* Front & back cover images are for illustration purposes only and the price of book is sold separately.
  • Original Book Title: DEATH OF HUSSY
  • Availability : Available
  • Translators : DEEPAK KULKARNI
  • ISBN : 9789386888334
  • Edition : 1
  • Publishing Year : NOVEMBER 2017
  • Weight : 0.00 gms
  • Pages : 156
  • Language : Translated From ENGLISH to MARATHI
  • Category : CRIME & MYSTERY
Quantity
Buying Options:
  • Print Books:
ABOUT THE BEST THAT CAN BE SAID OF WEALTHY MAGGIE BAIRD IS THAT INSIDE HER MIDDLE-AGED BODY, THERE STILL BEATS THE HEART OF A BEAUTIFUL TART. SO WHEN HER CAR CATCHES FIRE WITH MAGGIE IN IT, THERE ARE FIVE LIKELY SUSPECTS RIGHT ON THE PREMISES OF HER LUXURIOUS HIGHLANDS COTTAGE. LOCHDUBH POLICE CONSTABLE HAMISH MACBETH HAS TO QUESTION MAGGIE`S TIMID NIECE AND FOUR FORMER LOVERS, ONE OF WHOM MAGGIE HAD INTENDED TO PICK FOR HER HUSBAND. ALL FIVE ARE EQUALLY POOR -- WITH AMPLE MOTIVE AND OPPORTUNITY TO MONKEY WITH MAGGIE`S CAR. NOW TO FIND THE KILLER, THE ASTUTE LAWMAN MUST APPLY HIS EXTRAORDINARY INSIGHT INTO HUMAN NATURE. BUT WHEN THE EVIDENCE APPEARS TO POINT TO THE WRONG PERSON ENTIRELY, HAMISH MUST DIG DOWN DEEP TO STOP THE REAL MURDERER`S ESCAPE.
लॉचढभ या स्कॉटिश गावचा इन्स्पेक्टर हॅमिश मॅक्बेथ हा आपल्या प्रेमळ व उमद्या स्वभावामुळे गावातल्या लोकांना अतिशय लाडका असतो. हॅमिशच्या कारकिर्दीत लॉचढभमध्ये गुन्हेगारीचे प्रमाण कमालीचे घटल्यामुळे त्यांची बदली जवळच्या स्ट्रॅथबेन शहरात केली जाते. साहजिकच लॉचढभचे लोक नाराज होतात. गावात अलीकडेच राहायला आलेली मॅगी बेआर्ड हॅमिशला परत आणण्यासाठी नामी शक्कल लढवते. गावात गुन्हे घडत असल्याच्या खोट्या तक्रारी करून ती वरिष्ठ पोलीस अधिकाऱ्याना भंडावून सोडते. अखेरीस हॅमिशची बदली पुन्हा लॉचढभला होते. कॅन्सरच्या दुखण्यातून नुकत्याच बऱ्या झालेल्या ऑलिसन कर्र या आपल्या भाचीसोबत मॅगी गावातल्या एका आलिशान हवेलीत राहत असते. मध्यमवयीन श्रीमंत मॅगी बेअर्ड ही आज जरी लठ्ठ व बेढब दिसत असली तरी तरुण वयात ती अतिशय सुंदर व आकर्षक दिसत असे. चारित्र्याने बदनाम असलेल्या मॅगीने त्या काळात अनेक धनाढ्य व्यक्तींची रखेल होऊन भरपूर माया गोळा केलेली असते. आपले हरवलेले लावण्य पुन्हा प्राप्त करण्याच्या विचाराने मॅगी झपाटून जाते. तारुण्य व सौंदर्य परत मिळवण्याच्या इष्र्येने ती अज्ञातस्थळी निघून जाते. काही दिवसांनी मॅगी जेव्हा आपल्या घरी परतते, तेव्हा तिचे बदललेले रूप पाहून सारे जण थक्क होतात. आपण लग्न करणार असल्याचे मॅगी जाहीर करते व आपला जीवनसाथी निवडण्यासाठी ती एके काळच्या तिच्या चार प्रियकरांना आपल्या हवेलीत येण्याचे आमंत्रण देते. मॅगी कोणाशी लग्न करणार याची सर्वांनाच उत्सुकता लागलेली असताना एक विचित्र घटना घडते. मॅगीच्या गाडीला अचानक आग लागते आणि त्या आगीत गाडीसकट मॅगीही भस्मसात होते. हा अपघात की घातपात असा पेच इन्स्पेक्टर हॅमिश मॅक्बेथसमोर उभा राहतो. संशयाची सुई अर्थातच मॅगीची भाची ऑलिसन कर्र व मॅगीचे तरुणपणाचे चार प्रियकर यांच्यावरून फिरू लागते. पाचही जण कफल्लक असतात व मॅगीच्या संपत्तीवर प्रत्येकाचाच डोळा असतो. मॅगीच्या गाडीत स्फोट घडवून आणण्याची संधी पाचही जणांना असते. एरवी सुस्त व आळशी असणारा हॅमिश हातात खुनाची केस येताच एका वेगळ्या रूपात सामोरा येतो. सूक्ष्म निरीक्षणशक्ती, उत्तम व्यवहारज्ञान व मानवी मनाचा अचूक वेध घेण्याची विलक्षण क्षमता लाभलेल्या हॅमिश मॅक्बेथ मॅगीच्या खुनाचे रहस्य आपल्या अनोख्या पद्धतीने उलगडत जातो.

