* Front & back cover images are for illustration purposes only and the price of book is sold separately.
  • Original Book Title: BINDUSAROVAR
  • Availability : Available
  • ISBN : 9789353174613
  • Edition : 3
  • Weight : 500.00 gms
  • Pages : 188
  • Language : MARATHI
  • Category : FICTION
Quantity
Buying Options:
  • Ebooks:
  • Print Books:
THRILLING CHASE TO ACQUIRE THE MYSTERIOUS OBJECT ENDS AT BINDU LAKE TILL REACHING THERE PILGRIMS GET MANY MYSTERIOUS ENIGMATIC EXPERIENCES THEY HAVE TO CROSS THREE GATES ON THREE DIFFERENT PLANES CROSSING EACH GATE LEADS THEM INTO A DIFFERENT KIND OF LAND SPECTACULAR IN THEIR IMAGERY
‘बिंदूसरोवर’ ही राजेन्द्र खेर यांची अद्भुतरम्य उत्वंÂठावर्धक कादंबरी. बिंदूसरोवर हे काल्पनिक ठिकाण असलं, तरी त्याची लेखकाने वर्णिलेली रमणीयता आपल्याला वास्तवसदृश अनोख्या विश्वात घेऊन जाते. हिमालय हे योगी-तपस्वी यांचं तपसाधना करण्याचं ठिकाण. स्वामी शिवानंद आपल्या दोन शिष्यांसह एका गुहेत साधना करीत असतात. त्यांच्याकडे परग्रहावरील अतिमानवाने दडवलेली पंचधातूची पेटी असते; ज्यात एक वौQश्वक रहस्य जपलेलं असतं. चिनी सैनिक तिबेटमधल्या पुरातन मंदिरातून त्या पेटीची माहिती मिळवून शोध घेत शिवानंदांच्या गुहेपर्यंत पोहोचतात. योगी आपल्या विश्वनाथन् नामक शिष्याकडे पेटी सुपूर्द करून त्याला दूर रवाना करतात. प्रा. विश्वनाथन यांच्याकडून व्याख्यानात अनवधानाने या रहस्याचा उल्लेख होतो... आणि पेटी हस्तगत करण्यासाठी अज्ञात व्यक्ती प्राध्यापकांच्या घरी पोहोचतात. तत्पूर्वी ते आपला सुहृद विक्रमकडे पेटी सोपवून त्याला दक्षिणेकडे पाठवतात. रेल्वेत विक्रमला कोण कोण भेटतात... संकटं झेलत ते स्वप्नमयी रमणीय बिंदूसागरापर्यंत कसे पोहोचतात... तेथे त्यांना कोणत्या वौQश्वक रहस्याचा बोध होतो, हे जाणून घेण्यासाठी ही अत्यंत उत्वंÂठावर्धक कादंबरी अवश्य वाचायला हवी.
Video not available
No Records Found
No Records Found
Keywords
#बिंदूसरोवर #राजेन्द्रखेर #हिमालय #परग्रहावरीलअतिमानव #तिबेटमधीलपुरातनमंदिर #चिनीसैनिक #स्वामीयोगानंद #पंचधातूचीगूढपेटी #विश्वनाथनजगमोहन #विक्रम #महानंद #अपूर्वा #त्रिदंडीमहाराज #कीथ #शंकर #ऑस्कर #पिंड #इंद्रधनुष्य #देव #गंधर्व #मराठीपुस्तके #मराठीप्रकाशक #BINDUROVAR #RAJENDRAKHER #HIMALAYAS #TIBELATED ANCIENT TEMPLES #CHINESEMILITARY #VISHWANATHANJAGMOHAN #VIKRAM #MAHANANDA #APURVA #TRIDANDIMAHARAJ #KEITH #SHANKAR #OSCAR #PIND#INDRADHU#MARATHIBOOKS#ONLINEMARATHIBOOKS#TRANSLATEDMARATHIBOOKS#TBC#TRANSLATEDBOOKS@50%
Customer Reviews
  • Rating Starसुप्रिया हळबे - ठाणे वार्ता

