* Front & back cover images are for illustration purposes only and the price of book is sold separately.
  • Original Book Title: NEELKANTH
  • Availability : Available
  • ISBN : 9788184983302
  • Edition : 2
  • Weight : 0.00 gms
  • Pages : 228
  • Language : MARATHI
  • Category : SHORT STORIES
Quantity
STORIES REVEALING THE INTERWOVEN FEELINGS OF MEN, WOMEN AND DESTINY, ALL ALIKE, YET EACH ONE UNIQUE IN HIS OR HER OWN WAY. SPLENDID COLOURS OF THE COMPLICATED RELATIONS BETWEEN HIS AND HER. WE MEET SO MANY PEOPLE WHILE WE ARE TRUDGING ALONG THE PATH OF LIFE. MOST OF THE TIMES, IT IS DIFFICULT TO PENETRATE DEEP INTO THEIR MINDS, BENEATH THEIR PLAIN OR EXPRESSIVE FACES. THE RELATIONS BETWEEN HUMAN BEINGS ARE VARIED AND KNOTTY, AT MOMENTS, THORNY TOO. EACH ONE REFLECTS A DIFFERENT STYLE OF LIVING AND BEHAVING. THE SHOW OF FEELINGS AND THE REACTIONS IN ANSWER DISCLOSE LOTS OF RIPPLE ON MINDS. THIS BOOK AND THE WONDERFUL STORIES PRESENTS ALL THESE INTRICACIES OF LIFE FOR OUR PERUSAL. THE BASE OF IT IS THE RELATION BETWEEN A MAN AND A WOMAN, SUPERB YET THE MOST TRICKY, DEMANDING, CHALLENGING, AND YET AWKWARD AT TIMES. ‘LOVE’, JUST A WORD, BUT THE FEELINGS THAT IS REFLECTS HAVE END NUMBER OF SHADES. ‘LIFE’, ALL STUCK IN THE TRICKY AND COMPLEX MAZE OF DESTINY AND A HUMAN LIFE DEEP DOWN IN IT TOO. THE AUTHOR HAS IMMENSE SKILLS, SHE HAS AN OBSERVANT EYE, SHE HAS COLLECTED THESE VARIOUS SHADES, ASSORTED THEM AND THEN PRESENTED THEM ALL IN HER SKILLFUL HAND. SHE HAS SUCCEEDED IN COMBINING THE WORDS AND THE FEELINGS. EACH OF HER STORY INCREASES OUR INTEREST TO SUCH AN EXTENT THAT IT BECOMES IMPOSSIBLE TO KEEP THE BOOK DOWN TILL THE END. THESE STORIES WILL GIVE YOU A SERENITY, THESE WILL MAKE YOU WONDER ABOUT THE HUMAN NATURE AS WELL.
जीवनप्रवासाच्या नानाविध वाटांवर कित्येक माणसं भेटतात. निव्वळ चेह-यावरून तळातला खळाळ हाती लागणं तसं कठीणच! व्यक्ती-व्यक्तींमधले परस्परसंबंध, त्यांच्या वागण्याच्या विलक्षण त-हा, भावनांचे कंगोरे आणि कळत-नकळत उफाळणारे तरंग या सा-याचा मनोज्ञ वेध नीलकंठ कथासंग्रहातून प्रतीत होत राहतो. कायमचं अगम्य असं स्त्री-पुरुष नातं! प्रेम हा एकच शब्द, पण त्याच्याही अनंत छटा! नियतीच्या भोव-यात गटांगळ्या खाणारं आयुष्य आणि त्यात अडकलेलं अवघं मनुष्यजीवन! अशी सगळी घट्ट वीण अलवार उसवून दाखवण्याची लेखिकेची देखणी धडपड चैती, बळीचं तळं, वादळ, मेड फॉर इच अदर यांसारख्या कथांमधून जाणवत राहते. उत्कंठा जागवणा-या, आतला तळ ढवळून टाकणा-या, भ्रम आणि वास्तव यांच्या सीमारेषेवर रेंगाळायला लावणा-या या कथा म्हणजे एक तरल अनुभूती!
Video not available
Keywords
Customer Reviews
  • Rating StarLOKPRABHA 25-01-2019

