Edward De Bono

About Author

सर्जनशील विचार सरळ सोप्या रीतीने करण्याचे कौशल्य शिकवणारे एडवर्ड डी बोनो हे आघाडीचे मान्यताप्राप्त विचारवंत आहेत. हजारो लोक संगणकासाठी प्रणाली लिहीत असताना एडवर्ड डी बोनो मानवी मनासाठी ती प्रणाली लिहीत आहेत. मानवी मन म्हणजे स्व-नियोजित माहिती प्रणाली आहे, या संकल्पनेची जाणीव ठेवून त्यांनी काही समांतर विचारपद्धतीची सूत्रे विकसित केलेली आहेत. त्यांची आकलनात्मक विचारपद्धतीची सूत्रं (CoRT & DATT) शाळांतून व उद्योगधंद्यांतून सर्रासपणे उपयोगात आणली जातात. आयबीएम, मायक्रोसॉफ्ट, प्रुडेंशिअल, एनटीटी (जपान), नोकिया (फिनलंड) व सिमेन्स (जर्मनी) यांसारख्या नामवंत उद्योगसमूहांतून बोनो यांच्या विचारपद्धतींना प्रतिसाद मिळाला आहे. जगाच्या इतिहासात, आत्तापर्यंत मानवतेवर प्रभाव पाडणाऱ्या २५० नावांच्या यादीत, दक्षिण आफ्रिकेतल्या विचारवंतांनी डॉ. बोनो यांचे नाव समाविष्ट केले आहे. अ‍ॅक्सेंच्युअर या सुप्रसिद्ध सल्ला देणाऱ्या उद्योगसमूहाने, ५० प्रभावशाली विचारवंत उद्योजकांच्या यादीत त्यांचे नाव समाविष्ट केले आहे. त्यांनी नोबेल पारितोषिक विजेत्यांना व डाउन्स सिंड्रोम यंगस्टर्सना विचार पद्धती शिकवलेली आहे. त्यांना ऑक्सफर्ड, केंब्रिज, लंडन आणि हार्वर्ड येथे व्याख्याने देण्यासाठी बोलवत असत व ते ऑक्सफर्ड विश्वविद्यालयाचे ऱ्होर्ड्स स्कॉलर आहेत. त्यांनी आत्तापर्यंत ६७ पुस्तके लिहिलेली असून त्यांचे ३७ भाषांतून अनुवाद झाले आहेत.
Sort by
Show per page
Items 1 to 2 of 2 total
SUNDAR MAN Rating Star
Add To Cart INR 170
THE SIX VALUE MEDALS Rating Star
Add To Cart INR 120

Latest Reviews

FOUR SEASONS
FOUR SEASONS by SHARMILA PHADKE Rating Star
Shruti Tambe

फोरसीझन्स वाचली. आवडली. पुरवून वाचली. बरेच दिवस ती संपूच नये असं वाटत होतं. अभयारण्यं पाहिलेली आहेत. पण ग्रासलॅन्डचं नैसर्गिक, वरवर अनाकर्षक वाटणारं सौंदर्य, अभयारण्यामुळे उखडून टाकले गेलेले साधेभोळे लोक, निसर्गासोबत जगणारे आदिवासी-राक्षसी विकासाचया कल्पना आणि अतिशय संवेदनशीलतेनं हे पाहून बदलणारी एमराल्ड!-हे सुरेख बांधलं गेलंय. सगळ्यात मनाला भिडली उभ्याआडव्या पसरलेल्या माळरानांची वर्णनं-टोचऱ्या, खुरट्या गवतापासून ते मोठ्ठ्या वृक्षांपर्यंतची सगळी दुनिया सांभाळणारं माळरान. भारत हा खरं तर निम्मापाऊण माळरानच आहे. या माळरानाची शान असणारे तरस, कोल्हे, लांडगे, हरणं, ससे-सगळंच मनोहारी. तुम्ही हे सगळंच रेखाटलंयत. पण सगळ्यात महत्त्वाचं म्हणजे सुंदरबन, मुंबई, माळरान आणि इटली ही जगं वेगळीही आहेत आणि एकात्मही. हे तुम्ही मनाला भिडेल आणि पोहचवेल असं सांगितलंय. कादंबरीचे तुकडे वाचतावाचता मुंबईकर विकासवादी मुलगी ते मानवी जीवन, स्थलांतरं, शोषण, अगतिकता, नैसर्गिकता, प्रयत्नवाद हे समजून घेणारी एक प्रगल्भ शहाणिव हळूहळू तिच्यात कशी येते ते तुम्ही उलगडून दाखवलंय. कामासाठी सध्या पश्चिम महाराष्ट्रातल्या अभयारण्यात फिरत्येय. ओसाड होत चाललेली माळरानं, बेमुर्वत फोफावणारी ऊसशेती, जंगलात माणसं घुसत गेल्यानं धुपणारा निसर्ग, "मोठ्ठ्या" विकासाच्या स्वप्नात आंधळी झालेली मध्यमवर्गीय लक्षावधीची झुंड यात तुमची फोर सीझन्स एक समजुतदार, प्रगल्भ असा सूर लावते. इतकं सुरेख प्रवाही गद्य बऱ्याच दिवसांनी वाचायला मिळालं ते तुमच्या या कादंबरीमुळे. त्याबद्दल थॅंक्यू. आणि तुम्ही यापुढेही असंच सकस आणि सरस लिहित राहाल अशी शुभेच्छा. आपली, श्रुती तांबे ...Read more

FOUR SEASONS
FOUR SEASONS by SHARMILA PHADKE Rating Star
Veena Gavankar

ब-याच दिवसांनी एक खूप छान कादंबरी वाचायला मिळाली.शर्मिला फडकेंची फोर सीझन्स.लेखिकेची भाषा अतिशय समृद्ध. ओघवती शैली.वर्तमान आणि भूतकाळाच्या अनुभवांचा सुंदर गोफ.भविष्याचं सकारात्मक सूचन.लेखिकेचा पर्यावरणाचा अभ्यास,`निसर्गाचं शहरीकरण `होण्यातील धोक्यांच इशारा..सारं काही वाचताना खिळवून ठेवतं.खूप तयारीनं अभ्यासून लिहिलेली ही कादंबरी मला अतिशय आवडली.अभिनंदन शर्मिला फडके. खूप लिहा.शुभेच्छा. ...Read more