    एक अप्रतिम कादंबरी. विविध विषयांनी नटलेली. मनाला आनंद देणारी पण नकळत चिंतन, आत्मशोध घ्यायला लावणारी अनोखी अशी ही कादंबरी... "बिंदुसरोवर." राजेन्द्र खेर लिखित बिंदुसरोवर ही कादंबरी म्हणजे एक उत्तम रहस्यमय प्रवास. लेखकाबरोबर वाचक नकळत कल्पने्या प्रवासाला सुरूवात करतो आणि कादंबरीतील साऱ्या घटनांमधील एक विशेष पात्र होऊन त्या रहस्यमय, अद्भुत, अध्यात्मिक प्रवासाची अनुभूती घेत जातो.. तिबेटमध्ये घुसखोरी करून चीनचे सैनिक अनेक मंदिरांचा विध्वंस करतात. त्याचवेळी त्यांना माहिती मिळते की, भारतात एका गूढ ठिकाणी अशी एक वस्तू आहे की तिच्या साहाय्याने संपूर्ण विश्वाची रहस्ये उलगडत जातील आणि माणूस संपूर्ण विश्वावर ताबा मिळवू शकेल.. योगी शिवानंद यांचे दोन शिष्य..विश्वनाथ आणि मोहनीश. जे हिमालयात आपल्या गुरुसमवेत योगाभ्यासाची ज्ञानोपासना करीत असतात. नेमके त्याचवेळी चिनी आक्रमक तो संपूर्ण परिसर व्यापून टाकतात. पन्नास वर्षे एका विलक्षण धातूच्या पेटीचा सांभाळ केल्यानंतर ती पेटी आणि एक भूर्जपत्र योगी शिवानंद, विश्वनाथ यांच्याकडे सुपूर्त करतात. त्या पेटीत नेमकं काय असतं...? प्रा.विश्वनाथ यांच्यावर विश्वास ठेवून सुपूर्त केलेल्या धातूच्या पेटीचं पुढे काय होतं...? याचा संपूर्ण अध्यात्मिक, रोमांचक प्रवास म्हणजे बिंदुसरोवर ही कादंबरी.. विज्ञानाच्या अभ्यासाबरोबरच अध्यात्माची, योगिक क्षेत्राची आवड असलेले, अनुभूती घेतलेले प्रा.विश्वनाथ त्यांच्यावर विश्वास ठेवून किंवा त्यांच्याबद्दल खात्री बाळगून त्यांचे गुरु त्यांच्यावर ती पेटी जीवापाड जपण्याची जबाबदारी देतात. पण त्यानंतर जेव्हा त्यांच्यावर संकट येते तेव्हा प्रा.विश्वनाथ काय करतात...ती धातूची पेटी पुढे कुणाकडे सुपूर्त करतात...प्रत्येक टप्प्यावर पेटीचा सांभाळ करायला मदत करणारे महानंद नेमके असतात तरी कोण...? ह्या सर्व गोष्टींची उत्कंठा प्रत्येक पानासरशी वाढत जाते. शेवटच्या टप्प्यात तर उत्कंठा शिगेला पोहोचते, विचारांचे वादळ मनात घोंगावू लागते आणि त्याचमुळे वेळेचे भान न राहता वाचक हातात घेतलेली कादंबरी संपूर्ण वाचल्याशिवाय खाली ठेवत नाही.. कादंबरी वाचून झाल्यानंतर देखील त्यातील अध्यात्मिक विचारांनी घेतलेली मनाची पकड चटकन सैल होत नाही. बराच काळ वाचकाच्या मनावर त्याचे गारूड तसेच राहते. ही कादंबरी निव्वळ कल्पनेत रमवणारी नसून, वाचकाला विचार करायला प्रवृत्त करणारी आहे. सध्याच्या काळात प्रत्येकजण भौतिक सुखाच्या मागे धावत असतो. अनेक उत्तम, मनाला पटणाऱ्या गोष्टी मागे सारत निव्वळ ध्येयपूर्तीसाठी योग्य अयोग्यतेच्या पलीकडे जाऊन काम करत असतो. पण बिंदुसरोवर ही कादंबरी वाचल्यानंतर वाचक नक्कीच चिंतनशील अवस्थेत जाण्यासाठी प्रवृत्त होतो.. बिंदुसरोवर वाचताना, कुठेही ते रटाळ, कंटाळवाणे होत नाही. लेखक राजेन्द्र खेर यांच्या ओघवत्या लेखनशैलीचा प्रभाव नक्कीच वाचकाच्या मनाचा वेध घेते. प्रत्येक घटनेत आपण प्रत्यक्ष तिथे आहोत याची अनुभूती घेत एक अद्भुत, अविस्मरणीय आनंददायी प्रवास करत वाचक " बिंदुसरोवरात" नाहून जातो.. ह्या रहस्यमय, अद्भुत, अविस्मरणीय आणि अध्यात्मिक प्रवासाचा आनंद घेण्यासाठी राजेन्द्र खेर लिखित बिंदुसरोवर ही कादंबरी जरूर वाचावी. ...Read more

