Dr. L. C. Gupta

About Author

साधारणत: पंधरा वर्षांपूर्वी एका अ‍ॅलोपॅथिक डॉक्टरने डॉ. ए. के. सक्सेना यांना अ‍ॅक्युपे्रशर या तंत्राची माहिती दिली. चंदीगड येथील डॉ. अत्तार सिंग यांनी डॉ. सक्सेना यांना अ‍ॅक्युप्रेशरची कला व तंत्र शिकविले. त्यानंतर अ‍ॅक्युप्रेशरच्या तंत्राचा वापर करून डॉ. सक्सेना यांनी आपले कुटुंबीय व मित्रांवर उपचार करण्यास सुरुवात केली. या उपचाराचे उत्तम परिणाम दिसून आल्यावर त्यांना प्रोत्साहन मिळाले आणि या अपारंपरिक उपचार पद्धतीचा प्रचार करण्यास डॉ. सक्सेना यांनी सुरुवात केली. त्यासाठी त्यांनी इलेक्ट्रॉनिक व प्रिंट प्रसारमाध्यमांचाही उपयोग करून घेतला. या उपचारपद्धतीबाबत सामान्य जनात जनजागृती करण्यासाठी तसेच लोकांना आपल्या आंतरिक शक्तीची जाणीव करून देण्यासाठी ‘रोटरी क्लब ऑफ इंडिया’ने डॉ. सक्सेना यांना मदतीचा हात दिला. डॉ. सक्सेना यांनी २५००पेक्षाही अधिक रुग्णांवर उपचार केले आहेत. हे रुग्ण विविध प्रकारच्या व्याधींनी ग्रस्त झाले होते. त्यांचे रुग्ण हे जवळजवळ सर्व क्षेत्रांशी निगडित होते. अगदी सामान्य माणसे, नोकरशहा, न्यायाधीश, पोलिसदलातील विविध अधिकारी, लष्करी अधिकारी इत्यादी सर्व क्षेत्रातील लोकांनी डॉक्टर सक्सेनांकडून उपचार घेतले आहेत. डॉ. सक्सेना यांनी अनेक लोकांना अ‍ॅक्युप्रेशरचे तंत्र शिकविले आहे. या उपचारपद्धतीस फार मोठे यश मिळाले आहे. या तंत्रास लवकरच उपचारपद्धती म्हणून मान्यता मिळेल. डॉ. सक्सेना यांनी अनेक वरिष्ठ अ‍ॅलोपॅथिक डॉक्टरांवर या तंत्राचा वापर करून यशस्वी उपचार केले आहे. याचा परिणाम म्हणून हे डॉक्टर्सदेखील अ‍ॅक्युप्रेशर या तंत्राचा वापर औषधांच्या जोडीने करण्याबाबत सल्ला देत आहेत. डॉ. एल. सी. गुप्ता – M.D.D.SC (HON) (एम.डी.डी.एससी.(ऑनर्स) • ९६ वैद्यकीय पुस्तके लिहिण्याचा विश्वविक्रम • २००२ साली मिलेनियम मेडिकल ऑथर ऑफ सार्वÂ कन्ट्रीज (SAARC) हा पुरस्कार. • १९८८ साली बी.सी.रॉय नॅशनल अ‍ॅवॉर्ड हा पुरस्कार • १९९३ साली उल्लेखनीय सेवेबद्दल राष्ट्रपती पुरस्कार पदक (PRESIDENTS POLICE MEDAL) मिळाले.
Sort by
Show per page
Items 1 to 1 of 1 total
MIRACULOUS EFFECTS OF ACCUPRESSURE Rating Star
Add To Cart INR 295

Latest Reviews

PARVA
PARVA by DR. S. L. BHYRAPPA Rating Star
Veerashri Vaidya - Karandikar

#पर्व #डॉ_एस_एल_भैरप्पा दैवी चमत्कार , शाप , वर या महाभारतातील गोष्टीना फाटा देत त्यावेळी घडलेल्या घटना , प्रसंग ,परिस्थिती त्याचा वस्तूनिष्ठ अर्थ लावून डॉ भैरप्पा यांनी `पर्व` लिहिले आहे आहे. महत्वाच्या मुख्य पात्रांना माणूस म्हणून मांडले आहे.यासाठी महाभारतातील प्रसंग जिथे जिथे घडले तिथे त्यांनी भेटी दिल्या. अनेक अपरिचित रूढी, परंपरा त्यांना दिसून आल्या ,ज्या महाभारत कालीन जीवनात होत्या. कादंबरीमागील लेखकाचा अभ्यास ,तर्कसुसंगत विश्लेषण अगदी प्रस्तावनेपासून दिसून येते. मूळ महाभारत फार परखड आहे ,ते कोणाचेच गुण -दोष लपवत नाही, अगदी भगवान श्रीकृष्णाचे सुद्धा. व्यासांनी सगळ्या पात्रांबद्दल तटस्थपणे लिहिले आहे. ज्ञानपीठ पुरस्काराने सन्मानित डॉ भैरप्पांनीही नेमका हाच तटस्थपणा कादंबरीतही कायम ठेवला आहे. कोणत्याही एकाच व्यक्तीवरचे लिखाण म्हणजे त्याच्या दृष्टीकोनातून पूर्ण महाभारत बघण्यासारखे होते. यातून त्या पात्राबद्दल गुणांचे उदात्तीकरण आणि त्यामुळे दोष झाकोळणे हे होतेच , पण समग्र वाचले तर कळते महाभारत ग्रे शेड चे आहे , प्रत्येकाचे गुण-दोष असणारे. `पर्व ` ने ही हेच सूत्र कायम राखले आहे. महाभारताच्या व्यक्तिरेखांबाहेर जाणारी वेगळी अशी कोणीही व्यक्ती नाही असे म्हणतात. अगदी खरे आहे. महाभारत हे चिरंतन आहे. आपण सगळेच दैनंदिन आयुष्यात त्यातले कुठले ना कुठले पात्र जगत किंवा वठवत असतो. कधी भीष्म , कधी धृतराष्ट्र तर कधी कृष्ण सुद्धा ! पात्र चांगले किंवा वाईट असं न बघता, ते जे वागले , त्यांनी जे निर्णय घेतले - त्याचे परिणाम कसे झाले ? आपल्याला त्यांच्याकडून अपेक्षित असलेले असे योग्य निर्णय कोणते होते ? तसे योग्य निर्णय आपण दैनंदिन आयुष्यात वेळ आली तर घेतो का ? , घेऊ शकतो का ? याचे चिंतन हेच त्यातून हाती येणारे सार आहे असे मला वाटते . हे नाही जमलं तरी किमान, परीक्षण करून वागणें हे आपल्या हाती नक्कीच आहे. उमा कुलकर्णी यांच्या उत्तम अनुवादामुळे मराठी भाषेत `पर्व` आपल्यापर्यन्त नेमकेपणाने पोहोचले आहे. महाभारत काळे वा पांढरे नाही तर ग्रे शेड चे आहे. म्हणजे कुठलीच व्यक्ती पूर्ण चांगली किंवा पूर्ण वाईट नाहीये त्यात. दुर्दैवाने आपल्याला वाचताना पचत नाही ते. एकच रंग बघायला आणि समजायला सोपा असतो. म्हणूनही काहींना `पर्व ` रुचत नाही. © वीरश्री वैद्य - करंदीकर ...Read more

VAISHAKH
VAISHAKH by RANJEET DESAI Rating Star
Chetan Koli

खूप मस्त आहे हे पुस्तक... छोट्या कथा आहेत, पण लालित्यपूर्ण आहेत.