Sebastian Faulks

About Author

Birth Date : 20/04/1953

सेबॅस्टिअन फॉक्स यांचा जन्म १९५३मध्ये झाला. वेलिंग्टन कॉलेज आणि इमॅन्युएल कॉलेज, केम्ब्रिज येथे शिक्षण घेतल्यानंतर त्यांनी पत्रकार म्हणून पेशा पत्करला. १९८४मध्ये वयाच्या ३१व्या वर्षी अ ट्रिक ऑफ लाइट ही त्यांची पहिली कादंबरी प्रसिद्ध झाली. त्यानंतर बर्डसाँग , ह्युमन ट्रेसेस , अ वीक इन डिसेंबर अशा अनेक कादंबऱ्याही प्रसिद्ध झाल्या आहेत. १९९४मध्ये फेलो ऑफ द रॉयल सोसायटी ऑफ लिटरेचर म्हणून त्यांची निवड झाली होती. दरवर्षी इंग्लंडचा राजा किंवा राणी यांच्या वाढदिवसानिमित्त सर्वोच्च नागरी पुरस्कारां ची यादी जाहीर करण्यात येते. २००२मध्ये राणीच्या वाढदिवसानिमित्त जाहीर करण्यात आलेल्या यादीप्रमाणे सी.बी.ई. – कमांडर म्हणून त्यांची नेमणूक झाली होती. इयान फ्लेमिंग यांच्या इस्टेटीच्या ट्रस्टींनी विनंती केल्यावरून इयान फ्लेमिंग यांच्या जन्मशताब्दीचे औचित्य साधून २८ मे, २००८ रोजी डेव्हिल मे केअर ही जेम्स बाँडची नवी कादंबरी प्रसिद्ध झाली. आपली पत्नी व्हेरोनिका आणि मुले विल्यम, हॉली आणि ऑर्थर यांच्यासह ते लंडनला राहातात.
Sort by
Show per page
Items 1 to 1 of 1 total
DEVIL MAY CARE Rating Star
Add To Cart INR 240
TBC Classic Book

Latest Reviews

PARVA
PARVA by DR. S. L. BHYRAPPA Rating Star
Veerashri Vaidya - Karandikar

#पर्व #डॉ_एस_एल_भैरप्पा दैवी चमत्कार , शाप , वर या महाभारतातील गोष्टीना फाटा देत त्यावेळी घडलेल्या घटना , प्रसंग ,परिस्थिती त्याचा वस्तूनिष्ठ अर्थ लावून डॉ भैरप्पा यांनी `पर्व` लिहिले आहे आहे. महत्वाच्या मुख्य पात्रांना माणूस म्हणून मांडले आहे.यासाठी महाभारतातील प्रसंग जिथे जिथे घडले तिथे त्यांनी भेटी दिल्या. अनेक अपरिचित रूढी, परंपरा त्यांना दिसून आल्या ,ज्या महाभारत कालीन जीवनात होत्या. कादंबरीमागील लेखकाचा अभ्यास ,तर्कसुसंगत विश्लेषण अगदी प्रस्तावनेपासून दिसून येते. मूळ महाभारत फार परखड आहे ,ते कोणाचेच गुण -दोष लपवत नाही, अगदी भगवान श्रीकृष्णाचे सुद्धा. व्यासांनी सगळ्या पात्रांबद्दल तटस्थपणे लिहिले आहे. ज्ञानपीठ पुरस्काराने सन्मानित डॉ भैरप्पांनीही नेमका हाच तटस्थपणा कादंबरीतही कायम ठेवला आहे. कोणत्याही एकाच व्यक्तीवरचे लिखाण म्हणजे त्याच्या दृष्टीकोनातून पूर्ण महाभारत बघण्यासारखे होते. यातून त्या पात्राबद्दल गुणांचे उदात्तीकरण आणि त्यामुळे दोष झाकोळणे हे होतेच , पण समग्र वाचले तर कळते महाभारत ग्रे शेड चे आहे , प्रत्येकाचे गुण-दोष असणारे. `पर्व ` ने ही हेच सूत्र कायम राखले आहे. महाभारताच्या व्यक्तिरेखांबाहेर जाणारी वेगळी अशी कोणीही व्यक्ती नाही असे म्हणतात. अगदी खरे आहे. महाभारत हे चिरंतन आहे. आपण सगळेच दैनंदिन आयुष्यात त्यातले कुठले ना कुठले पात्र जगत किंवा वठवत असतो. कधी भीष्म , कधी धृतराष्ट्र तर कधी कृष्ण सुद्धा ! पात्र चांगले किंवा वाईट असं न बघता, ते जे वागले , त्यांनी जे निर्णय घेतले - त्याचे परिणाम कसे झाले ? आपल्याला त्यांच्याकडून अपेक्षित असलेले असे योग्य निर्णय कोणते होते ? तसे योग्य निर्णय आपण दैनंदिन आयुष्यात वेळ आली तर घेतो का ? , घेऊ शकतो का ? याचे चिंतन हेच त्यातून हाती येणारे सार आहे असे मला वाटते . हे नाही जमलं तरी किमान, परीक्षण करून वागणें हे आपल्या हाती नक्कीच आहे. उमा कुलकर्णी यांच्या उत्तम अनुवादामुळे मराठी भाषेत `पर्व` आपल्यापर्यन्त नेमकेपणाने पोहोचले आहे. महाभारत काळे वा पांढरे नाही तर ग्रे शेड चे आहे. म्हणजे कुठलीच व्यक्ती पूर्ण चांगली किंवा पूर्ण वाईट नाहीये त्यात. दुर्दैवाने आपल्याला वाचताना पचत नाही ते. एकच रंग बघायला आणि समजायला सोपा असतो. म्हणूनही काहींना `पर्व ` रुचत नाही. © वीरश्री वैद्य - करंदीकर ...Read more

VAISHAKH
VAISHAKH by RANJEET DESAI Rating Star
Chetan Koli

खूप मस्त आहे हे पुस्तक... छोट्या कथा आहेत, पण लालित्यपूर्ण आहेत.