  • Rating StarVaishali Joshi Nagarkar

    नुकतेच बिंदू सरोवर हे पुस्तक वाचले, रम्य, रहस्यमय कथानक. एक वेगळे पुस्तक म्हणून नक्कीच वाचनीय.

  • Rating StarYogesh Ugale

    बिंदुसरोवर. केवळ अद्भुत कादंबरी. या कादंबरीत केवळ कल्पनाविलास नाही तर कल्पनांना वैचारिक अधिष्ठान आहे. यातील लेखन केवळ मनोरंजन करणारे नसून मनात विचारांचे अंजन घालणारे असे आहे. अतिशय प्रवाही लेखनशैली, खिळवून ठेवणारी प्रसंगमांडणी आणि वारंवार अचंबित करणरे धक्के देऊन उत्कंठा वाढवणारी ही कादंबरी वेळोवेळी अंतर्मुख व्हायला भागही पाडते. प्रचलित fiction या प्रकारातील कादंबऱ्यांपेक्षा या कादंबरीचा गाभा वेगळा आहे. अनेक प्रसंगांमधून सामाजिक उन्नती - अवनतीचे चिंतन समोर येते. अद्भुतरम्य कल्पनाविश्वात विहरणाऱ्या वाचकाला हे लेखन अगदी अलगदपणे विचारांच्या लाटेवर बसवून आत्मजाणीवेपर्यंत घेऊन जाते. हा प्रवास अतिशय आनंददायी आहे. नववीत असताना मी ही कादंबरी पहिल्यांदा वाचल्याचे आठवते. या कादंबरीकडे मी आकर्षित झालो ते तिच्या मनोवेधक मुखपृष्ठामुळे. आजही ते आकर्षण कायम आहे. आज तिसऱ्यांदा ही कादंबरी वाचताना कोणताही प्रसंग कंटाळवाणा वाटत नसून पहिल्याइतक्याच आतुरतेने वाचला जातो, यात कोणतेही नवल वाटण्याचे कारण नाही. कारण यातील लेखनात नित्य नाविन्यता जाणवते. त्याच त्या प्रसंगांतून चिंतन आणि अध्ययनाचे नवनवीन बिंदू दरवेळी गवसत जातात. जाणिवसमृध्द आत्मिक बिंदुसरोवराकडे चिंतनशील मनाची यात्रा सुरु राहते.. २०२५ सालची परिस्थिती कल्पनेतून साकार करुन कादंबरीची सुरुवात होते. विज्ञानाच्या सहाय्याने केलेली प्रचंड प्रगती, केवळ भौतिक उपभोगांत रममाण झालेली भारतासहित सगळ्या जगातील मानवजात, अशा पार्श्वभूमीवर एकेक प्रसंग पुढे सरकू लागतो. विज्ञानाच्या अध्ययनाबरोबरच आध्यात्मिक सत्याची अनुभूती घेतलेले प्रा. विश्वनाथन सर. आपल्या साधनाकाळात त्यांच्या गुरुजींनी त्यांच्याकडे एक पेटी रक्षणासाठी सोपविली, जिच्यात असे रहस्य दडले आहे की ज्यायोगे संपूर्ण विश्वावर नियंत्रण मिळवता येईल. जगातील अनेक शक्ती ती पेटी प्राप्त करण्यासाठी आपली शक्ती पणाला लावतात. विक्रम भार्गव नावाच्या आपल्या एका विद्यार्थ्याला प्रा. विश्वनाथन ती पेटी बिंदुसरोवरात न्यायला सांगतात. येथून सुरु होतो बिंदुसरोवराचा रोमांचक प्रवास.. प्रत्येक