतो.त्या साठी विद्यापीठीय अभ्यासक जसे पायाला भिंगरी बांधत त्याचा शोध घेतात तसेच काही रसिक अभ्यासकही जिद्न्यासा म्हणून संशोधन करत असतात.अनेकांनी तमाशावर पी.एच.डी.केल्या. तर काहींनी फडमालकांची चरित्रे वाचकां समोर आणले.काहींनी त्यातील कलावंतांवर लेखनीचा झोत टाकला. सुप्रसिद्ध कादंबरीकार,ज्यांच्या सिध्दहस्त लेखनीतून साकारलेल्या ऐतिहासिक,सामाजिक कादंब-यांनी वाचकांच्या मनात घर केलं ते विश्वास पाटील यांची`गाभुळलेल्या चंद्रबनात ` ही कादंबरी तमाशा कलेचा दस्ताऐवज घेऊन आली आहे. यापूर्वी ही त्यांनी `चंद्रमुखी `नावाची कादंबरी लिहून या तमाशा कलेकडे वाचकांच्या नजरा वळवलेल्या होत्या. आता आलेली त्यांची `गाभुळलेल्या चंद्रबनात ` ही तीनशे एक पानांची कादंबरी मेहता पब्लिशिंग हाऊसने प्रकाशीत केली आहे.नौशाद आणि संगीतकार राम कदमांना विश्वास पाटलांनी ही कादंबरी अर्पण केली आहे. या कादंबरीत जसे तमाशाच्या पडद्याआडचे,राहुटीतले जग येते तसेच अनेकदा स्टेजवरचा तमाशाही येतो.त्यातील ` मोहना बटाव `,`असा झुंजला महाराष्ट्र माझा `, `संत तुकाराम ` अशा काही वगनाट्यांची कथानक काही अंशी गरजेपुरती येतात. ज्यामुळे वाचकांना संपूर्ण वगनाट्यांची कल्पना येऊ शकते. खर तर उमर साठीतला बाकेराव बानगीकर आणि त्याच्या प्रेमसागरात मसोळीसारखी डुंबण्यासाठी आलेली सतरा अठरा वर्षाची न्रुत्याची बिजली रंगकली आणि या दोघांनांही माशासारखं पाण्याबरोबर काढून तरफडायला लावणारा हिशोबी,धूर्त खलनायकी पात्र आणि वास्तवातल खलनायकी जगणं जगणारा ऐशारमी,विलासी गगण आप्पा या मुख्य पात्रांच्या अनुषंगाने अनेक पात्र येत या कादंबरीचा सोनेरी गोफ कुशलतेने पाटलांनी विणला आहे. बाकेराव सारखा हजरजबाबी सोंगाड्या,गोड गळ्याची गायकी असलेला स्वरसम्राट,आपला फड,वगनाट्य सर्वोत्तम होण्यासाठी सतत धडपडणारा,त्यासाठी मान अपमान, नुकसानीची पर्वा न करणारा आणि म्हणूनच रसिकांच्या गळ्यातील ताईत झालेला,रसिक मनावर अधिराज्य गाजवणारा हरहुन्नर कलावंत पण त्यालाही पुरुषी संशयी मनावर काबू ठेवता येत नाही.तर दुसरीकडे अप्रतिम सौदर्याचं चांदणं अंगाअंगावर जन्मतःच घेऊन आलेली,तारुण्याने मुसमुसलेली जवान,रसरसलेली रंगकली जिच्या रोमारोमात भिनलेली कला.तिचा हा ऐवज तिलाच जगण्याच्या टप्याटप्यावर नागिणीसारखा डंख मारत रक्तबंबाळ करत रहातो.या दोन प्रेमीयुगलामध्ये सतत बिबवा म्हणून कार्यरत असणारा बाकेरावचा फड पार्टनर गगण आप्पा. रंगकली व बाकेराव यांना एकमेकांपासून दूरवण्यासाठी, तमाशाचा गल्ला अपमतलबासाठी उपयोगात आणणारा या दोनही कामी सतत व्यूहरचना आखणारा धूर्त असा तो आहे.या अनुषंगाने या तिघांच्याही संबंधाने अनेक पात्र येत राहतात.हे तिघही कधी यशाचे शिखर गाठतात तर कधी अपयशाच्या खोलदरीत ढकलले जाण्याचा अनुभव घेत राहतात.नदीच्या लाटेनं हळुवार आपलं अंग बदलत पुढपुढे सरकावं तसं कथानक वाचकांना उत्सुकता वाढवत पुढेपुढे नेत राहत. शेवटी रंगकली आणि बाकेरावच्या प्रेमाचाच विजय होतो.