* Front & back cover images are for illustration purposes only and the price of book is sold separately.
Quantity
SHIVSENA CHIEF BALASAHEB THACKERAY WAS KNOWN FOR HIS FEARLESS, OUTSPOKEN , FREE STYLE OF SPEECH . HIS POLTICS BASED ON HINDUTVA & INTER STATE MIGRATION SETS NEW PATTERNS IN THE POLITICS OF MAHARASHTRA . SO BALASAHEB THACKERAY’S EVERY STATEMENT WAS ALARM FOR THE POLITICAL CHANGES DURING HIS ERA. BALASAHEB THACKERAY SPOKE HIS MIND IN MANY FREEWHEELING INTERVIEWS GIVEN TO SAMANA EDITOR SANJAY RAUT . THESE INTERVIEWS ARE MOST IMPORTANT DOCUMENTATION OF MAHARASHTRA POLITICS. THE BOOK NAMED ‘EKVACHANI PART 1&2 WILL REMIND BALASAHEB THACKERAY’S ERA TO ITS READERS .
हिंदुत्वाच्या जोरावर ज्यांनी महाराष्ट्राची सत्ता मिळवली आणि केंद्रातही शिवसेनेला सत्तेत आणलं, त्या शिवसेनेचा अनेक वर्षं चेहरा असणाऱ्या बाळासाहेब ठाकरे यांच्या परखड मुलाखती ‘एकवचनी’ या पुस्तकात संजय राऊत यांनी एकत्र केल्या आहेत. बाळासाहेबांचा सडेतोड स्पष्टवक्तेपणा जो जगद्विख्यात होता, तो विशेषत्वाने या मुलाखतींमध्ये जाणवला आहे. कडवा हिंदुत्ववाद, दंगली, गँगवार याविषयी त्यांनी आपली मते परखडपणे मांडली आहेत. शरद पवार, सोनिया गांधी, राजीव गांधी, इंदिरा गांधी यांसारख्या नेत्यांवर प्रखर टीका केली आहे. पक्षांतर करणाऱ्या छगन भुजबळांसारख्या नेत्याचेही त्यांनी वाभाडे काढले आहेत. भ्रष्टाचार, बेरोजगारी या समस्यांवरही त्यांनी आपली मते मांडली आहेत. शिवसेना मतभेद, भाजपबरोबर असणारे सबंध या राजकारणाशी संबंधित प्रश्नांना उत्तरे देतानाच देवधर्म, नास्तिकता, श्रद्धा, कुटुंब यांविषयीही ते भरभरून बोलले आहेत. मराठी अस्मितेचा अभिमान बाळगणाNया बाळासाहेबांच्या व्यक्तिमत्त्वाचे विविध पैलू या मुलाखतींमधून समोर येतात. शिवसेनेची धोरणं, शिवसेनेचे आचारविचार, अपेक्षा यांसोबतच शिवसेनेचा इतिहास, भविष्यकाळ या सर्वांविषयी बाळासाहेबांची मतं आणि विचार या मुलाखतींमधून प्रकट होतात.

Keywords
BALASAHEB THAKARAY, SANJAY RAUT, HINDISAM, SHIV-SENA, MAHARASHTRA, CONGRESS, SHARAD PAWAR, SONIAGANDHI, INDIRA GANDHI, RAJEEV GANDHI, PAKISTAN, POLITICS, BRIBERY, SAMANA, SHIVRAI, BABARI, RAM MANDIR, INTERVIEW, MELAVA, MUMBAI MUNICIPAL, CORPORATION, BJP, RAJ THAKARAY, UDDHAV THAKARAY, MEDIA, ELECTION , SAVARKAR, HINDUISAM, KASAB, TERORISAM, AJIT PAWAR,YUVASHAKTI, FARMERS, MNS, CARTOONS, MEDIA, WORKERS, MANISHANKAR
Customer Reviews
  • Rating StarNEWSPAPER REVIEW

