`छाटितो गप्पा` हे पुस्तक वाचून असं वाटतं की लिखाण जर नसानसात भिनले असेल तरच ते इतके सुंदर होऊ शकते. आपण सगळेच कितीतरी गप्पा छाटत असतो, पण शब्दांच्या साथीनं वाचकांचं इतकं मनोरंजन करण्यासाठी लिहायला हाडाची आवड असावी लागते. तीच आवड यातून दिसतेय. यापुस्तकाचा प्रकाशन सोहळा मी प्रत्यक्ष अनुभवला आहे. काय, किती, कसं व्यक्त व्हावं ते कळत नव्हतं. अगदी हसून पुरेवाट झाली. आणि एकेक किस्सा असा जणू पुलं किंवा वपू अमरावतीत प्रकट झाले असं वाटत होतं. आमचा एक प्रकारे कपालभाती प्राणायामच झाला होता तेव्हा. खूप फ्रेश वाटलं. निखळ आनंद देणारा हा कथासंग्रह आहे. ...Read more

`छाटितो गप्पा` हे पुस्तक मी एका बैठकीत वाचून काढले, अप्रतिम लेखन आहे. प्रत्येक प्रसंगाचे वर्णन वाचून प्रसंग डोळ्यासमोर उभा राहतो. एक तर अमरावती , नागपूर आणि इतर विदर्भातील गावे परिचित आहेत, त्यात मणीबाई गुजराती हायस्कूल ही अत्यंत आवडती शाळा तसेच `महाुद्र` हे पुस्तक वाचले असल्याने अनेक प्रसंग ओळखीचे वाटत होते. अनगळ मॅडम, झा काका, निरागस स्पर्धा, या गोष्टी मनाला भिडल्या. `सारी दुनिया का बोझ हम उठाते है ` पण मस्त. खूप सुंदर पुस्तक आहे. ...Read more

पुस्तक हाती घेतले अन् एका बैठकितच संपविले. पुस्तकात उल्लेखीत लहानमोठे किंबहुना कमी अधिक स्वरुपाचे प्रसंग अनेकांचे जीवन व्यापुन जातात पण म्हणून काही त्या सर्वांच्या कथा बनत नाहीत. मनमोहक शब्दांच्या मोहजालात वाचकांना अडकवून ठेवण्याची लेखकाची लेखनशली अफलातून आहे हे निश्चित. इ.स.ची सनावळी आणि जादू‌ई शब्दांची नियोजकता वाचकाला खिळवून ठेवते यातच कथेचे आणि लेखकाचे खरे यश दडलेले आहे ...Read more

लेखक माझा बाल मित्र आहे. त्याने `कुलामामाच्या देशात`, `अमरावतीचे छप्पन स्वभाव`, `छाटीतो गप्पा` अशी बरीच पुस्तकं लिहिली. ती वाचताना इतकं रमते मी, की भानच रहात नाही. मग क्लिनिक ला असताना वेळात वेळ काढून वाचते, अन् एकटीच हसते. पुस्तकातील किस्से लईच ारी असतात, मजेशीर असतात,रुग्णांना पण म्हणते वाचा,ते पण जाम खुश होतात. लेखक बालपणी पासून खूप खट्याळ होता. मोठा झाला. मोठ्ठा अधिकारी झाला. तरी आमच्यासाठी कायम मित्रच राहिला. मी नेहमी दोन पुस्तक घेते... एक माझ्या विहीणबाईंसाठी,एक माझ्या साठी... माझं सर्वात आवडतं पुस्तक ठरलं आहे `छाटितो गप्पा` आणि त्यातील सर्वात सुंदर कथा `कारुण्यमयी जिबला`. माझ्या मते प्रत्येकाने वाचन करावं आनंदी राहावं. झक्कास. अप्रतीम. आमची कौतुकाची थाप सदैव आमच्या लेखक बालमित्राच्या पाठीवर, कारण `छाटितो गप्पा`त आलेल्या पात्रात आम्हीही कुठेतरी सामील आहोत. ...Read more