नव्या वेशातल्या गोष्टी... लहान मुलांचं विश्व हे पशू, पक्षी, झाडं, पानं यात रमून जाणारं असतं. आज टीव्हीमुळे कार्टुन सहज उपलब्ध झाले असले तरी मुले गोष्ट ऐकायला खुश असतात. काही वेळा काही गोष्टी मुलांच्या अनुभव विश्वाला छेद देतात. ‘जावयाच्या फजितीची गोषट’ मी माझ्या भाच्याला सांगितली तेव्हा मोठ्ठं प्रश्नचिन्ह त्याच्या चेहऱ्यावर उमटलं. मग त्यानं विचारलं - ‘अगं, माठावर काठी मारली तर माठच फुटेल. त्याला नेमकं भोक कसं पडेल?’ मग तो हा प्रयोग करेल या धास्तीत घर किती तरी दिवस त्याच्या मागावर होतं. मुलांना पटणाऱ्या, रूचणाऱ्या स्वरूपात आणि तरीही त्यांना संस्कारांची शिदोरी देणाऱ्या गोष्टी पुन्हा लिहिल्या जाण्याची गरज कायम वाटते. जंगल गंमतची सात पुस्तकांची सिरीज ही गरज पुर्ण करते. जीवन मुल्य ही शाश्वत असतात पण ती नव्या रूपात या पुस्तकांतून नटून आलीत घरी छोटी कंपनी असेल तर सुटीसाठी हा मेवा जरूर खरीदा हे नक्की... ईशान पुणेकर यांच्या तीन पुस्तकातूनही हीच गरज पूर्ण होते. मुलांना पडणारी स्वप्न, त्यांच्या अवती भवती जग यातून पुणेकर गोष्टी रंजक तर करतातच पण नवीन वेषातल्या या गोष्टी मुलांना खुश करतील हे नक्की. ...Read more