    बाळासाहेब ठाकरे यांच्या घणाघाती मुलाखती... शिवसेनाप्रमुख बाळासाहेब ठाकरे हे ‘सामना’ चे संपादक, आणि १९९४ पासून संजय राऊत हे कार्यकारी संपादक आहेत. बाळासाहेबांना दैनिकाच्या दैनंदिन कामकाजाकडे पाहण्याएवढी उसंत मिळणे अशक्यच; त्यामुळं कार्यकारी संपादक ज कोणी असेल त्यालाच बाळासाहेबांची मानसिकता लक्षात घेऊन, त्यांच्या मनातले जाणून रोज अग्रलेखाची ‘लाईन’ ठरवणे क्रमप्राप्त असते. संजय राऊत यांनी बाळासाहेबांच्या वृत्ती-प्रवृत्तीला साजेलसे स्वत:चे व्यक्तिमत्व ‘सामना’ ची सूत्रे हाती आल्यावर घडवले आहे. सामना वाचला जातो तो शिवसेनेचे मुखपत्र म्हणून, बाळासाहेबांच्या मतांचे व्यासपीठ म्हणून! कार्यकारी संपादकाच्या वैयक्तिक मतांसाठी सामना कोणी वाचावा, अशी अपेक्षाही नसते; त्यामुळे बाळासाहेब ठाकरे यांच्याच भूमिकेत शिरून, त्यांच्याच भावभावनांना व धोरणात्मक व्यूहाला संपादकीय शब्दरूप देण्यातील कौशल्य उत्तमप्रकारे संजय राऊत यांनी प्रकट केले आहे, आणि बाळासाहेबांना रुचेल, शोभेल अशीच शैली घडवली आहे. क्वचितच कधी बाळासाहेबांची त्यांच्यावर खप्पामर्जी झाली असेल, इतक्या दोघांच्या वेव्हलेंग्थज् जुळलेल्या आहेत. बाळासाहेबांना शोभतील असे विचार बाळासाहेबांना शोभेल अशा आक्रमक शैलीत मांडण्याची ही कसरत संजय राऊत गेली सात-आठ वर्षे करीत आहेत. तरीही बाळासाहेबांची त्या त्या वेळची मते ही शिवसैनिकांना व इतर पक्षांच्या कार्यकर्त्यांना त्यांच्याच ठाकरी भाषेत हवी असतात. ही वाचकांची गरज लक्षात घेऊन संजय राऊत यांनी बाळासाहेबांच्या विस्तृत मुलाखती महिन्या-दोन महिन्याने सामनात देण्याचा परिपाठ ठेवला. इतर कोणीही घेऊ शकणार नाही, असं स्वातंत्र्य संजय राऊत यांनी या मुलाखतींच्या बाबतीत घेतले आणि बाळासाहेबांना अडचणीचे वाटणारे प्रश्नही विचारले आहेत. बाळासाहेबांनी हे प्रश्न संजय राऊत यांच्या मनातले नाहीत, सर्वसामान्य मराठी माणसाचे आहेत, असे समजून उत्तरे देऊन, सरसहा हाताळले, क्वचितच उत्तर देण्याचे त्यांनी टाळले, किंवा क्वचितच प्रश्नांना बगल दिली असे दिसते. एखाद्या दैनिकांत संपादकांच्या मॅरेथॉन मुलाखती वरचेवर येणे हा एकूण चमत्कारिकच प्रकार. पण ‘सामना’चे वैशिष्ट्य म्हणून त्याचा उल्लेख होऊ लागला. बाळासाहेबांचा बाणा रोखठोक बोलण्याचा! तशात मराठीचा घणाघाती वापर करण्याचा त्यांच्या स्वभाव. मुलाखतीत बोलताना एखादी शिवी वा बदनामीकारक विधान तोंडातून