* Front & back cover images are for illustration purposes only and the price of book is sold separately.
  • Original Book Title: CHUTAKICHA JAG
  • Availability : Available
  • ISBN : 9789391151065
  • Edition : 1
  • Weight : 0.00 gms
  • Pages : 96
  • Language : MARATHI
  • Category : CHILDREN LITERATURE
  • Sub Category : PICTURE BOOKS, ACTIVITY BOOKS & LEARNING MATERIAL
Quantity
Buying Options:
  • Print Books:
CHUTAKICHA JAG IS A NOVEL BY THE AUTHOR FARUK KAZI. IT PORTRAYS THE MYSTERIOUS HAPPENINGS IN THE LIFE OF THE PROTAGONIST CHUTAKI. CHUTAKI IS A SMALL SCHOOL GOING GIRL FROM A HAPPY, LOVING FAMILY. BUT ONE DAY ONE DANGEROUS MONSTER ENTERS INTO HER LIFE. HER LIFE BECOMES MISERABLE. THIS NEW STRUGGLE IS AN EYE OPENER TRAVEL WHICH KEEPS READERS ENGAGED THROUGH THE SURPRISING EVENTS.
आपल्या अब्बूवर जीवापाड प्रेम करणारी पाच वर्षाची छोटी चुटकी अतिशय जिद्दी मुलगी आहे. ती जितकी अल्लड आहे त्याहून समजूतदार आणि सक्षम व्यक्तिमत्व म्हणून आपल्या भेटीला येते. लहान वयातही येणाऱ्या आव्हानांना, संकटाना भिडण्याची क्षमता तिच्यात असून निरागसपणा आणि सत्य ही तिची ताकद आहे. शांतता आणि प्रेम ह्या बुद्धाने दिलेल्या देणग्यांच्या साथीने जी तिचं जग सुंदर करण्याचा प्रयत्न करते. या पुस्तकातून नायिका म्हणून वाचकांसमोर आलेली चुटकी संघर्ष तर करतेच पण जिंकूनही दाखवते.
Video not available
No Records Found
No Records Found
Keywords
#CHUTAKICHAJAG #FARUKKAZI #CHILDRENLITERATURE #MARATHIBOOKS #ONLINEBOOKS #MEHTAPUBLISHINGHOUSE #CHILDRENSTORIES #चुटकीचंजन #फारूककाझी #बालसाहित्य #मराठीपुस्तके #मराठीकादंबरी #मेहतापब्लिशिंगहाऊस
Customer Reviews
  • Rating StarSantosh Lonvire

    मुलांना आनंद देणारं, विचार करायला संधी आणि अवकाश देणारं, कल्पकतेला पंख देणारं... मित्राचं हे अद्भूत `चुटकीचं जग` आलंय दोस्ताच्या हातात...

  • Rating Starनिमिष दौंड

    कथा ही अल्पवयीन मुलीच्या आयुष्यातील घडामोडींवर आहे .एक मासेमारी आणि जमिनीची देवता इर्डा यांची मुलगी म्हणजे ही चुटकी . लेखकांनी सुरुवातीला चुटकी ची पूर्ण पार्श्वभूमी स्पष्ट दिली तसेच लेखन करताना त्यांनी सुरुवातीच्या भागात जी वाचकाला पुढचे पुस्तक पूर्णवाचायला प्रेरणा मिळाली पाहिजे तिचा विचार करूनच लेखन केले . सुरुवातीला चुटकी चे अब्बू, बाजी आणि चुटकी यांच्यातील जग (विश्व )लेखकांनी अधोरेखित केले परंतु त्यातही त्यांनी अनेक मजेशीर प्रसंग टाकल्याने "मुसा" या पात्राबद्दलचे गुढ आणि चुटकीचा स्वभाव जाणता येतो . त्यानंतर "नूहबाबा" या पात्राची एन्ट्री होते आणि रोमांचकता वाढत जाते. नूहबाबांचे व्यक्तिमत्व, त्यांचे घर तसेच त्यांचे गूढरम्य संवाद यामुळे चुटकी जशी गोंधळते त्याचप्रमाणे वाचकही गोंधळात पडतो; मग जेव्हा चुटकीला ते अद्भुत पदक मिळतं त्यापासून खर्‍या व रोमांचक प्रवासाला सुरुवात होते. वाचकांना अजून खिळवून ठेवण्यासाठी मध्येच चुटकीला पडलेले स्वप्न खरच त्याचं काम योग्यरीत्या पार पाडतं . यानंतरचा भाग म्हणजे "मुसा" आणि महाराणी "ईर्डा" यांचा 5 वर्षांआधी चा इतिहास .लेखकांनी हा विषय अगदी योग्य वळणावर सुरु केला त्यामुळे मुसा बदद्ल च्या गूढतेचे कंटाळ्यात रूपांतर झाले नाही आणि वाचकाला गोष्टीतील डीएनए मिळाला .त्यामुळे इंटरेस्ट टिकून राहिला .मुसा पदभार स्वीकारतो व राणीला शोधायला जातो . तेव्हा वाचकाची एकरुपता एवढी वाढलेली असते की शत्रूला जणू काही आपणच मारतोय असा आभास होतो . मुळात गोष्टीची मूळ संकल्पना ही नवीन नाही म्हणजे "अर्धे माणसंआणिअर्धे देव ". परंतु गोष्टीची टाईम लाईन आणि इतर घटकांमुळे त्यात नावीन्य निर्माण झाले तसेच काही अंधारातील प्राण्यांची वर्णने तर त्यांच्या जवळील शक्ती यामुळे वाचताना खूप मजा आली . तर शांतता, प्रेम इत्यादी भावना यांचा सतत सतत प्रत्यय येत राहिल्याने वाचकही वरील भावनांबद्दल नक्कीच विचार करतो. चुटकी चे जग हे पुस्तक मीही वाचले आणि मी ते संपूर्ण दिवसातच संपवले. लेखकाने एका वाचकाला एका दिवसात पुस्तक पूर्ण करण्यासाठी लावलेलं वेड हेच खरे लेखकाचे यश . ...Read more

