मेगन चान्स ही समीक्षकांनी गौरविलेली आणि अनेक मानसन्मानप्राप्त लेखिका आहे. तिच्या अनेक कादंबऱ्या प्रसिद्ध आहेत. अनेक उत्तमोत्तम परीक्षणांनी ‘भारावून टाकणारे अद्भुतरम्य ऐतिहासिक लेखन’ या शब्दांत तिचे कौतुक केले आहे. अ‍ॅमेझॉन डॉट.कॉमने (AMAZON.COM) तर ‘प्रत्येक वेळी नव्या कलाकृतीद्वारे ती वाचकांपुढे काही खास आणि अस्सल घेऊन येते’ असा तिचा सन्मान केला आहे. कार्यशाळेतील ‘प्रभावी वक्त्या’ म्हणूनही तिची ख्याती आहे. नॉर्थवेस्ट रायटर्स असोसिएशन, द असिस्टन्स लीग, टिंबरलँड रीजनल लायब्ररीज इ. अनेक ठिकाणी तिने हजेरी लावली आहे. ‘द स्पिरिच्युॲलीस्ट ’(२००८), ‘अ‍ॅन इन्कव्हिनियंट वाइफ’(२००४) यांसारख्या तिच्या अद्भुतरम्य ऐतिहासिक लेखनाबरोबरच तिने आठ प्रणयरम्य ऐतिहासिक कादंबऱ्यांचेही लेखन केले आहे. तसेच तिच्या कादंबऱ्यांची अनेक भाषांत भाषांतरेही झाली आहेत. चान्सचा जन्म कोलंबसमधील ओहायो येथे झाला आणि तिच्या पुढील कारकिर्दीसाठी ती वॉशिंग्टनमध्ये आली. वेस्टर्न वॉशिंग्टन युनिव्हर्सिटीमधून ‘ब्रॉडकास्ट कम्युनिकेशन्स’ या विषयात पदवी प्राप्त केल्यावर सुरुवातीला तिने वृत्तवाहिनीवर वृत्तछायाचित्रकार म्हणून काम केले. आता तिच्या दोन मुली आणि पतीसमवेत ती पॅसिफिक नॉर्थवेस्टमध्ये स्थायिक झाली आहे.