ANU AGGARWAL IS A FORMER INDIAN MODEL AND ACTRESS. SHE IS BEST KNOWN FOR HER WORKS IN AASHIQUI, THE CLOUD DOOR AND THIRUDA THIRUDA.

चित्रपट व मॉडिंलगच्या क्षेत्रात स्वतःची छाप उमटवणा ऱ्या अनू अगरवाल यांना बी.ए.ला सुवर्णपदक मिळाले. सामाजिक शास्त्रात त्यांनी एमबीए ही पदवी प्राप्त केली. मुंबईत वास्तव्यास असताना गोदरेज मार्व्हल साबणाच्या जाहिरातीत त्या मॉडल म्हणून झळकल्या आणि सुपर मॉडल म्हणून त्यांची प्रसिद्धी झाली. मॉडलिंगच्या क्षेत्रात त्या आंतरराष्ट्रीय स्तरावर पोचल्या. एम टीव्हीवरही त्यांनी काम केलं. १९९०मध्ये ‘आशिकी’ या चित्रपटात त्यांनी नायिकेची भूमिका केली आणि त्या स्टार बनल्या. ‘क्लाउड डोअर’ या चित्रपटात त्यांनी प्रमुख भूमिका साकारली. तीस आंतरराष्ट्रीय चित्रपट महोत्सवांमध्ये हा चित्रपट दाखवला गेला आणि समीक्षकांनीही या चित्रपटाचं कौतुक केलं; मात्र ग्लॅमरच्या शिखरावर असताना त्या मॉडलिंग व चित्रपट क्षेत्रापासून दूर गेल्या आणि योगाश्रमात राहू लागल्या. १९९९मध्ये त्यांना झालेल्या भीषण अपघातानंतर त्या कोमात गेल्या होत्या; पण त्यातून त्या बाहेर आल्या. सध्या अनू त्यांच्या फाउंडेशनच्या माध्यमातून स्व-उपचाराच्या मंत्राचा प्रसार करतात. तसेच पाच ते चौदा या वयोगटातील एचआयव्हीबाधित मुलींसाठी त्या काम करतात. मुंबईतील झोपडपट्ट्या हे त्यांच्या समाजकार्याचे क्षेत्र आहे. त्यांनी कॅन्सरवरही संशोधन केले आहे. जगभरातील वैज्ञानिक संशोधन परिषदांमध्ये त्या सहभागी झाल्या आहेत. ‘अनूप’नंतर त्या मुलांमधील सकारात्मक विकास या विषयावर दुसरे पुस्तक लिहीत आहेत. ‘अनू अगरवाल फाउंडेशन’साठी त्यांना ‘ASIA’S BLACK SWAN AWARD’ आणि ‘CSR AWARD’ने सन्मानित करण्यात आले आहे. तसेच भारत सरकारतर्फे त्यांना ‘योगा अ‍ॅवॉर्ड’ने गौरवण्यात आले आहे. याव्यतिरिक्त अन्यही पुरस्कार त्यांना लाभले आहेत.