पान उलटताना उत्कंठा वाढतच जाते. मनोमन त्या चित्तथरारक प्रवासाचा आनंद घेताना मनाच्या एका कोपर्‍यात त्या पेटीत दडलेल्या रहस्याविषयी गूढ तसेच राहते. शेवटी शेवटी ही उत्कंठा परमोच्च अवस्थेला पोहचते. या कादंबरीत विविध प्रसंगांद्वारे आणि पात्रांच्या आपापसांतील संवादाद्वारे जीवन, विज्ञान आणि धर्मविषयक जे चिंतन मांडले आहे, त्याचा प्रभाव अंतरंगी दरवळत राहतो. विकासाच्या दिशेने झपाट्याने वाटचाल करणारा भारत बघता बघता आपण खेड्यांतील, गिरीकंदरातील दारिद्र्यात जीवन कंठणाऱ्या भारतापर्यंत येऊन पोहचतो. परंतु याच अविकसित लोकांनी जपलेल्या संस्कृतीचे दर्शनही घडते. स्वतःला नास्तिक म्हणवणाऱ्यांची कट्टरता आणि भौतिक उत्थानात गुरफटलेल्या बुवा - महाराजांची भोंदुगिरीही डोकावते. कादंबरी शेवटाकडे धावत राहते. पण मनात चिंतनाची बीजपेरणी करुन.. महानंद नावाचा कादंबरीतील व्यक्तिरेखांचा वाटाड्या नकळतपणे आत्मजाणीवेच्या दिशेने प्रवास करणाऱ्या वाचकाचाही वाटाड्या होऊन जातो. संवादातून अनेक प्रश्नांची उत्तरे मिळत जातात. काही उत्तरे नवीन प्रश्नांना जन्म देतात. असे प्रश्न चिंतनाची पायवाट उजळवून जातात. बिंदुसरोवरापर्यंतचा प्रवास अतिशय आकर्षक आहे. या लेखनातून होणारे बिंदुसरोवराचे दर्शन तर केवळ विलक्षण आहे. तेथील वेगवेगळ्या विश्वांचे वर्णन, त्या प्रत्येकातील अंतर्बाह्य वेगळेपण, वेगवेगळ्या मितींचे जीवन सारंकाही अचंबित करणारं आहे. हे वर्णन वाचताना माझ्या डॉ. कार्ल सगन यांच्यासारख्या थोर शास्त्रज्ञाने लिहिलेल्या `कॉसमॉस` या विज्ञानग्रंथाची आठवण डोकावत राहिली.. त्या पेटीत दडलेल्या रहस्याविषयीचे कुतूहल शेवटपर्यंत टिकून राहते. काय आहे त्यातील गुपित ज्याद्वारे माणूस संपूर्ण विश्वावर ताबा मिळवू शकतो..? या रहस्याला जाणून घेण्यासाठी, बिंदुसरोवराचे अद्भुत दर्शन घडण्यासाठी आणि तो रोमहर्षक प्रवास अनुभवण्यासाठी प्रत्येकाने ही कादंबरी वाचायला हवी. चिंतनशील मनाला सत्प्रवृत्त करणारी, सत्प्रवृत्तांना आत्मभान देणारी अशी ही अभिनव कादंबरी. यातील सहजसुंदर आणि तरीही आपल्या वेगळेपणाची जाणीव करुन देणारी लेखनशैली राजेन्द्र खेरांच्या लेखनप्रेमात पडायला पुरेशी होती. काही पुस्तकं जीवनाला विचारसमृध्द करतात, कारण त्यांतील लेखनामागे व्रतस्थ लेखकाची तपश्चर्या असते, एवढे मात्र निश्चित.. ...Read more