Write Your Own Review
  • Default typing language is Marathi. To type in English press Ctrl+G key combination
Submit Review
PLEASE SEND YOUR AUDIO REVIEW ON editorial@mehtapublishinghouse.com

Related Books

People Who Bought This Item Also Bought

Latest Reviews

KULAMAMACHYA DESHAT
KULAMAMACHYA DESHAT by G.B. DESHMUKH Rating Star
डॉ. शरद जाधव एम.डी.(मेडिसीन) ठाणे

*मेळघाटच्या अख्ख्या जीवनाचा ठसा मनावर उमटवणारे पुस्तक `कुलामामाच्या देशात`* वानखडे साहेबांचे अनुभव आणि देशमुखांचे कथन घेऊन निघालेले कुलामामा मेळघाटातून सह्याद्रीत पोहोचलेच. हा एक उत्तम ,अस्सल साहित्याचा ठेवा आहे.. वर्तमानपत्रात मेळघाटाील बातम्या म्हणजे भूकबळी, आदिवासी, वाघाने घेतलेले आणि वाघांचे बळी याबद्दल मनात एक पुसट चित्र तयार झाले होते. वेळोवेळी मेळघाटच्या सौंदर्याचे वाचलेले बहारदार वर्णन उत्सुकता वाढवत होतेच. खरे सांगायचे तर पश्चिम महाराष्ट्रात राहणाऱ्या आपल्यासारख्या मंडळींनी सह्याद्रीला ओलांडून कधी परशुरामाचा कोकण नीट पाहिलं नाही. ऊसशेती, भाज्या, फळे पिकविणाऱ्या देशावराच्या मंडळीना डोंगर, समुद्र, भातशेती, आंबा, काजू, पोफळी, मासेमारी करणारे कोळीबांधव यांच्या जीवनाविषयी फार जुजबी माहिती, तीही साहित्य आणि टीव्ही या माध्यमातून होते. खरे तर, कोकण बघण्यासाठी लहान गावात किंवा वाडीत राहायला पाहिजे. केवळ सहल करून खरा अनुभव येईल असे वाटत नाही. आदिम मानव आणि निसर्ग यांच्याजवळ जाण्याची ना वृत्ती ना संधी असे वाटत असताना हे पुस्तक हाती आले. भारत वाघसाठी ओळखला जातो. जंगल वाघ, शिकार, सफारी एवढ्यापुरतच मर्यादित आहे काय? दुर्बिणीतून वाघ बघणे आणि छायाचित्र टिपणे आणि त्यात कृतकृत्य होणे म्हणजे गुलहौशीपणा असे वाटायला लागले. भूगोलाच्या पुस्तकात पाहिलेली वाचलेली माणूस आणि निसर्गाची माहिती वाचतांना तिथली माणसे आणि जीवन कसे असेल याची केवळ कल्पना मनात होती. आज या पुस्तकाने ते बंद दार किलकीले केले आणि मेळघाट चा एक कवडसा आत आला आहे. कथनाच्या मध्यस्थानी असलेल्या कुलामामाचाच नव्हे तर मेळघाटच्या अख्ख्या जीवनाचा ठसा मनावर उमटला. आठवण झाली ती माडगूळकरांच्या माणदेशी माणसांची आणि मालगुडी डेज ची. व्यंकटेश माडगूळकरांनी त्यांच्या हलाखीच्या दिवसात मुंबई सकाळ मध्ये आठवड्याला एक माणदेशी माणूस उभा केला आणि पुढे त्याची पुस्तक झाली. त्यातील प्रत्येक माणूस अस्सल होता. देशमुख वानखेडे यांच्या बाबतीत असेच घडले असावे. मला तर वानखडे साहेबांच्या कारमध्ये आपण सुद्धा मागच्या सीटवर बसून ऐकतो आहोत असे पुस्तक वाचताना वाटले. मेळघाट म्हणजे केवळ आदिवासी, केवळ निसर्ग सौंदर्य केवळ वाघ आणि त्याच्या कथा नसून मनुष्य, निसर्ग, जीवन, माणसाच्या भावना, कल्पना, श्रद्धा, अंधश्रद्धा सर्वांचा एक रंगपट उभा राहिला. कधी मेळघाटात यायचे भाग्य लाभले तर या पुस्तकातील प्रत्येक माणूस, प्रत्येक जागा हुडकण्याचा माझे मन प्रयत्न करेल. फॉरेस्ट खात्याच्या खाकी वर्दीतील माणसाच्या आत एक एक संवेदनशील साहित्यिक, रसिक, जीवनाकडे तटस्थ पण हसऱ्या वृत्तीने बघणारा माणूस दिसतो. मी सोलापूरकर. वऱ्हाडात रमलेल्या चींत्तमपल्ली यांच्या गावचा, त्यांच्याच शाळेत आणि कॉलेज मध्ये शिक्षण घेतले हे बिरूद मिरविणारा. मारोतराव साहित्यात निसर्ग, जंगल घेऊन आले आणि अख्खा महाराष्ट्र विदर्भात जाण्याची स्वप्ने बघू लागला. असे वाटते की मारोतराव जर विदर्भाचे गदिमा असतील तर देशमुख-वानखडे व्यंकटेश असावेत. ...Read more

