DR.ARUNA KAULGUD

About Author

Birth Date : 28/01/1948

अर्थशास्त्रात एम.ए. आणि कॉर्पोरेट प्लॅनिंग अ‍ॅण्ड अ‍ॅडमिनिस्ट्रेशन या विषयात डॉक्टरेट असलेल्या डॉ. अरुणा कौलगुड या ‘व्यवस्थापन सल्लागार, संशोधक, वक्त्या, लेखिका, प्राध्यापक आणि प्रशिक्षक’ म्हणून ओळखल्या जातात. उद्योजकता प्रशिक्षण देण्यासाठी त्यांनी दिल्लीच्या प्रख्यात ‘निस्बड’ या संस्थेचे ‘ट्रेनर-मोटिव्हेटर’ म्हणून विशेष प्रशिक्षण घेतलेले आहे. मुंबई व एस.एन.डी.टी. विद्यापीठात प्राध्यापिका म्हणून त्यांनी काम केले आहे. ऐच्छिक निवृत्तीनंतर त्या व्यवस्थापन सल्लागार व मार्गदर्शक म्हणून कार्यरत आहेत. विविध संघटनांचे व्यवस्थापन, मनुष्यबळ विकास, वर्तन निरीक्षणशास्त्र आणि जीवन कौशल्ये या संबंधित विषयांवर प्रशिक्षण देतात. वल्र्ड बँकेतर्फे श्रीलंकेत त्यांनी ‘इंटरनॅशनल रिव्ह्यूअर’ म्हणून काम केले. जागतिक श्रम परिषद (वर्ल्ड लेबर ऑर्गनायझेशन) आणि एम्प्लॉयर्स फेडरेशन ऑफ इंडिया यांच्या या प्रशिक्षण कार्यक्रमात त्यांनी ‘व्याख्यात्या-प्रशिक्षक’ म्हणून काम केले. महिला आर्थिक विकास महामंडळ, महाराष्ट्र राज्य सहकारी संघ, यांच्या संचालक मंडळांवर ‘संचालक’ म्हणून त्यांनी काम केले. मुंबईच्या रामभाऊ म्हाळगी प्रतिष्ठानच्या ‘सेंटर फॉर इन्स्टीट्युशन बिल्डिंग अ‍ॅण्ड लीडरशीप स्टडीज या केंद्राच्या मानद संचालक होत्या. महाराष्ट्र चेंबर ऑफ कॉमर्सबरोबर त्या संबंधित होत्या. त्यांनी अनेक पुस्तके, शोधनिबंध, लेख असे विपुल लेखन केलेले आहे.
Sort by
Show per page
Items 1 to 2 of 2 total
INTERVIEW TECHNIQUES AND PRESENTATIO... Rating Star
Add To Cart INR 95
JAGAPRASIDDHA WHA Rating Star
Add To Cart INR 180

Latest Reviews

THE BREADWINNER
THE BREADWINNER by DEBORAH ELLIS Rating Star
Sujata Sohani

ही आहे अफगाणिस्तानातल्या तालिबानी राजवटीचा अमानुष ,क्रुर चेहरा उघड करणारी एक थरारकथा. कहाणी छोट्या परवानाची... देशातल्या तमाम स्त्रियांचे स्वातंत्र्य हिरावून घेऊन त्यांना घरातच डांबून ठेवणार्या मनुष्य रुपी दानवांची कहाणी. परवाना आणि तिचे कुटुंकाबूल शहरात सुखाचे जीवन जगताना तालिबानी लोकांकडून झालेली फरपट मन हादरुन टाकते.परवानाचे वडिल शिक्षित आईही शिक्षिका नोकरी करणारी.तालिबान्यांनी सत्ता काबिज केल्यावर सर्वप्रथम या स्त्रियांना हे धर्माविरुद्ध म्हणून घरात बसवले.स्त्री तेव्हाच घराबाहेर पडू शकेल जेव्हा तिचा शोहर,मुलगा(मग तो कडेवर बसणारा असला तरी चालेल).घराला एकही खिडकी नको,असेलतर काळ्या कपड्याने झाकायची.अशा वातावरणात सततच्या बाँम्ब हल्ल्यात घर बेचिराख होतं.आब्बूंचा पाय तुटतो.अब्बू बाजारात बसून पत्र वाचन(बहुतांशी तालिबानी अंगठा बहाद्दर असल्याने),घरातील जुन्या वस्तु विकणे या गोष्टी करत असतात.त्यांना या कामात छोटी परवाना मदत करत असते. एक दिवस अब्बू पूर्वी एक वर्ष शिकायला इंग्लंडला होते या कारणास्तव तालिबानी घरात घुसून मारतातच पण कैदेतही टाकतात.मधे पडलेल्या अम्मी आणि परवानालाही बदडून काढतात.एवढेच कशाला दुसऱ्या दिवशी त्यांना सोडा ही मागणी करायला गेलेल्य या दोघींना पून्हा अमानुष मारतात. तिच्या घरी आता अम्मी ,मोठी बहिण,धाकटी छोटी बहिण,सहा महिन्याचा भाऊ व ती स्वतः असे उरतात.रोजचे जगण्यासाठी म्हणून शेवटी नाईलाजाने परवानाचे केस कापून तिला "कासीम"बनवण्यात येतं.ती अब्बूंचे काम चालू ठेवते,पण त्या कामात पैसे प्राप्ती काहीच नसते.एके दिवशी तिला तिची मैत्रिण भेटते जी हिच्यासारखीच चहा विकणारी "शकिल"झालेली असते.ती मैत्रीणी अधिक पैसे मिळवायचा मार्ग "कब्रस्थानातली थडगी खोदून त्यांची हाडे विकणे"हे सुचवते.नाईलाजाने परवाना ते ही करते. ही कहाणी बेचिराख काबूलच्या सुनसान रस्त्यांवरच्या रक्तांच्या तवंगाची....मेलेल्या मनाची..तरीही चिवटपणे जगणार्या सुंदर स्वप्नांची!मुळापासून हदरवून टाकताना पुढे काय हे वाचायची ओढ लावणारी ...Read more

BARI
BARI by RANJEET DESAI Rating Star
Tushar Chaudhari

कोल्हापूर हून मोटारीने बेळगावला जाताना वाटेवर सुतगट्टी हे गाव लागते. तेथून काकती गावापर्यंतची पंधरा वीस मैलांची , अगदी दाट गहिऱ्या जंगलाने वेढलेली वाट "बारी" म्हणून ओळखली जाते.. बदलत्या काळाच्या सुसाट वाऱ्याने बेरड जमातीच्या जीवनमानात कमालीचा बदल झला. बेरडवाडीच्या चिमुकल्या जगाची सुखदुःखानी भरलेली ही एक सरळ कथा आहे.. त्याच बेरडवाडीतील नायक `तेग्या` अन नायिका `नागी` यांच्या जीवनातील संघर्ष, तसेच जंगलाच्या आसऱ्यानं वाढणाऱ्या बेरड जमातीची अतिशय उत्तम अशी ही कथा आहे.. काल पुस्तक वाचायला घेतलेलं, आजच वाचून पूर्ण झालं..खुप छान कादंबरी आहे.. कथाकार रणजित देसाई यांची कादंबरी प्रकारातली ही पहिलीच कादंबरी.. त्यामुळे कथानायक "तेग्या" च्या रूपाने एक मित्र भेटल्याचा आनंदच झाला..😍 ...Read more