Write Your Own Review
  • Default typing language is Marathi. To type in English press Ctrl+G key combination
Submit Review

Related Books

People Who Bought This Item Also Bought

Latest Reviews

Pawan Chandak

`हरवलेल्या मंदिराचे रहस्य` वाचकांच्या नजरेतून उलगडणारी कादंबरी सुधा मूर्ती लिखित व लीना सोहोनी अनुवादित रहस्यमय पण तितकीच मनाला भावणारी, अत्यंत सोप्या शब्दात मांडलेली इतकेच नाही तर लहान मुलांना जरी वाचून दाखवली तर एका बैठकीत समजणारी अशी अप्रतिम कदंबरी आज एका बैठकीत वाचून झाली. ही कादंबरी वाचतांना माझे लहान होऊन लहानपणी च्या दिवसांत जाऊन सुधा आज्जी मला ही गोष्ट सांगत आहे आणि मी देखील आज वयाच्या चाळिसाव्या वर्षी तितक्याच आवडीने ऐकतोय असं वाटत होतं. एका आटपाट नगरात सोमनायक नावाचा दानशूर राजा एका शिल्पकाराच्या मदतीने पायऱ्यांची विहीर, सात शिवमंदिर, शिल्प, खांब असे सुंदर मंदिर व अमृतमय पाण्याचा झरा असलेली विहीर तयार करतो. व स्वतः पाहरेकरी ठेऊन ती विहीर प्रदूषित होण्यापासून रक्षण करतो. पण तो तीर्थयात्रेला गेल्यावर त्याचा पुत्र हा नियम मोडून मित्रांसोबत जलविहार करून लावलेले सर्व नियम मोडून हे पाणी प्रदूषित करतो ज्यामुळे प्रजेला दूषित पाण्यामुळे आजार व पुढे परक्रीय आक्रमण आदींमुळे हे विहिर पूर्ण बुजवण्यात येते. ही झाली सोमहळी गावविषयी दंतकथा. तर मित्रानो अनुष्का तिच्या आजोळी सुटयात जाते तिथे तिची मैत्री अमित, मेधा, आनंद आणि महादेव यांच्याशी होते. आणि ते गावातील ग्रामीण जीवन, पर्यटन, शेती, गावातील नदी, टेकडी, बगीचा, जंगल, गाय गोठा, वन्यजीव, पक्षी आदी निसर्गमय वातावरणात रमतात. या सर्व गावातील जीवनाचा आनंद घेत असताना एकदा त्यांची आज्जी आजोबा वर लिहिलेली हरवलेल्या मंदिर व विहीर ची गोष्ट त्यांना सांगते. एकदा वळवाचा पावसानंतर नदी काठचे सौंदर्य पाहण्यासाठी अनुष्का आणि तिचे 4 मित्र भटकंती साठी निघतात तेंव्हा अनुष्का चा पाय चिखलात खोलवर रुतल्यावर त्यांना रहस्यमय खड्डा आहे की विहीर आहे की गुफा याचा शोध लागतो. पुढे पडणारे प्रश्न आज्जी आजोबांना ही गोष्ट सांगायची का की आपण एकट्याने खोद काम करायचे ? गावातील लोकांना कळल्यावर ते काय म्हणतील की मदत करतील ? पुरातत्व विभागाची यावर काय भूमिका राहील ? शासकीय वेळकाढू वृत्तीमुळे खोदकाम होईल का ? त्या खड्यात खरच आज्जीने सांगितल्या दंत कथे नुसार नक्कीच विहीर , सात शिवमंदिर, पाण्याचा अमृतमय झरा असेल का ? तर वाचक मित्रांनो एकदा नक्कीच वाचून पहा आणि आपल्या मुलांना देखील वाचून दाखवा त्यांना देखील आवडेल डॉ पवन चांडक एक वाचक ...Read more

LEFT TO TELL
LEFT TO TELL by IMMACULEE ILIBAGIZA, STEVE ERVIN Rating Star
Sandip Darwade

आफ्रिकेतील रवांडा या देशात 1994 साली `हुतु` आणि `तुतसी` या जमातींमध्ये भीषण हत्याकांड घडून आले. जवळपास दहा लाखाहून अधिक माणसांचा बळी घेतलेल्या या दंगलीने देशात अराजकाचे सत्र निर्माण झाले. या भयावह कत्तलीच्या काळ्या सावलीत एक लहानशी मुलगी जीव मुठी धरून तो हिंसाचार डोळ्यात साठवत होती. या नरसंहारात आपलं कुटुंब गमावूनही त्याबद्दल संयतपणे बोलणाऱ्या ईमाकुल्ली इलिबागिझाची ही कहाणी. माणसांमधील असीम कुरूपता आणि कौर्य पाहूनही त्यांच्यामधील ईश्वराचे अस्तित्व शोधणारी आणि माणसांच्या जगातील प्रेम, दया, शांती या जाणिवांना आवाहन करणारी ही ईमाकुल्ली पुस्तकाच्या प्रत्येक पानागणिक वाचकाला अधिकाअधिक अंतर्मुख बनवत जाणारी आहे... ...Read more