    स्री-पुरुष आणि नियती यांचे रंग दाखवणाऱ्या कथा... ‘नीलकंठ’ या पुस्तकामध्ये स्नेहल जोशी यांनी तब्बल १७ कथा लिहिल्या आहेत. ‘नीलकंठ’, ‘चैती’, ‘एक सशा’, ‘फ्रॉड’, ‘अ‍ॅना कॅरनिना’, ‘किस्मत’, ‘भूक’, ‘बहिणी’, ‘रान्देव्ह्यू’, ‘वादळ’, ‘जाऐ तो जाए कहाँ’, ‘मेड फर इच अदर’, ‘रखवाली’, ‘बळीचं तळ’, ‘एक बुचाचे झाड’, ‘शंखशिंपल्यांची बाहुली’, ‘इंद्रधनूच्या बेटावरील डोडो’ इत्यादी. ‘स्त्री-पुरुष नात्यातले काही न सांगितले गेलेले, न बोलले गेलेले पैलू उलगडून दाखवण्याचा प्रयत्न स्नेहल जोशी यांनी केला आहे. त्यांच्या सर्वच कथांच्या नायिका या कुठल्या अर्थी नियतीला शरण गेलेल्या आहेत. ‘नीलकंठ’, ‘चैती’, ‘जाऐ तो जाऐ कहाँ’, रान्देव्ह्यू’ या कथांमध्ये नात्यांतला एक वेगळा अनुबंध दाखवण्याचा प्रयत्न आहे. तर ‘एक सशा’, ‘फ्रॉड’, ‘अ‍ॅना कॅरनिना’, ‘किस्मत’, ‘भूक’, ‘बहिणी’, ‘वादळ’, ‘मेड फॉर इच अदर’, ‘रखवाली’, ‘बळीचं तळं’, एक बुचाचे झाड’, ‘शंखशिंपल्यांची बाहुली’, ‘इंद्रधनूच्या बेटावरील डोडो’ या साऱ्या कथांमध्ये मनुष्यवासनेची वेगवेगळी रूपे आपल्याला हैराण करतात. ...Read more

  • Rating Starभालचंद्र लेले

    उत्तम कथासंग्रह … आपला ‘नीलकंठ’ कथासंग्रह वाचनांत आला. या सर्वच कथा, आतापर्यंत न स्पर्श झालेल्या विषयांच्या आहेत. मांडणी अतिशय वाचनीय आहे. सर्व कथा काल्पनिक आहेत असे वाटतच नाही. प्रत्येक कथेचा विषयविस्तार सहजतेने उतरला आहे. त्यातील फ्रॉड, अ‍ॅना कॅरनना, भूक, बहिणी, रान्देव्हु, मेड फॉर..., रखवाली (या जमान्यातील पुरुष व्यथा), बळीचं तळे या कथा विशेष आवडल्या. आतापर्यंत अनेक कथा वाचनांत आल्या. पण श्री. शं.ना. नवरे यांच्या कथांना जसा अकल्पनीय विस्तार असतो त्याचप्रमाणे मानवी मनाची स्पंदने केव्हा कशी वळणे घेतील हे सांगता येत नाही व कळतही नाही. प्रत्येक कथा वाचनीय तर आहेच अशा कथा या अगोदर वाचनांत कधीही आलेल्या नाहीत. मुळात कथालेखन करणारेच कमी झाले आहेत आणि कथांची निवड करणे, मगच त्याचे वाचनमूल्य ओळखून कथासंग्रह काढणारे प्रकाशकही दुर्मिळ झाले आहेत. खूप वर्षांनी उत्तम कथासंग्रह वाचावयास मिळाला. मन:पूर्वक धन्यवाद. ...Read more