गेले तरी ते जसेच्या तसे छापा असा बाळासाहेबांचा आग्रह; त्यामुळे संजय राऊत यांच्या प्रश्नातही आडपडदा वा हातचे राखून न ठेवणे हा प्रकार नाही; त्यामुळे या मुलाखती वादळी व वादग्रस्तही ठरल्या. संजय राऊत यांनी बाळासाहेबांच्या एकूण ५२ मुलाखती त्यांच्यासाठी ते पंच्याहस्तीच्या पंधरा वर्षांत घेतल्या. पहिल्या दोन मुलाखती अनुक्रमे १९८७ व १९९२ मधील आहेत. परंतु पुढच्या पन्नास मुलाखती १ मे १९९४ पासून ३ जुलै २००१ या सात वर्षांतल्या आहेत. त्यात त्या त्या वेळच्या ज्वलंत समस्यांबाबतची बाळासाहेबांची मते त्यांच्या आक्रमक शैलीत व्यक्त झाली आहेत. या मुलाखतीच्या रूपाने बाळासाहेबांनी दीड हजारावर प्रश्नांची उत्तरे दिली आहेत. शिवसेना, हिंदुत्व, सरकार, भाजपा, समाजवादी, काँग्रेस, विरोधी पक्ष, निवडणुका, मतदार, दौरे, शिवसेनेतील फाटाफूट, बंडखोरी भाजपा-शिवसेनेतील तणाव, पत्रकारिता, मीडिया, कामगारक्षेत्र, राज्यघटना, लोकशाही, खंडणी, दहशत, गँगवार, भ्रष्टाचार, ठाकरे यांच्या कुटुंबातील वाद, अवैध मार्गाने संपत्तीची जमवाजमव, शिवसैनिकांचे वर्तन, मुंबईचे मराठीपण, झोपडपट्ट्या, भूमिपुत्रांवरील अन्याय, त्या त्या वेळेचे राजकीय वातावरण व गणित, गोवारीचे हत्याकांड, दंगली, बॉम्बस्फोट, देशाचे नेतृत्व, रिमोट कंट्रोल, शेतमालाचे भाव, श्रीमंतांचे मित्र झाल्याचा आरोप, नोकरशाहीचा नाकर्तेपणा, राजकीय संन्यास, कुपोषणाने मृत्यू, कॉन्व्हेंट शाळा, महागाई, आर्थिक दिवाळखोरी, पक्षहिंसा, पाकिस्तान, काश्मीर, कारगिल, श्रीलंका व लिट्टे, दुकानांवरील मराठी पाट्या, खिस्ती मिशनरी, मुसलमानांचा मताधिकार काढून घेण्याचा आग्रह, तहलका, इस्लामचे आक्रमण, मणिपूरमधील बंड, एन्रॉन, श्रीकृष्ण आयोग, राज-उद्धव यांचे संबंध, नेपाळमधील राजवंश हत्या इ. कितीतरी विषय या मुलाखतीमध्ये आले आहेत. विषय पुन:पुन्हा आले आहेत स्वत:बद्दलसुद्धा ठाकरे यांनी वेळोवेळी काही बोलकी विधाने केली आहेत. त्यांच्या व्यक्तिमत्त्वाचे वेगवेगळे पैलू त्यातून स्पष्ट होतात. या मुलाखतींमधून आपल्या सर्वच प्रश्नांची समाधानकारक किंवा मनासारखी उत्तरे मिळावीत, ही अपेक्षा करणे योग्य नाही. पारदर्शकतेलाही व्यावहारिक मर्यादा असतात; त्यामुळे काही ठिकाणी ‘बीटवीन द लाईन्स( वाचावे लागते. तशा जागाही खूप आहेत आणि अर्थपूर्ण, मार्मिक आहेत. असं खूप काही या मुलाखतींतून समोर येतं. ते विचारांना चालना देतं. ...Read more

