BANI BASU IS A PROLIFIC BENGALI INDIAN AUTHOR, ESSAYIST, CRITIC, POET, TRANSLATOR AND PROFESSOR.

श्राबणी बासू यांचा जन्म कोलकतामध्ये झाला, तर ढाक्का, काठमांडू आणि दिल्ली याठिकाणी त्यांचे बालपण गेले. दिल्लीच्या सेंट स्टिफन कॉलेजमधून त्यांनी ‘इतिहास’ विषयात आपले पदवीचे शिक्षण घेतले. दिल्ली विद्यापीठातून पदवीत्तर शिक्षण पूर्ण केले. १९८३मध्ये मुंबईच्या ‘टाइम्स ऑफ इंडिया’मधून त्यांनी आपल्या पत्रकारितेला सुरुवात केली. लंडनमध्ये १९८७ साली स्थलांतर केल्यानंतरही त्या कोलकताच्या ‘आनंद बझार पत्रिका’ आणि ‘टेलिग्राफ’ या वृत्तपत्रांच्या प्रतिनिधी म्हणून कार्यरत होत्या. त्यांनी आपल्या क्षेत्रात इतिहास आणि पत्रकारिता यांची उत्कृष्ट सांगड घातली होती. त्यांच्या अनेक पुस्तकांमध्येही भारत व ब्रिटनच्या इतिहासाचा संदर्भ आढळतो. ब्रिटनमध्येही त्या मुलाखती आणि विविध कार्यक्रम यांच्या माध्यमातून बीबीसी टेलिव्हिजनवर झळकल्या आहेत. देश-विदेशातील अनेक संमेलनात त्या वक्त्या म्हणूनही सहभागी झाल्या आहेत. श्राबणी यांनी २०१०मध्ये नूर इनायत खान मेमोरिअल ट्रस्टची स्थापना केली. नूर यांनी दुसNया महायुद्धात केलेल्या उल्लेखनीय कार्याची, त्यांच्या त्यागाची तरुणपिढीला ओळख व्हावी यासाठी हा ट्रस्ट कार्यरत आहे. लंडनमधील ‘गोल्डन स्क्वेअर’ मध्ये नूर यांचे स्मारक उभारण्यात येणार असून त्यासाठी मदतनिधी जमविण्याचे कामही ट्रस्टच्या माध्यमातून सुरू आहे. पत्रकारितेच्या आपल्या प्रदीर्घ काळात त्यांनी बेनझीर भुट्टो, शेख हसिना, सलमान रसदी, निराद सी चौधरी, व्हिव रिचर्ड्स, सचिन तेंडुलकर, इस्माइल मर्चंट, मीरा नायर आणि शबाना आझमी अशा अनेक दिग्गजांच्या मुलाखती घेतल्या आहेत.