D T BHOSALE

About Author

Birth Date : 08/05/1936

भोसले यांच्या लहानपणीच, त्यांचे आई-वडील वारल्याने पडेल ती कामे करून शिष्यवृत्त्या मिळवून त्यांनी आपले शिक्षण पूर्ण केले. १९५६ साली एस.एस.सी. परीक्षेत (जुनी मॅट्रिक) ते पंढरपूर केंद्रात सर्वप्रथम आले. त्यानंतर १९६० साली त्यांनी सोलापूर येथील संगमेश्वर कॉलेजमधून बी.ए.ची पदवी प्रथम श्रेणीत संपादित केली. त्यानिमित्ताने त्यांना एक सुवर्णपदक, चार पारितोषिके आणि दोन शिष्यवृत्त्या मिळाल्या. १९६२ साली पुणे विद्यापीठातून उच्च द्वितीय श्रेणीत एम.ए.ची पदवी घेतल्यानंतर, त्यांनी १९७७ साली शिवाजी विद्यापीठातून पी.एचडी. केली. रविकिरण मंडळाची कविता या विषयावर त्यांचा प्रबंध होता. भोसले यांनी सातारा येथील कर्मवीर भाऊराव पाटील यांच्या रयत शिक्षण संस्थेत मराठी विषयाचे प्राध्यापक म्हणून नोकरी केली. त्यानंतर उपप्राचार्य, पदव्युत्तर विभाग प्रमुख, तसेच प्रभारी प्राचार्य म्हणून मंचर (जिल्हा - पुणे) आणि पंढरपूर येथे काम केले. १९९५ साली त्यांनी स्वेच्छानिवृत्ती घेतली. पुरस्कार – चरित्र, कथा, समीक्षा या प्रकारांतील ग्रंथांना महाराष्ट्र शासन, शिवाजी विद्यापीठ, शिवगिरिजा प्रतिष्ठान आणि महाराष्ट्र साहित्य परिषद इत्यादी मान्यवर संस्थांचे पुरस्कार प्राप्त.
Sort by
Show per page
Books not found in this category.

Latest Reviews

RADHEYA
RADHEYA by RANJEET DESAI Rating Star
Vineesh Agale

"राधेय" ही रणजित देसाईची कादंबरी. देसाईंनी एकाकी कर्ण, उपेक्षीत आणि अवमानीत कर्ण, त्याचं वृशालीशी असलेलं नातं, कृष्ण आणि दुर्योधनाशी असलेलं नातं हे सगळं इतक्या कमालीच्या संवेदशीलतेनं चित्रित केलेलं आहे की कर्णाच्या संपूर्ण जीवनालाच एक शोकान्तिकेचं परमाण लाभतं. "मृत्युंजय" वाचनानंतर कर्ण हृदयात घर करून होता पण "राधेयच्या" वाचनानंतर ती जागा अधिक घट्ट झाली आहे. "राधेयच्या" प्रास्ताविकात देसाईंनी म्हटलं आहे की "राधेय" मधला कर्ण महाभारतात शोधायची गरज नाही. प्रत्येकाच्या मनातच तो दडलेला असतो. यावरूनच या कहाणीची सार्वत्रिकता देसाईंनी दाखवून दिली आहे. त्याचं दु:खं, पोरकेपण आणि त्यातून पार होवून उंची गाठणारं त्याचं दातृत्व, व्यक्तित्व याचं एक भव्य, शोकात्म चित्र राधेय मधून उभं राहतं. कर्णाचं जीवनविषयक तत्वज्ञान सर्वाहून वेगळं आहे. कर्ण म्हणतो "आयुष्यात चारित्र्य जपता आलं, उदंड स्नेह संपादन करता आला, मित्रच नव्हे तर शत्रूही तृप्त झालेले पाहिले. वैरभाव पत्करला तोही परमेश्वररूपाशी. यापेक्षा जीवनाचं यश वेगळं काय असतं? कर्णाचं मनस्वी दर्शन घडवणारी, प्रत्येकाने कधीना कधी वाचावी अशी ही कादंबरी. - विनेश आगळे ...Read more

NIGHT
NIGHT by ELIE WIESEL Rating Star
Suhas Birhade

नाईट- पिता पुत्राचा मृत्यूशी संघर्ष नाझींच्या क्रूरतेच्या, नरसंहाराच्या घटना काळजाचा थरकाप उडवतात, अंगावर शहारे आणतात. नाझींच्या छळछावणीतून बचावलेल्या एली वायझल यांनी लिहिलेले ‘नाईट’ हे पुस्तक देखील वाचताना सुन्न करून जातं. १५ वर्षांचें असताना एलीयांना कुटुंबासह छळछावणीत डांबण्यात आलं. एली आणि त्यांच्या वडीलांचा प्रत्येक क्षणी मृत्यूशी सामना सुरू होता. या संकटसमयी किशोरवयीन मुलगा आणि त्याच्या वडिलांच्या अतूट नात्याची हृदयस्पर्शी कहाणी या पुस्तकातून उलगडते. नाझींच्या छळछावण्या, ज्यू लोकांच्या निर्दयी कत्तली याविषयी अनेक पुस्तके, सिनेमे आहेत. ‘नाईट’ पुस्तकात वडील आणि मुलाच्या नात्याची करूण किनार दिसते. मृत्यूच्या नरकात एकमेकांनी जिवंत रहावे म्हणून दोघांची चालेलली धडपड, हतबलता वाचकांना बधीर करते. मृत्यू एकेक दिवस पुढे ढकल्यासाठी पिता पुत्रांचा संघर्ष सुरू असतो. एकेक प्रसंग काळजाचा ठाव घेतात. त्या कोवळ्या वयात एली यांच्यातील तीव्र इच्छाशक्ती मृत्यूवर मात करते. पुस्तकातील घटनांची कल्पना करवत नाही, एवढ्या भयंकर आहेत. कुठल्याही क्षणी जिवंत भट्टीत टाकले जाईल, गोळ्या घातल्या जातील हे माहित असताना दुदर्म्य इच्छाशक्तीच्या बळावर तग धरून राहत जगण्यासाठीचा संघर्ष सुरू असतो. एली वायझेल यांना शांततेचा नोबेल पुरस्कार मिळाला आहे. त्यांनी पुढे अनेक पुस्तके लिहिली आहेत. ...Read more