Write Your Own Review
  • Default typing language is Marathi. To type in English press Ctrl+G key combination
Submit Review

Related Books

People Who Bought This Item Also Bought

Latest Reviews

PARKHA
PARKHA by DR. BHYRAPPA S. L. Rating Star
स्वप्निल काकडे

नुकतंच ही कादंबरी वाचून पूर्ण केली. मुळात कन्नड भागात घडणारी ही कथा असली तरी मराठी अनुवाद उत्तम असल्याने कुठेच रसभंग न होता ही कथा आपल्या आजुबाजूलाच घडते आहे असं वाटतं रहाते. ही कथा आपल्याला पूर्णपणे जखडून ठेवते. ह्या कादंबरीत अनेक पात्रं असली तरीमुळात मुख्य पात्रे दोनच कलिंग गौडा आज्जा आणि त्याचा नातू पुट्टू गौडा. कलिंग गौडा आज्जा कलिंग घराण्यातला, ज्या घराण्यातल्या गोठ्यात पुण्यकोटी गाय होऊन गेली. त्या गायीच्या शब्दाला जागण्याच्या वृत्तीमुळे ती केवळ त्याच गावात नव्हे तर पंचक्रोशीत प्रसिद्ध झाली. आजही त्या पुण्यकोटी गायीचा वंश कलिंग गौडा आज्जाच्या गोठ्यात वाढतोय. आपली माय, गोठ्यातली गाय आणि माती माय ह्यांची सेवा करणं म्हणजे मोक्ष मिळवणं अशी गौडाज्जाची धारणा. गायींवर तर त्याचा विशेष जीव. "गायी आणि माणसं एकमेकांसाठी जन्मली आहेत" ह्यावर त्याची निष्ठा आणि ह्या साठी तो वेळोवेळी आपला मित्र/पुरोहित "जोईस" ह्यांच्याकडून वेळोवेळी वेद- पुराणातल्या कथा ऐकून त्यातले दाखले घेत असतो. त्या दोघामधली मैत्री पण गाढ. एकेदिवशी गौडाज्जाचा मुलगा कृष्णा चरणाऱ्या गायींना तरसा पासून वाचवताना मारला जातो आणि त्याच्या मुलाची म्हणजे पुत्तू कलिंगा ची जबाबदारी येते गौडाज्जा वर. पुत्तु गौडा हा लहानापासून खूप हुशार. तो आणि वेंकटरमण (जोईसाचा मुलगा) हे पक्के दोस्त. दोघे लहानपणी एकत्रपणे गावातल्या शाळेत शिकले. मोठे झाल्यावर म्हैसूर ला शिकले. वेंकटरमण वेदशास्त्र पुराणात पारंगत झाला तर पूत्तू गौडा बी. एससी. झाला. पण पूत्तु गौडा च मन शांत बसेना, त्याला आपल्या आज्जा- बापा प्रमाण गुरांवर जीव नव्हता. गुर चरायला नेण त्याला कमीपणाचे वाटे. त्याला अजून शिकायचं होत. ह्यासाठी हट्टाने आज्जाची समजूत घालून तो अमेरिकेत प्राणी शास्त्र शिकायला जातो. तिथे शिक्षण पूर्ण करून तिथल्याच मुलीशी लग्नही करतो. शिकून गावी परतलेल्या पुट्टु गौडा ला आता गावाच्या परंपरा थोतांड वाटू लागतात. काही फायदा नसताना गोठ्यातल्या म्हाताऱ्या, भाकड गायी पाळण त्याच्या अमेरिकन शिक्षणाला अव्यवहारी वाटतं. "सर्व जनावर ही माणसाच्या फायद्यासाठी असतात आणि त्यांचा फायदा होणं बंद झाली की ती विकावित" असा त्याचा गौडाज्जाच्या विपरीत विचार. "गायींसाठी माणूस की माणसासाठी गाय" ह्या दोन विचारांचा होणारा संघर्ष म्हणजे ही कादंबरी. ह्या कथेतली सगळीच पात्र मनात घर करून बसतात. निष्ठावंत गौडाज्जा, त्याला साथ देणारी त्याची बायको गौडाज्जी, त्याची मुकी सून तायव्वा, जोइस, वेंकटरमण, पुटू गौडा आणि त्याची अमेरिकन बायको हिल्डा, गाईंवर निष्ठा असलेले सगळे गावकरी. कादंबरी अखेरीस आपल्याला विचार करायला भाग पाडते की नक्की चूक कोण आणि बरोबर कोण? परंपरेने वागणारा गौडा आज्जा की त्याचा व्यावहारिक नातू? ~~~ स्वप्निल काकडे ...Read more