अनेक वळण घेत ते एकमेकांच्या जीवनात पुन्हा येतात. गगण आप्पा मात्र इतरांना फसवता फसवता स्वतः च त्या फसवणूकीच्या चिखल दलदलीत अडकतो ते कधीही न सावरण्यासाठी. एखादा नाट्य कलावंत अथवा तमाशा कलावंत जणूकाही एखाद्या पात्रासाठीच जन्माला आलेला असतो.जसा या कथानकात युवराज पाटणे ` छत्रपती संभाजी महाराजांच्या ` भूमिकेसाठी तर बाकेराव ` संत तुकारामांच्या ` भूमिकेसाठी. शेवटी संत तुकाराम महाराज जसे गरुडवाहनातून वैकुंठाला गेले तसे बाकेराव संत तुकारामांची भूमिका करताना अखेरच्या वैकुंठ गमनाचा सीन आटोपून त्या गरुडवाहनातच आपलं कलेवर सोडतात. मानवी स्वभावाचे सुष्ट-द्रुष्ट नमुने, नात्यातील गुंतागुंत, त्याग-स्वार्थ येथेही आपणास दिसतो. कादंबरी वाचताना अनेक माहितीचे कलावंत आपल्या डोळ्यासमोर उभे राहतात.पण अनेकांचे मिक्सिंग असल्याने आपली फसगत होते. तमाशाच्या फडात जगण्याच्या मजबूरीने काही कलावंत येतात तर काही कलेची हौस म्हणूनही येतात. तर काहींना वारशाने ही कला जोपासावी लागते.पण या तमाशा कलावंतांच जगणं सामान्य माणसाच्या,नाट्यकलावंताच्या,चित्रपट कलावंतांच्या जगण्यापेक्षाही कसं भिन्न आहे,भणंग आहे, `सुख पाहता जवापाडे, दु:ख पर्वाता एवढे `असंच त्यांच विश्व आहे.आणि विश्वास पाटलांसारख्या कसदार लेखनीचा परिसस्पर्श त्याला लाभल्याने वाचकांना बारकाव्याने ते जगणं समजून घेण्यासाठी खूपच मदत झाली आहे. असेच म्हणावे लागेल. के.जी.भालेराव ...Read more

NOT WITHOUT MY DAUGHTER
NOT WITHOUT MY DAUGHTER by BETTY MAHMOODY Rating Star
Jayesh Naiknavare

`नॉट विदाऊट माय डॉटर` हे पुस्तक नुकतेच वाचून पूर्ण झाले. पुस्तकातील सर्व घटना ही १९८३ च्या आसपासची आहे. पुस्तक वाचून जेव्हा पूर्ण झाले तेव्हा मन अगदी सुन्न पडले होते. ती वसुस्थिती अक्षरशः मला माझ्या डोळ्यांपुढे दिसत होती. एकदम अनोळखी प्रदेश त्यात तेथ क्रांती झालेली कशाचाच कशाला ताळमेळ नाही. आणि असा देश जेथे सर्व कायदे हे पुरुषाच्या बाजूने होते अगदी स्त्री ने संतती नियमन करणे हा सुद्धा गुन्हा होता आणि त्याला शिक्षा ही देहदंडाचीच. या सारखे आजून अनेक जाचक कायदे त्या देशात त्या वेळी अस्तित्वात होते. आणि ज्या व्यक्तीवर विश्वास ठेवून सर्व काही सोडून त्याच्या मागे इथवर ६००० मैलांचा प्रवास करून आल्यावर तिच्या लक्षात येते की आपण किती मोठ्या संकटात सापडलो आहोत. तोच तिचा नवरा तिच्या जीवावर उठतो तिला बेदम मारझोड करणं, शिवीगाळ करणं हे तर नित्याचेच होऊन जाते. तिला सतत तिच्या मुली पासून दूर नेण्याचा प्रयत्न करतो. रात्रंदिवस तिच्यावर पाळत ठेवतो. पण ती धीर सोडता तिच्या मुली साठी सर्व काही सहन करत राहते आणि अखेरीस ती तेथुन पळून जाण्याचा विचार करते आणि मग सुरू होतो तो सुटकेचा खडतर, जीवघेणा प्रवास. या सर्व प्रवासात तिचा फक्त एकाच गोष्टीवर विश्वस असतो ती म्हणजे `ईश्वर` ती तिला आणि तिच्या ६ वर्षाच्या लहान मुलीला हेच सांगत राहते की ईश्वर सर्व काही ठीक करेन. आणि तोच एक आशेचा किरण धरून तिचा खडतर प्रवास सुरु होतो आणि ती त्यात यशस्वी सुद्धा होते. सर्वांनी आवर्जून वाचावे असे हे पुस्तक आहे. ...Read more