ADYA RANGACHARYA, KNOWN AS R.V. JAGIRDAR TILL 1948, LATER POPULARLY KNOWN BY HIS PEN NAME SRIRANGA, WAS AN INDIAN KANNADA WRITER, ACTOR AND SCHOLAR, AND A MEMBER OF THE ADYA JAHAGIRDAR FAMILY

आद्य रंगाचार्य (श्रीरंग) आधुनिक कन्नड साहित्य निर्मात्यांपैकी एक. कन्नड भाषिक त्यांना सर्वप्रथम यशस्वी नाटककार म्हणून मानतात. कादंबरी लेखन, ललित तसेच वैचारिक प्रबंध, टीका-विमर्श, चरित्र लेखन, साहित्य संशोधन ह्यांतही त्यांचा भाग मोठा आहे. नट, नाटककार, नाट्यदिग्दर्शक आणि रंगभूमी रचना निर्देशक म्हणून प्रायोगिक रंगभूमीत अखिल भारतीय तसेच राज्यस्तरावर आमूलाग्र बदल घडवून आणण्यात त्यांचं श्रेय निर्विवाद आहे. प्लेराईट अवॉर्ड, पद्मभूषण, साहित्य अकादमी अवॉर्ड, म्हैसूर-कर्नाटक विश्वविद्यालयाची मानद डी.लिट. पदवी असे अनेक गौरव पुरस्कार त्यांना त्यांच्या साहित्य निर्मितीसाठी लाभलेले आहेत.