* Front & back cover images are for illustration purposes only and the price of book is sold separately.
  • Original Book Title: CALL CENTRE AN INSIDE STORY
  • Availability : Available
  • ISBN : 9788184981131
  • Edition : 1
  • Weight : 0.00 gms
  • Pages : 304
  • Language : ENGLISH
  • Category : FICTION
  • Discount : Individual(Login to get best discount offers.)
Quantity
The book describes the story of a small town youth being unsuccessful in Law profession, tries his destiny in a call center. Having faced some obstacles, he got the job. Initially, he is shocked by the Call Center culture. Gradually he understands the hardships, hectic schedule and effect of the fatigue of the nightshift on its employees though it offers attractive salary and incentives. The book also deals the causes that make youth addictive of bad habits to get temporary relief of their frustrations. Finally it contains the truth "What happens behind the big buildings of glasses" To know more about it, read the heart shaking story.
उत्तर प्रदेशातील एका छोट्याशा गावातून पुण्यासारख्या महानगरात आलेल्या युवकाचे कॉल सेंटरमध्ये काम करून पैसे कमवन्याचे स्वप्न कसे साकार होते आणि त्यासाठी झगडताना कॉल सेंटरच्या झगमगाटी विश्वामागे काय चालू असते याचे रसभरीत वर्णन या पुस्तकातून वाचायला मिळते. कॉल सेंटरमध्ये नोकरी करताना सवय नसल्याने आरोग्यावर होणारा परिणाम, त्यातून लागणारी व्यसने, सहका-यांना टीम लीडरकडून मिळणार-या वागणुकीबद्दल उमटणार-या प्रतिक्रिया, याचे वर्णन वाचताना हा उद्योग कसा चालतो याची झलक अनुभवता येते.
Keywords
Customer Reviews
  • Rating Star SAKAL 12-7-10

    उत्तर प्रदेशातील एका छोट्याशा गावातून पुण्यासारख्या महानगरात आलेल्या युवकाचे कॉल सेंटरमध्ये काम करून पैसे कमविण्याचे स्वप्न कसे साकार होते आणि त्यासाठी झगडताना कॉल सेंटरच्या झगमगाटी विश्वामागे काय चालू असते याचे रसभरीत वर्णन ‘अ लाईफ रनिंग २४/७ कॉल सेटर अ‍ॅन इनसाइड स्टोरी’मध्ये विक्रांत शुक्ल यांच्या लिखाणातून वाचावयास मिळते. चौकोनी आयुष्य जगणारे आई-वडील आणि त्यांच्या मुलांबद्दल असलेल्या आशा-आकांक्षा, त्या पुरे करताना मुलांची होणारी ओढाताण, प्रसारमाध्यमांमध्ये येणारे फसवे चित्र इथपासून ते पुण्यातील रिक्षाचालकांची मनमानी, बसमधील गर्दीचे अनुभव याबाबत वाचताना आपणही यापैकी एखादा अनुभव घेतल्याचे चटकन आठवते. विक्रांत हे कसबी लेखक नाहीत. मात्र त्यांची शैली युवा पिढीच्या मनाचा ठाव घेणारी आहे. कॉल सेंटरमध्ये नोकरी करताना सवय नसल्याने आरोग्यावर होणारा परिणाम, त्यातून लागणारी व्यसने, सहकाऱ्यांना टीम लीडरकडून मिळणाऱ्या वागणुकीबद्दल उमटणाऱ्या प्रतिक्रिया, याचे वर्णन वाचताना हा उद्योग कसा चालतो याची झलक अनुभवता येते. परदेशातील ग्राहकांना सेवा देताना कोणती पथ्ये पाळावी लागतात, उच्चाराचे शास्त्र कसे अवगत करायचे, कोणत्या शब्दावर संभाषणात जोर द्यायचा हे बारकावेही नेमकेपणाने लेखकाने शब्दबद्ध केले आहेत. पुण्यातील होळकर पुलावर लेखक आणि त्याच्या सहकाऱ्यांना भुताटकीचा अनुभव आल्याचा प्रसंगही असाच धमाल उडवून देणारा आहे. कॉल सेंटरमध्ये काम करणाऱ्या सहकारी महिला आणि त्यांच्याशी असलेली ‘रिलेशन्स’याबाबतचा तपशील धक्कादायक आहे. एका महिला सहकाऱ्यावर तिच्या सावत्र वडीलांनी केलेला अत्याचार, त्यातून तिची होणारी घुसमट आणि कॉल सेंटरच्या जीवनचक्रात स्वत:ला गुंगवून ठेवताना कराव्या लागणाऱ्या तडजोडी या साऱ्या तपशिलातून त्या युवतीची मानसिकताही लक्षात येते. निराशेतून बाहेर पडण्यासाठी आजची युवा पिढी किती चटकन व्यसनाच्या आहारी जाते, हे वाचताना स्वत: लेखक त्यापासून कसा दूर राहू शकला याचे वर्णन या क्षेत्रात प्रवेश करू इच्छिणाऱ्यांना मार्गदर्शक ठरेल. ...Read more