Write Your Own Review
  • Default typing language is Marathi. To type in English press Ctrl+G key combination
Submit Review

Related Books

People Who Bought This Item Also Bought

Latest Reviews

CHAUGHIJANI
CHAUGHIJANI by LOUISA ALCOTT Rating Star
Harsh Joshi

#आवडलेली_पुस्तके_भावलेले_संवाद_!_२ - चौघीजणी. #भावलेला_संवाद_! "लीनपणे जो जगे तयाला, पतनाचे भय कधीच नाही; कुणी न ज्याचे,देव तयाचा, सदैव सहचर होऊन राही !! मूठपसा जे मिळेल येथे, तृप्त त्यात मी सदा असावे; तुझ्या कृपेच्या सावलीत रे, सार सुाचे मला दिसावे !! चिरंतनाचा यात्रिक मी तर, हवे कशाला पार्थिव ओझे; स्वर्गामधले असीम वैभव, उद्या व्हायचे आहे माझे !!" - लुईसा मे अल्कॉट. (अनुवाद:- शांता शेळके). ("चौघीजणी" या पुस्तकातून). --------------------------------- #पुस्तकाचे_माझ्या_दृष्टिकोनातून_परीक्षण_! वरील कविता आहे शांताबाई शेळके यांनी अनुवादित केलेल्या "चौघीजणी" या पुस्तकातील ! मूळ इंग्रजी लेखिका लुईसा मे अल्कॉट लिखित "लिटिल वुमेन्" आणि "गूड वाईव्ह्स" या दोन पुस्तकांचा "चौघीजणी" या नावाने एकत्रित अनुवाद केला आहे. ही कथा आहे चार बहिणींची आणि त्यांच्या कुटुंबाची.त्यांचे वडील युद्धावर गेले आहेत,त्यांची आई आणि त्या साऱ्या कष्ट करून उपजीविका चालवीत आहेत आणि त्यांच्या आयुष्यातील चढउतार,राग,द्वेष,आनंद,समाधान,वैशिष्ट्यपूर्ण घटना ह्या साऱ्यांचे लक्षवेधी चित्रण या कादंबरीत लेखिकेने केले आहे.ही कथा लुईसा अल्कॉट हिच्याच कुटुंबाची कहाणी आहे ! असे असतानाही तटस्थपणे केलेले चित्रण फार वाखाणण्याजोगे आहे ! मेग, ज्यो,बेथ आणि ॲमी ह्या चार बहिणी,त्यांची आई,त्यांचा लॉरी नावाचा मित्र,त्याचे आजोबा आणि पुढे उत्तरार्धात त्यांची विस्तारणारी कुटुंबे आणि क्षितिजे यांचे प्रत्ययकारी वर्णन लेखिका करते ह्या प्रत्येकीच्या स्वभावांत वैविध्य आहे.पण,प्रत्येकीला बांधून ठेवणारा एक प्रेमाचा अदृश्य धागा आहे,जो कोणालाही एकमेकांपासून तुटू देत नाही,आपल्याला समृद्ध करतो ! तिसरी बहीण बेथ हीचा अपमृत्यू,त्यातून ज्योला आलेले एकाकीपण आणि त्यातून तिचे सावरणे,शिवाय लॉरीचा प्रेमभंग,ॲमीला होणारी आपल्या मर्यादांची जाणीव या घटनांनी पुस्तकाला वेगळेच लावण्य प्राप्त करून दिले आहे. शांताबाईंनी केलेला अनुवाद, हा मूळ पुस्तकापेक्षाही रमणीय उतरला आहे.कित्येक ठिकाणी तर तो अनुवाद न वाटता स्वतंत्र लेखन वाटावे,इतका सुभग झाला आहे ! अतिशय कौटुंबिक पातळीवरची, ज्यांत फार काही भडकपणा नाही ,भव्यता नाही,जी कोणत्याही विचारसरणीचे मंडन वा खंडण करीत नाहीत, कोणाही नेत्याचे उदात्तीकरण अथवा अधोदर्शन करीत नाहीत अशी पुस्तके समाजास खरेच आवश्यक असतात का,याचा विचार अंती क्रमप्राप्त ठरतो.निदान,प्रत्येक गोष्ट आणि माणूस "विचारसरणीच्या" कसोटीवर तोलून पाहणाऱ्या समाजात तर हा विचार फारच आवश्यक ठरतो.आजूबाजूचे दाहक,भेदक आणि स्पर्धात्मक वास्तव पाहिले,की अशा पुस्तकांच्या असण्याची आवश्यकता ठसते.ह्याही कादंबरीत,प्रेम,वात्सल्य,राग,हिंसा,कटुता,विद्वत्ता,नष्टचर्य आदी साऱ्या भावना आहेत, पण ह्या भावना कोठेही भडक अथवा तामस प्रकाराने दर्शविलेल्या नाहीत तर या सर्वच भावनांना स्थैर्याची किनार आणि स्थिरबुद्धित्वाची गरिमा आहे. हल्ली,आपल्या भावना प्रचंड उथळ झाल्या आहेत,समाजातील झुंडशाही टोकाची वाढली आहे.हे वास्तव कोणाही सूज्ञ माणसास अस्वस्थ करेल असेच आहे,ह्यात जराही शंका नाही.अशा वेळेस ही पुस्तके जग इतके उदात्त,सात्विक,गरिमामय आणि द्वेषशून्य असू शकते,हे ठसविण्यासाठी निःसंशय आवश्यक असतात ! "दैवदत्त प्रतिभा आणि केवळ चलाख बुद्धी यांत जमीनअस्मानाचे अंतर आहे, पण अनेकांना याची जाणीव असत नाही.विशेषतः महत्त्वाकांक्षी तरुण पुरुषांना आणि स्त्रियांना हा फरक कळण्यास फार वेळ लागतो." आणि "प्रेम लादता येत नाही" हे दोन विचार,आपल्या मनावर पुस्तक खाली ठेवताना ठसतात.आपल्यालाही हे पुस्तक समृद्ध करो,अशी आशा ! ...Read more

