चाळीस वर्षे शासकीय सेवा केल्यानंतर त्यांनी इ. स. १९९०मध्ये पुन्हा शिक्षणाला सुरुवात करून शिवाजी विद्यापीठाचा पत्रकारितेचा अभ्यासक्रम (B.J.C) पूर्ण करून त्यात ते विद्यापीठात प्रथम वर्गात प्रथम आले. त्यानंतर त्यांनी फिल्म ॲण्ड टेलिव्हिजन इन्स्टिटयूट (FTI ) पुणे येथून चित्रपट परीक्षणाचा लघु अभ्यासक्रम (SHORT COURSE) पूर्ण केला. इ. स. १९९१ ते १९९४ मध्ये शिवाजी विद्यापीठात चित्रपट पत्रकारितेचे (CONTRIBUTORY LECTURER) म्हणून काम केले. त्यानंतर त्यांनी शिवाजी विद्यापीठातून एम. ए पदवी प्राप्त केली. सेवानिवृत्तीच्या काळात प्रसिद्ध बंगाली लेखक श्री. शरदचंद्र चटर्जी यांची ‘देवदास’ ही कादंबरी मराठीतून इंग्लिशमध्ये भाषांतरित केली. तथापि सदर कादंबरीचे अन्य भाषक लेखकांनी यापूर्वीच इंग्लिश भाषेत भाषांतर केले असल्याने ते छापून प्रसिद्ध करण्याच्या मागे ते लागले नाहीत. इ. स. २०१२मध्ये वयाच्या ८२व्या वर्षी मेरी कॉलेरी यांच्या व्हेण्डेट्टा (VENDETTA) या कादंबरीचे भाषांतर केले.