Write Your Own Review
  • Default typing language is Marathi. To type in English press Ctrl+G key combination
Submit Review

Latest Reviews

MAZE TALIBANI DIWAS
MAZE TALIBANI DIWAS by ABDUL SALAM ZAEEF Rating Star
DAINIK LOKSATTA (LOKRANG) 20-01-2019

तालिबानचे अंतरंग... अफगाणिस्तान हा भारतीय उपखंडातील एक महत्त्वाचा देश. असंख्य समस्यांनी ग्रासलेला. राजेशाहीपासून साम्यवादी एकाधिकारशाहीपर्यंत सर्व प्रकारच्या राजवटींचे दशावतार पाहिलेला. या ना त्या कारणाने गेली तीन ते चार दशके सतत आंतरराष्ट्रीय स्तरार चर्चेत राहिलेला. अशा या देशातून सोव्हिएत आक्रमक फौजेला परतवून लावण्याच्या इराद्याने उभी राहिलेली कट्टर मुजाहिदीनांची संघटना- ‘तालिबान’! इस्लाममधील ‘जिहाद’च्या संकल्पनेची झिंग चढलेल्या या फौजेला अमेरिकेने पोसले नसते तरच नवल मानावे लागले असते. रशियन कैद्यांच्या शरीराची सालडी ते जिवंत असताना सोलणाऱ्या आणि त्या सैनिकांच्या आक्रोशात आसुरी आनंद मानणाऱ्या या तालिबान्यांना एके काळी अमेरिकेने गौरवलेदेखील. तथापि, एकदा सोव्हिएत फौजा माघारी परतल्यानंतर या मुजाहिदीनांना जाणीव झाली ती अमेरिका तिच्या राष्ट्रीय हितसंबंधांच्या रक्षणाच्या नावाखाली अफगाणिस्तानात करत असलेल्या घुसखोरीची. मग ते अमेरिकेच्या साम्राज्यवादाविरुद्धही त्याच त्वेषाने लढू लागले. अमेरिकेने लष्कर पाठवून आणि आपल्या मर्जीनुसार राज्य चालवायला तयार असणाऱ्या नेत्यांना सत्तास्थानांवर बसवून तालिबानचे आव्हान मोडून काढायचा बरीच वर्षे प्रयत्न केला, पण तो सपशेल फसला. त्या देशातून बाहेर कसे पडायचे, हा अमेरिकी प्रशासनाला भेडसावणारा एक मुख्य प्रश्न आहे. अफगाणिस्तानच्या ७० टक्के प्रदेशावर तालिबानची हुकमत तरी आहे किंवा धोक्याचे सावट तरी आहे. अशी ही संघटना, तिची ध्येयधोरणे, तिची अंतर्गत रचना आणि सत्तासंघर्षांबद्दल आपल्याला पुरेशी माहितीच नसते. विशेषत: पाकिस्तानबरोबर या संघटनेचे नेमके संबंध कसे आहेत, याबद्दल भले भले राजकीय नेतेही अंधारात चाचपडताना दिसतात. त्या दृष्टीने अब्दुल सलाम झैफ या तालिबानी राजनैतिक अधिकाऱ्याचे आत्मकथन- ‘माझे तालिबानी दिवस!’ हे अनुवादित स्वरूपात का होईना, मराठी वाचकांना आता उपलब्ध झाले आहे. ‘माय लाइफ विथ द तालिबान’ हे मूळ इंग्रजी पुस्तक २०१० सालीच प्रसिद्ध झाले होते आणि चर्चेतही होते. पुस्तकाच्या प्रारंभीच झैफची अवघ्या सात ओळींची, परंतु ‘स्वातंत्र्य’ आणि ‘लोकशाही’ या दोन मूल्यांच्या व्यावहारिक आविष्कारातील प्रचंड अंतर्विरोधांवर अत्यंत तीव्र, बोचरी टीका करणारी कविता वाचायला मिळते. ग्वान्टानामो तुरुंगात असताना झैफने लिहिलेल्या या कवितेचा प्रमोद जोगळेकरांनी केलेला उत्कृष्ट भावानुवाद झैफबद्दल आस्था निर्माण करतो. पुढे मूळ पुस्तकाच्या संपादकांनी लिहिलेला प्रदीर्घ परिचयपर लेख आहे. त्यात झैफचे कंदहार शहराशी, त्या शहराचे अफगाण इतिहासाशी, त्या शहरात जन्मलेल्या तालिबान चळवळीच्या मूळच्या व नंतर बदलत गेलेल्या स्वरूपाचे त्या अभागी देशातल्या रक्तरंजित संघर्षांशी असणारे जवळचे नाते उलगडून सांगितले आहे. त्यापाठोपाठ असलेली पुस्तकातील पात्रांची यादी वैशिष्टय़पूर्ण आहे. त्यानंतर न्यू यॉर्क विद्यापीठातील ‘आंतरराष्ट्रीय सहकार्य केंद्रा’तील एक तज्ज्ञ बार्नेट रुबिन यांची प्रस्तावना थोडक्यात झैफच्या या आत्मकथनाचे महत्त्व स्पष्ट करते. पाठोपाठ वाचायला मिळते खुद्द झैफची भूमिका. या नऊ पानी निवेदनात ज्या चार कारणांसाठी तो हे आत्मकथन लिहायला तयार झाला, त्या कारणांचे स्पष्टीकरण मिळते. यापुढील मुख्य पुस्तकाच्या २२ प्रकरणांमध्ये झैफने अफगाणिस्तानातील संघर्षांचे असंख्य कंगोरे उलगडून दाखवले आहेत. त्या निवेदनात त्याच्या वैयक्तिक जीवनाचे उभे-आडवे धागे असे विणले गेले आहेत, की हे पुस्तक एकाच वेळी दोन स्तरांवरील घटनाचक्राचे बहुमिती चित्रण करते आहे असे आपल्याला जाणवते. आपण त्यात अधिकाधिक गुंतत जातो. असंख्य प्रसंगांतले थरारनाटय़ पोहचवण्यात अनुवादक चांगलेच यशस्वी झाले आहेत. प्रत्येक पानावरील मजकुराशी संबंधित संपादकीय टिपा त्याच पानावर तळटिपांच्या स्वरूपात वाचायला मिळत असल्यानेही वाचकांची बरीच सोय झाली आहे. अफगाणिस्तानच्या भू-सामरिक महत्त्वामुळे गेली कित्येक दशके तो देश बडय़ा देशांच्या सत्तासंघर्षांत तर पिसला गेला आहेच; परंतु प्रत्येक सत्तांतरानंतर सत्ताधारी अफगाण नेत्यांच्या विरोधात काही अफगाण नेते उभे राहिलेच आहेत. या अंतर्गत यादवीमुळे त्या देशात निर्माण झालेली विदारक स्थिती पुस्तकभर एखाद्या