ROBERT JAMES WALLER SPENT HIS CHILDHOOD IN A SMALL TOWN OF ONLY 900 INHABITANTS CALLED ROCKFORD IN THE STATE OF IOWA, USA. HIS FATHER HAD A SMALL FARMING BUSINESS AND HIS MOTHER WAS A HOMEMAKER. HE COMPLETED HIS EDUCATION AT UNIVERSITY OF NORTHERN IOWA AND INDIANA UNIVERSITY. HE THEN TAUGHT MANAGEMENT, ECONOMICS AND MATHEMATICS AT THE UNIVERSITY OF NORTHERN IOWA FROM 1968 TO 1991.

अमेरिकेच्या आयोवा राज्यातील रॉकफर्ड नावाच्या केवळ ९०० वस्तीच्या छोट्याशा गावात रॉबर्ट जेम्स वॉलर यांचं लहानपण गेलं. त्यांच्या वडिलांचा छोटासा शेतीउद्योग होता आणि आई गृहिणी होती. युनिव्हर्सिटी ऑफ नॉर्दर्न आयोवा आणि इंडियाना युनिव्हर्सिटी येथे त्यांनी शिक्षण पूर्ण केलं. पुढे युनिव्हर्सिटी ऑफ नॉर्दर्न आयोवा येथे त्यांनी व्यवस्थापनशास्त्र, अर्थशास्त्र, गणित हे विषय १९६८ ते १९९१ या काळात शिकवले. मात्र, १९७५-७६ या एक वर्षाच्या काळात त्यांनी ओहायो राज्यातील कोलंबस येथे असलेल्या बॅटेल मेमोरियल इन्स्टिट्यूट या संस्थेत काम केले. निर्णयक्षमता आणि प्रश्नांची उकल या विषयांवर त्यांनी विपुल लेखन केलं असून, अनेक व्याख्यानेही दिली आहेत. अमेरिकेतील विविध सरकारी, तसंच शैक्षणिक संस्थांसाठी त्यांनी सल्लागार म्हणून काम केलं आहे. महाविद्यालयातील जीवनात उत्कृष्ट बास्केटबॉलपटू म्हणून नाव कमावलेल्या रॉबर्ट जेम्स वॉलर यांनी सुमारे वीस वर्षं संगीतज्ञ म्हणून काम केलं आहे. त्याचप्रमाणे आपला छायाचित्रणाचा छंद जोपासण्यासाठी त्यांनी जगभर भ्रमंती केली आहे. त्यांनी शैक्षणिक आणि व्यावसायिक क्षेत्रात विपुल लेखन केलं असून द ब्रिजेस ऑफ मॅडिसन कौंटी या त्यांच्या गाजलेल्या कादंबरीच्या ६४ आवृत्त्या निघाल्या. त्याच्या एक कोटी वीस लाख प्रती छापण्यात आल्या आणि एकंदर ३६ जागतिक भाषांमध्ये त्याचा अनुवाद झाला. न्यू यॉर्क बेस्ट सेलर लिस्ट मध्ये सतत १६४ आठवडे सर्वाधिक लोकप्रिय पुस्तक म्हणून राहण्याचा मान या कादंबरीनं मिळवला. टेक्सास राज्याच्या पश्चिम भागात सध्या ते निवांत आयुष्य जगतात. त्यांच्या सोबत त्यांची मैत्रीण लिंडा, तसेच ४ कुत्री, २ घोडे आणि २ मांजरेसुद्धा राहतात. अजूनही ते अर्थशास्त्र व गणित या विषयाच्या अध्ययनाबरोबरच संगीत, छायाचित्रण, लेखन असे सर्व छंदही जोपासतात.