ANUP
ANUP by ANU AGGARWAL Rating Star
यशवंत गायकवाड

अनू अग्रवाल - नव्वदच्या दशकात आषिकी,खलनायिका,क्लाऊड डोअर वगैरे चित्रपटात काम करून चांगल्यापैकी यश संपादन केलेली अभिनेत्री.तिचा राहूल राॅय बरोबरचा "आषिकी तर super-duper hit झाला.M टी.व्ही वरही तिने V.J. म्हणून काम केलेलं.तसंच Modelling क्षेत्रातही आतरराष्ट्रीय दर्जाची Model म्हणून तिनं चांगली प्रसिद्धी मिळवी.आषिकी व खलनायाका तील भुमिकेची तर अमिताभ सारख्या दिग्गज अभिनेत्यानेही तिची प्रशंसा केली होती.कित्येक बाॅलीवूड निर्मात्यांच्या offers तिला मिळाल्या होत्या. एकंदरीत अभिनय क्षेत्रातील तिचं चांगल्यापैकी आकार घेत असतांनाच ती या ग्लॅमरस दुनियेतून दुर गेली.दिल्ली विद्यापीठातून B.A.(Sociology) तर तिनं Gold Medal पटकावलं होतं.समाजशास्त्रात तिनं MBA केलं होतं.थोडक्यात "BEAUTY WITH BRILLIANCE" अशाच दर्जाची ती स्री होती.असं सर्वकाही आलबेल असतांनाही तिनं केवळ आत्मशोधासाठी या सर क्षेत्रातून शिखरावर असतांना संन्यास घेतला. उत्तराखंडात गंगा नदीकाठी वसलेल्या देवगिरीवन येथे स्वामीग्ली यांच्या मार्गदर्शनाखाली तिनं योगविद्या, प्राणायाम( Maditation), मौनसामर्थ्याचं खडतर प्रशिक्षण पूर्ण केलं व जीवनात विरक्ती व त्यागी व संन्यासी व्रुत्ती स्विकारली केवळ आत्मशोध व समाजातील वंचित बालकांचं सांभाळ करण्यासाठी.एवढंच नव्हे तर आर्थिक मोहातून पूर्णपणे बाहर पडण्यासाठी तिनं आपली सर्व संपत्ती विकून समाजकार्यासाठी दान केली व स्वतःहासाठी काहीही ठेवलं नाही. वरील सर्व प्रसंग तिने लिहीलेल्या "Anusual" (Not Unusual) या आत्मकथेत कथन केला आहे.प्रसिद्ध पत्रकार सुमा वर्गीस यांनी तिला अनू या नावावरुनच Anusual (Unpredictable)हे बिरूद प्रदान केलं होतं.तेच नाव तिने आपल्या आत्मकथनाला दिलं.1999 मध्ये तिला भिषण अपघात झाला होता ईतका की मुंबईत Breach Candy Hospital मध्ये सलग 29 दिवस कोमात होती.यिची बरीच हाडे Fracture झालेली होती.तिच्यावर उपचार करणार्या डाॅक्टरानी सुद्धा तिच्या जगण्याच्या आशा सोडून दिलेल्या होत्या पण योगसामर्थाने मिळवलेल दुर्दम्य इच्छाशक्तीच्या जोरावर ती यातून वाचली.या प्रसंगी सोसलेल्या यातना तिन या पुस्तकात सांगितल्या आहेत.वरील घटनेमुळे तिचा जीवनाकडे बघण्याचा दृष्टीकोन पूर्णपणे बदलला.तिने Simple life style with mininmum needs स्विकरली. सध्या ती मुंबईत झोपडपट्टीतील एड्सग्रस्त मुलांसाठी काम करते तसंच कच्छमधील ध्यानकेंद्राचं व्यवस्थापनही बघते. "Anusual" मध्ये तिने आपल्या बाॅलीवूड व माॅडेलींग मधील दुनीयेत आलेले बरेवाईट अनूभव तसेच तिच्या वैयक्तीक आलेले देशीविदेशी पुरूष,त्यांच्याशी असलेले संबंध,त्यातील काही जणांनी तिची केलेली फसवणूक व स्वार्थासाठी केलेला वापर त्यांच्याबद्दल कोणतंही किल्मिष न ठेवता तिने खुल्या दिलानं मान्य केलाय.याबद्दल ती कुणालाही दोष देत नाही हे विशेष.योगविद्या शिकत असतांना गुरू स्वामीग्ली यांच्याशी आलेला संबंधही तिनं प्रामाणीकपणे कथन केलायं.थोडक्यात सांगायचं म्हणजे या आत्मकथनात तिने सर्व घटना पारदर्शकतेने (Trancperency) कुठल्याही सामाजिक बंधनाची तमा न बाळगता लिहीलेल्या आहेत.त्यामूळेच ते वाचनीय आहे. सदर आत्मकथनचा मराठीतून स्वैर अनुवाद सुप्रीया वकील यांनी अप्रतीम केला आहे.अगदी चूकवू नये असं काही असंच हे आत्मकथन आहे. अनू अग्रवाल फाऊडेशनसाठी मदत करणयाची ईच्छा असलेल्यांनी खालील संकेतस्थळांवर संपर्क साधावा. यशवंत गायकवाड, पनवेल ...Read more