VIJAY TENDULKAR WAS BORN IN KOLHAPUR. HIS FATHER DHONDOPANT TENDULKAR WAS HIMSELF A WRITER, PUBLISHER AND HOBBY NUT. FROM THIS FAMILY BACKGROUND, TENDULKAR BECAME LITERATE. GRIHASTHA IS TENDULKARS FIRST PLAY. (HE REWROTE THE SAME IN THE YEAR 1964 AS KAVALYAYA SHULA) BUT SHRIMANT WAS HIS FIRST PLAY ON STAGE.

विजय तेंडुलकरांचा जन्म कोल्हापूर येथे झाला. त्यांचे वडील धोंडोपंत तेंडुलकर स्वतः लेखक, प्रकाशक आणि हौशी नट होते. या कौटुंबिक पार्श्वभूमीतून तेंडुलकरांवर वाङ्मयीन संस्कार होत गेले. गृहस्थ हे तेंडुलकरांचे पहिले नाटक. (याचेच कावळ्यांची शाळा या नावाने त्यांनी १९६४ साली पुनर्लेखन केले) मात्र श्रीमंत हे त्यांचे रंगभूमीवर आलेले पहिले नाटक होते. शांतता कोर्ट चालू आहे, सखाराम बार्इंडर मध्ये असलेला स्फोटक विषय आणि घाशीराम कोतवालमध्ये हाताळलेला पारंपरिक तंत्राला धक्का देणारा नाट्यबंध त्यांच्या प्रयोगशील जाणिवांचा अविभाज्य भाग होता. तेंडुलकरांनी चित्रपट माध्यमही ताकदीने हाताळले. सामना, सिंहासन, आक्रीत, उंबरठा, अर्धसत्य, आक्रोश, आघात इत्यादी चित्रपटांच्या पटकथा त्यांनी लिहिल्या. स्वयंसिद्धा या दूरचित्रवाणी मालिकेचे लेखनही त्यांनी केले. स्वतंत्र लेखनासोबत अमेरिकन लायब्ररीतर्फे राबविण्यात आलेल्या अनुवाद प्रकल्पातील अनेक पुस्तकांचे अनुवादही त्यांच्या नावावर आहेत. देशातील वाढता हिंसाचार या विषयाच्या अभ्यासासाठी त्यांना १९७३-७४ मध्ये नेहरू शिष्यवृत्ती मिळाली होती. तसेच १९७९ ते ८१ दरम्यान त्यांनी टाटा इन्स्टिट्यूट ऑफ सोशल सायन्सेस या संस्थेत अभ्यागत प्राध्यापक म्हणूनही काम केले. त्यांच्या साहित्यिक योगदानासाठी त्यांना देशातील अनेक सर्वोच्च पुरस्कारांनी सन्मानित करण्यात आले.