About Author

Birth Date : 24/04/1954

नाव धनंजय श्रीनिवास बेन्नुरवार, परंतु सारे लेखन कल्याणीरमण या टोपणनावानेच झाले आहे. जन्मगाव नागपूर. शालेय आणि महाविद्यालयीन शिक्षण मुंबईमध्येच झाले. चाळीस वर्षांच्या सेवेनंतर मुंबई उच्च न्यायालयातून राजपत्रित अधिकारी म्हणून निवृत्त. बालवयापासूनच अनेक सामाजिक, सांस्कृतिक संस्थांशी संपर्क. पुढे त्याच संस्थांमधून कार्य. ठाणे जिल्ह्यामधील वनवासी क्षेत्रातसुद्धा काही वर्षे काम. सध्या संस्कृतिसंवर्धन प्रतिष्ठान या शालेय विद्याथ्र्यांसाठी काम करणाNया संस्थेत कार्यरत. सदर संस्थेसाठी पुस्तकांचे लेखन. त्या पुस्तकांच्या हिंदी, मराठी, गुजराथी आणि इंग्रजी भाषांमध्ये अनेक आवृत्त्या निघाल्या. आजवर सुमारे सात लाख प्रतींचे विद्याथ्र्यांमध्ये सशुल्क वाटप झाले आहे. श्रीसंत माधवराव महाराज संस्थान पाटणबोरी, जिल्हा यवतमाळ या परंपरागत व पीठासीन संतांच्या संक्षिप्त चरित्र ग्रंथास सांप्रदायात आधार व संदर्भग्रंथ म्हणून मान्यता मिळाली. अनेक कथा आणि वैचारिक लेखांस वेगवेगळ्या दिवाळी अंकांतून प्रसिद्धी मिळाली आहे. सन २००९ मध्ये आलेल्या जिवावरच्या दुखण्याच्या काळात सक्तीने विश्रांती घ्यावी लागली. त्या काळातच प्रदीर्घ चिंतन आणि वाचनाचा परिपाक म्हणून अग्निदिव्य या ऐतिहासिक, राजकीय कादंबरीचे लेखन झाले. किशोरांसाठी लिहिलेल्या शिवचरित्रातील कथांचे पुस्तक प्रकाशनाच्या प्रतीक्षेत आहे. महाराजांच्या चरित्रावर आधारित त्यांच्या जीवनातील एका रोमहर्षक प्रसंगावरील कादंबरीचे लेखन सुरू आहे. त्याच्या जोडीने समूर्तगम कीर्ती, भूमिकन्या सीता हिची जीवनकहाणी लिहिण्याचे कामसुद्धा सुरू आहे.