DIGITAL FORTRESS
DIGITAL FORTRESS by DAN BROWN Rating Star
Pranav Survase

NSA या संस्थेने महासंगणकाच्या सहाय्याने कोणत्याही गुप्त मजकूराचा भेद करून उलगडा करणारी यंत्रणा निर्माण केली. एका गूढ मजकूराचा भेद मात्र त्यांना करता येईना. पाच मिनिटांत संपणारे त्याचे काम दिवस उलटून गेला तरी संपेना. ह्या संस्थेत सुसान नावाची एक सुंदरगणिततज्ञ स्त्री होती. तिला त्यावेळी जे सत्य सापडले ते हादरवणारे होते; सत्तेच्या महामार्गावर भूकंप घडवणारे होते. NSA संस्थेला ओलीस धरले होते. बॉम्बने नव्हे, शस्त्रांनी नव्हे तर एका अगम्य अशा सॉफ्टवेअरच्या कार्यक्रमाने ओलीस धरलेले होते. सुसान संस्था वाचवण्यासाठी शर्थीने प्रयत्न करत होती. सारे अमेरिका जवळजवळ पांगळे होण्याची वेळ आली होती. शेवटी तिलाच आपला जीव वाचवण्यासाठी पळापळ करावी लागली, तिची सर्व बाजूंनी फसवणूक झाली होती. तिला आपल्या प्रियकराची काळजी वाटू लागल्याने ती बेभान झाली होती. शेवटची लढाई कमालीची रोमहर्षक ठरली. डॅन ब्राऊन यांची ही पहिली निर्मिती नक्की वाचा 👍👍 ...Read more