No Records Found
No Records Found
Keywords
#AHAMISHMACBETHMYSTERY#DETECTIVESTORIESINMARATHI#
Customer Reviews
Write Your Own Review
  • Default typing language is Marathi. To type in English press Ctrl+G key combination
Submit Review
PLEASE SEND YOUR AUDIO REVIEW ON editorial@mehtapublishinghouse.com

Related Books

People Who Bought This Item Also Bought

Latest Reviews

THE DA VINCI CODE
THE DA VINCI CODE by DAN BROWN Rating Star
V. Pawar

खूप छान कादंबरी आहे. अगदी मनाला गुंतवून ठेवणारी. 👌👌

RADHEYA
RADHEYA by RANJEET DESAI Rating Star
स्वप्निल सोनवडेकर

#वाचनवेडा लेखक रणजित देसाई यांचा मी खूप मोठा चाहता आहे. त्यांची लेखन शैली मला वेगळ्या जगात घेऊन जाते. त्यांच्या पुस्तकात शब्दसंपत्ती मुबलक लाभते.ओघवते लिखाण कांदबरीची पुढील पानं झपझप पलटवतात.त्यांच्या प्रत्येक कादंबरीतलं अलवार लिखाण मनाला भिडणारं असत.राधेय हि अशी कादंबरी आहे,जी प्रत्येक पुस्तकप्रेमीने वाचली आहे.राधेय पुस्तकाचे वैशिष्ट्य असं आहे की आपल्या वाढत्या वयाच्या परिपक्वतेवर ही कादंबरी पुन्हा पुन्हा वाचावी वाटते.जेवढी नव्याने वाचावी ती अजून उलगडत जाते. राधेय वाचताना कर्ण,दुर्योधन,शकुनी तथा महाभारताचा खरा राजकारणी कृष्ण यांची प्रतिमा मेहंदीसारखी रंगू लागते.कारण ती वाचकांच्या ओंजळीत रणजीत देसाई यांनी रेखाटलेली असते. एखाद्या लेखकाने कादंबरी लिहावी आणि ती अजरामर व्हावी ती ही अशी... महाभारतात उपेक्षित ठरलेला योद्धा म्हणजे कर्ण.जन्मानंतर ज्याला स्वतःच्या आईनेच स्वतःपासून दूर केलं असा कर्ण आयुष्यात कधी कुणाचा कसा झाला असता..! सूतपुत्र म्हणून आयुष्यभर हिणवल्या गेलेल्या कर्णाला तो राधेय नाही तर कौंतेय आहे हे कृष्णाकडून उमगतं तेव्हा तो भावविभोर नं होता रोरांवत्या प्रश्नांच्या वादळात गुरफटून जातो.धरणीकंप व्हावा आणि हे सत्य असं ज्वालारसाप्रमाणे बाहेर यावं.ह्या ज्वालारसातील दाह कसा कोणी सहन करावा..! अर्ध आयुष्य जगल्यानंतर,नात्यांची मूळं खोल शिरल्यानंतर हे सत्य ऐकून काय बदलणार होत.?कानात तळपता रस टाकल्याप्रमाणे या सत्याचा त्रासच अधिक होईल. हे सत्य कळल्यानंतर देखील आपल्या मैत्रीला जपणाऱ्या ह्या वीर योद्धाची जीवनगाथा रणजीत देसाई यांनी या पुस्तकात काय सुंदर मांडली आहे. राधेय कादंबरी वाचताना उलगडत जाणारा कर्ण हा उगवत्या इंद्रधनुष्यप्रमाणे वाटू लागतो. त्याच्या व्यक्तिमत्वातील विविध छटा आपल्या मनाला स्पर्श करू लागतात. द्रौपदी स्वयंवर आणि द्रौपदी चीरहरण प्रसंग काय सुंदर मांडले आहेत या कादंबरीत.या पुस्तकातील काही ओळी मला फार भावतात. `हे नरेंद्र धर्म वाकवावा तसा तो वाकतो.` हे वाक्य वाचलं आणि सध्याचं राजकारण डोळ्यांसमोर तरळतं . `अग्रपूजेचा मान बलानं तोलला जात नाही,तो अधिकार धारण करणाऱ्या पुरुषांच्या ठायी सत्वगुणांचा अधिकार असावा लागतो.`ह्या वाक्याला देखील काय सुंदर अर्थ आहे. द्युतपटात तरबेज असणारा शकुनी म्हणतो.`नाना देशींच्या बरोबर मी फासे घोळवले आहेत.प्रियकराला आपल्या सखीची अंगप्रत्यंग जाणवावी तशा कोरलेल्या मुद्रा माझ्या सरावलेल्या हातांना रात्री अंधारातही जाणवतात.` द्रौपदीचे चीरहरण होत असताना तिची अब्रू वाचवायला आलेला कृष्ण उर्मट दुर्योधनाला म्हणतो.`सामर्थ्यशाली पुरुषाला दुर्बलांच्या सभेत प्रवेश करण्यास आमंत्रणाची आवश्यकता नसते.` या पुस्तकातील बरीच वाक्य मी अधोरेखित करून ठेवली आहेत, सगळ्याच ओळी इथे लिहायला गेलो तर अर्ध पुस्तकच लिहावे लागेल. रणजीत देसाई यांच्या कांदबरीवर समीक्षण पोस्ट लिहिणारा मी कोण! ही पोस्ट समीक्षण पोस्ट नसून कौतुक लिखाण आहे. तर राधेय पुस्तकाच्या तुमच्या आठवणी काय आहेत हे नक्की कमेंट्स मध्ये लिहा. ...Read more