BABY HALDER IS AN INDIAN AUTHOR. HER BEST KNOWN WORK IS HER AUTOBIOGRAPHY AALO AANDHARI WHICH DESCRIBES HER HARSH LIFE GROWING UP AS A DOMESTIC WORKER, LATER TRANSLATED INTO 21 LANGUAGES, INCLUDING 13 FOREIGN LANGUAGES.

बेबीचे वडील सैन्यात असल्याने, साधारण बत्तीस वर्षांपूर्वी, जम्मू-काश्मीर-मधल्या कुठल्याशा गावात बेबीचा जन्म झाला. तिचे वडील कधी घरात पैसे द्यायचे तर कधी द्यायचे नाहीत. त्यामुळे त्यांच्या घरात नेहमीच पैशांची अडचण असायची. त्यावरून भांडणेही व्हायची. म्हणूनच तिची आई घर सोडून निघून गेली. काही दिवसांनंतर बेबीच्या वडिलांनी दुसरे लग्न केले. आणि त्यानंतर तिसरेही. सैन्यातून निवृत्त झाल्यावर त्यांनी लहान-मोठ्या नोकऱ्या केल्या. अखेर ते दुर्गापूरला स्थायिक झाले. बेबी तेरा वर्षांचीसुद्धा झाली नव्हती तेव्हाच तिचे लग्न, तिच्यापेक्षा दुप्पट वयाच्या मुलाशी लावून देण्यात आले. त्यामुळे तिला सातवीतूनच शाळा सोडावी लागली. पुढे बारा-तेरा वर्षांनी तिला तिचे घरही सोडावे लागले. कारण नवऱ्याचे वागणे तिला असह्य झाले. तीन मुलांना घेऊन तिने दुर्गापूर सोडले आणि फरीदाबादची रेल्वे पकडली. काही दिवस फरीदाबादला काढून ती गुडगावला आली. मोलकरीण म्हणून तिने आयुष्य कंठायला सुरुवात केली. आपल्या मुलांना स्वत:ची ओळख सांगताना अजिबात लाज वाटणार नाही, हा विचार मनात आल्यावर बेबीला अतिशय आनंद वाटतो.