KULAMAMACHYA DESHAT
KULAMAMACHYA DESHAT by G.B. DESHMUKH Rating Star
डॉ. तेजपाल अग्रवाल, कोल्हापूर

चन्या (म्हणजे अमरावतीचे सुप्रसिद्ध डॉ. चंद्रशेखर कुळकर्णी) कुलामामाच्या देशात या पुस्तकाबद्दल तू केलेलं सविस्तर परीक्षण त्या पुस्तकाची केलेली स्तुती मीना, शरद यांचे अभिप्राय व सर्वमान्य लेखिका डॉ. किरण पाटणकर, सोलापूर हिचे रसाळ रसग्रहण ह्यामुळे हे पु्तक घ्यायचं ठरवलं. कोल्हापुरातील मेहता पब्लिसिंग मध्ये जाऊन पुस्तक खरेदी केले. कींमत २०० रुपये, सवलतीची कींमत १७० रुपये. आल्या आल्या लेखक जी.बी.देशमुख यांचा परिचय, शेवटच्या आतील पानावर असलेला रविंद्र वानखडे वनाधिकारी यांची ओळख नि त्यानंतर शेवटचं पान वाचल्यावर लेखक जी.बी. देशमुखांचे हितगुज वाचून चन्याला व्हाट्सपवर कळवलं. त्यानंतर पहिली कथा झटक्यात वाचून काढली. एखाद्याला आवडीचं अन्न मिळावं , ते चवदार व्हावं, अशावेळी ते अन्न आधाशाप्रमाणे खाऊन संपवावं वाटत नाही ! तसंच काहीसं हे पुस्तक वाचताना झालं. मुळात मला जंगलाची आवड , त्यात हे अतिशय सुंदर पुस्तक. जे पहिली कथा वाचल्यावरच लक्षात आलं. त्यामुळे प्रत्येक कथेचा हळूहळू आनंद घेत आज हे पुस्तक वाचून झालं. एक नि एक कथा खूपच छान. एक कथा वाचली की लगेच दुसरी वाचावी असं वाटायचं पण मुद्धाम दम धरून दुसरी वाचायची. मी बरीच जंगल पालथी घातली. बऱ्याच वेळा अनेक ठिकाणी पहाटे उठून जंगल सफारी केल्या. पण वाघ काय दिसायचा नाही.किरकोळ जंगली पक्षी, प्राणी दिसायचे पण वाघ नाही. बऱ्याच वेळा इतर प्राणीसुद्धा इतरांना दिसायचे, ते मला दाखवायला बघायचे पण मला काहीच दिसायचं नाही ! शैला वैतागायची ! पण वाघ तर कुणलाच दिसला नाही ! वाघ बघितला ते पूर्वी सर्कशीत, किंवा प्राणिसंग्रहालयात पिंजऱ्यात, किंवा खुल्या प्राणिसंग्रहालयात एकतर सारखा फेऱ्या मारत असलेला किंवा सुस्तावून पडलेला ! पण ह्या कथा वाचताना मात्र प्रत्यक्ष वाघ बघत आहे, असं वाटायचं ! वनअधिकारी रवींद्र वानखडे यांचे निरिक्षण, जंगलावरील प्रेम, जंगलचे कायदे, वनांचे कायदे, जंगलातील प्राण्यांचे कायदे, येथील लोकांची गरिबी, जंगलावरील, तेथील प्राण्यांवरील प्रेम, प्राण्यांचे स्वभाव, हे सगळं प्रत्यक्ष दीर्घकाळ अनुभवलेलं. निस्पृहपणे, झोकुन देऊन, आनंदाने केलेली नोकरी आणि ह्या सर्वांच जी.बी.देशमुख यांनी कुठेही धक्का लागू देता केलेलं ओघवत वर्णन,फारच, फारच सुंदर. दोघांचंही कौतुक करावं तितकं थोडंच.प्रत्येकानं वाचावा असा हा जंगलातील गोष्टींचा खजिना. ...Read more