पार्श्वभूमीप्रमाणे सतत आपल्याला जाणवत राहते. अफगाणिस्तानातील परस्पर विरोधी गटांपैकी कुणाला तरी हाताशी धरून आपापले राष्ट्रीय स्वार्थाचे घोडे पुढे दामटू पाहणारे अन्य देशांचे नेते झैफच्या संतापाचे लक्ष्य बनावेत यात नवल नाही. परंतु पाकिस्तानचे लष्करशाह जनरल मुशर्रफ यांच्याबद्दल झैफने या पुस्तकात लिहिले आहे, ते अत्यंत महत्त्वाचे आहे. झैफ पाकिस्तानमध्ये तालिबानचा वकील म्हणून काम करत होता, तेव्हा त्याची मुशर्रफ यांच्याशी एकूण चार वेळा भेट झाली होती. त्या चारही भेटींचे अगदी थोडक्यात वर्णन करून झाल्यावर झैफने अवघ्या एका परिच्छेदात मुशर्रफ यांच्या हिडीस राजवटीबद्दल जी आगपाखड केली आहे, ती मुळातूनच वाचण्याजोगी आहे. ‘पाकिस्तान बीफोर एव्हरीथिंग’ या आत्मकथनपर पुस्तकात मुशर्रफ यांनी तालिबान्यांना व इतरही काही मुसलमानांना आपण कसे निर्दयपणाने वागवले, याची कबुली दिली होती. मुशर्रफ यांनी पैशाच्या मोबदल्यात अनेक अफगाण मुजाहिदीनांना अमेरिकेला विकले होते. ते लोक ग्वान्टानामोत खितपत पडले होते. त्या यमयातना भोगाव्या लागलेल्या अफगाणी कैद्यांमध्ये खुद्द अब्दुल झैफचाही समावेश होता आणि तब्बल चार वर्षांच्या तशा तुरुंगवासातून काही मित्रांच्या प्रयत्नांमुळे २००५ साली तो सुटला. हा संदर्भ लक्षात घेतला म्हणजे २०१० साली लिहिलेल्या या आत्मकथनात झैफने ‘मुशर्रफ म्हणजे पाकिस्तानच्या इतिहासाला लागलेला काळा डाग आहे’ असे म्हटल्याबद्दल मुळीच आश्चर्य वाटत नाही. मुशर्रफना ‘इस्लामशी गद्दारी करणारा ढोंगी, क्रूर नेता’ असे म्हणणारा झैफ अमेरिकेवरील विध्वंसक हल्ल्याबद्दल चुकूनही पश्चात्ताप व्यक्त करत नाही, हेही लक्षात घेण्याजोगे आहे. इस्लामचा नारा देत पुढे सरसावणारे सर्व जण एकाच झेंडय़ाखाली एकत्र उभे ठाकत नाहीत. त्या झुंडीत अनेक जण आपापले स्वतंत्र झेंडे मिरवत पुढे घुसण्याच्या प्रयत्नात असतात, हे वास्तव झैफच्या आत्मकथनामुळेही पुन्हा प्रकर्षांने पुढे येते. असे अनेक मुद्दे विचारासाठी समोर येत जातात आणि तालिबान हे प्रकरण कसे आणि का जगावेगळे आहे, हे हळूहळू समजू लागते. हे या आत्मकथनाचे यश आहे. -आनंद हर्डीकर ...Read more

VANSHVRUKSHA
VANSHVRUKSHA by S. L. Bhairappa Rating Star
Smita Pawar

Vachla ahe...nice book👌